ᠭᠡᠷᠡᠯᠲᠦ ᠰᠤᠪᠤᠳ– ᠰᠢᠯᠢ ᠶᠢᠨ ᠬᠣᠲᠠ ᠮᠢᠨᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷГэрэлт сувд– шилийн хот минь – Ёндоны Билиг - Баатар
304ᠭᠡᠷᠡᠯᠲᠦ ᠰᠤᠪᠤᠳ– ᠰᠢᠯᠢ ᠶᠢᠨ ᠬᠣᠲᠠ ᠮᠢᠨᠢ
ᠪᠦᠬᠦᠯᠢ ᠪᠦᠲᠦᠨ ᠳᠥᠴᠢᠨ ᠵᠢᠯ ᠦ᠋ᠨ ᠲᠤᠷᠰᠢ
ᠪᠦᠬᠦᠢᠯᠡ ᠡᠨᠡᠷᠢᠯ ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ ᠯᠠ
ᠪᠦᠲᠦᠯ ᠦᠭᠡᠢ ᠭᠠᠢᠬᠠᠯ ᠨᠠᠮᠠ ᠶ᠋ᠢ ᠪᠠᠨ ᠯᠠ
ᠪᠦᠪᠡᠢᠯᠡᠩᠭᠡᠨ ᠠᠷᠭᠠᠳᠠᠩᠬᠠᠨ ᠬᠠᠮᠠᠭᠠᠯᠠᠭᠰᠠᠨ
ᠠᠯᠲᠠᠨ ᠬᠢᠯᠢ ᠶ᠋ᠢᠨ ᠠᠯᠳᠠᠷᠲᠤ ᠵᠠᠯᠠᠭᠤ ᠬᠣᠲᠠ
ᠠᠮᠢ ᠨᠠᠰᠤᠨ ᠤ᠋ ᠮᠢᠨᠢ ᠮᠥᠩᠬᠡ ᠰᠠᠬᠢᠶᠠ
ᠭᠤᠷᠪᠠᠨ ᠭᠡᠷᠭᠡᠢ ᠬᠣᠶᠠᠷ ᠦᠷᠡ ᠶ᠋ᠢ ᠮᠢᠨᠢ
ᠭᠣᠣᠯ ᠵᠢᠷᠦᠬᠡ ᠲᠡᠢ ᠮᠢᠨᠢ ᠨᠢᠭ᠋ ᠬᠣᠯᠪᠣᠭᠰᠠᠨ
ᠭᠠᠩᠭᠠᠩ ᠪᠠᠳᠠᠷᠠᠩᠭᠤᠢ ᠶ᠋ᠢᠨ ᠲᠡᠭᠦᠯᠲᠡᠢ ᠲᠤᠢᠯ
ᠮᠠᠨᠳᠤᠬᠤ ᠨᠠᠷᠠᠨ ᠤ᠋ ᠱᠠᠯ ᠵᠥᠭᠡᠯᠡᠨ ᠥᠯᠥᠭᠡᠢ
ᠮᠡᠯᠮᠡᠢ ᠲᠤᠩᠭᠠᠯᠠᠭ ᠰᠢᠯᠢ ᠶ᠋ᠢᠨ ᠬᠣᠲᠠ ᠮᠢᠨᠢ
ᠭᠠᠪ ᠭᠠᠰᠢᠭᠤᠨ ᠤᠲᠤᠭᠠᠨ ᠪᠣᠬᠢᠷᠲᠤᠯ ᠦᠭᠡᠢ
ᠮᠠᠭᠰᠢᠬᠤ ᠪᠥᠬᠡ ᠶ᠋ᠢᠨ ᠪᠤᠮᠠᠨ ᠳᠠᠪᠢᠯᠲᠠ ᠲᠠᠢ
ᠮᠡᠷᠭᠡᠳ ᠦ᠋ᠨ ᠴᠠᠮᠬᠠᠭ ᠰᠢᠯᠢ ᠶ᠋ᠢᠨ ᠬᠣᠲᠠ ᠠ᠋
ᠲᠦᠷ ᠪᠠᠶᠠᠷᠲᠠᠢ! ᠲᠦᠮᠡᠨᠲᠡ ᠲᠠᠯᠠᠷᠬᠠᠶᠠ!
ᠲᠣᠯᠣᠭᠠᠢ ᠪᠤᠭᠤᠷᠤᠯ ᠪᠢᠴᠢᠬᠠᠨ ᠬᠥᠪᠡᠭᠦᠨ ᠴᠢᠨᠢ
ᠯ᠂ ᠲᠤᠯᠰᠲ᠋ᠣᠢ ᠰᠢᠭ᠋ ᠭᠢᠯᠠᠷᠠᠭᠠ ᠦᠭᠡᠢ
ᠯᠧᠨᠢᠨ ᠨᠥᠬᠥᠷ ᠰᠢᠭ ᠲᠣᠮᠣᠷᠠᠭᠠ ᠦᠭᠡᠢ
ᠷᠣᠮᠠᠨ᠂ ᠷᠤᠯᠠᠨ ᠰᠢᠭ᠋ ᠮᠤᠨᠳᠠᠭᠯᠠᠭᠠ ᠦᠭᠡᠢ᠂
ᠷᠠᠰᠤᠯ᠂ ᠭᠠᠮᠽᠣᠲ᠋ᠣᠪ ᠰᠢᠭ᠋ ᠯᠡ ᠠᠮᠢᠳᠤᠷᠠᠨᠠᠮ
ᠠᠪᠤ ᠶ᠋ᠢᠨ ᠦᠨᠦᠷᠲᠡᠢ ᠡᠵᠢ ᠶ᠋ᠢᠨ ᠰᠥᠳᠡᠢ
ᠠᠪᠤᠷᠠᠯ ᠠᠴᠢᠯᠠᠯ ᠤ᠋ᠨ ᠨᠢᠭᠦᠯᠡᠰᠦᠩᠭᠦᠢ ᠲᠡᠭᠷᠢ
ᠠᠭᠤᠤ ᠶᠡᠬᠡ ᠰᠢᠯᠢ ᠶ᠋ᠢᠨ ᠬᠣᠲᠠ ᠮᠢᠨᠢ ᠠ᠋
ᠠᠮᠧᠷᠢᠺᠠ᠂ ᠢᠲ᠋ᠠᠯᠢ᠂ ᠴᠢᠯᠢ᠂ ᠶᠠᠫᠣᠨ ᠭᠡᠳ ᠯᠡ
ᠠᠯᠢ ᠴᠦ᠍ ᠤᠯᠤᠰ ᠠ᠋ᠴᠠ ᠪᠢ ᠢᠷᠡᠬᠦ ᠪᠠᠢᠯᠭᠦᠢ
ᠠᠬᠢᠨ ᠳᠠᠬᠢᠨ ᠲᠠᠩᠳᠠ ᠯᠠ ᠲᠠᠨ ᠢ᠋ ᠪᠡᠨ
ᠠᠢᠬᠤᠪᠲᠤᠷ ᠰᠠᠨᠠᠬᠤ ᠳ᠋ᠠᠭᠠᠨ ᠡᠷᠭᠢᠬᠦ ᠪᠡᠷ ᠯᠡ
ᠠᠭᠲᠠ ᠶ᠋ᠢᠨ ᠵᠢᠯᠣᠭᠣ ᠰᠤᠩᠭᠠᠩᠬᠠᠨ ᠢᠷᠡᠨᠡᠮ
᠁ ᠦᠨᠡᠨ ᠢ᠋ ᠰᠢᠭᠤᠳ ᠬᠡᠯᠡᠪᠡᠯ ᠳᠧ ᠠ᠋
ᠦᠵᠡᠵᠦ ᠲᠣᠭᠣᠷᠢᠬᠤ ᠪᠠᠷ ᠮᠠᠭᠠᠳ ᠯᠠ
ᠥᠨᠥᠴᠢᠨ ᠡᠯᠢᠭᠡ ᠪᠡᠨ ᠥᠨᠳᠡᠯᠵᠡᠭᠦᠯᠦᠨ
ᠥᠨᠳᠡᠭᠡ ᠪᠡᠨ ᠡᠷᠢᠭᠡᠳ ᠢᠷᠡᠨᠡ ᠰᠢᠦ
ᠬᠦᠢ ᠶ᠋ᠢ ᠮᠢᠨᠢ ᠳᠠᠷᠤᠭᠰᠠᠨ ᠥᠭᠡᠬᠦᠨ ᠴᠢᠯᠠᠭᠤ
ᠬᠥᠬᠡ ᠬᠣᠯᠠᠬᠢ ᠠᠲᠠᠷᠭᠠᠨ ᠳ᠋ᠤ᠌ ᠮᠢᠨᠢ ᠪᠣᠢ!
ᠬᠣᠯᠠᠳᠠᠯᠠ ᠬᠣᠯᠠᠳᠠᠯᠠ ᠭᠡᠳ ᠪᠢ ᠬᠥᠭᠡᠷᠦᠬᠦᠢ
ᠬᠠᠮᠢᠭᠠ ᠯᠠ ᠤᠳᠠᠭᠠᠨ ᠰᠠᠭᠤᠬᠤ ᠶᠤᠮ ᠳᠠ
ᠪᠠᠶᠠᠷᠲᠠᠢ ᠭᠡᠷᠡᠯᠲᠦ ᠰᠤᠪᠤᠳ ᠮᠢᠨᠦ ᠁
ᠲᠠᠯᠠᠷᠬᠠᠭᠰᠠᠨ ᠰᠢᠦ! ᠰᠢᠯᠢ ᠶ᠋ᠢᠨ ᠬᠣᠲᠠ ᠮᠢᠨᠢ
2024᠂ 08᠂ 17᠃ 23:29᠃ ᠮᠢᠨᠦ᠋ᠲ᠃
ᠰᠢᠯᠢ ᠶᠢᠨ ᠬᠣᠲᠠ ᠠᠴᠠ ᠬᠥᠬᠡᠬᠣᠲᠠ ᠬᠦᠷᠬᠦ
ᠬᠤᠷᠳᠤᠨ ᠤ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ ᠯᠠ
ᠰᠡᠳᠬᠢᠯ ᠶᠡᠬᠡᠳᠡ ᠢᠭᠳᠦᠯᠡᠩᠬᠡᠨ ᠬᠢᠨᠠᠮᠠᠭᠠᠢ
ᠬᠢᠴᠢᠶᠡᠩᠭᠦᠢ ᠳᠠᠷᠤᠤᠬᠠᠨ ᠯᠠ ᠪᠦᠲᠦᠭᠡᠪᠡ᠃