ᠬᠥᠥᠭ ᠭᠦᠦᠭ᠂ ᠰᠥᠬᠥ ᠰᠥᠬᠥ - ᠪᠤᠮᠠᠨ ᠤ᠋ ᠭᠣᠩᠭᠣᠷХөөг хөөг, сөөг сөөг-Бумны Гонгор
261 ᠪᠤᠮᠠᠨ ᠤ᠋ ᠭᠣᠩᠭᠣᠷ
ᠤᠯᠠᠭᠠᠨ ᠨᠣᠭᠲᠣ ᠲᠠᠢ ᠲᠣᠷᠣᠮ ᠢ᠋ᠶ᠋ᠠᠨ ᠰᠦᠭᠯᠡᠪᠡ
ᠤᠭᠠᠯᠵᠠᠨ ᠬᠡ ᠲᠡᠢ ᠳᠤᠬᠤᠰᠢ ᠪᠠᠨ ᠲᠣᠬᠣᠪᠠ
ᠤᠷᠲᠤ ᠰᠣᠯᠤᠭ ᠲᠠᠢ ᠲᠠᠰᠢᠭᠤᠷ ᠢ᠋ᠶ᠋ᠠᠨ ᠪᠠᠷᠢᠪᠠ
ᠤᠷᠠᠨ ᠪᠦᠬᠦᠨ ᠦ᠌ ᠬᠢᠨᠢ ᠬᠣᠭᠣᠷᠣᠨᠳᠣ ᠲᠣᠭᠯᠠᠪᠠ
ᠲᠣᠷᠤᠮᠠᠨ ᠰᠢᠷᠠ ᠮᠢᠨᠢ
ᠭᠦᠦᠭ ᠭᠦᠦᠭ!
ᠲᠣᠩᠭᠣᠴᠢᠪᠠᠯ ᠲᠣᠩᠭᠣᠴᠢ
ᠭᠦᠦᠭ ᠬᠥᠥᠭ!
ᠪᠦᠢᠯᠡᠰᠦ ᠬᠠᠢᠯᠠᠰᠤ ᠳᠤᠮᠳᠠᠭᠤᠷ
ᠪᠤᠯᠴᠢᠩ ᠪᠣᠯᠵᠢᠩ ᠲᠣᠢᠯᠠᠪᠠ᠂
ᠪᠤᠲᠠᠷᠭᠠᠨᠠ ᠬᠠᠷᠭᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢ
ᠪᠤᠳᠠᠷᠠᠭᠠᠨ ᠪᠤᠲᠠᠷᠠᠭᠠᠨ ᠲᠣᠢᠯᠠᠪᠠ
ᠲᠣᠣᠷᠠᠢ ᠲᠣᠬᠣᠢ ᠶ᠋ᠢᠨ ᠳᠤᠮᠳᠠᠭᠤᠷ
ᠲᠣᠩᠭᠣᠴᠢᠨ ᠲᠣᠩᠭᠣᠴᠢᠨ ᠲᠣᠢᠯᠠᠪᠠ
ᠲᠣᠭᠣᠷᠢᠮ ᠭᠠᠵᠠᠷ ᠤ᠋ᠨ ᠬᠥᠷᠥᠰᠥ ᠶ᠋ᠢ
ᠲᠣᠭᠣᠰᠣᠯᠠᠨ ᠲᠣᠭᠣᠰᠣᠯᠠᠨ ᠲᠣᠢᠯᠠᠪᠠ᠃
ᠵᠠᠭ ᠮᠣᠳᠣᠨ ᠳᠤᠮᠳᠠᠭᠤᠷ
ᠵᠠᠢᠯᠠᠨ ᠵᠠᠢᠯᠠᠨ ᠲᠣᠢᠯᠠᠪᠠ
ᠵᠠᠮ ᠪᠠᠢᠬᠤ ᠦᠭᠡᠢ ᠭᠠᠵᠠᠷ ᠢ᠋ᠶ᠋ᠠᠷ
ᠬᠡᠢᠯᠡᠨ ᠬᠡᠢᠯᠡᠨ ᠲᠣᠢᠯᠠᠪᠠ
ᠲᠣᠷᠤᠮᠠᠨ ᠰᠢᠷᠠ ᠮᠢᠨᠢ
ᠰᠥᠬᠥ᠂ ᠰᠥᠬᠥ!
ᠲᠣᠩᠭᠣᠴᠢᠬᠤ ᠪᠠᠨ ᠪᠣᠯᠢ ᠳᠠ
ᠰᠥᠬᠥ᠂ ᠰᠥᠬᠥ!
1982 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡ᠊᠂ ᠭᠤᠸᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ