ᠪᠦᠬᠦ ᠵᠦᠢᠯ ᠳ᠋ᠦ᠍ ᠪᠠᠶᠠᠷᠯᠠᠯᠠБөх зүйлд баярлалаа
438ᠪᠦᠬᠦ ᠵᠦᠢᠯ ᠳ᠋ᠦ᠍ ᠪᠠᠶᠠᠷᠯᠠᠯᠠ
ᠬᠣᠷᠸᠠ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠨᠠᠨᠳᠢᠨ ᠴᠠᠭ ᠮᠥᠴᠡ ᠪᠣᠯ ᠬᠠᠢᠷᠠᠲᠤ ᠬᠥᠮᠦᠰ ᠲᠡᠢ ᠪᠡᠨ ᠬᠠᠮᠲᠤ ᠪᠠᠢᠬᠤ ᠦᠶᠡ ᠮᠥᠨ᠃
ᠬᠥᠮᠦᠨ ᠢ᠋ ᠪᠦᠦ ᠰᠡᠵᠢᠭᠯᠡ ᠢᠲᠡᠭᠡᠵᠦ ᠠᠮᠢᠳᠤᠷᠠ᠂ ᠢᠲᠡᠭᠡᠯ ᠪᠣᠯ ᠵᠠᠮ ᠶᠤᠮ᠃
ᠬᠥᠮᠦᠨ ᠦ᠌ ᠬᠠᠮᠤᠭ ᠤ᠋ᠨ ᠶᠡᠬᠡ ᠠᠮᠵᠢᠯᠲᠠ ᠪᠣᠯ ᠢᠯᠠᠭᠳᠠᠯ ᠤ᠋ᠨ ᠡᠮᠦᠨᠡ ᠪᠣᠰᠴᠤ ᠵᠣᠭᠰᠣᠬᠤ ᠳ᠋ᠤ᠌ ᠪᠣᠢ᠃
ᠬᠥᠮᠦᠨ ᠤᠬᠠᠭᠠᠷᠠᠬᠤ ᠲᠣᠰᠤᠮ ᠪᠤᠰᠤᠳ ᠤ᠋ᠨ ᠭᠡᠮ ᠢ᠋ ᠠᠭᠤᠴᠢᠯᠠᠬᠤ ᠪᠣᠯᠤᠨᠠ᠃
ᠬᠥᠮᠦᠨ ᠪᠣᠯᠭᠠᠨ ᠤ᠋ ᠦᠷᠡ ᠳ᠋ᠦᠩ ᠪᠣᠯ ᠥᠪᠡᠷ ᠢ᠋ ᠪᠡᠨ ᠱᠠᠭᠠᠷᠳᠠᠭᠰᠠᠨ ᠤ᠋ ᠬᠢᠷᠢ ᠬᠡᠮᠵᠢᠶᠡ ᠮᠥᠨ᠃ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠣᠯ ᠰᠡᠳᠬᠢᠬᠦ ᠬᠣᠷᠣᠮ ᠵᠠᠢ ᠰᠤᠷᠠᠭ ᠳᠣᠬᠢᠶᠠᠨ ᠤ᠋ ᠬᠣᠯᠪᠣᠯᠲᠠ ᠶᠤᠮ᠃
ᠬᠥᠮᠦᠨ ᠦ᠌ ᠪᠣᠯᠪᠠᠰᠤᠷᠠᠯ ᠪᠣᠯ ᠨᠡᠢᠭᠡᠮ ᠦ᠋ᠨ ᠠᠮᠤᠷ ᠲᠣᠭᠲᠠᠭᠤᠨ ᠬᠥᠭᠵᠢᠯ ᠪᠠᠳᠠᠷᠠᠯ ᠤ᠋ᠨ ᠰᠠᠭᠤᠷᠢ ᠮᠥᠨ᠃
ᠬᠥᠮᠦᠨ ᠬᠥᠮᠦᠨ ᠢ᠋ᠶ᠋ᠡᠨ ᠪᠦᠦ ᠮᠠᠭᠤᠯᠠ ᠰᠡᠳᠬᠢᠯ ᠭᠣᠮᠣᠳᠠᠨᠠ᠃
※ᠰᠤᠷᠭᠠᠯ ᠦᠭᠡᠰ
ᠠᠮᠠ ᠪᠠᠷ ᠵᠢᠮᠡᠯᠡᠭᠰᠡᠨ ᠦᠭᠡ ᠴᠢᠬᠢᠨ ᠳ᠋ᠦ᠍ ᠬᠣᠩᠬᠣ ᠪᠣᠯᠳᠠᠭ
ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠤᠷᠭᠠᠭᠰᠠᠨ ᠦᠭᠡ ᠵᠢᠷᠦᠬᠡᠨ ᠳ᠋ᠦ᠍ ᠲᠠᠮᠢᠷ ᠪᠣᠯᠳᠠᠭ
ᠮᠢᠨᠦ ᠬᠠᠮᠤᠭ ᠤ᠋ᠨ ᠵᠢᠷᠭᠠᠯ ᠲᠠᠢ ᠮᠥᠴᠡ ᠪᠣᠯ ᠲᠥᠷᠥᠯᠬᠢ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠶᠠᠷᠢᠵᠤ ᠪᠢᠴᠢᠵᠦ ᠤᠩᠰᠢᠬᠤ ᠦᠶᠡ ᠪᠣᠯᠤᠨᠠ᠃
ᠨᠠᠷᠠ ᠲᠤᠰᠬᠤ ᠳ᠋ᠤ᠌ ᠪᠠᠨ ᠬᠥᠮᠦᠨ ᠦ᠌ ᠨᠢᠷᠤᠭᠤᠨ ᠳ᠋ᠤ᠌ ᠪᠢᠰᠢ ᠵᠢᠷᠦᠬᠡᠨ ᠳ᠋ᠦ᠍ ᠲᠣᠰᠳᠠᠭ᠃
ᠳᠠᠪᠠᠯᠭᠠᠨ ᠬᠡᠳᠦᠢ ᠶᠡᠬᠡ ᠴᠤ᠌ ᠣᠩᠭᠣᠴᠠᠨ ᠳᠣᠣᠷᠠ ᠠᠭᠤᠯᠠ ᠬᠡᠳᠦᠢ ᠥᠨᠳᠥᠷ ᠪᠣᠯᠪᠠᠴᠤ ᠤᠯᠠ ᠶ᠋ᠢᠨ ᠳᠣᠣᠷᠠ
ᠦᠨᠡᠨ ᠨᠢ ᠴᠡᠪᠡᠷ ᠪᠣᠯ ᠲᠡᠷᠡ ᠬᠥᠮᠦᠨ ᠦ᠌ ᠵᠠᠶᠠᠭᠠ ᠨᠢ ᠴᠡᠪᠡᠷ᠃
ᠬᠡᠵᠢᠶᠡ ᠴᠦ᠍ ᠭᠡᠰᠡᠨ ᠥᠪᠡᠷ ᠦ᠋ᠨ ᠪᠠᠶᠠᠨ ᠳ᠋ᠤ᠌ ᠪᠠᠨ ᠢᠲᠡᠭᠡᠯ ᠬᠠᠢᠷᠠᠯᠠ᠂ ᠲᠡᠭᠡᠪᠡᠯ ᠭᠠᠢᠬᠠᠮᠰᠢᠭ ᠴᠢᠮᠠ ᠳ᠋ᠤ᠌ ᠢᠷᠡᠨᠡ᠃
ᠬᠥᠮᠦᠨ ᠬᠣᠨᠵᠢᠭᠠᠳ ᠪᠠᠶᠠᠵᠢᠳᠠᠭ ᠦᠭᠡᠢ ᠬᠠᠷᠢᠨ ᠠᠷᠪᠢᠯᠠᠪᠠᠯ ᠪᠠᠶᠠᠵᠢᠳᠠᠭ᠃
ᠡᠴᠢᠭᠡ ᠬᠥᠮᠦᠨ ᠨᠣᠮ ᠤᠩᠰᠢᠪᠠᠯ ᠥᠷᠭᠡᠨ ᠬᠠᠷᠠᠭᠠ ᠲᠡᠯᠡᠭᠳᠡᠳᠡᠭ
ᠡᠬᠡ ᠬᠥᠮᠦᠨ ᠨᠣᠮ ᠤᠩᠰᠢᠪᠠᠯ ᠤᠳᠤᠮ ᠦᠷᠡ ᠬᠡᠬᠡᠷᠡᠳᠡᠭ
ᠦᠷᠡ ᠬᠡᠦᠬᠡᠳ ᠨᠣᠮ ᠤᠩᠰᠢᠪᠠᠯ ᠢᠷᠡᠬᠦ ᠮᠠᠷᠭᠠᠰᠢ ᠰᠠᠷᠠᠭᠤᠯᠵᠢᠳᠠᠭ᠃
ᠵᠣᠷᠢᠭᠲᠠᠢ ᠰᠠᠢᠨ ᠡᠷᠡ ᠬᠥᠮᠦᠨ ᠵᠥᠪ ᠢ᠋ ᠳᠠᠭᠠᠵᠤ ᠪᠤᠷᠤᠭᠤ ᠶ᠋ᠢ ᠵᠢᠭᠰᠢᠪᠡᠯ ᠵᠣᠷᠢᠭᠰᠠᠨ ᠳ᠋ᠤ᠌ ᠪᠠᠨ ᠬᠥᠷᠥᠮᠦᠢ᠃— ᠴᠢᠩᠭᠢᠰ ᠬᠠᠭᠠᠨ
ᠬᠠᠷᠢᠯᠴᠠᠬᠤ ᠨᠢ ᠮᠡᠨᠳᠦᠯᠡᠬᠦ ᠡᠴᠡ ᠡᠬᠢᠯᠡᠳᠡᠭ
ᠬᠠᠮᠲᠤᠷᠠᠬᠤ ᠨᠢ ᠲᠤᠰᠠᠯᠠᠬᠤ ᠠ᠋ᠴᠠ ᠡᠬᠢᠯᠡᠳᠡᠭ
ᠬᠠᠢᠷᠠᠯᠠᠬᠤ ᠨᠢ ᠬᠦᠨᠳᠦᠯᠡᠬᠦ ᠡᠴᠡ ᠡᠬᠢᠯᠡᠳᠡᠭ᠃
ᠤᠴᠢᠷ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠰᠤᠷᠭᠠᠯ ᠦᠭᠡ ᠬᠡᠯᠡᠬᠦ ᠨᠢ ᠤᠷᠭᠤᠴᠠ ᠮᠠᠭᠤ ᠲᠠᠢ ᠭᠠᠵᠠᠷ ᠲᠠᠷᠢᠶᠠ ᠬᠠᠶᠠᠭᠰᠠᠨ ᠲᠠᠢ ᠠᠳᠠᠯᠢ᠃
ᠠᠬᠠ ᠡᠭᠡᠴᠢ ᠳᠡᠭᠦᠦ ᠨᠠᠷ ᠪᠣᠯ ᠴᠤᠪᠤᠷᠠᠯ ᠪᠢᠴᠢᠭ ᠶᠦᠮ
ᠠᠨᠳᠠ ᠨᠠᠢᠵᠠ ᠨᠥᠬᠥᠳ ᠪᠣᠯ ᠯᠠᠪᠯᠠᠬᠤ ᠪᠢᠴᠢᠭ ᠶᠦᠮ
ᠠᠵᠠᠢ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠪᠣᠯ ᠲᠡᠦᠬᠡ ᠶ᠋ᠢᠨ ᠪᠢᠴᠢᠭ ᠶᠦᠮ
ᠠᠪᠢᠶᠠᠰ ᠪᠢᠯᠢᠭᠲᠦ ᠡᠷᠳᠡᠮᠲᠡᠳ ᠪᠣᠯ ᠲᠣᠯᠢ ᠪᠢᠴᠢᠭ ᠶᠦᠮ᠃
ᠠᠯᠬᠤᠳᠠᠯ ᠳᠡᠭᠡᠷᠡ ᠴᠢᠨᠢ ᠴᠡᠴᠡᠭ ᠳᠡᠯᠭᠡᠷ
ᠠᠯᠠᠭᠠᠨ ᠳᠡᠭᠡᠷᠡ ᠴᠢᠨᠢ ᠡᠷᠳᠡᠨᠢ ᠳᠡᠯᠭᠡᠷ
ᠡᠭᠦᠳᠡᠨ ᠳᠡᠭᠡᠷᠡ ᠴᠢᠨᠢ ᠪᠤᠶᠠᠨ ᠳᠡᠯᠭᠡᠷ
ᠠᠵᠢᠯ ᠳᠡᠭᠡᠷᠡ ᠴᠢᠨᠢ ᠠᠮᠵᠢᠯᠲᠠ ᠳᠡᠯᠭᠡᠷ
ᠢᠷᠡᠯᠲᠡ᠄ ᠰᠦᠯᠵᠢᠶᠡᠨ ᠡᠴᠡ ᠲᠡᠭᠦᠵᠦ ᠰᠡᠢᠷᠡᠭᠦᠯᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ
ᠬᠢᠨᠠᠯᠲᠠ᠄ ᠭᠠᠷᠮᠠ