ᠠᠪᠤᠷᠭᠤ ᠶ᠋ᠢᠨ ᠥᠯᠥᠭᠡᠢ- ᠦᠵᠦᠮᠦᠴᠢᠨ -ᠳ᠂ ᠪᠠᠭᠠᠲᠤᠷАваргын өлгий- Үзэмчин Д,Баатар
2842ᠠᠪᠤᠷᠭᠤ ᠶ᠋ᠢᠨ ᠥᠯᠥᠭᠡᠢ- ᠦᠵᠦᠮᠦᠴᠢᠨ
ᠳ᠂ ᠪᠠᠭᠠᠲᠤᠷ
ᠰᠠᠢᠬᠠᠨᠳᠠᠯᠠᠢ ᠤᠶᠠᠩᠭᠠᠯᠠᠪᠠ
ᠥᠨᠢ ᠡᠷᠲᠡᠨ ᠦ᠌ ᠰᠢᠪᠰᠢᠯᠭᠡ ᠨᠡᠭᠦᠳᠡᠯ ᠦ᠋ᠨ ᠲᠣᠭᠣᠰᠣ ᠲᠠᠢ ᠵᠢᠩᠰᠡᠷᠡᠨᠡ
ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠤ᠋ ᠳᠦᠭᠦᠷᠡᠩᠵᠠᠭᠠᠨ ᠠᠷᠠᠳ ᠤ᠋ᠨ ᠢ᠋ᠶ᠋ᠠᠨ ᠳᠠᠭᠤᠨ ᠠ᠋ᠴᠠ ᠲᠣᠳᠣᠷᠠᠨᠠ
ᠥᠩᠭᠡ ᠥᠩᠭᠡ ᠶ᠋ᠢᠨ ᠵᠠᠩᠭᠢᠶᠠ ᠪᠠᠷ ᠳᠣᠮᠣᠭ ᠦᠨᠡᠨ ᠢ᠋ ᠴᠥᠷᠬᠦᠯᠡᠭᠰᠡᠨ
ᠦᠶᠡ ᠦᠶᠡ ᠶ᠋ᠢᠨ ᠪᠥᠬᠡᠴᠦᠳ ᠬᠡᠢᠮᠣᠷᠢ ᠰᠡᠷᠭᠦᠭᠡᠵᠦ ᠳᠡᠪᠢᠵᠡᠭᠡᠨᠡ
ᠠᠢ ᠬᠦ ᠦᠵᠦᠮᠦᠴᠢᠨ— ᠠᠪᠤᠷᠭᠤ ᠶ᠋ᠢᠨ ᠳᠡᠪᠢᠯᠭᠡ ᠲᠡᠢ
ᠠᠢ ᠬᠦ ᠦᠵᠦᠮᠦᠴᠢᠨ— ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠦᠵᠦᠮᠦᠴᠢᠨ ᠠ᠋
ᠥᠪᠥᠷ ᠠᠷᠤ ᠶ᠋ᠢ ᠰᠤᠨᠳᠠᠯᠠᠭᠰᠠᠨ ᠡᠭᠦᠷ ᠰᠡᠭᠦᠯᠲᠦ ᠶ᠋ᠢᠨ ᠳᠣᠮᠣᠭ ᠨᠢ
ᠦᠦᠷ ᠦ᠋ᠨ ᠬᠢᠷᠠᠭᠠ ᠶ᠋ᠢ ᠢᠷᠠᠭᠰᠠᠨ ᠮᠣᠷᠢᠳ ᠤ᠋ᠨ ᠭᠠᠷᠤᠭᠠᠨ ᠠ᠋ᠴᠠ ᠰᠢᠷᠤᠩᠬᠠᠢᠯᠠᠨᠠ
ᠡᠭᠦᠯᠡ ᠲᠡᠢ ᠨᠠᠷᠠ ᠲᠠᠢ ᠣᠷᠴᠢᠯᠠᠩ ᠳ᠋ᠤ᠌ ᠮᠣᠩᠭᠣᠯ ᠤ᠋ᠨ ᠵᠢᠪᠬᠤᠭᠠ ᠶ᠋ᠢ ᠪᠠᠳᠠᠷᠠᠭᠠᠭᠰᠠᠨ
ᠦᠯᠢᠭᠡᠷ ᠦ᠋ᠨ ᠶᠤᠮᠰᠢᠭ ᠥᠴᠥᠭᠡᠳᠦᠷ ᠵᠢᠷᠦᠬᠡᠨ ᠳ᠋ᠦ᠍ ᠣᠢᠷᠠᠬᠠᠨ ᠰᠠᠨᠠᠭᠳᠠᠨᠠ
ᠠᠢ ᠬᠦ ᠦᠵᠦᠮᠦᠴᠢᠨ— ᠠᠳᠤᠭᠤᠨ ᠤ᠋ ᠦᠦᠷᠰᠡᠭᠡ ᠲᠡᠢ
ᠠᠢ ᠬᠦ ᠦᠵᠦᠮᠦᠴᠢᠨ— ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠦᠵᠦᠮᠦᠴᠢᠨ ᠠ᠋
ᠡᠷᠡ ᠶ᠋ᠢᠨ ᠴᠡᠴᠡ ᠶ᠋ᠢ ᠰᠢᠯᠭᠠᠭᠰᠠᠨ ᠡᠷᠴᠢᠲᠦ ᠰᠤᠮᠤᠨ ᠤ᠋ ᠢᠰᠬᠡᠷᠦᠭᠡᠨ ᠡᠴᠡ
ᠡᠷᠡᠬᠡᠢ ᠮᠡᠷᠭᠡᠨ ᠰᠤᠷᠴᠢᠳ ᠤ᠋ᠨ ᠠᠭᠠᠷᠬᠠᠯ ᠴᠠᠯᠭᠢᠨ ᠰᠣᠨᠣᠰᠤᠭᠳᠠᠨᠠ
ᠡᠷᠲᠡᠨ ᠢ᠋ ᠡᠳᠦᠭᠡ ᠳ᠋ᠦ᠍ ᠬᠠᠷᠠᠭᠤᠯᠤᠭᠰᠠᠨ ᠶᠡᠬᠡ ᠨᠠᠢᠷ ᠤ᠋ᠨ ᠳᠡᠪᠵᠢᠶᠡᠨ ᠡᠴᠡ
ᠡᠷᠡᠯᠬᠡᠭ ᠮᠣᠩᠭᠣᠯ ᠳᠠᠢᠴᠢᠳ ᠤ᠋ᠨ ᠤᠤᠬᠠᠢ ᠶ᠋ᠢᠨ ᠳᠠᠭᠤᠨ ᠴᠤᠤᠷᠢᠶᠠᠲᠤᠨᠠ
ᠠᠢ ᠬᠦ ᠦᠵᠦᠮᠦᠴᠢᠨ— ᠰᠤᠷᠴᠢᠳ ᠤ᠋ᠨ ᠵᠢᠪᠬᠤᠭᠠ ᠲᠠᠢ
ᠠᠢ ᠬᠦ ᠦᠵᠦᠮᠦᠴᠢᠨ— ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠦᠵᠦᠮᠦᠴᠢᠨ ᠠ᠋
2005 ᠣᠨ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ
ᠦᠰᠦᠭ ᠬᠠᠲᠠᠭᠴᠢ᠄ ᠣᠳᠬᠣᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠷ᠂ ᠴᠢᠷᠮᠠᠢᠯᠲᠤ