ᠬᠠᠮᠤᠭ ᠰᠠᠢᠬᠠᠨ ᠮᠣᠷᠢ - ᠭᠣᠮᠪᠤᠰᠦ᠋ᠷᠦᠩ ᠦ᠋ᠨ ᠪᠠᠲᠤ Хамаг сайхан морь-Гомбосүрэнгийн Бат
317 ᠭᠣᠮᠪᠤᠰᠦ᠋ᠷᠦᠩ ᠦ᠋ᠨ ᠪᠠᠲᠤ
ᠶᠠᠮᠠᠷ ᠮᠣᠷᠢ ᠶ᠋ᠢ
ᠰᠠᠢᠬᠠᠨ ᠪᠣᠢ? ᠭᠡᠪᠡᠯ
ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠢ
ᠪᠣᠳᠣᠬᠤ ᠦᠭᠡᠢ ᠬᠠᠷᠢᠭᠤᠯᠤᠨᠠ
ᠨᠢᠭᠡᠯᠡ ᠮᠣᠷᠢ ᠶ᠋ᠢ
ᠰᠠᠢᠬᠠᠨ ᠭᠡᠵᠦ
ᠨᠡᠭᠡᠷᠡᠨ ᠪᠠᠰᠠ
ᠬᠡᠯᠡᠵᠦ ᠴᠢᠳᠠᠨᠠ᠃
ᠲᠡᠷᠡ ᠮᠣᠷᠢ ᠶ᠋ᠢ
ᠰᠠᠢᠨ ᠮᠡᠳᠡᠨᠡ
ᠲᠡᠷᠭᠡᠴᠢᠨ ᠡᠪᠦᠭᠡ ᠶ᠋ᠢᠨ
ᠬᠠᠢᠷᠠᠲᠠᠢ ᠮᠣᠷᠢ!
ᠡᠪᠦᠭᠡ ᠭᠡᠬᠦ ᠡᠴᠡ
ᠨᠡᠷᠡ ᠶ᠋ᠢ ᠨᠢ ᠮᠡᠳᠡᠬᠦ ᠦᠭᠡᠢ
ᠥᠪᠡᠷ ᠢ᠋ᠶ᠋ᠡᠨ ᠨᠠᠳᠠ ᠳ᠋ᠤ᠌
ᠬᠡᠯᠡᠭᠰᠡᠨ ᠪᠢᠰᠢ ᠳᠡ
ᠡᠪᠦᠯ ᠦ᠋ᠨ ᠡᠪᠦᠭᠡᠨ ᠰᠢᠭ
ᠴᠠᠭᠠᠨ ᠰᠠᠬᠠᠯ ᠲᠠᠢ
ᠥᠨᠳᠥᠷ ᠠᠬᠠ
ᠪᠠᠢᠳᠠᠭ ᠶᠤᠮ ᠳᠠ᠃
ᠡᠪᠦᠭᠡ ᠮᠣᠷᠢ ᠲᠠᠢ ᠪᠠᠨ
ᠥᠷᠯᠥᠭᠡ ᠭᠠᠷᠤᠨᠠ
ᠥᠴᠢᠨᠡᠨ ᠰᠠᠢᠬᠠᠨ
ᠶᠠᠭᠤᠮᠠ ᠠᠪᠴᠢᠷᠠᠨᠠ
ᠲᠠᠷᠠᠭ᠂ ᠰᠦ
ᠲᠠᠯᠬᠠ ᠪᠣᠣᠪᠣ
ᠮᠠᠨᠵᠢᠨ᠂ ᠲᠥᠮᠥᠰᠥ
ᠮᠢᠬᠠ ᠲᠣᠰᠣ
ᠶᠠᠭᠤ ᠴᠡᠴᠡᠷᠯᠢᠭ ᠲᠦ᠍
ᠬᠡᠷᠡᠭ ᠲᠡᠢ ᠪᠠᠢᠳᠠᠭ ᠪᠣᠢ
ᠶᠠᠭᠤᠮᠠ ᠪᠦᠭᠦᠳᠡ ᠶ᠋ᠢ ᠣᠯᠤᠭᠠᠳ ᠢᠷᠡᠨᠡ᠃
ᠣᠷᠣᠢ ᠥᠭᠳᠡᠭ
ᠠᠯᠢᠮᠠ ᠰᠢᠬᠢᠷ ᠢ᠋
ᠣᠯᠠᠨ ᠣᠯᠠᠨ ᠢ᠋ᠶ᠋ᠠᠷ ᠨᠢ
ᠠᠴᠢᠭᠠᠳ ᠢᠷᠡᠨᠡ᠃
ᠮᠣᠷᠢ ᠮᠣᠷᠢᠨ ᠠ᠋ᠴᠠ ᠰᠠᠢᠬᠠᠨ ᠮᠣᠷᠢ
ᠮᠠᠨ ᠤ᠋ ᠴᠡᠴᠡᠷᠯᠢᠭ ᠦ᠋ᠨ
ᠲᠡᠷᠭᠡᠨ ᠦ᠌ ᠮᠣᠷᠢ᠃
1976 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠸᠠᠩ᠂ ᠪᠠᠳᠮᠠ᠂ ᠤᠷᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠴᠠᠬᠠᠷ ᠪᠠᠲᠤ᠂ ᠭᠠᠷᠮᠠ᠂ ᠣᠳᠬᠠᠨᠰᠣᠠ