ᠶᠠᠭᠤᠨ ᠳ᠋ᠤᠷ ᠪᠡᠯᠡᠳᠬᠡᠨᠡᠮ ᠪᠣᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Юун дур бэлтгэнэм бий – Ёндоны Билиг - Баатар
259ᠶᠠᠭᠤᠨ ᠳ᠋ᠤᠷ ᠪᠡᠯᠡᠳᠬᠡᠨᠡᠮ ᠪᠣᠢ
ᠬᠤᠷᠮᠤᠰᠲᠠ ᠲᠡᠭᠷᠢ ᠶ᠋ᠢᠨ ᠴᠡᠭᠡᠯ ᠢ᠋ ᠲᠤᠯᠤᠭᠠᠳ
ᠦᠵᠡᠭᠳᠡᠬᠦ ᠦᠭᠡᠢ ᠶ᠋ᠢᠨ ᠬᠢᠵᠠᠭᠠᠷ ᠲᠤ᠌ ᠪᠠᠢᠬᠤ
ᠬᠣᠨᠢᠳ ᠤ᠋ᠨ ᠨᠢᠳᠦᠨ ᠬᠠᠮᠤᠭ ᠣᠳᠣᠳ ᠢ᠋
ᠠᠯᠲᠠᠨ ᠱᠠᠭᠠ ᠰᠢᠭ᠋ ᠬᠤᠷᠢᠶᠠᠩᠬᠠᠨ
ᠠᠳᠬᠤᠨ ᠳ᠋ᠠᠭᠠᠨ ᠬᠤᠮᠢᠬᠤ ᠭᠡᠪᠡᠦ ᠳᠡ
ᠬᠤᠢ ᠰᠠᠯᠬᠢ ᠰᠢᠭ᠋ ᠬᠣᠩᠭᠣᠷ ᠵᠠᠯᠠᠭᠤᠰ ᠮᠢᠨᠢ
ᠠᠯᠢ ᠡᠰᠡᠪᠡᠯ᠂ ᠪᠥᠭᠡᠷᠡᠯᠢᠭ ᠪᠥᠮᠪᠥᠷᠴᠡᠭ ᠢ᠋
ᠠᠷᠠᠰᠤᠨ ᠪᠥᠰᠡᠨ ᠳ᠋ᠡᠭᠡᠨ ᠤᠶᠠᠬᠤ ᠭᠡᠪᠡᠦ
ᠠᠯᠢ ᠡᠰᠡᠪᠡᠯ᠂ ᠶᠠᠰᠤᠨ ᠬᠢᠷᠠ ᠲᠠᠢ
ᠪᠦᠬᠦᠷᠭᠡᠨ ᠳᠤᠮᠳᠠ ᠪᠠᠨ ᠲᠣᠬᠣᠬᠤ ᠭᠡᠪᠡᠦ
ᠠᠤᠭᠠ ᠠᠯᠤᠰ ᠢ᠋ ᠰᠢᠷᠦᠭᠦᠨ ᠡᠪᠬᠡᠭᠡᠳ
ᠪᠤᠷᠬᠠᠨ ᠬᠠᠯᠳᠤᠨ ᠢ᠋ᠶ᠋ᠠᠨ ᠵᠣᠷᠢᠬᠤ ᠭᠡᠪᠡᠦ
ᠤᠴᠢᠷ ᠪᠢᠲᠡᠭᠦᠯᠢᠭ ᠶᠠᠭᠤ ᠨᠢᠭᠡᠨ ᠵᠦᠭ
ᠤᠬᠠᠭᠠᠨ ᠵᠣᠷᠢᠭ ᠢ᠋ᠶ᠋ᠠᠨ ᠰᠣᠷᠢᠬᠤ ᠭᠡᠪᠡᠦ
ᠶᠠᠮᠠᠷᠴᠤ ᠭᠡᠰᠡᠨ ᠠᠯᠢᠪᠠ ᠶᠠᠭᠤᠮᠠᠨ ᠳ᠋ᠤ᠌
ᠤᠯᠠ ᠰᠠᠭᠤᠷᠢᠯᠢᠭ ᠪᠡᠯᠡᠳᠬᠡᠯ ᠬᠡᠷᠡᠭᠲᠡᠢ ᠰᠢᠦ
ᠡᠩᠬᠡ ᠲᠠᠢᠪᠤᠩ ᠤ᠋ᠨ ᠭᠣᠯᠣᠮᠲᠠ ᠳ᠋ᠤ᠌
ᠡᠷᠡᠭᠦᠯ ᠰᠠᠷᠠᠭᠤᠯ ᠠᠮᠢᠳᠤᠷᠠᠭᠠ ᠴᠦ᠍ ᠭᠡᠯᠡ
ᠡᠮᠡᠭᠡᠯ ᠳᠡᠭᠡᠷᠡ ᠪᠠᠨ ᠯᠠ ᠰᠡᠷᠭᠡᠭ ᠪᠠᠢ!
ᠡᠵᠡᠨ ᠵᠠᠷᠯᠢᠭ ᠬᠡᠵᠢᠶᠡ ᠴᠦ᠍ ᠪᠠᠭᠤᠬᠤ ᠮᠠᠭᠠᠳ
ᠮᠤᠩᠬᠠᠭ ᠥᠴᠦᠬᠡᠨ ᠮᠠᠭᠤ ᠠᠬᠠ ᠨᠢ ᠪᠢ
ᠮᠣᠷᠢᠲᠠᠨ ᠳᠡᠭᠦᠦᠳᠡᠢ ᠨᠠᠷ ᠢ᠋ᠶ᠋ᠠᠨ ᠢᠲᠡᠭᠡᠨᠡᠮ
ᠲᠡᠭᠡᠭᠡᠳ ᠯᠡ ᠢᠷᠡᠬᠦ ᠨᠢᠭᠡᠨ ᠮᠥᠴᠡ ᠳ᠋ᠦ᠍
ᠲᠡᠭᠷᠢ ᠶ᠋ᠢᠨ ᠠᠶᠤᠩᠭᠠᠨ ᠳᠣᠣᠭᠤᠷ ᠳᠠᠪᠬᠢᠨ
ᠨᠣᠬᠠᠢ ᠮᠣᠷᠢᠨ ᠤ᠋ ᠬᠦᠴᠦ ᠪᠡᠨ ᠲᠠᠨᠠᠷ ᠲᠠᠭᠠᠨ
ᠨᠣᠮᠣᠬᠠᠨ ᠰᠢᠳᠤᠷᠭᠤ ᠪᠠᠷ ᠡᠷᠭᠦᠨ ᠵᠢᠳᠬᠦᠨᠡᠮ᠃
2024᠂ 08᠂ 17᠃14:29᠃ ᠮᠢᠨᠦ᠋ᠲ
ᠤᠮᠠᠷᠠᠲᠤ ᠬᠢᠵᠠᠭᠠᠷ ᠤ᠋ᠨ ᠵᠠᠯᠠᠭᠤ ᠵᠢᠷᠦᠬᠡ ￥
ᠲᠠᠯᠠ ᠨᠤᠲᠤᠭ ᠤ᠋ᠨ ᠭᠡᠷᠡᠯᠲᠦ ᠰᠤᠪᠤᠭ ᠬᠡᠮᠡᠬᠦᠢ
ᠰᠢᠯᠢ ᠶ᠋ᠢᠨ ᠬᠣᠲᠠᠨᠠ ᠡᠷᠬᠢᠮ ᠠᠨᠳᠠ ᠶ᠋ᠢᠨ
《ᠵᠢᠷᠭᠤᠭᠠᠨ ᠰᠠᠢᠨ》※ ᠳ᠋ᠤᠷ ᠬᠢᠴᠢᠶᠡᠩᠭᠦᠢ
ᠭᠢᠯᠠᠰ ᠪᠦᠲᠦᠭᠡᠪᠡ᠃
※ ᠰᠢᠯᠢ ᠶ᠋ᠢᠨ ᠬᠣᠲᠠ ᠶ᠋ᠢᠨ ᠵᠢᠷᠭᠤᠭᠠᠨ ᠰᠠᠢᠨ
ᠶᠡᠷᠦᠩᠬᠡᠢᠯᠡᠭᠰᠡᠨ ᠡᠮᠨᠡᠯᠭᠡ ᠶ᠋ᠢᠨ ᠬᠣᠷᠢᠶᠠ