ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠦ᠌ ᠰᠢᠯᠦᠭ - ᠭᠠ᠊· ᠪᠦᠲᠦᠭᠡᠭᠴᠢ Зургаан сарын нэгний шүлэг-Га·БүтээгчZurgaan saryn negnii shüleg
314ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠦ᠌ ᠰᠢᠯᠦᠭ
ᠭᠠ᠊· ᠪᠦᠲᠦᠭᠡᠭᠴᠢ
ᠠᠭᠤᠯᠠᠰ ᠤ᠋ᠨ ᠴᠠᠭᠠᠨᠠ ᠠ᠋ᠴᠠ ᠲᠡᠷᠭᠡᠯ ᠨᠠᠷᠠᠨ
ᠤᠯᠠᠪᠢᠷ ᠴᠢᠷᠠᠢ ᠭᠡᠷᠡᠯᠲᠦᠭᠦᠯᠵᠦ ᠢᠷᠡᠨᠡ
ᠤᠰᠤ ᠭᠣᠣᠯ ᠳ᠋ᠤ᠌ ᠵᠢᠰᠦ ᠪᠡᠨ ᠲᠣᠯᠢᠳᠠᠭᠠᠳ
ᠤᠬᠠᠭᠠᠨ ᠲᠣᠮᠣᠭᠠ ᠲᠠᠢ ᠢᠨᠢᠶᠡᠳᠦ ᠢᠷᠡᠨᠡ
ᠵᠢᠷᠤᠭ ᠰᠠᠢᠬᠠᠨ ᠨᠤᠲᠤᠭ ᠲᠤ ᠮᠢᠨᠢ
ᠵᠢᠷᠭᠤᠭᠠᠨ ᠰᠠᠷᠠ ᠨᠢ ᠲᠣᠭᠯᠠᠵᠤ ᠢᠷᠡᠨᠡ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠵᠤᠯᠠᠢ ᠶ᠋ᠢ ᠥᠬᠥᠭᠡᠷᠳᠡᠵᠦ
ᠵᠥᠭᠡᠯᠡᠨ ᠰᠠᠯᠬᠢ ᠨᠢ ᠰᠡᠪᠢᠯᠵᠡᠵᠦ ᠢᠷᠡᠨᠡ
ᠭᠡᠷ ᠭᠡᠷ ᠡᠴᠡ ᠪᠡᠨ ᠣᠯᠠᠨ ᠬᠡᠦᠬᠡᠳ ᠦ᠋ᠳ
ᠭᠡᠷᠡᠯᠲᠦ ᠣᠳᠣᠳ ᠰᠢᠭ᠋ ᠭᠢᠯᠠᠯᠵᠠᠵᠤ ᠢᠷᠡᠨᠡ
ᠰᠣᠶᠣᠯ ᠤ᠋ᠨ ᠠᠯᠲᠠᠨ ᠵᠢᠯᠣᠭᠣ ᠶ᠋ᠢ ᠵᠠᠯᠠᠵᠤ
ᠰᠤᠷᠭᠠᠭᠤᠯᠢ ᠵᠦᠭ ᠲᠦ᠍ ᠪᠡᠨ ᠵᠢᠷᠭᠢᠵᠦ ᠢᠷᠡᠨᠡ
ᠡᠪᠦᠭᠡᠨ ᠠᠭᠤᠯᠠᠰ ᠰᠠᠬᠠᠯ ᠨᠠᠮᠢᠷᠠᠭᠤᠯᠤᠭᠰᠠᠭᠠᠷ
ᠬᠡᠦᠬᠡᠳ ᠦ᠋ᠨ ᠪᠠᠶᠠᠷ ᠲᠤ ᠮᠣᠷᠢᠯᠠᠵᠤ ᠢᠷᠡᠨᠡ
ᠡᠭᠡᠰᠢᠭ ᠳᠠᠭᠤᠤ ᠳ᠋ᠤ᠌ ᠰᠡᠳᠬᠢᠯ ᠬᠥᠪᠬᠢᠵᠦ
ᠢᠷᠦᠭᠡᠯ ᠵᠥᠩᠨᠡᠯ ᠢ᠋ᠶ᠋ᠡᠨ ᠰᠣᠶᠣᠷᠬᠠᠵᠤ ᠢᠷᠡᠨᠡ
ᠵᠤᠯᠵᠠᠭᠠᠨ ᠮᠣᠳᠣᠳ ᠬᠣᠯᠠ ᠠ᠋ᠴᠠ ᠳᠠᠯᠠᠯᠵᠤ
ᠬᠡᠦᠬᠡᠳ ᠲᠡᠢ ᠨᠠᠭᠠᠳᠬᠤ ᠪᠠᠷ ᠳᠡᠷᠪᠡᠯᠵᠡᠵᠦ ᠢᠷᠡᠨᠡ
ᠵᠤᠷᠠᠢᠲᠠᠯᠠ ᠵᠢᠷᠤᠭᠰᠠᠨ ᠴᠠᠭᠠᠷᠢᠭ ᠳᠠᠭᠠᠵᠤ
ᠵᠠᠭᠤᠨ ᠮᠧᠲ᠋ᠷ ᠲᠦ᠍ ᠤᠷᠤᠯᠳᠤᠵᠤ ᠢᠷᠡᠨᠡ
ᠤᠷᠭᠤᠬᠤ ᠨᠣᠭᠣᠭᠠ ᠬᠡᠦᠬᠡᠳ ᠦ᠋ᠨ ᠬᠥᠯ ᠢ᠋ᠶ᠋ᠡᠷ
ᠤᠷᠮᠠ ᠨᠢ ᠰᠡᠷᠭᠦᠭᠡᠳ ᠪᠥᠵᠢᠭᠯᠡᠵᠦ ᠢᠷᠡᠨᠡ
ᠤᠶᠠᠨ ᠵᠥᠭᠡᠯᠡᠨ ᠨᠢᠯᠬᠠ ᠬᠣᠭᠣᠯᠠᠢ ᠪᠠᠷ
ᠤᠷᠠᠨ ᠪᠠᠢᠭᠠᠯᠢ ᠪᠠᠨ ᠳᠠᠭᠤᠯᠠᠵᠤ ᠢᠷᠡᠨᠡ
ᠬᠣᠯᠠ ᠶ᠋ᠢᠨ ᠲᠩᠷᠢ ᠳ᠋ᠦ᠍ ᠪᠣᠷᠣᠭᠠᠨ ᠤ᠋ ᠡᠭᠦᠯᠡ
ᠬᠡᠦᠬᠡᠳ ᠦ᠋ᠨ ᠪᠠᠶᠠᠷ ᠲᠤ ᠪᠡᠯᠡᠭ ᠲᠡᠢ ᠢᠷᠡᠨᠡ
ᠬᠣᠶᠠᠷ ᠨᠢᠭᠡ ᠪᠡᠷ ᠬᠤᠷᠠ ᠪᠠᠨ ᠲᠤᠰᠤᠭᠠᠵᠤ
ᠬᠣᠲᠠᠯᠠ ᠶ᠋ᠢ ᠪᠠᠶᠠᠰᠬᠠᠨ ᠱᠠᠭᠢᠭᠤᠯᠵᠤ ᠢᠷᠡᠨᠡ
ᠤᠯᠠᠭᠠᠨ ᠴᠢᠷᠠᠢ ᠲᠠᠢ ᠪᠥᠮᠪᠦᠭᠡᠨ ᠨᠠᠷᠠᠨ
ᠤᠷᠤᠯᠳᠤᠭᠠᠨ ᠨᠠᠭᠠᠳᠤᠮ ᠳ᠋ᠤ᠌ ᠭᠠᠪᠰᠢᠭᠠᠢᠯᠠᠵᠤ ᠢᠷᠡᠨᠡ
ᠤᠷᠠ ᠤᠬᠠᠭᠠᠨ ᠤ᠋ ᠮᠥᠷᠥᠢᠴᠡᠭᠡᠨ ᠬᠠᠶᠠᠭᠳᠠᠵᠤ
ᠠᠭᠤᠯᠠᠰ ᠤ᠋ᠨ ᠴᠠᠭᠠᠭᠤᠷ ᠮᠢᠨᠴᠢᠢᠵᠦ ᠣᠳᠤᠨᠠ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ