ᠲᠥᠷᠥᠯᠬᠢ ᠬᠡᠯᠡ - ᠬᠠᠰᠠᠭᠤᠯᠠТөрөлх хэл-Хасуул
805ᠲᠥᠷᠥᠯᠬᠢ ᠬᠡᠯᠡ
ᠬᠠᠰᠠᠠᠭᠤᠯᠠ
ᠡᠬᠡᠰᠢᠭ ᠳᠣᠯᠣᠭᠠᠨ ᠠᠶᠠᠯᠭᠤ ᠪᠠᠷ ᠢ᠋ᠶ᠋ᠠᠨ
ᠡᠨᠡ ᠬᠣᠷᠸᠠ ᠶ᠋ᠢᠨ ᠤᠶᠠᠩᠭᠠ ᠶ᠋ᠢ ᠬᠥᠭᠵᠢᠮᠳᠡᠵᠦ
ᠡᠵᠡᠨ ᠴᠢᠩᠭᠢᠰ ᠦ᠋ᠨ ᠮᠢᠨᠢ ᠵᠢᠷᠦᠬᠡᠨ ᠪᠢᠴᠢᠭᠡᠰᠦ
ᠡᠷᠬᠢᠮ ᠨᠠᠨᠳᠢᠨ ᠠᠮᠢᠨ ᠰᠠᠬᠢᠶᠠ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠠᠯᠠᠭ ᠵᠢᠷᠦᠬᠡᠨ ᠦ᠌ ᠮᠢᠨᠢ ᠰᠤᠳᠠᠰᠤ
ᠠᠭᠤᠤ ᠮᠣᠩᠭᠣᠯ ᠤ᠋ᠨ ᠮᠠᠨᠢ ᠰᠢᠲᠦᠭᠡᠨ
ᠠᠯᠤᠰ ᠢᠷᠡᠭᠡᠳᠦᠢ ᠶ᠋ᠢᠨ ᠮᠢᠨᠢ ᠭᠡᠷᠡᠯᠲᠦ ᠴᠠᠮᠬᠠᠭ
ᠠᠷᠠᠳ ᠲᠦᠮᠡᠨ ᠦ᠌ ᠮᠠᠨᠢ ᠪᠢᠯᠢᠭ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠢᠯᠭᠤᠮ ᠰᠠᠢᠬᠠᠨ ᠲᠠᠩᠰᠤᠭ ᠬᠡᠯᠡ ᠮᠢᠨᠢ
ᠢᠷᠠᠭᠤ ᠲᠣᠳᠣᠬᠠᠨ ᠮᠥᠩᠬᠡ ᠶ᠋ᠢᠨ ᠤᠶᠠᠩᠭᠠ
ᠣᠨ ᠤ᠋ ᠬᠤᠷᠳᠤ ᠶ᠋ᠢ ᠲᠡᠮᠳᠡᠭᠯᠡᠵᠦ ᠬᠦᠦᠷᠨᠢᠭᠰᠡᠨ
ᠤᠷᠠᠨ ᠭᠠᠢᠬᠠᠮᠰᠢᠭᠲᠤ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠲᠤᠭᠤᠷᠠᠢ ᠶ᠋ᠢᠨ ᠲᠠᠮᠠᠭᠠ ᠲᠠᠢ ᠪᠣᠰᠤᠭᠠ ᠬᠡᠯᠡ ᠮᠢᠨᠢ
ᠲᠤᠭᠤᠷᠭᠠᠲᠠᠨ ᠤᠳᠤᠮ ᠤ᠋ᠨ ᠰᠦᠯᠳᠡ ᠬᠡᠢᠮᠣᠷᠢ
ᠲᠣᠷᠭᠠᠨ ᠢᠷ ᠲᠡᠢ ᠰᠡᠯᠡᠮᠡ ᠪᠡᠷ ᠪᠢᠴᠢᠭᠯᠡᠭᠰᠡᠨ
ᠲᠩᠷᠢ ᠭᠠᠵᠠᠷ ᠤ᠋ᠨ ᠳᠤᠮᠳᠠ ᠵᠣᠭᠰᠣᠭᠠ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠳᠡᠭᠡᠳᠦᠰ ᠡᠴᠡ ᠥᠪᠯᠡᠭᠰᠡᠨ ᠥᠪ ᠰᠣᠶᠣᠯ
ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ ᠪᠣᠰᠤᠭᠠ ᠦᠰᠦᠭ ᠠ᠋
ᠲᠩᠷᠢᠯᠢᠭ ᠦᠨᠳᠦᠰᠦᠲᠡᠨ ᠦ᠌ ᠮᠢᠨᠢ ᠰᠢᠳᠢᠲᠦ ᠵᠡᠪᠰᠡᠭ
ᠳᠡᠭᠡᠳᠦᠯᠡᠨ ᠰᠢᠲᠦᠬᠦ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠲᠡᠦᠬᠡ ᠶ᠋ᠢᠨ ᠬᠠᠭᠤᠳᠠᠰᠤᠨ ᠳ᠋ᠤ᠌ ᠠᠤᠭᠠ ᠪᠦᠲᠦᠭᠡᠯ ᠲᠡᠢ
ᠦᠯᠢᠭᠡᠷ ᠲᠤᠤᠯᠢᠰ ᠤ᠋ᠨ ᠠᠷᠢᠭᠤᠨ ᠰᠤᠷᠭᠠᠯ ᠲᠠᠢ
ᠥᠷᠨᠢᠯ ᠬᠥᠭᠵᠢᠯᠲᠡ ᠶ᠋ᠢᠨ ᠳᠠᠢᠴᠢᠨ ᠬᠦᠴᠦᠨ
ᠳᠠᠶᠠᠩ ᠳ᠋ᠤ᠌ ᠠᠯᠳᠠᠷᠲᠠᠢ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠡᠮᠨᠡᠭ ᠦ᠋ᠨ ᠨᠢᠷᠤᠭᠤᠨ ᠳ᠋ᠤ᠌ ᠨᠠᠮᠢᠷᠠᠨ ᠴᠡᠴᠡᠭᠯᠡᠭᠰᠡᠨ ᠲᠤᠭ
ᠡᠷᠳᠡᠮᠲᠡᠳ ᠦ᠋ᠨ ᠣᠶᠤᠨ ᠠ᠋ᠴᠠ ᠤᠨᠳᠤᠷᠤᠨ ᠪᠤᠷᠭᠢᠯᠤᠭᠰᠠᠨ ᠷᠠᠰᠢᠶᠠᠨ
ᠡᠯᠡᠭᠳᠡᠰᠢ ᠦᠭᠡᠢ ᠮᠣᠩᠭᠣᠯ ᠤ᠋ᠨ ᠳᠦᠷᠡᠯᠵᠡᠨ ᠨᠣᠴᠣᠭᠰᠠᠨ ᠭᠠᠯ
ᠡᠷᠢᠨ ᠴᠠᠭ ᠤ᠋ᠨ ᠮᠥᠩᠬᠡ ᠶ᠋ᠢᠨ ᠵᠤᠯᠠ ᠲᠥᠷᠥᠯᠬᠢ ᠬᠡᠯᠡ ᠮᠢᠨᠢ ᠠ᠋
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠠᠰᠠᠠᠭᠤᠯᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ