ᠳᠡᠩᠳᠡᠭᠦᠦ ᠳᠡᠩᠳᠡᠬᠦᠦ ᠭᠠᠩᠭᠠᠩ ᠳᠡᠯᠭᠡᠷᠡᠩᠭᠦᠢ ᠴᠠᠬᠠᠷ ᠨᠤᠲᠤᠭ ᠮᠢᠨᠦ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Дэндүү дэндүү ганган дэлгэрэнгүй цахар нутаг миний – Ёндоны Билиг - Баатар
296ᠳᠡᠩᠳᠡᠭᠦᠦ ᠳᠡᠩᠳᠡᠬᠦᠦ ᠭᠠᠩᠭᠠᠩ ᠳᠡᠯᠭᠡᠷᠡᠩᠭᠦᠢ ᠴᠠᠬᠠᠷ ᠨᠤᠲᠤᠭ ᠮᠢᠨᠦ
ᠭᠡᠷᠡᠯ ᠤᠰᠤᠨ ᠤ᠋ ᠣᠩᠭᠣᠨ ᠲᠠᠩᠰᠤᠭ
ᠮᠣᠷᠢᠨ ᠳᠡᠭᠡᠷᠡ ᠡᠴᠡ ᠨᠠᠷᠠ ᠰᠢᠭᠦᠷᠡᠮᠡᠷ
ᠮᠣᠢᠯ ᠤ᠋ᠨ ᠠᠮᠲᠠᠨ ᠳ᠋ᠤ᠌ ᠱᠠᠯ ᠰᠣᠭᠲᠣᠮᠠᠷ
ᠡᠭᠡᠭᠡ ᠯᠡ ᠪᠤᠷᠬᠠᠨ ᠤ᠋ ᠮᠡᠯᠮᠡᠢ ᠪᠡᠷ
ᠡᠭᠡᠯᠵᠢᠯᠡᠨ ᠨᠡᠭᠦᠳᠡᠯᠯᠡᠵᠦ ᠪᠠᠢᠭᠠ ᠰᠢᠭ᠋
ᠡᠩ ᠦᠭᠡᠢ ᠠᠮᠤᠭᠤᠯᠠᠩ ᠴᠡᠯᠡᠭᠡᠷ ᠰᠠᠨᠠᠭᠳᠠᠬᠤ
ᠡᠷᠲᠡᠨ ᠦ᠌ ᠭᠠᠢᠬᠠᠮᠰᠢᠭᠲᠠᠢ ᠴᠠᠬᠠᠷ ᠨᠤᠲᠤᠭ
ᠡᠨᠡ ᠵᠠᠭᠤᠨ ᠤ᠋ ᠪᠦᠬᠦᠷᠭᠡᠨ ᠳᠡᠭᠡᠭᠦᠷ
ᠡᠷᠬᠡ ᠴᠢᠯᠥᠭᠡᠨ ᠦ᠌ ᠬᠠᠳᠠᠭ ᠵᠠᠶᠢᠭ ᠲᠠᠢ
ᠡᠩᠭᠡᠷ ᠵᠠᠭᠠᠮᠠ ᠵᠠᠳᠠᠭᠠᠢ ᠬᠡᠢᠮᠣᠷᠢ ᠲᠠᠢ
ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠪᠠᠶᠠᠰᠬᠤᠯᠠᠩ
ᠳᠣᠯᠭᠢᠶᠠᠨ ᠰᠣᠯᠣᠩᠭᠠᠨ ᠷᠠᠰᠢᠶᠠᠨ ᠬᠤᠷᠠ ᠲᠠᠢ
ᠳᠠᠪᠬᠢᠵᠤ ᠬᠡᠯᠪᠡᠷᠢᠩᠭᠡᠨ ᠬᠡᠯᠪᠡᠷᠢᠵᠦ ᠳᠠᠪᠬᠢᠩᠬᠠᠨ
ᠲᠡᠢᠨ ᠳᠦᠷᠪᠡᠭᠡᠨ ᠡᠴᠡ ᠳᠠᠩᠴᠤ ᠬᠣᠯᠠᠬᠠᠨ
ᠳᠡᠭᠵᠢᠨ ᠲᠡᠭᠷᠢᠯᠢᠭ ᠤᠬᠠᠭᠠᠷᠠᠵᠤ ᠨᠠᠢᠭᠤᠨᠠᠮ ᠠ᠋
ᠵᠠᠷᠯᠢᠭ ᠭᠡᠭᠡᠨ ᠵᠤᠯᠠᠢ ᠳᠡᠭᠡᠷᠡ ᠨᠢ
ᠵᠡᠷᠯᠢᠭ ᠴᠢᠨᠣᠠ ᠰᠢᠭ᠋ ᠬᠥᠬᠡ ᠪᠣᠷᠣᠯᠠᠭ
ᠵᠤᠵᠠᠭᠠᠨ ᠥᠳᠬᠡᠨ ᠡᠭᠦᠯᠡᠰ ᠬᠤᠷᠠᠯᠳᠤᠩᠬᠠᠨ
ᠵᠠᠵᠢᠨ ᠪᠤᠭᠤᠷᠤᠯ ᠮᠢᠩᠭᠠᠲᠤ ᠶ᠋ᠢᠨ ᠮᠢᠨᠢ
ᠵᠢᠷᠦᠬᠡᠨ ᠴᠣᠬᠢᠯᠭᠠ ᠶ᠋ᠢ ᠴᠢᠩᠨᠠᠩᠬᠠᠨ
ᠵᠢᠭᠠᠰᠤᠲᠠᠢ ᠨᠠᠭᠤᠷ ᠤ᠋ᠨ ᠡᠷᠭᠢ ᠶ᠋ᠢ ᠳᠡᠯᠡᠨᠡᠮ ᠠ᠋
ᠵᠠᠩ ᠰᠠᠢᠲᠠᠢ ᠠᠢᠯ ᠳ᠋ᠤ᠌ ᠵᠣᠴᠢᠨ ᠣᠯᠠᠨ
ᠵᠠᠮᠤᠭ ᠰᠠᠢᠲᠠᠢ ᠨᠠᠭᠤᠷ ᠲᠤ᠌ ᠵᠢᠭᠠᠰᠤ ᠠᠷᠪᠢᠨ
ᠶᠠᠭᠠᠬᠢᠭᠰᠠᠨ ᠴᠦ᠍ ᠣᠯᠠᠨ ᠤᠨᠠᠭᠠᠨ ᠪᠦᠷᠢᠳᠦ
ᠶᠠᠮᠠᠷᠴᠤ ᠠᠷᠪᠢᠨ ᠨᠢᠳᠦᠨ ᠪᠤᠯᠠᠭ ᠲᠠᠢ
ᠶᠤᠮ ᠪᠣᠢ ᠳᠠ ᠁ ᠴᠠᠬᠠᠷ ᠨᠤᠲᠤᠭ ᠮᠢᠨᠢ
ᠢᠨᠠᠭᠴᠢ ᠪᠦᠰᠡᠭᠦᠢ ᠪᠥᠵᠢᠭᠯᠡᠭᠡ ᠶᠦᠮ ᠰᠢᠭ
ᠶᠠᠭᠠᠨ ᠵᠠᠪᠠᠵᠢᠲᠤ ᠬᠥᠬᠡ ᠲᠣᠭᠣᠷᠤᠤ
ᠶᠭᠠᠷᠠᠦ ᠠᠶᠠᠯᠠᠭᠠ ᠵᠠᠯᠠᠭᠤ ᠨᠠᠮᠠ ᠶ᠋ᠢ
ᠤᠰᠤᠨ ᠮᠠᠨᠠᠨ ᠢ᠋ᠶ᠋ᠠᠷ ᠢᠪᠡᠭᠡᠨ ᠬᠤᠴᠢᠨᠠᠮ
ᠤᠰᠤᠨ ᠮᠠᠨᠠᠨ ᠠ᠋ᠴᠠ ᠳ᠋ᠦᠩᠰᠢᠭᠤᠷ ᠳ᠋ᠣᠯᠯᠠᠷ
ᠦᠨᠢᠶᠡᠨ ᠵᠠᠯᠠᠨ ᠳ᠋ᠤ᠌ ᠠᠰᠬᠠᠷᠠᠩᠬᠠᠨ
ᠤᠶᠠᠭᠠᠨ ᠳᠡᠭᠡᠷᠡ ᠭᠠᠯ ᠰᠢᠷᠭᠠ ᠬᠦᠯᠦᠭ
ᠤᠷᠲᠤ ᠶ᠋ᠢᠨ ᠳᠠᠭᠤᠨ ᠳ᠋ᠤ᠌ ᠨᠢᠯᠪᠤᠰᠤᠷᠠᠩᠬᠠᠨ
ᠰᠢᠵᠢᠷ ᠣᠶᠤᠲᠠᠨ ᠤ᠋ ᠨᠠᠮᠤᠷ
ᠰᠢᠷᠭᠠᠯᠳᠠᠵᠤ ᠠᠮᠵᠢᠭᠠᠳᠤᠢ ᠶ᠋ᠢ
ᠶᠠᠭᠠᠬᠢᠶᠠ ᠠ᠋
ᠡᠪᠦᠭᠡᠳ ᠡᠮᠡᠭᠡᠳ ᠮᠢᠨᠢ ᠳᠧ
ᠴᠢᠩᠭᠢᠰ ᠦ᠋ᠨ ᠠᠯᠲᠠᠨ ᠤᠷᠤᠭ ᠤ᠋ᠨ
ᠴᠠᠬᠠᠷ ᠲᠦᠮᠡᠨ ᠦ᠌
ᠴᠠᠬᠠᠷ ᠨᠤᠲᠤᠭ ᠠ᠋ ᠭᠡᠵᠦ
ᠶᠠᠷᠢᠭᠠᠳ ᠶᠠᠭᠤ ᠬᠢᠬᠦᠪ ᠳᠧ
2024᠂08᠂12᠃ 14᠄ 49᠃ ᠮᠢᠨᠦ᠋ᠲ᠃
ᠮᠢᠩᠭᠠᠲᠤ ᠬᠣᠲᠠᠬᠠᠨ ᠠ᠋ᠴᠠ ᠬᠠᠪᠢᠷᠭᠠ ᠬᠦᠷᠬᠦ
ᠲᠦᠷᠢᠶᠡᠰᠦᠨ ᠮᠠᠰᠢᠨ ᠳᠡᠭᠡᠷᠡ ᠯᠡ
ᠳᠥᠩᠭᠡᠨ ᠲᠠᠩᠭᠠᠨ ᠪᠦᠲᠦᠭᠡᠵᠦ ᠠᠮᠵᠢᠪᠠᠢ᠃