ᠨᠠᠢᠭᠠᠯ ᠰᠢᠷᠭᠠ ᠨᠠᠮᠤᠷ ᠤᠨ ᠰᠠᠯᠬᠢ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Найгал шарга намрын салхи – Ёндоны Билиг - Баатар
403ᠨᠠᠢᠭᠠᠯ ᠰᠢᠷᠭᠠ ᠨᠠᠮᠤᠷ ᠤᠨ ᠰᠠᠯᠬᠢ
ᠨᠠᠪᠴᠢ ᠴᠡᠴᠡᠭ ᠡᠢᠰᠢ ᠲᠡᠢᠰᠢ ᠶᠦᠮ ᠤᠤ ?
ᠨᠠᠢᠭᠠᠯ ᠰᠢᠷᠭᠠ ᠨᠠᠮᠤᠷ ᠤᠨ ᠬᠥᠭ ᠯᠠ
ᠨᠠᠮᠠ ᠶᠢ ᠮᠠᠷᠲᠠᠩᠬᠠᠨ ᠣᠢᠷᠠᠲᠤᠭᠠ ᠤᠤ
᠁ ᠁ ᠁
ᠨᠢᠯᠬᠠ ᠨᠠᠮᠤᠷ ᠯᠠ ᠮᠣᠢᠲᠤᠷ ᠲᠣᠢᠲᠣᠷ
ᠰᠠᠶᠢ ᠯᠠ ᠬᠥᠯ ᠳᠡᠭᠡᠷᠡ ᠪᠡᠨ ᠲᠡᠩᠴᠡᠩᠬᠡᠨ
ᠨᠢᠷᠪᠦ ᠬᠡᠯᠡ ᠪᠡᠷ ᠴᠣᠯᠳᠣᠷ ᠪᠤᠯᠳᠤᠷ
ᠵᠠᠪᠠᠵᠢᠨ ᠰᠢᠷᠠ ᠨᠢ ᠴᠦ᠍ ᠠᠷᠢᠯᠤᠭᠠᠳᠤᠢ
ᠴᠥᠯᠳ᠋ᠦ ᠮᠥᠯᠲᠥᠰ ᠴᠣᠯᠴᠢᠷᠠᠭᠠ ᠤᠤ ᠳ᠋ᠠ
᠁ ᠁ ᠁
ᠢᠵᠠᠭᠠᠨ ᠵᠦᠰᠡᠨ ᠬᠥᠰᠢᠭᠡᠯᠡᠭᠡᠳ ᠯᠡ
ᠢᠷᠠᠭᠤ ᠨᠠᠢᠷᠠᠭ ᠬᠥᠯᠴᠥᠭᠡᠷᠡᠭᠡᠳ ᠯᠠ
ᠢᠷᠡᠬᠦ ᠪᠤᠴᠠᠬᠤ ᠶ᠋ᠢᠨ ᠠᠯᠳᠠᠩᠬᠠᠨ ᠬᠣᠷᠣᠮ ᠳ᠋ᠤ᠌
ᠢᠨᠠᠭ ᠤ᠋ᠨ ᠰᠢᠪᠡᠷᠡᠭᠡ ᠰᠢᠪᠡᠨᠡᠭᠡ ᠶ᠋ᠢ
ᠬᠡᠭᠡᠷᠡ ᠶᠢᠨ ᠵᠠᠯᠠᠭᠤ ᠴᠡᠩᠬᠡᠷ ᠰᠠᠯᠬᠢ ᠯᠠ
ᠬᠡᠵᠢᠶᠡᠨᠡᠢ ᠣᠯᠵᠤ ᠴᠢᠩᠨᠠᠴᠢᠬᠠᠭᠠᠳ ᠯᠠ
ᠬᠡᠭᠡᠷ ᠮᠣᠷᠢᠲᠠᠢ ᠱᠤᠭᠰᠢᠨ ᠱᠣᠲᠣᠷᠠᠩᠬᠠᠨ
ᠬᠡᠨᠵᠡ ᠨᠣᠭᠣᠭᠠᠨ ᠤ ᠥᠳᠬᠡᠨ ᠦᠨᠦᠷ ᠢ
ᠬᠠᠩ ᠬᠠᠩᠬᠤᠯᠠᠭᠤᠯᠤᠩᠬᠠᠨ
ᠶᠠᠮᠠᠷ ᠨᠢᠭᠡᠨ ᠵᠦᠭ
ᠬᠤᠷᠢᠮ ᠤᠨ ᠵᠠᠷ ᠲᠤᠩᠬᠠᠭᠯᠠᠩᠬᠠᠨ
ᠵᠠᠮ ᠤᠨ ᠵᠠᠭᠤᠷᠠ ᠪᠠᠨ
ᠶᠠᠪ ᠶᠠᠭᠠᠷᠠᠤᠬᠠᠨ ᠡ
ᠵᠠᠷᠢᠮ ᠠᠢᠯ ᠤᠨ ᠤᠶᠠᠭᠠᠨ ᠳᠤ
ᠨᠡᠯᠢᠶᠡᠳ ᠬᠥᠯᠴᠥᠭᠦᠦ ᠪᠠᠰᠠ
ᠱᠠᠯᠠᠮᠠᠭ ᠰᠢᠷᠦᠭᠦᠨ ᠪᠠᠭᠤᠩᠬᠠᠨ
ᠬᠦᠢᠲᠡᠨ ᠠᠢᠷᠠᠭ ᠭᠦᠳ ᠭᠦᠳ ᠵᠠᠯᠭᠢᠯᠠᠨ
ᠬᠣᠢᠮᠤᠷ ᠲᠥᠰᠥᠭᠡ ᠵᠠᠪᠢᠯᠠᠩᠬᠠᠨ
ᠬᠠᠯᠬᠠ ᠥᠪᠥᠷ ᠦᠨ
ᠬᠤᠤᠮᠠᠭ ᠰᠠᠢᠨ ᠡᠷᠡᠴᠦᠦᠯ ᠢ
ᠨᠢᠳᠦ ᠭᠦᠶᠦᠯᠭᠡᠨ ᠬᠠᠭᠤᠴᠢᠯᠠᠭᠠᠳ ᠯᠠ
ᠠᠯᠤᠰ ᠵᠠᠮ ᠤ᠋ᠨ ᠬᠦᠵᠦᠭᠦᠦ
ᠠᠯᠠᠪᠬᠢᠨ ᠡᠯᠭᠦᠨᠡ
ᠭᠡᠷ ᠦᠨ ᠬᠠᠶᠠᠭᠠ ᠪᠠᠷ
ᠨᠡᠷᠡᠯᠡᠵᠦ ᠰᠠᠭᠤᠭᠠ
ᠬᠥᠬᠡ ᠲᠣᠭᠣᠷᠤᠤ ᠰᠢᠭ᠋
ᠬᠥᠬᠡ ᠡᠪᠦᠭᠡᠳ᠄
ᠬᠠᠯᠢᠭᠤᠨ ᠮᠣᠷᠢᠲᠠᠢ
ᠬᠣᠯᠠ ᠶᠢᠨ ᠭᠡᠢᠴᠢᠨ
ᠬᠠᠮᠢᠭᠠ ᠭᠠᠵᠠᠷ ᠢ᠋ ᠵᠣᠷᠢᠨᠠᠮ ᠪᠣᠢ
ᠨᠠᠢᠭᠠᠯ ᠰᠢᠷᠭᠠ ᠨᠠᠮᠤᠷ ᠤ᠋ᠨ ᠰᠠᠯᠬᠢ
ᠵᠡᠭᠡᠷᠡ ᠶᠢᠨ ᠰᠢᠯᠪᠢ ᠲᠣᠶᠣᠯᠵᠠᠭᠤᠯᠤᠨ
ᠲᠠᠨ ᠤ ᠬᠣᠢᠨᠠ ᠠᠴᠠ
ᠬᠣᠯᠠ ᠦᠭᠡᠢ ᠨᠠᠢᠭᠤᠨᠠᠮ ᠤᠤ ᠬᠡᠮᠡᠨ
ᠴᠠᠭᠠᠨ ᠡᠪᠡᠰᠦᠨ ᠦ ᠲᠣᠯᠣᠭᠠᠢ ᠰᠢᠭ᠋
ᠲᠠᠢᠪᠤᠭᠤᠬᠠᠨ ᠲᠣᠬᠢᠯᠵᠠᠩᠬᠠᠨ
ᠶᠣᠰᠣᠷᠬᠠᠭ ᠠᠰᠠᠭᠤᠬᠤᠢ ᠳᠤ᠄
ᠠ ᠳ᠋ᠠ᠂ ᠠᠷᠠᠢ ᠪᠣᠯᠣᠭᠠ ᠦᠭᠡᠢ ᠳ᠋ᠸ
ᠠᠷᠤ ᠠᠴᠠ ᠳᠡᠭᠡᠰᠬᠢᠨ ᠭᠠᠯᠭᠢᠭᠤᠯᠤᠩᠬᠠᠨ
ᠠᠭᠠᠵᠢᠭᠤᠬᠠᠨ ᠯᠠ ᠶᠦᠷᠬᠦᠯᠦᠨᠡ ᠭᠡᠵᠦ
ᠠᠯᠢᠶᠠ ᠴᠡᠩᠬᠡᠷ
ᠡᠬᠢᠨ ᠨᠠᠮᠤᠷ ᠤ᠋ᠨ ᠰᠠᠯᠬᠢ
ᠬᠥᠩᠭᠡᠨ ᠪᠤᠰᠢᠭᠤ ᠬᠠᠷᠢᠭᠤᠯᠬᠤ ᠠᠪᠠᠢ
ᠬᠥᠬᠡ ᠮᠣᠩᠭᠣᠯ ᠤ᠋ᠨ ᠮᠢᠨᠢ
ᠬᠥᠳᠡᠭᠡ ᠨᠣᠶᠠᠨ ᠪᠠᠢᠭᠠᠯᠢ
ᠬᠥᠮᠦᠨ ᠦ᠌ ᠣᠷᠴᠢᠯᠠᠩ ᠤ᠋ᠨ
ᠨᠠᠢᠷᠠᠯ ᠬᠦᠭᠵᠢᠮ ᠯᠡ ᠶᠦᠮ ᠳ᠋ᠠ
ᠬᠥᠭᠡᠷᠦᠬᠦᠢ ᠁
ᠨᠠᠢᠷᠠᠯ ᠬᠥᠭᠵᠢᠮ ᠰᠢᠭ
ᠨᠠᠢᠭᠠᠯ ᠰᠢᠷᠭᠠ ᠨᠠᠮᠤᠷ ᠤᠨ ᠰᠠᠯᠬᠢᠨ ᠤ
᠁ ᠠᠢᠰᠤᠢ ᠴᠢᠮᠡᠭᠡ ᠯᠠ ᠰᠠᠢᠬᠠᠨ ᠡ
2024᠂ 08᠂ 08᠃ 18᠄ 29 ᠮᠢᠨᠦ᠋ᠲ ᠪᠤᠶᠤ
2024᠂ 08᠂ 10᠃15᠄ 59 ᠮᠢᠨᠦ᠋ᠲ᠃
ᠬᠥᠬᠡᠬᠣᠲᠠᠨᠠ ᠭᠢᠴᠢᠶᠡᠩᠭᠦᠢ ᠪᠦᠳᠦᠭᠡᠪᠡᠢ᠃