ᠠᠯᠤᠰ ᠤᠨ ᠵᠠᠮ ᠳᠠᠭᠠᠨ ᠰᠠᠢᠨ ᠢᠷᠡᠪᠡ ᠦᠦАлсын замдаа сайн ирэв үү-ᠮᠠᠨᠳᠤᠬᠤ ᠪᠠᠭᠰᠢ ᠶᠢᠨ ᠤᠷᠠᠨ ᠪᠢᠴᠢᠯᠭᠡ
377ᠠᠯᠤᠰ ᠤ᠋ᠨ ᠵᠠᠮ ᠳ᠋ᠠᠭᠠᠨ ᠠᠮᠤᠷ ᠢᠷᠡᠪᠡ ᠤᠤ
ᠠᠶᠠᠨ ᠤ᠋ ᠵᠠᠮ ᠳ᠋ᠠᠭᠠᠨ ᠰᠠᠢᠨ ᠢᠷᠡᠪᠡ ᠤᠤ
ᠳᠦᠭᠦᠷᠡᠩ ᠪᠡᠯᠭᠡ ᠲᠡᠢ ᠬᠤᠨᠳᠠᠭᠠ ᠪᠠᠨ ᠡᠷᠭᠦᠭᠡᠳ
ᠠᠢᠷᠠᠭ ᠤ᠋ᠨ ᠳᠡᠭᠡᠵᠢ ᠶ᠋ᠢ ᠮᠢᠨᠢ ᠲᠣᠭᠲᠠᠭᠠᠭᠠᠷᠠᠢ᠃
ᠲᠠᠯᠠ ᠶ᠋ᠢᠨ ᠱᠠᠭᠠᠵᠠᠭᠠᠢ ᠱᠠᠭᠰᠢᠭᠠᠳ ᠪᠠᠢᠬᠤ ᠨᠢ
ᠲᠠᠨ ᠤ᠋ ᠢᠷᠡᠬᠦ ᠶ᠋ᠢ ᠮᠡᠳᠡᠭᠰᠡᠨ ᠪᠣᠯᠪᠠ ᠤᠤ
ᠲᠠᠩᠰᠤᠭ ᠳᠤᠯᠠᠭᠠᠨ ᠮᠣᠩᠭᠣᠯ ᠠᠢᠯ ᠳ᠋ᠤ᠌ ᠮᠢᠨᠢ
ᠲᠠᠪᠠᠲᠠᠢ ᠰᠠᠢᠬᠠᠨ ᠰᠠᠭᠠᠲᠠᠭᠠᠷᠠᠢ᠃
ᠬᠣᠯᠠ ᠶ᠋ᠢᠨ ᠵᠠᠮ ᠳ᠋ᠠᠭᠠᠨ ᠠᠮᠤᠷ ᠢᠷᠡᠪᠡ ᠤᠤ
ᠬᠣᠨᠣᠭ ᠤ᠋ᠨ ᠵᠠᠮ ᠳ᠋ᠠᠭᠠᠨ ᠰᠠᠢᠨ ᠢᠷᠡᠪᠡ ᠤᠤ
ᠲᠦᠪᠰᠢᠨ ᠪᠡᠯᠭᠡ ᠲᠡᠢ ᠬᠤᠨᠳᠠᠭᠠ ᠪᠠᠨ ᠡᠷᠭᠦᠭᠡᠳ
ᠠᠢᠷᠠᠭ ᠤ᠋ᠨ ᠳᠡᠭᠡᠵᠢ ᠶ᠋ᠢ ᠮᠢᠨᠢ ᠲᠣᠭᠲᠠᠭᠠᠭᠠᠷᠠᠢ᠃
ᠨᠤᠲᠤᠭ ᠤ᠋ᠨ ᠱᠠᠭᠠᠵᠠᠭᠠᠢ ᠱᠠᠭᠰᠢᠭᠠᠳ ᠪᠠᠢᠬᠤ ᠨᠢ
ᠨᠠᠢᠵᠠ ᠮᠢᠨᠢ ᠢᠷᠡᠬᠦ ᠶ᠋ᠢ ᠮᠡᠳᠡᠭᠰᠡᠨ ᠪᠣᠯᠪᠠ ᠤᠤ
ᠡᠯᠢᠭᠡ ᠳᠤᠯᠠᠭᠠᠨ ᠮᠣᠩᠭᠣᠯ ᠠᠢᠯ ᠳ᠋ᠤ᠌ ᠮᠢᠨᠢ
ᠡᠷᠡᠭᠡᠯᠡᠯ ᠦᠭᠡᠢ ᠰᠠᠢᠬᠠᠨ ᠰᠠᠭᠠᠲᠠᠭᠠᠷᠠᠢ᠃
ᠠᠷᠢᠭᠤᠨ ᠬᠠᠳᠠᠭ ᠢ᠋ᠶ᠋ᠠᠨ ᠲᠠᠨ ᠳ᠋ᠠᠭᠠᠨ ᠪᠠᠷᠢᠭᠠᠳ
ᠡᠷᠬᠢᠮ ᠲᠠᠨ ᠢ᠋ ᠪᠡᠨ ᠬᠣᠢᠮᠣᠷ ᠲᠠᠭᠠᠨ ᠤᠷᠢᠶᠠ
ᠰᠠᠷᠬᠤᠳ ᠤ᠋ᠨ ᠳᠡᠭᠡᠵᠢ ᠪᠡᠨ ᠳᠠᠭᠤᠯᠠᠨ ᠡᠷᠭᠦᠭᠡᠳ
ᠰᠠᠨᠠᠭᠠ ᠠᠮᠤᠷ ᠵᠢᠷᠭᠠᠨ ᠨᠠᠢᠷᠯᠠᠶᠠ᠃
ᠮᠠᠨᠳᠤᠬᠤ ᠪᠠᠭᠰᠢ ᠤᠷᠠᠯᠠᠨ ᠪᠢᠴᠢᠵᠦ᠂
ᠰᠠᠷᠠᠨᠲᠤᠶᠠᠭᠠ ᠦᠰᠦᠭ ᠢ᠋ ᠠᠮᠢᠯᠠᠭᠤᠯᠪᠠ᠃
ᠬᠢᠨᠠᠭᠴᠢ᠄ ᠲᠤᠶᠠᠭᠠ᠂ ᠲᠦᠮᠡᠨᠴᠡᠴᠡᠭ
ᠺᠣᠮᠫᠢᠦ᠋ᠲ᠋ᠧᠷ ᠦ᠋ᠨ ᠬᠢᠨᠠᠭᠴᠢ᠄ ᠬᠠᠨᠳᠠᠵᠠᠪ