ᠵᠣᠯ ᠲᠠᠢ ᠯᠠ ᠶᠤᠮ ᠡ᠂ ᠵᠣᠯ ᠲᠠᠢ ᠶᠤᠮ ᠳ᠋ᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Жолтой л юм аа ᠂ жолтой юм да – Ёндоны Билиг - Баатар
279ᠵᠣᠯ ᠲᠠᠢ ᠯᠠ ᠶᠤᠮ ᠡ᠂ ᠵᠣᠯ ᠲᠠᠢ ᠶᠤᠮ ᠳ᠋ᠠ
ᠵᠢᠷᠤᠮ ᠤ᠋ᠨ ᠡᠭᠡᠴᠢ
ᠬᠦᠷᠭᠡᠨ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠡᠴᠡ
ᠵᠣᠴᠢᠯᠠᠭᠤᠯᠤᠨ ᠨᠠᠷᠭᠢᠵᠤ ᠭᠠᠷᠤᠭᠠᠳ ᠯᠠ
ᠥᠪᠥᠷ ᠮᠣᠩᠭᠣᠯ ᠤ᠋ᠨ
ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠦ᠋ᠨ ᠣᠷᠳᠣᠨ ᠬᠠᠪᠢ
ᠵᠢᠰᠢᠶᠡᠨ ᠤ ᠮᠠᠰᠢᠨ ᠳ᠋ᠤ᠌ ᠰᠠᠭᠤᠭᠠᠳ ᠯᠠ
ᠠᠯᠲᠠᠨ ᠨᠤᠲᠤᠭ ᠤ᠋ᠨ ᠴᠡᠩᠬᠡᠷ ᠣᠷᠭᠢᠯᠲᠤ –
ᠥᠪᠡᠷ ᠦ᠋ᠨ ᠬᠣᠷᠢᠶᠠᠯᠠᠯ ᠳ᠋ᠠᠭᠠᠨ ᠬᠦᠷᠬᠦᠢ –
ᠪᠢᠴᠢᠯ ᠠᠶᠠᠯᠠᠯ ᠤ᠋ᠨ ᠬᠣᠭᠣᠷᠣᠨᠳᠣ ᠯᠠ
ᠵᠤᠨ ᠤ᠋ ᠤᠯᠠᠷᠢᠯ ᠤ᠋ᠨ ᠬᠥᠬᠥᠭᠡ ᠰᠢᠪᠠᠭᠤ
ᠵᠤᠭᠠᠲᠠᠢ ᠨᠢ ᠠᠷᠭᠠ ᠦᠭᠡᠢ
ᠭᠡᠨᠡᠲᠡᠢ ᠰᠠᠢᠬᠠᠨ ᠳᠣᠩᠭᠣᠳᠤᠭᠠᠳ ᠯᠠ
ᠵᠣᠯ ᠵᠤᠯᠠ ᠲᠠᠢ ᠶᠤᠮ ᠳᠠ! ᠪᠢ ᠴᠢᠨᠢ!
ᠵᠣᠯ ᠲᠠᠢ ᠯᠠ ᠶᠤᠮ ᠠ᠋! ᠪᠢ ᠁
ᠬᠠᠮᠤᠭ ᠤ᠋ᠨ ᠬᠠᠮᠤᠭ ᠤ᠋ᠨ ᠡᠭᠡᠯ ᠵᠢᠵᠢᠭᠬᠡᠨ ᠪᠢ
ᠬᠠᠮᠢᠭᠠ ᠶᠠᠪᠤᠭᠰᠠᠨ ᠴᠦ᠍ ᠯᠠ
ᠱᠠᠭᠠᠵᠠᠭᠠᠢ ᠨᠠᠮᠠ ᠶ᠋ᠢ ᠲᠣᠭᠣᠷᠢᠭᠠᠳ ᠯᠠ
ᠱᠠᠭᠢᠭᠰᠠᠨ ᠪᠣᠷᠣᠭᠠᠨ ᠰᠢᠭ᠋ ᠱᠠᠭᠰᠢᠬᠤ ᠶᠤᠮ
ᠬᠥᠳᠡᠭᠡ ᠬᠣᠲᠠ ᠦᠭᠡᠢ ᠬᠠᠮᠢᠭᠠ ᠴᠦ᠍
ᠬᠥᠬᠥᠭᠡ ᠯᠡ ᠮᠢᠨᠦ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤ᠌
ᠬᠦᠩᠭᠢᠨᠡᠩᠬᠡᠨ ᠮᠦᠰᠢᠶᠡᠩᠬᠡᠨ ᠳᠣᠩᠭᠣᠳᠬᠤᠢ
ᠬᠥᠳᠡᠭᠡ ᠶ᠋ᠢᠨ ᠮᠠᠯᠴᠢᠨ ᠤ᠋ ᠬᠦᠦ ᠪᠢ ᠪᠡᠷ
ᠬᠥᠭᠡᠷᠦᠬᠦᠢ ᠡᠪ ᠰᠠᠢᠨ ᠵᠣᠯ ᠲᠠᠢ ᠶᠤᠮ ᠠ᠋
ᠬᠦᠷᠬᠦ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠳᠡᠭ ᠬᠦᠦ ᠶᠦᠮ ᠠ᠋
2024᠂ 07᠂ 29᠃ 17:03 ᠮᠢᠨᠦ᠋ᠲ᠃
ᠬᠥᠬᠡᠬᠣᠲᠠ ᠶ᠋ᠢᠨ ᠨᠡᠢᠲᠡ ᠶ᠋ᠢᠨ ᠮᠠᠰᠢᠨ
100 ᠳ᠋ᠤᠭᠠᠷ ᠲᠤ᠌ ᠰᠠᠭᠤᠨ ᠭᠡᠷ ᠵᠦᠭ ᠢ᠋ᠶ᠋ᠡᠨ
ᠬᠠᠷᠢᠬᠤ ᠵᠠᠭᠤᠷᠠ ᠳ᠋ᠤ᠌ ᠪᠦᠲᠦᠭᠡᠪᠡᠢ᠃