ᠠᠪᠤ ᠪᠠᠨ ᠰᠠᠨᠠᠨᠠ -ᠲᠠᠩᠭᠤᠳ ᠫ᠂ ᠭᠡᠷᠡᠯᠲᠤᠶᠠᠭᠠАаваа санана-Тангад П,Гэрэлтуяа
984ᠠᠪᠤ ᠪᠠᠨ ᠰᠠᠨᠠᠨᠠ
ᠫ· ᠭᠡᠷᠡᠯᠲᠤᠶᠠᠭᠠ
ᠣᠷᠴᠢᠯᠠᠩ ᠳ᠋ᠤ᠌ ᠣᠯᠠᠨ ᠬᠥᠮᠦᠨ ᠲᠥᠭᠡᠷᠢᠵᠦ ᠬᠡᠯᠲᠦᠷᠡᠨᠡ
ᠣᠭᠲᠠᠷᠭᠤᠢ ᠳ᠋ᠤ᠌ ᠣᠯᠠᠨ ᠣᠳᠣᠳ ᠭᠢᠯᠠᠯᠵᠠᠵᠤ ᠭᠡᠷᠡᠯᠲᠦᠨᠡ
ᠬᠠᠮᠢᠭᠠ ᠨᠢᠭᠡᠲᠡᠭᠡ ᠡᠴᠡ ᠨᠢᠯᠬᠢᠲᠡᠯᠡ ᠰᠠᠯᠬᠢ ᠨᠠᠮᠢᠷᠠᠨᠠ
ᠬᠠᠷᠢᠨ ᠪᠢ ᠠᠪᠤ ᠶ᠋ᠢ ᠪᠡᠨ ᠵᠡᠭᠦᠳᠦᠯᠡᠵᠦ ᠵᠢᠷᠭᠠᠨᠠ ᠠ᠋
ᠭᠦᠨ ᠨᠣᠢᠷ ᠤ᠋ᠨ ᠳᠤᠮᠳᠠ ᠬᠥᠮᠦᠨ ᠵᠡᠭᠦᠳᠦᠯᠡᠳᠡᠭ ᠶᠦᠮ ᠪᠠᠢᠵᠠᠢ
ᠭᠦᠨᠵᠡᠭᠡᠢ ᠰᠠᠨᠠᠭᠰᠠᠨ ᠶᠠᠭᠤᠮᠠ ᠲᠠᠢ ᠪᠠᠨ ᠤᠴᠠᠷᠠᠳᠠᠭ ᠶᠤᠮ ᠪᠠᠢᠵᠠᠢ
ᠠᠯᠲᠠᠨ ᠨᠠᠷᠠᠨ ᠤ᠋ ᠳᠣᠣᠷᠠ ᠣᠯᠵᠤ ᠦᠵᠡᠳᠡᠭ ᠦᠭᠡᠢ ᠬᠥᠮᠦᠨ ᠲᠡᠢ
ᠠᠮᠲᠠᠲᠤ ᠨᠣᠢᠷᠣᠨ ᠳᠤᠮᠳᠠ ᠪᠠᠨ ᠵᠣᠯᠭᠠᠳᠠᠭ ᠶᠤᠮ ᠪᠠᠢᠵᠠᠢ ᠠ᠋
ᠬᠠᠨᠠᠲᠤ ᠭᠡᠷ ᠦ᠋ᠨ ᠮᠢᠨᠢ ᠬᠣᠢᠮᠣᠷ ᠭᠡᠷᠡᠯ ᠨᠠᠯᠠᠢᠨᠠ
ᠬᠠᠨ ᠨᠠᠷᠠᠨ ᠰᠡᠳᠬᠢᠯ ᠤᠶᠠᠰᠲᠠᠯᠠ ᠵᠤᠯᠠᠢ ᠶ᠋ᠢ ᠢᠯᠪᠢᠨᠡ
ᠬᠠᠭᠠᠯᠭᠠᠨ ᠵᠠᠢᠪᠴᠢ ᠪᠠᠷ ᠬᠠᠨ ᠠᠭᠤᠯᠠ ᠬᠠᠨᠠᠷᠠᠵᠤ ᠬᠠᠷᠠᠭᠳᠠᠨᠠ
ᠬᠠᠳᠠᠨ ᠥᠨᠳᠥᠷ ᠰᠠᠷᠢᠳᠠᠭ ᠵᠢᠷᠦᠬᠡᠨ ᠳ᠋ᠦ᠍ ᠵᠥᠭᠡᠯᠡᠨ ᠰᠦᠮᠪᠦᠷᠯᠡᠨᠡ ᠠ᠋
ᠤᠳᠠᠭᠠᠨ ᠬᠣᠨᠣᠭ ᠪᠦᠷ ᠴᠦ᠍ ᠰᠤᠷᠠᠭ ᠠᠯᠤᠰ ᠮᠣᠷᠳᠠᠭᠰᠠᠨ᠁
ᠤᠶᠠᠭᠠᠨ ᠳᠡᠭᠡᠷᠡ ᠮᠢᠨᠢ ᠵᠢᠪᠬᠤᠯᠵᠠᠭᠰᠠᠨ ᠮᠣᠷᠢ ᠲᠠᠢ ᠪᠠᠭᠤᠨᠠ
ᠤᠯᠠᠭᠠᠨ ᠵᠢᠷᠦᠬᠡ ᠪᠦᠷ ᠴᠦ᠍ ᠬᠠᠭᠰᠠᠵᠤ ᠮᠥᠷᠥᠭᠡᠳᠦᠭᠰᠡᠨ᠃᠃
ᠤᠨᠲᠠᠭᠠᠳ ᠰᠡᠷᠢᠬᠦ ᠳ᠋ᠦ᠍ ᠮᠢᠨᠢ ᠬᠠᠢᠯᠭᠠᠨ ᠨᠢᠯᠪᠤᠰᠤ ᠬᠠᠴᠠᠷ ᠡᠰᠬᠡᠭᠡᠨᠡ ᠡ
ᠦᠢᠯᠡ ᠶ᠋ᠢᠨ ᠦᠷᠡ ᠲᠡᠢ ᠬᠣᠷᠸᠠ ᠴᠡᠯᠡᠢᠨ ᠴᠠᠯᠠᠢᠨᠠ
ᠬᠦᠢ ᠶ᠋ᠢᠨ ᠵᠢᠮᠡ ᠲᠡᠢ ᠠᠮᠢᠳᠤᠷᠠᠯ ᠨᠠᠮᠠᠶ᠋ᠢ ᠤᠭᠲᠤᠨᠠ
ᠥᠭᠡᠳᠡ ᠪᠡᠨ ᠬᠥᠬᠡ ᠲᠩᠷᠢ ᠴᠡᠩᠬᠡᠷᠯᠡᠨ ᠴᠡᠯᠮᠡᠢᠨᠡ
ᠡᠳᠦᠷ ᠦ᠋ᠨ ᠣᠳᠣ ᠬᠠᠷᠠᠭᠰᠠᠨ ᠰᠢᠦ ᠬᠦᠦ ᠨᠢ ᠵᠢᠷᠦᠬᠡ ᠢᠭᠲᠦᠯᠦᠨᠡ ᠠ᠋
ᠠᠪᠤ ᠶ᠋ᠢ ᠪᠡᠨ ᠵᠡᠭᠦᠳᠦᠯᠡᠵᠦ ᠵᠢᠷᠭᠠᠬᠤ ᠪᠠᠷ ᠮᠥᠷᠥᠭᠡᠳᠦᠯ ᠳᠦᠭᠦᠷᠦᠨᠡ
ᠠᠶᠠᠨ ᠬᠣᠯᠠ ᠶ᠋ᠢᠨ ᠬᠠᠷᠭᠤᠢ ᠳ᠋ᠤ᠌ ᠪᠣᠳᠣᠯ ᠥᠩᠭᠡᠰᠢᠨᠡ
ᠠᠯᠤᠰ ᠲᠡᠷᠲᠡᠭᠡᠬᠢ ᠰᠤᠨᠤᠯᠵᠠᠭᠰᠠᠨ ᠵᠠᠮ ᠢ᠋ ᠰᠢᠷᠳᠡᠨᠡ
ᠠᠪᠤ ᠪᠣᠯᠤᠭᠰᠠᠨ ᠬᠦᠦ ᠲᠠᠨᠢ ᠥᠬᠢᠨ ᠢ᠋ᠶ᠋ᠡᠨ ᠬᠦᠯᠢᠶᠡᠨᠡ ᠠ᠋
ᠣᠷᠴᠢᠯᠠᠩ ᠳ᠋ᠤ᠌ ᠣᠯᠠᠨ ᠬᠥᠮᠦᠨ ᠲᠦᠷᠬᠢᠷᠡᠵᠦ ᠶᠠᠭᠠᠷᠠᠨᠠ
ᠣᠭᠲᠠᠷᠭᠤᠢ ᠳ᠋ᠤ᠌ ᠣᠯᠠᠨ ᠣᠳᠣᠳ ᠵᠢᠭᠳᠡᠯᠡᠵᠦ ᠢᠷᠠᠢᠨᠠ
ᠬᠠᠮᠢᠭᠠ ᠨᠢᠭᠡᠲᠡᠭᠡ ᠡᠴᠡ ᠰᠡᠪᠬᠢᠲᠡᠯᠡ ᠰᠠᠯᠬᠢ ᠢᠯᠪᠢᠨᠡ
ᠬᠠᠢᠷᠠᠲᠠᠢ ᠪᠦᠬᠦᠨ ᠮᠢᠨᠦ ᠵᠢᠷᠦᠬᠡᠨ ᠳ᠋ᠦ᠍ ᠮᠥᠩᠬᠡᠷᠡᠨᠡ ᠠ᠋᠃
2020᠂ 01᠂ 04᠂
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠴᠢᠨᠳᠠᠮᠤᠨᠢ᠂ ᠭᠠᠷᠮᠠ᠂ ᠣᠳᠬᠠᠨᠰᠣᠠ