ᠡᠷᠬᠡ ᠶ᠋ᠢ ᠰᠤᠷᠬᠤ ᠪᠠᠷ ᠪᠡᠷᠬᠡ ᠶ᠋ᠢ ᠰᠤᠷЭрхийг сурахаар бэрхийг сур
574《ᠡᠷᠬᠡ ᠶ᠋ᠢ ᠰᠤᠷᠬᠤ ᠪᠠᠷ
ᠪᠡᠷᠬᠡ ᠶ᠋ᠢ ᠰᠤᠷ!》
ᠡᠷᠲᠡᠨ ᠦ᠌ ᠮᠡᠷᠭᠡᠳ ᠦ᠋ᠨ
ᠰᠤᠷᠭᠠᠯ ᠰᠢᠦ!
ᠡᠴᠢᠭᠡ ᠡᠬᠡ ᠶ᠋ᠢᠨ
ᠰᠡᠳᠬᠢᠯ
ᠡᠨᠡᠷᠢᠯ ᠬᠠᠢᠷᠠ ᠶ᠋ᠢᠨ
ᠰᠣᠪᠢᠯ ᠰᠢᠦ!
ᠡᠩᠬᠦᠷᠡᠢ ᠬᠠᠢᠷᠠᠲᠠᠢ
ᠳᠡᠭᠦᠦ ᠨᠠᠷ ᠮᠢᠨᠢ
ᠡᠷᠭᠢᠴᠡᠭᠦᠯᠵᠦ ᠪᠣᠳᠣᠵᠤ
ᠦᠵᠡᠭᠰᠡᠨ ᠤᠤ?
ᠡᠷᠬᠡ᠂ ᠪᠡᠷᠬᠡ
ᠬᠣᠶᠠᠷ ᠢ᠋
ᠡᠪᠲᠡᠢ ᠵᠦᠢᠲᠡᠢ
ᠣᠢᠯᠠᠭᠠᠭᠰᠠᠨ ᠤᠤ?
ᠪᠡᠷᠬᠡ ᠭᠡᠳᠡᠭ
ᠦᠭᠡ ᠶ᠋ᠢᠨ
ᠪᠢᠲᠡᠭᠦᠦ ᠠᠭᠤᠯᠭᠠ ᠶ᠋ᠢ
ᠮᠡᠳᠡᠭᠰᠡᠨ ᠤᠤ?
ᠪᠢᠴᠢᠬᠠᠨ ᠵᠢᠭᠠᠬᠠᠨ
ᠲᠠᠷᠢᠬᠢᠨ ᠳ᠋ᠠᠭᠠᠨ
ᠪᠢᠰᠢᠯᠭᠠᠵᠤ ᠪᠣᠳᠣᠵᠤ
ᠰᠡᠳᠬᠢᠭᠰᠡᠨ ᠤᠤ?
ᠡᠷᠬᠡ ᠭᠡᠳᠡᠭ
ᠦᠭᠡ ᠶ᠋ᠢᠨ
ᠡᠮᠵᠡᠭ ᠳᠤᠲᠠᠭᠳᠠᠯ ᠢ᠋
ᠲᠠᠨᠢᠭᠰᠠᠨ ᠤᠤ?
ᠡᠷᠡᠭᠦᠯ ᠰᠠᠢᠬᠠᠨ ᠢ᠋ᠶ᠋ᠠᠷ
ᠬᠥᠮᠦᠵᠢᠬᠦ ᠶ᠋ᠢᠨ
ᠡᠷᠬᠢᠮ ᠴᠢᠨᠠᠷ ᠢ᠋
ᠲᠤᠩᠭᠠᠭᠰᠠᠨ ᠤᠤ?
ᠪᠡᠷᠬᠡ ᠡᠷᠬᠡ
ᠬᠣᠶᠠᠷ ᠤ᠋ᠨ
ᠪᠦᠬᠦ ᠤᠳᠬᠠ ᠶ᠋ᠢ
ᠬᠤᠷᠢᠶᠠᠩᠭᠤᠢᠯᠠᠵᠤ
ᠪᠡᠶᠡ᠂ ᠰᠤᠷᠤᠯᠭᠠ
ᠮᠣᠷᠠᠯ ᠵᠡᠷᠭᠡ
ᠪᠦᠬᠦ ᠲᠠᠯᠠ ᠪᠠᠷ
ᠬᠥᠮᠦᠵᠢᠬᠦ ᠨᠢ
ᠮᠠᠨᠳᠠᠭᠠᠷ ᠬᠥᠭᠡᠷᠦᠬᠦᠨ
ᠳᠡᠭᠦᠦ ᠨᠠᠷ ᠤ᠋ᠨ ᠮᠢᠨᠢ
ᠮᠠᠷᠲᠠᠵᠤ ᠪᠣᠯᠣᠰᠢ ᠦᠭᠡᠢ
ᠶᠣᠰᠣ ᠰᠢᠦ!
ᠮᠠᠭᠠᠳ ᠡᠭᠦᠨ ᠢ᠋ᠶ᠋ᠡᠨ
ᠪᠡᠶᠡᠯᠡᠭᠦᠯᠬᠦ ᠪᠡᠷ
ᠮᠠᠬᠠᠷᠠᠵᠤ ᠶᠠᠪᠤᠬᠤ ᠨᠢ
ᠴᠢᠬᠤᠯᠠ ᠰᠢᠦ!
ᠪᠤᠯᠪᠠᠷᠠᠢ ᠨᠢᠯᠬᠠ
ᠪᠡᠶᠡ ᠪᠡᠨ
ᠪᠣᠯᠪᠠᠰᠤᠷᠠᠭᠤᠯᠵᠤ ᠰᠠᠢᠨ
ᠴᠢᠭᠢᠷᠠᠭᠵᠢᠭᠤᠯᠵᠤ
ᠪᠣᠯᠪᠠᠰᠤᠨ ᠵᠠᠩ
ᠮᠣᠷᠠᠯ ᠢ᠋
ᠪᠤᠰᠤᠳ ᠠ᠋ᠴᠠ ᠢᠯᠡᠭᠦᠬᠡᠨ
ᠰᠤᠷᠴᠤ
ᠡᠷᠳᠡᠮ ᠮᠡᠳᠡᠯᠭᠡ ᠳ᠋ᠦ᠍
ᠨᠡᠪᠲᠡᠷᠡᠬᠦ ᠪᠡᠷ
ᠡᠬᠢᠨ ᠡᠴᠡ ᠰᠠᠢᠲᠤᠷ
ᠴᠢᠷᠮᠠᠢᠭᠠᠷᠠᠢ!
ᠡᠷᠳᠡᠮ ᠴᠢᠳᠠᠪᠤᠷᠢ
ᠬᠣᠣᠰᠯᠠᠭᠰᠠᠨ
ᠡᠷᠡᠯᠬᠡᠭ ᠪᠦᠷᠭᠦᠳ
ᠪᠣᠯᠤᠭᠠᠷᠠᠢ!
ᠡᠬᠡ ᠣᠷᠣᠨ ᠤ᠋ ᠪᠠᠨ
ᠠᠭᠠᠷ ᠲᠤ
ᠡᠷᠬᠡ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ
ᠳᠡᠭᠦᠯᠢᠭᠡᠷᠡᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠳᠬᠠᠨᠰᠣᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ
※ᠢᠷᠡᠯᠲᠡ᠄
ᠠᠯᠪᠠᠨ ᠵᠢᠷᠤᠮ ᠤ᠋ᠨ ᠲᠠᠪᠤᠨ ᠵᠢᠯ ᠦ᠋ᠨ ᠳᠦᠷᠢᠮᠲᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠦᠵᠡᠬᠦ ᠤᠩᠰᠢᠬᠤ ᠪᠢᠴᠢᠭ
ᠵᠢᠷᠭᠤᠳᠤᠭᠠᠷ ᠳᠡᠪᠲᠡᠷ
ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠦ᠋ᠨ ᠬᠡᠪᠯᠡᠯ ᠦ᠋ᠨ ᠬᠣᠷᠢᠶᠠ ᠨᠠᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ᠃ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠢᠨᠬᠤᠸᠠ ᠨᠣᠮ ᠤ᠋ᠨ ᠳᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ᠃ 1992 ᠣᠨ ᠤ᠋10 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠠᠩᠬᠠᠳᠤᠭᠠᠷ ᠬᠡᠪ ᠢ᠋ ᠬᠢᠪᠡ᠃
1994 ᠣᠨ ᠤ᠋11 ᠰᠠᠷᠠ ᠳ᠋ᠤ᠌ ᠭᠤᠷᠪᠠᠳᠤᠭᠠᠷ ᠤᠳᠠᠭᠠ ᠬᠡᠪᠯᠡᠪᠡ᠃