ᠲᠡᠮᠦᠵᠢᠨ ᠦ ᠳᠡᠭᠳᠡᠭᠡᠬᠡᠢ ᠳᠡᠭᠵᠢᠨ ᠬᠡᠦᠬᠡᠳ ᠤᠳ– ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Тэмүжиний дэгдээхий дэгжин хүүхдүүд – Ёндоны Билиг - Баатар
269 ᠲᠡᠮᠦᠵᠢᠨ ᠦ᠌ ᠳᠡᠭᠳᠡᠭᠡᠬᠡᠢ ᠬᠡᠦᠬᠡᠳ ᠦ᠋ᠳ
ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠡ ᠶᠣᠰᠣᠲᠠᠢ ᠴᠤ᠌
ᠲᠡᠮᠦᠵᠢᠨ ᠥᠨᠳᠥᠷ ᠡᠪᠦᠭᠡ ᠲᠡᠢ ᠪᠡᠨ
ᠳᠡᠩᠳᠡᠭᠦᠦ ᠳᠡᠩᠳᠡᠭᠦᠦ ᠭᠡᠮᠡᠷ ᠱᠠᠯ ᠠᠳᠠᠯᠢᠬᠠᠨ
ᠲᠡᠳᠡᠨᠦᠰ ᠦ᠋ᠨ ᠳᠤᠮᠳᠠ ᠁
ᠲᠤᠯᠤᠢ ᠨᠣᠶᠠᠨ ᠲᠠᠢ ᠬᠤᠪᠢᠯᠠᠢ ᠰᠡᠴᠡᠨ ᠲᠡᠢ
ᠳ᠋ᠠᠢ ᠰᠡᠴᠡᠨ ᠲᠡᠢ
ᠯᠢᠭᠳᠡᠨ ᠬᠤᠲᠤᠭᠲᠤ ᠬᠠᠭᠠᠨ ᠲᠠᠢ
ᠠᠯᠤᠩᠭᠤᠸᠠ ᠡᠬᠡ᠂ ᠥᠭᠡᠯᠦᠨ ᠡᠬᠡ
ᠪᠥᠷᠲᠡ ᠦᠵᠢᠨ ᠲᠡᠢ
ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠲᠤᠨ ᠲᠠᠢ
᠁ ᠁ ᠁
ᠡᠭᠡᠭᠡ ᠯᠡ ᠠᠪ ᠠᠳᠠᠯᠢᠬᠠᠨ
ᠨᠢᠭᠡ ᠯᠡ
ᠬᠡᠪ ᠦ᠋ᠨ ᠬᠤᠷᠤᠳ ᠰᠢᠭ᠋
ᠬᠡᠦᠬᠡᠳ ᠦ᠋ᠳ ᠪᠠᠢᠬᠤ ᠯᠠ ᠪᠤᠶᠠᠨ ᠡ
ᠲᠡᠳᠡᠨᠦᠰ ᠦ᠋ᠨ ᠢᠶᠡᠨ ᠳᠤᠮᠳᠠ ᠠ᠋ᠴᠠ ᠨᠢ
ᠪᠤᠯᠪᠠᠷᠠᠢ ᠭᠡᠭᠴᠢ ᠶ᠋ᠢᠨ ᠭᠡᠨᠡᠲᠡᠢ ᠬᠥᠭᠡᠷᠦᠬᠦᠨ
ᠪᠤᠮᠠᠨ ᠬᠡᠮᠡᠬᠦᠢ ᠨᠡᠷᠡ ᠲᠡᠢ ᠪᠢᠴᠢᠬᠠᠨ ᠥᠬᠢᠨ
ᠲᠦᠮᠡᠨ ᠦ᠌ ᠠᠩᠬᠠᠷᠤᠯ ᠢ᠋ ᠣᠨᠴᠠᠭᠠᠢ ᠲᠠᠲᠠᠨᠠ
ᠲᠡᠭᠦᠨ ᠦ᠌ ᠴᠡᠪᠡᠷ ᠢᠴᠢᠮᠡᠲᠡᠭᠡᠢ ᠨᠢ ᠶᠠᠭ ᠯᠠ
ᠲᠡᠭᠷᠢ ᠶ᠋ᠢᠨ ᠡᠷᠬᠡ ᠲᠠᠩᠬᠢᠯ ᠳᠠᠭᠢᠨᠢ ᠠᠳᠠᠯᠢ
ᠲᠡᠷᠡ ᠳᠣᠳᠣᠮ ᠢ᠋ᠶ᠋ᠠᠨ ᠢᠩᠲᠣᠣᠷ ᠤᠷᠤᠭᠤᠯ ᠢ᠋
ᠰᠠᠪᠬᠠᠨ ᠴᠠᠭᠠᠨ ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠳᠠᠷᠤᠵᠤ
ᠤᠰᠤᠨ ᠪᠣᠯᠣᠷ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ
ᠠᠯᠢᠶᠠ ᠡᠷᠪᠡᠬᠡᠢ ᠰᠢᠭ ᠮᠢᠰᠢᠶᠡᠬᠦ ᠨᠢ
ᠠᠯᠤᠩᠭᠤᠸᠠ ᠡᠵᠢ ᠶ᠋ᠢᠨ ᠪᠦᠷᠢᠯᠸᠠ ᠭᠡᠮᠡᠷ
ᠠᠯᠲᠠᠨ ᠰᠢᠷᠭᠠᠯ ᠴᠡᠴᠡᠭᠡᠰ ᠦ᠋ᠨ ᠵᠠᠬᠠ ᠪᠠᠷ
ᠠᠯᠢᠶᠠᠷᠠᠩᠬᠠᠨ ᠮᠥᠷᠥᠯᠡᠩᠭᠡᠨ ᠲᠣᠭᠯᠠᠬᠤᠢ –
ᠠᠯᠠᠭ ᠨᠢᠳᠦᠨ ᠦ᠌ ᠮᠢᠨᠢ ᠨᠢᠯᠪᠤᠰᠤᠨ
ᠠᠷᠴᠢᠵᠤ ᠠᠮᠵᠢᠯ ᠦᠭᠡᠢ ᠠᠰᠬᠠᠷᠠᠩᠬᠠᠨ
ᠠᠷᠭᠠ ᠦᠭᠡᠢ ᠯᠡ ᠪᠥᠮᠪᠥᠷᠢᠮᠡᠷᠬᠡᠨ
ᠠᠭᠠᠷ ᠠ᠋ᠴᠠ ᠠᠷᠢᠭᠤᠬᠠᠨ ᠳᠡᠭᠳᠡᠭᠡᠬᠡᠢ ᠨᠠᠷ
ᠠᠢᠮᠠᠭ ᠦᠨᠳᠦᠰᠦᠲᠡᠨ ᠦ᠌ ᠮᠢᠨᠢ ᠴᠣᠮᠣᠷᠯᠢᠭ!
ᠠᠮᠢᠳᠤ ᠶᠠᠪᠤᠭᠠ ᠶ᠋ᠢᠨ ᠮᠢᠨᠢ ᠯᠡ
ᠠᠯᠢ ᠭᠠᠭᠴᠠᠬᠠᠨ ᠯᠠ ᠯᠤᠲᠤ ᠵᠣᠷᠢᠯᠭᠠ –
ᠠᠮᠢᠳᠤ ᠬᠠᠯᠠᠭᠤᠨ ᠵᠢᠩᠬᠢᠨᠢ ᠶ᠋ᠢᠨ ᠡᠷᠳᠡᠨᠢᠰ !
ᠠᠭᠤᠤ ᠡᠵᠡᠨ ᠴᠢᠩᠭᠢᠰ ᠪᠣᠭᠳᠠ –
ᠲᠡᠮᠦᠵᠢᠨ ᠪᠠᠭᠠᠲᠤᠷ ᠤ᠋ᠨ ᠮᠢᠨᠢ
ᠳᠡᠭᠳᠡᠭᠡᠬᠡᠢ ᠬᠡᠦᠬᠡᠳ ᠦ᠋ᠳ
ᠠᠷᠢᠶᠠᠪᠠᠯᠤ ᠪᠤᠷᠬᠠᠨ ᠤ᠋ ᠲᠤᠩᠭᠠᠯᠠᠭ ᠮᠡᠯᠮᠡᠢ ᠳ᠋ᠦ᠍
ᠠᠶᠠ ᠬᠣᠬᠣᠢ ᠠ᠋᠂ ᠶᠠᠭᠤᠲᠠᠢ ᠵᠢᠷᠭᠠᠯᠠᠩ!
ᠠᠶᠠ ᠬᠣᠬᠣᠢ ᠠ᠋᠂ ᠶᠠᠭᠤᠲᠠᠢ ᠪᠣᠯᠪᠠᠰᠤᠨ
᠁ ᠦᠯᠢᠳᠬᠡᠰᠢ ᠦᠭᠡᠢ ᠭᠣᠶᠣᠬᠠᠨ!
᠁ ᠦᠨᠡᠬᠡᠷ ᠢ᠋ᠶ᠋ᠡᠨ ᠳᠠᠩᠴᠤ ᠭᠠᠢᠬᠠᠮᠰᠢᠭ᠌ᠲᠠᠢ
᠁ ᠁ ᠁
ᠠᠰᠬᠠ ᠬᠠᠯᠢᠯ ᠠ᠋ᠴᠠ ᠰᠢᠭᠤᠳ ᠦᠰᠦᠷᠦᠮᠡᠷ
ᠠᠯᠲᠠᠨ ᠨᠠᠷᠠ ᠶ᠋ᠢ ᠰᠢᠭᠤᠳ ᠲᠡᠪᠡᠷᠢᠮᠡᠷᠬᠡᠨ !
ᠠᠢᠬᠤᠪᠲᠤᠷ ᠬᠡᠴᠡᠭᠦᠦ ᠳᠣᠭᠳᠣᠯᠤᠭᠠᠳ ᠯᠠ
ᠠᠪᠤᠭᠰᠠᠨ ᠪᠠᠷᠢᠭ᠌ᠰᠠᠨ ᠢ᠋ᠶ᠋ᠠᠨ ᠴᠤ᠌
ᠠᠯᠳᠠᠭᠠᠳ ᠮᠠᠷᠲᠠᠭᠠᠳ ᠭᠣᠷᠢ ᠦᠭᠡᠢ ᠠ᠋
ᠠᠯᠤᠰ ᠬᠣᠯᠠ ᠶ᠋ᠢᠨ ᠲᠡᠷᠲᠡᠭᠡᠬᠢ
ᠠᠯᠳᠠᠷᠲᠤ ᠰᠢᠯᠢ ᠶ᠋ᠢᠨ ᠬᠣᠲᠠᠨᠠ ᠲᠣᠭᠯᠠᠭᠠ
ᠠᠴᠢ ᠣᠮᠪᠣᠯ ᠢ᠋ᠶ᠋ᠠᠨ ᠪᠦᠷ ᠴᠦ᠍
ᠠᠮᠢ ᠦᠭᠡᠢ ᠰᠠᠨᠠᠭᠠᠳ ᠭᠣᠷᠢ ᠦᠭᠡᠢ ᠠ᠋
ᠡᠪᠦᠭᠡ ᠪᠣᠯᠤᠭᠰᠠᠨ ᠪᠢ ᠪᠡᠷ ᠁
ᠠᠪᠤ ᠨᠢ ᠥᠨᠥᠳᠥᠷ ᠪᠠᠰᠠ ᠯᠠ
ᠠᠯᠲᠠᠨ ᠬᠢᠩᠭᠠᠨ ᠢ᠋ ᠵᠣᠷᠢᠭᠠᠳ ᠯᠠ
ᠠᠶᠠᠨ ᠤ᠋ ᠨᠢᠰᠬᠡᠯ ᠳᠡᠭᠡᠷᠡ ᠠᠵᠢᠯᠯᠠᠭᠠᠳ
᠁
ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠶᠠᠭᠤᠲᠠᠢ ᠶᠠᠭᠠᠷᠠᠤ ᠁
ᠶᠠᠭᠠᠬᠢᠬᠤᠪ ᠳᠧ ᠠ᠋ ᠶᠠᠭᠠᠷᠠᠬᠤ ᠰᠠᠢᠬᠠᠨ !
ᠠᠮᠢᠳᠤᠷᠠᠬᠤ ᠶᠢᠨ ᠲᠥᠯᠥᠭᠡᠨ ᠦ᠌ ᠤᠷᠤᠰᠬᠠᠯ
ᠦᠷᠡ ᠬᠣᠢᠴᠢᠰ ᠤ᠋ᠨ ᠢ᠋ᠶ᠋ᠠᠨ ᠯᠠ᠁
ᠥᠨᠢ ᠵᠢᠷᠭᠠᠯ ᠠᠮᠤᠭᠤᠯᠠᠩ ᠪᠠᠶᠠᠰᠬᠤᠯᠠᠩ ᠤ᠋ᠨ
ᠠᠰᠢᠳᠠ ᠠᠰᠢᠳᠠ ᠶ᠋ᠢᠨ
ᠬᠠᠢᠷᠠ ᠬᠠᠢᠷᠠ ᠶ᠋ᠢᠨ ᠯᠡ ᠲᠥᠯᠥᠭᠡ !
᠁
ᠢᠯᠡᠢ ᠬᠠᠯᠠᠭ ᠠ᠋ ᠠᠷᠠᠢ ᠯᠠ ᠮᠠᠷᠲᠠᠴᠢᠬᠠᠯᠠ
ᠠᠮᠢᠨ ᠬᠠᠢᠷᠠᠲᠠᠢ ᠥᠨᠥ ᠯᠡ
ᠠᠯᠲᠠᠨ ᠭᠥᠯᠥᠭᠡ ᠬᠠᠨᠢ ᠪᠠᠨ ᠁
ᠦᠶᠡ ᠬᠤᠷᠠᠭ ᠤ᠋ᠨ ᠡᠳᠡᠨᠥᠰ ᠢ᠋ᠶ᠋ᠡᠨ ᠯᠡ
ᠡᠭᠳᠡᠭᠦᠲᠡᠢ ᠬᠥᠭᠡᠷᠦᠬᠦᠨ ᠳᠡᠯᠪᠡ ᠪᠠᠬᠠᠷᠬᠠᠨ
ᠥᠭᠡᠳᠡ ᠡᠴᠡ ᠨᠢ ᠤᠭᠲᠤᠭᠠᠳ ᠯᠠ
ᠥᠨᠳᠥᠷ ᠲᠡᠭᠷᠢ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠲᠤᠯᠤᠮᠠᠷ
ᠦᠰᠦᠷᠦᠩᠬᠡᠨ ᠪᠠᠶᠠᠷᠯᠠᠩᠬᠠᠨ ᠲᠣᠭᠯᠠᠭᠠᠳ
᠁ ᠡᠨᠡ ᠬᠣᠷᠸᠠ ᠴᠢᠨᠢ ᠶᠡᠷᠦ ᠯᠡ
᠁ ᠡᠴᠦᠰ ᠦ᠋ᠨ ᠡᠴᠦᠰ ᠲᠡᠭᠡᠨ ᠯᠡ ᠭᠢᠯᠠᠰ !
᠁ ᠠᠮᠢᠲᠠᠳ ᠪᠦᠬᠦᠨ ᠡᠷᠬᠡ ᠲᠡᠭᠰᠢ!
᠁ ᠡᠩᠬᠡ ᠵᠡᠷᠭᠡᠴᠡᠨ ᠣᠷᠣᠰᠢᠬᠤᠢ
᠁ ᠡᠷᠡᠰ ᠡᠷᠬᠢᠮ ᠬᠠᠤᠯᠠᠢ ᠲᠠᠢ ᠴᠤ᠌ ᠁
᠁ ᠠᠮᠢᠲᠠᠨ ᠪᠣᠳᠠᠰ ᠤᠨ ᠯᠠ
ᠶᠢᠷᠲᠢᠨᠴᠦ ᠰᠢᠦ ᠳᠡ ! ᠮᠥᠩᠬᠡ ᠲᠡᠭᠷᠢ ᠡ
2024᠂ 07᠂ 24᠃ 12᠄ 39 ᠮᠢᠨᠦ᠋ᠲ᠃
ᠪᠢᠯᠢᠭ ᠦ᠋ᠨ ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ
ᠬᠣᠷᠢ ᠶᠢᠰᠦᠨ ᠦ᠌ ᠡᠳᠦᠷ ᠬᠥᠬᠡᠬᠣᠲᠠᠨᠠ
ᠯᠤᠲᠤ ᠲᠣᠮᠣ ᠪᠠᠶᠠᠷ ᠵᠢᠷᠭᠠᠯᠠᠩ ᠦᠯᠡᠮᠵᠢ ᠲᠡᠢ
ᠬᠢᠴᠢᠶᠡᠩᠭᠦᠢ ᠨᠢᠭᠦᠯᠡᠰᠦᠩᠭᠦᠢ ᠪᠦᠲᠦᠭᠡᠪᠡᠢ᠃