ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠯᠠ ᠠᠮᠢᠳᠤ ᠰᠢᠷᠭᠠᠯ ᠰᠣᠯᠣᠩᠭᠠ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Мөнх тэгрын л амьд шаргал солонго – Ёндоны Билиг - Баатар
283ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠯᠠ ᠠᠮᠢᠳᠤ ᠰᠢᠷᠭᠠᠯ ᠰᠣᠯᠣᠩᠭᠠ
ᠨᠣᠯ ᠰᠢᠷᠭᠠᠯ ᠠᠮᠢᠳᠤ ᠰᠣᠯᠣᠩᠭᠠ –
ᠮᠢᠨᠦ ᠮᠠᠰᠢ ᠪᠠᠶᠠᠰᠬᠤᠯᠠᠩ ᠬᠠᠢᠷᠠᠲᠠᠢ
ᠬᠠᠨᠢ ᠨᠡᠷᠡ ᠲᠡᠢ ᠠᠯᠲᠠᠨ ᠨᠣᠬᠠᠢ!
ᠨᠢᠳᠦ ᠴᠢᠴᠢᠮᠡ ᠪᠠᠳ ᠬᠠᠨᠷᠠᠩᠭᠤᠢ
ᠰᠥᠨᠢ ᠶ᠋ᠢᠨ ᠲᠦᠮᠡᠨ ᠠᠭᠱᠠᠨᠠ
ᠨᠠᠮᠠ ᠶ᠋ᠢ ᠪᠠᠨ ᠯᠠ ᠰᠣᠶᠣᠨ ᠭᠡᠭᠡᠷᠡᠭᠦᠯᠬᠦᠢ
ᠠᠯᠲᠠᠨ ᠦᠰᠦᠭ ᠲᠡᠢ ᠭᠢᠯᠪᠡᠬᠡᠨ ᠰᠢᠭ
ᠠᠯᠲᠠᠨ ᠬᠠᠭᠠᠨ ᠤ᠋ ᠤᠤᠭᠠᠨ ᠨᠡᠢᠰᠯᠡᠯ!
ᠠᠯᠳᠠᠷᠲᠤ ᠮᠢᠨᠦ ᠯᠡ ᠬᠥᠬᠡᠬᠣᠲᠠᠨᠠ
ᠠᠶᠤᠩᠭᠠ ᠶ᠋ᠢᠨ ᠳᠠᠭᠤᠨ ᠢ᠋ ᠬᠤᠷᠤᠢᠯᠠᠨ
ᠠᠲᠠᠭᠠᠲᠠᠳ ᠢ᠋ ᠮᠢᠬᠠᠷ ᠰᠡᠯᠡᠮᠡ ᠰᠢᠭ
ᠠᠰᠠᠨ ᠴᠠᠭᠠᠷᠢᠭᠯᠠᠩᠬᠠᠨ ᠥᠳᠬᠡᠨ ᠡᠭᠦᠯᠡᠨᠡ
ᠬᠥᠨᠳᠡᠯᠡᠨ ᠭᠣᠣᠯᠲᠤ ᠴᠠᠪᠴᠢᠨᠠᠮ ᠪᠥᠯᠥᠭᠡ
ᠨᠠᠢᠷᠠᠭᠴᠢ ᠵᠠᠯᠠᠭᠤᠬᠠᠨ ᠨᠠᠳᠠᠳᠤ ᠬᠠᠷᠢᠨ ᠴᠤ᠌
ᠠᠶᠤᠬᠤ ᠠᠶᠤᠮᠰᠢᠭ ᠬᠢᠯᠭᠠᠰᠤᠨ ᠲᠡᠳᠦᠢ ᠴᠤ᠌
ᠡᠩᠬᠡ ᠡᠭᠦᠷᠢᠳᠡ ᠣᠷᠣᠰᠢᠬᠤ ᠦᠭᠡᠢ ᠠ᠋
ᠤᠴᠢᠷ ᠨᠢ ᠪᠢ ᠨᠣᠬᠠᠢ ᠳ᠋ᠠᠭᠠᠨ ᠡᠵᠡᠨ!
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠢ᠋ᠶ᠋ᠡᠨ ᠯᠡ !!!
ᠠᠮᠢᠳᠤ ᠰᠢᠷᠭᠠᠯ ᠰᠣᠯᠣᠩᠭᠠ ᠲᠠᠢ ᠬᠥᠮᠦᠨ᠃
ᠠᠢᠬᠤᠪᠲᠤᠷ ᠯᠤᠲᠤ ᠲᠣᠮᠣ ᠠᠷᠰᠯᠠᠨ ᠰᠢᠭ᠋
ᠪᠡᠶᠡ ᠪᠠᠷᠠ ᠴᠤ᠌ ᠦᠭᠡᠢ ᠬᠥᠭᠡᠷᠦᠬᠦᠨ
ᠲᠠᠩᠭᠠᠷᠢᠭᠲᠤ ᠳᠡᠩᠳᠡᠭᠦᠦ ᠤᠬᠠᠭᠠᠨᠲᠠᠢ ᠠᠭᠠᠳ
ᠲᠠᠯᠠ ᠶ᠋ᠢᠨ ᠴᠢᠨᠣᠠ ᠰᠢᠭ᠋ ᠰᠥᠰᠥᠲᠡᠢ
ᠲᠠᠢᠭᠠᠨ ᠨᠠᠷᠢᠬᠠᠨ ᠴᠠᠭᠠᠪᠲᠤᠷ ᠭᠡᠳᠡᠰᠦ ᠲᠡᠢ
ᠴᠠᠪᠢᠳᠠᠷ ᠪᠥᠬᠡᠨ ᠴᠡᠭᠡᠨ ᠴᠠᠪᠢᠲᠠᠢ
ᠮᠠᠰᠢᠳᠠ ᠴᠢᠮᠪᠠᠢ ᠴᠢᠭᠢᠷᠠᠭ ᠴᠤᠭᠴᠢᠰ ᠲᠠᠢ
ᠮᠢᠨᠦ ᠨᠣᠬᠠᠢ! ᠮᠢᠨᠦ ᠰᠢᠷᠭᠠᠯ ᠰᠣᠯᠣᠩᠭᠠ
ᠮᠣᠩᠭᠣᠯ ᠨᠣᠬᠠᠢ ᠶ᠋ᠢᠨ ᠴᠢᠰᠤᠲᠠᠢ ᠠᠭᠠᠳ
ᠮᠠᠰᠢ ᠭᠠᠩᠭᠠᠩ ᠭᠣᠶᠣᠬᠠᠨ ᠵᠢᠰᠦᠲᠡᠢ!
ᠵᠢᠭᠠᠬᠠᠨ ᠣᠮᠪᠣᠯ ᠮᠢᠨᠢ ᠲᠡᠭᠦᠨ ᠳ᠋ᠦ᠍ ᠪᠡᠨ
ᠶᠠᠭ ᠵᠣᠬᠢᠴᠠᠭᠰᠠᠨ ᠬᠠᠨᠢ ᠨᠡᠷᠡ ᠶ᠋ᠢ
ᠵᠢᠭᠠᠯᠭᠠᠵᠤ ᠨᠠᠳᠠ ᠪᠠᠷ ᠬᠡᠯᠡᠭᠦᠯᠦᠯ ᠦᠭᠡᠢ ᠪᠡᠷ
ᠵᠢᠳᠠᠨ ᠤ᠋ ᠢᠷ ᠰᠢᠭ ᠬᠤᠷᠳᠤᠨ ᠭᠡᠭᠴᠢ
ᠡᠢᠨ ᠥᠭᠦᠯᠡᠷᠦᠨ᠄《ᠡᠪᠦᠭᠡ ᠲᠠᠩᠳᠠ
ᠮᠣᠷᠢ ᠨᠣᠬᠠᠢ ᠪᠤᠯ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠯᠡ
ᠮᠥᠩᠬᠡ ᠶ᠋ᠢᠨ ᠤᠷᠪᠠᠰᠢ ᠦᠭᠡᠢ! ᠁
ᠬᠠᠨᠢ ᠶᠤᠮ ᠠ᠋ ᠭᠡᠵᠦ ᠵᠠᠬᠢᠳᠠᠭ ᠠ᠋ᠴᠠ ᠯᠠ
ᠪᠢ ᠨᠣᠬᠠᠢ ᠳ᠋ᠠᠭᠠᠨ ᠬᠠᠨᠢ ᠭᠡᠳᠡᠭ ᠨᠡᠷᠡ
ᠦᠭᠭᠦᠨᠡ ᠠ᠋》 ᠭᠡᠵᠦ ᠬᠠᠢᠷᠠᠯᠠᠭᠰᠠᠨ!
ᠮᠥᠩᠬᠡ ᠲᠡᠭᠷᠢ ᠶ᠋ᠢ ᠣᠳᠣᠬᠠᠨ ᠳ᠋ᠠᠭᠠᠨ
ᠮᠢᠨᠦ ᠣᠮᠪᠣᠯ ᠮᠡᠳᠡᠭᠡ ᠦᠭᠡᠢ ᠠ᠋!
ᠮᠡᠳᠡᠬᠦ ᠴᠠᠭ ᠡᠷᠢᠨ ᠨᠢ ᠠᠢᠰᠤᠢ ᠠᠢᠰᠤᠢ
ᠮᠢᠨᠦ ᠡᠪᠦᠭᠡᠷᠡᠬᠦ ᠶᠠᠷᠢᠶᠠᠨ ᠦᠭᠡᠢ ᠵᠥᠪ
᠁ ᠁ ᠁
ᠮᠢᠨᠦ ᠣᠮᠪᠣᠯ ᠦᠰᠦᠨᠡᠮ ᠵᠧ ᠠ᠋ ᠁
ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ !!!
ᠭᠠᠯ ᠰᠢᠷᠭᠠ ᠰᠣᠯᠣᠩᠭᠠ !!!
᠁ ᠭᠠᠵᠠᠷ ᠲᠡᠭᠷᠢ ᠶ᠋ᠢ ᠬᠣᠯᠪᠤᠨᠠᠮ ᠶᠠ ᠁
2024᠂ 07᠂ 24᠃ 02᠄ 09 ᠮᠢᠨᠦ᠋ᠲ᠃
ᠰᠢᠯᠦᠭ ᠪᠦᠲᠦᠭᠡᠳᠡᠭ ᠰᠢᠷᠭᠠᠯ ᠬᠠᠳᠠᠨ
ᠪᠢᠴᠢᠭ ᠦ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠯᠠ !
ᠰᠠᠷᠠᠨ ᠤ᠋ ᠪᠦᠲᠡᠭ ᠰᠦᠨ ᠳᠣᠣᠷᠠ ᠯᠠ !
ᠬᠥᠬᠡᠬᠣᠲᠠᠨᠠ ᠦᠦᠷ ᠢ᠋ᠶ᠋ᠡᠷ ᠪᠦᠲᠦᠭᠡᠪᠡᠢ᠃