ᠡᠷᠡᠭᠦᠯ ᠦ᠋ᠨ ᠪᠠᠶᠠᠷ ᠤ᠋ᠨ ᠳᠠᠭᠤᠤ- ᠳ· ᠨᠠᠴᠤᠭᠳᠣᠷᠵᠢЭрүүлийн баярын дуу-Д.Нацагдорж
527 ᠳ᠂ ᠨᠠᠴᠤᠭᠳᠣᠷᠵᠢ
ᠡᠷᠡᠭᠦᠯ ᠡᠰᠡᠨ ᠭᠡᠭᠴᠢ
ᠡᠳᠦᠷ ᠪᠦᠷᠢ ᠪᠠᠶᠠᠷ
ᠨᠢᠭᠤᠷ ᠴᠢᠷᠠᠢ ᠭᠢᠯᠪᠠᠵᠤ
ᠴᠣᠭ ᠵᠠᠯᠢ ᠪᠠᠳᠠᠷᠠᠨᠠ᠃
ᠬᠥᠳᠡᠯᠬᠦ ᠶᠠᠪᠤᠬᠤ ᠳᠤᠷᠠ ᠪᠠᠷ
ᠬᠢᠬᠦ ᠪᠦᠲᠦᠭᠡᠬᠦ ᠰᠡᠳᠬᠢᠯ ᠢ᠋ᠶ᠋ᠡᠷ
ᠵᠣᠷᠢᠭᠰᠠᠨ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠦᠨᠡ᠃
ᠰᠠᠨᠠᠭᠰᠠᠨ ᠬᠡᠷᠡᠭ ᠢ᠋ ᠦᠢᠯᠡᠳᠦᠨᠡ᠃
ᠬᠡᠭᠡᠷᠡ ᠬᠥᠳᠡᠭᠡ ᠵᠤᠭᠠᠴᠠᠵᠤ
ᠪᠡᠶᠡ ᠮᠠᠬᠠᠪᠣᠳ ᠢ᠋ ᠰᠠᠢᠵᠢᠷᠠᠭᠤᠯᠤᠨᠠ᠃
ᠨᠠᠭᠠᠳᠤᠮ ᠴᠡᠩᠭᠡᠯ ᠢ᠋ᠶ᠋ᠡᠷ ᠪᠡᠶᠡᠰᠴᠦ
ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠲᠠᠢᠳᠬᠤᠷᠠᠭᠤᠯᠤᠨᠠ᠃
ᠡᠳᠦᠷ ᠪᠦᠷᠢ ᠠᠵᠢᠯᠯᠠᠵᠤ
ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢ ᠲᠡᠵᠢᠭᠡᠨᠡ᠃
ᠤᠷᠮᠠ ᠵᠣᠷᠢᠭ ᠥᠷᠨᠢᠵᠦ
ᠤᠯᠤᠰ ᠲᠥᠷᠥ ᠳ᠋ᠡᠭᠡᠨ ᠲᠤᠰᠠᠯᠠᠨᠠ᠃
ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠴᠢᠭᠢᠷᠠᠭ
ᠨᠠᠷᠠ ᠰᠠᠷᠠ ᠰᠢᠭ ᠲᠤᠩᠭᠠᠯᠠᠭ᠃
ᠨᠠᠰᠤ ᠠᠬᠢᠭᠰᠠᠨ ᠴᠤ᠌ ᠢᠳᠡᠷᠬᠡᠭ
ᠬᠦᠢᠲᠡᠨ ᠬᠠᠯᠠᠭᠤᠨ ᠳ᠋ᠤ᠌ ᠴᠤ᠌ ᠡᠷᠡᠯᠬᠡᠭ᠃
ᠡᠷᠡᠭᠦᠯ ᠡᠰᠡᠨ ᠪᠣᠯ
ᠡᠩᠬᠡ ᠶ᠋ᠢᠨ ᠵᠢᠷᠭᠠᠯ ᠮᠥᠨ᠃
ᠡᠩᠬᠡ ᠶ᠋ᠢᠨ ᠵᠢᠷᠭᠠᠯ ᠪᠣᠯ
ᠬᠡᠨ ᠦ᠌ ᠴᠤ᠌ ᠬᠦᠰᠡᠯ ᠮᠥᠨ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ