ᠡᠪᠡᠳᠴᠢᠲᠡᠨ ᠦ᠌ ᠶᠣᠢᠯᠠᠬᠤ ᠳᠠᠭᠤ- ᠳ· ᠨᠠᠴᠤᠭᠳᠣᠷᠵᠢӨвчтөний ёйлах дуу
256 ᠳ· ᠨᠠᠴᠤᠭᠳᠣᠷᠵᠢ
ᠮᠢᠨᠦ ᠨᠢᠭᠡ ᠨᠥᠬᠥᠷ
ᠨᠠᠰᠤ ᠭᠤᠴᠢ ᠢᠯᠡᠭᠦᠦ᠃
ᠬᠠᠭᠤᠴᠢᠨ ᠡᠪᠡᠳᠴᠢᠨ ᠳ᠋ᠦ᠍ ᠨᠡᠷᠪᠡᠭᠳᠡᠭᠡᠳ
ᠭᠡᠷ ᠦ᠋ᠨ ᠮᠤᠬᠤᠷ ᠲᠤ᠌ ᠬᠡᠪᠲᠡᠨᠡ᠃
ᠣᠭᠲᠣ ᠲᠠᠨᠢᠭᠳᠠᠬᠤ ᠦᠭᠡᠢ ᠪᠣᠯᠤᠭᠠᠳ
ᠣᠷᠣᠨ ᠳᠡᠭᠡᠷᠡ ᠳᠠᠷᠤᠭᠠᠰᠤᠲᠠᠢ
ᠣᠢᠷᠠ ᠬᠠᠪᠢ ᠳ᠋ᠤᠨᠢ ᠬᠦᠷᠦᠮᠡᠭᠴᠡ
ᠶᠣᠢᠯᠠᠬᠤ ᠳᠠᠭᠤ ᠭᠡᠩᠰᠢᠯᠡᠨᠡ᠃
ᠴᠢᠬᠢᠨ ᠳ᠋ᠦ᠍ ᠰᠣᠨᠣᠰᠬᠤ ᠳ᠋ᠤ᠌ ᠵᠢᠪᠡᠭᠦᠨ
ᠰᠡᠳᠬᠢᠯ ᠳ᠋ᠦ᠍ ᠪᠣᠳᠣᠬᠤ ᠳ᠋ᠤ᠌ ᠰᠡᠵᠢᠭᠯᠡᠮᠡᠷ
ᠵᠢᠰᠦ ᠴᠢᠷᠠᠢ ᠨᠢ ᠰᠢᠷᠠᠯᠠᠭᠠᠳ
ᠠᠷᠠᠰᠤ ᠮᠢᠬᠠ ᠨᠢ ᠬᠡᠯᠬᠢᠯᠳᠦᠵᠡᠢ᠃
ᠲᠣᠯᠣᠭᠠᠢ ᠬᠦᠵᠦᠭᠦᠦ ᠶ᠋ᠢ ᠬᠥᠳᠡᠯᠭᠡᠵᠦ ᠴᠢᠳᠠᠬᠤ ᠦᠭᠡᠢ
ᠲᠣᠳᠣ ᠦᠭᠡ ᠶ᠋ᠢ ᠥᠭᠦᠯᠡᠵᠦ ᠴᠢᠳᠠᠬᠤ ᠦᠭᠡᠢ
ᠤᠢᠳᠬᠠᠷᠲᠤ ᠣᠷᠣᠨ ᠳ᠋ᠤ᠌ ᠬᠡᠪᠲᠡᠭᠡᠳ
ᠦᠬᠦᠬᠦ ᠡᠳᠦᠷ ᠢ᠋ ᠬᠦᠯᠢᠶᠡᠨᠡ᠃
ᠡᠮ ᠳᠠᠩ ᠢ᠋ᠶ᠋ᠠᠷ ᠬᠣᠭᠣᠯᠠ ᠬᠢᠵᠦ
ᠡᠪᠡᠳᠬᠦ ᠴᠢᠨᠦᠷᠡᠬᠦ ᠪᠡᠷ ᠵᠤᠭᠠ ᠪᠣᠯᠭᠠᠨᠠ᠃
ᠥᠪᠡᠷ ᠦ᠋ᠨ ᠪᠡᠶᠡ ᠬᠠᠢᠷᠠᠨ ᠪᠣᠯᠤᠭᠠᠳ
ᠤᠯᠤᠰ ᠲᠠᠭᠠᠨ ᠪᠠᠰᠠ ᠬᠡᠷᠡᠭ ᠦᠭᠡᠢ ᠪᠣᠯᠵᠠᠢ᠃
ᠡᠩᠬᠦᠷᠡᠢᠯᠡᠵᠦ ᠶᠠᠪᠤᠭᠰᠠᠨ ᠦᠭᠡᠢ ᠶ᠋ᠢᠨ ᠬᠠᠷᠠᠭᠠ
ᠡᠷᠲᠡ ᠡᠴᠡ ᠰᠤᠪᠢᠯᠠᠭᠰᠠᠨ ᠦᠭᠡᠢ ᠶ᠋ᠢᠨ ᠬᠣᠬᠢ
ᠡᠷᠡᠭᠦᠯ ᠢ᠋ ᠬᠠᠮᠠᠭᠠᠯᠠᠬᠤ ᠳ᠋ᠤ᠌ ᠣᠴᠢᠭᠰᠠᠨ ᠪᠣᠯ
ᠢᠩᠭᠢᠵᠦ ᠶᠠᠭᠤᠨ ᠳ᠋ᠤ᠌ ᠬᠡᠪᠲᠡᠨᠡᠮ ᠪᠢᠯᠡ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ