ᠢᠨᠵᠠᠭᠠᠨ ᠵᠦᠰᠡ2(ᠰᠣᠯᠣᠩᠭᠠᠨ ᠨᠠᠢᠷᠠᠭᠯᠠᠯ※) – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ - Янзган зүс 2(солонгон найраглал※)Ёндоны Билиг - Баатар
258ᠬᠣᠶᠠᠷ ᠬᠥᠬᠡᠴᠢᠨ
ᠬᠣᠶᠠᠷ ᠬᠥᠬᠡᠴᠢᠨ
ᠨᠠᠷᠠ ᠲᠠᠢ ᠪᠣᠷᠣᠭᠠᠨ ᠳᠣᠣᠭᠤᠷ ᠴᠢᠨᠢ ᠠ᠋
ᠬᠤᠷᠠᠭᠠᠨ ᠪᠡᠯᠴᠢᠭᠡᠷ ᠢ᠋ᠶ᠋ᠡᠷ
ᠣᠯᠠᠨ ᠴᠤ ᠥᠰᠥᠷᠬᠡᠯᠡ ᠳᠧ ᠬᠥᠭᠡᠷᠦᠬᠦᠢ
ᠰᠠᠷᠠ ᠲᠠᠢ ᠰᠢᠪᠡᠷᠡᠭᠡ ᠪᠣᠷᠣᠭᠠᠨ ᠢ᠋ ᠬᠠᠷᠢᠨ
ᠡᠨᠡ ᠰᠥᠨᠢ ᠯᠡ ᠨᠢᠭᠡ ᠦᠵᠡᠭᠡᠳ
ᠨᠢᠳᠦ ᠪᠡᠨ ᠭᠠᠢᠭᠤᠢ ᠬᠤᠵᠢᠷᠯᠠᠯᠠ ᠭᠡᠮ ᠠ᠋
ᠭᠦᠨ ᠰᠥᠨᠢ ᠪᠡᠷ ᠰᠢᠪᠠᠭᠤᠳ ᠵᠢᠷᠭᠢᠬᠦ ᠶ᠋ᠢ
ᠬᠣᠷᠢᠨ ᠵᠢᠯ ᠦ᠋ᠨ ᠡᠮᠦᠨᠡ ᠰᠠᠶᠢ ᠯᠠ
ᠰᠢᠯᠤᠭᠤᠨ ᠬᠥᠬᠡ ᠶ᠋ᠢᠨ ᠬᠥᠳᠡᠭᠡ
ᠴᠢᠬᠢ ᠪᠡᠨ ᠭᠠᠢᠬᠠᠲᠠᠯᠠ ᠰᠣᠨᠣᠰᠤᠭᠰᠠᠨ ᠢ᠋
ᠣᠳᠣᠳ ᠤᠶᠠᠷᠠᠩᠬᠠᠨ ᠤᠬᠢᠯᠠᠭᠰᠠᠨ
ᠡᠨᠡ ᠯᠡ ᠬᠠᠷᠠᠩᠭᠤᠢ ᠰᠥᠨᠢ ᠡᠷᠭᠢᠴᠡᠭᠦᠯᠦᠯᠡ
ᠨᠠᠷᠠ ᠲᠠᠢ ᠪᠣᠷᠣᠭᠠᠨ ᠪᠠᠢᠵᠤ ᠪᠠᠢᠬᠤ ᠳ᠋ᠤ᠌
ᠰᠠᠷᠠ ᠲᠠᠢ ᠪᠣᠷᠣᠭᠠᠨ ᠪᠠᠢᠵᠤ ᠪᠣᠯᠬᠤ ᠪᠠᠢᠯᠭᠦᠢ
ᠠᠯᠲᠠᠨ ᠭᠥᠯᠥᠭᠡ ᠣᠮᠪᠣᠯ ᠢ᠋ᠶ᠋ᠠᠨ ᠬᠥᠲᠥᠯᠦᠨ
ᠠᠯᠲᠠᠨ ᠬᠠᠭᠠᠨ ᠤ᠋ ᠨᠡᠢᠰᠯᠡᠯ ᠦ᠋ᠨ
ᠠᠭᠤᠳᠠᠮᠬᠠᠨ ᠵᠡᠭᠡᠯᠢ ᠶ᠋ᠢᠨ ᠬᠠᠵᠠᠭᠤ ᠪᠠᠷ
ᠠᠭᠤᠤ ᠨᠠᠮ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠮᠦᠨᠡᠭᠦᠷ
ᠬᠥᠬᠡᠬᠣᠲᠠ ᠶ᠋ᠢᠨ ᠮᠡᠯᠮᠡᠢ※ ᠶ᠋ᠢᠨ ᠳᠡᠷᠭᠡᠳᠡᠭᠦᠷ
ᠰᠠᠷᠠᠨ ᠠᠪᠠᠬᠠᠢ ᠡᠭᠦᠯᠡ ᠬᠦᠯᠦᠭ᠍ᠯᠡᠭ᠍ᠰᠡᠨ
ᠰᠣᠨᠢᠷᠬᠠᠯᠲᠠᠢ ᠰᠥᠨᠢ ᠶ᠋ᠢᠨ
ᠪᠣᠷᠣᠭᠠᠨ ᠳᠤᠮᠳᠠᠭᠤᠷ ᠴᠢᠨᠢ ᠠ᠋
ᠰᠢᠯᠦᠭ ᠰᠡᠳᠬᠢᠮᠵᠢᠯᠡᠩᠬᠡᠨ
ᠠᠷᠠᠭᠠᠨ ᠰᠢᠯᠦᠰᠦ ᠠᠰᠬᠠᠷᠠᠮᠠ
ᠰᠠᠢᠬᠠᠨ ᠰᠠᠨᠠᠭᠠ ᠰᠠᠷᠠᠯ ᠤ᠋ᠨ ᠣᠯᠵᠠᠲᠠᠢᠬᠠᠨ
ᠴᠡᠯ ᠪᠤᠭᠤᠷᠤᠯ ᠦᠰᠦ ᠪᠡᠨ
ᠰᠠᠷᠠ ᠲᠢ ᠢᠨᠵᠠᠭᠠᠨ ᠵᠦᠰᠡ ᠪᠡᠷ ᠴᠢᠨᠢ
ᠰᠠᠮᠨᠠᠭᠤᠯᠤᠩᠬᠠᠨ ᠠᠮᠤᠭᠤᠯᠠᠩ ᠠᠯᠬᠤᠯᠠᠯᠠ ᠁
᠁ ᠣᠷᠣᠬᠤ ᠣᠷᠣᠬᠤ ᠦᠭᠡᠢ ᠨᠢ ᠠ᠋
᠁ ᠪᠣᠷᠣᠭᠠᠨ ᠤ᠋ ᠰᠠᠨᠠᠭᠠ ᠡᠷᠬᠡ ᠪᠢᠰᠢ ᠁
ᠲᠡᠭᠷᠢ ᠠᠪᠤ ᠶ᠋ᠢᠨ ᠯᠡ ᠰᠦᠷ ᠵᠠᠷᠯᠢᠭ ᠪᠠᠢᠯᠭᠦᠢ
᠁ ᠣᠷᠣᠬᠤ ᠪᠣᠷᠣᠭᠠᠨ ᠢ ᠮᠢᠨᠢ ᠡ
᠁ ᠣᠷᠣᠭᠤᠯᠬᠤ ᠦᠭᠡᠢ ᠭᠡᠵᠦ ᠳᠡᠮᠡᠢᠷᠡᠬᠦ ᠨᠢ
ᠲᠡᠨᠡᠭ ᠯᠤᠢᠪᠠᠷᠴᠢᠳ ᠤᠨ ᠮᠥᠬᠥᠯ ᠪᠠᠢᠯᠭᠦᠢ
᠁ ᠲᠡᠭᠷᠢ ᠲᠡᠢ ᠳᠡᠮᠡᠢ ᠥᠷᠥᠰᠦᠯᠳᠦᠬᠦ ᠠᠨᠤ
ᠲᠡᠷᠢᠭᠦᠨ ᠲᠣᠯᠣᠭᠠᠢ ᠪᠠᠨ ᠴᠠᠪᠴᠢᠭᠤᠯᠬᠤ ᠰᠢᠨᠵᠢ
᠁ ᠲᠡᠢᠮᠦ ᠶᠠᠭᠤᠮᠠᠰ ᠤᠳᠠᠭᠠᠨ ᠲᠡᠰᠬᠦ ᠪᠢᠰᠢ
ᠲᠡᠳᠡᠨᠦᠰ ᠲᠦ᠍ ᠲᠡᠭᠷᠢ ᠭᠡᠵᠦ ᠪᠠᠢᠳᠠᠭ ᠦᠭᠡᠢ
᠁ ᠁ ᠁
ᠵᠠᠯᠭᠠᠮᠵᠢ ᠪᠣᠢ! ᠤᠩᠰᠢᠭᠴᠢ ᠮᠢᠨᠢ
2024᠂ 6᠂ 4 – 6᠂ 5 01᠄ 09᠃ ᠦᠦᠷ᠃
ᠬᠥᠬᠡᠬᠣᠲᠠᠨᠠ ᠲᠤᠩᠭᠠᠯᠠᠭ ᠪᠦᠲᠦᠭᠡᠪᠡᠢ᠃