ᠬᠠᠢᠷᠠᠨ ᠥᠬᠢᠨ- ᠳ· ᠨᠠᠴᠤᠭᠳᠣᠷᠵᠢХайран охин-Д.Нацагдорж
330 ᠳ· ᠨᠠᠴᠤᠭᠳᠣᠷᠵᠢ
ᠬᠠᠷᠠ ᠴᠠᠭᠠᠨ ᠢ᠋ᠶ᠋ᠠᠷ ᠢᠯᠭᠠᠷᠠᠨ ᠨᠠᠭᠠᠳᠤᠭᠰᠠᠨ ᠠᠯᠠᠭ ᠨᠢᠳᠦ
ᠬᠠᠷᠠᠬᠤ ᠵᠥᠭᠡᠯᠡᠨ ᠤᠷᠢᠬᠠᠨ ᠬᠠᠷᠠᠴᠠ ᠶ᠋ᠢ ᠲᠣᠬᠢᠷᠠᠭᠤᠯᠵᠠᠢ᠃
ᠬᠠᠢᠷᠠᠨ ᠥᠬᠢᠨ ᠳ᠋ᠦ᠍ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ(ᠬᠦᠢᠲᠡᠨ) ᠲᠣᠰᠤᠭᠠᠳ
ᠬᠠᠷᠠᠬᠤ ᠨᠢᠳᠦᠨ ᠦ᠌ ᠬᠠᠷᠠᠴᠠ ᠶ᠋ᠢ ᠰᠦᠢᠳᠬᠡᠵᠡᠢ᠃
ᠬᠠᠷᠠᠩᠭᠤᠢ ᠶ᠋ᠢᠨ ᠳᠣᠲᠣᠷᠠ ᠰᠡᠳᠬᠢᠯ ᠨᠢ ᠪᠤᠬᠢᠨᠢᠳᠤᠵᠤ
ᠬᠠᠰ ᠤ᠋ᠨ ᠴᠢᠷᠠᠢ ᠨᠢ ᠡᠳᠦᠷ ᠳᠣᠳᠣᠮ ᠳᠣᠷᠣᠢᠲᠠᠵᠠᠢ᠃
ᠶᠢᠷᠲᠢᠨᠴᠦ ᠶ᠋ᠢᠨ ᠰᠠᠢᠬᠠᠨ ᠢ᠋ ᠲᠠᠭᠠᠯᠠᠬᠤ ᠭᠡᠵᠦ ᠭᠣᠷᠢᠳᠠᠪᠠᠴᠤ
ᠡᠢᠮᠦ ᠵᠣᠪᠠᠯᠠᠩ ᠳ᠋ᠠᠭᠠᠨ ᠤᠬᠢᠯᠠᠨ ᠭᠠᠰᠠᠯᠤᠨ᠂ ᠭᠣᠨᠢᠭᠷᠠᠨᠠ᠃
ᠣᠷᠴᠢᠮ ᠤ᠋ᠨ ᠭᠣᠶᠣᠮᠰᠣᠭ ᠢ᠋ ᠦᠵᠡᠶᠡ ᠭᠡᠵᠦ ᠪᠣᠳᠣᠪᠠᠴᠤ
ᠣᠰᠣᠯ ᠴᠠᠯᠠᠭᠠᠷ ᠢ᠋ᠶ᠋ᠠᠨ ᠰᠠᠨᠠᠨ ᠰᠠᠨᠠᠨ ᠭᠤᠲᠤᠨᠠ᠃
ᠠᠢᠯ ᠠᠢᠮᠠᠭ ᠠᠬᠠ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠷ ᠠᠢᠯᠴᠢᠯᠠᠶᠠ ᠭᠡᠪᠡᠴᠦ
ᠠᠷᠭᠠ ᠪᠠᠷᠠᠭᠳᠠᠨ ᠲᠠᠶᠠᠭ ᠪᠠᠷᠢᠵᠤ ᠬᠠᠰᠢᠶᠠ ᠬᠠᠳᠬᠤᠨᠠ᠃
ᠠᠳᠠᠭ ᠤ᠋ᠨ ᠮᠠᠭᠤ ᠨᠣᠬᠠᠢ ᠳ᠋ᠤ᠌ ᠠᠶᠤᠯᠭᠠᠭᠤᠯᠵᠤ ᠠᠶᠤᠪᠠᠴᠤ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡ ᠳᠡᠯᠡᠰᠴᠦ ᠵᠣᠪᠠᠯᠠᠩ ᠳ᠋ᠤ᠌ ᠲᠥᠭᠡᠷᠢᠨᠡ᠃
1935 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ