ᠡᠷᠡᠭᠦᠯ ᠡᠩᠬᠡ ᠠᠮᠢᠳᠤᠷᠠᠬᠤ 10 ᠠᠷᠭᠠЭрүүл энх амьдрах 10 арга
715
ᠡᠷᠡᠭᠦᠯ ᠡᠩᠬᠡ ᠠᠮᠢᠳᠤᠷᠠᠬᠤ ᠶ᠋ᠢᠨ 10 ᠠᠷᠭᠠ
ᠡᠷᠡᠭᠦᠯ ᠡᠩᠬᠡ ᠶᠠᠪᠤᠪᠠᠯ ᠮᠢᠩᠭᠠ ᠪᠠᠢᠲᠤᠭᠠᠢ ᠲᠦᠮᠡ ᠪᠤᠮᠠᠨ ᠪᠣᠯᠤᠨᠠ᠃ ᠬᠥᠮᠦᠨ ᠡᠷᠡᠭᠦᠯ ᠠᠮᠢᠳᠤᠷᠠᠬᠤ ᠶ᠋ᠢᠨ ᠲᠤᠯᠠᠳᠠ ᠥᠪᠡᠷ ᠦ᠋ᠨ ᠬᠢᠵᠦ ᠴᠢᠳᠠᠬᠤ ᠪᠣᠯᠤᠯᠴᠠᠭᠠ ᠲᠠᠢ ᠪᠦᠬᠦᠨ ᠢ᠋ ᠬᠢᠳᠡᠭ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠭᠡᠪᠡᠴᠦ ᠵᠠᠷᠢᠮ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠮᠥᠷᠳᠡᠯᠭᠡ ᠪᠣᠯᠭᠠᠬᠤ ᠡᠩ ᠦ᠋ᠨ ᠬᠡᠳᠦᠨ ᠵᠦᠢᠯ ᠢ᠋ ᠴᠦ᠍ ᠲᠡᠷᠡ ᠪᠦᠷ ᠠᠩᠵᠠᠭᠠᠷᠠᠬᠤ ᠦᠭᠡᠢ ᠪᠠᠢᠬᠤ ᠨᠢ ᠪᠣᠢ᠃
1. ᠵᠡᠭᠦᠷᠮᠡᠭᠯᠡᠵᠦ ᠰᠤᠷ!
ᠬᠡᠷᠪᠡ ᠲᠠ ᠨᠣᠢᠷ ᠰᠠᠢᠲᠠᠢ ᠪᠣᠯ ᠪᠣᠯᠤᠮᠵᠢ ᠲᠠᠢ ᠦᠶᠡ ᠳ᠋ᠡᠭᠡᠨ ᠪᠠᠭᠠ ᠵᠡᠷᠭᠡ ᠤᠨᠲᠠᠵᠤ ᠪᠠᠢ᠃ ᠢᠩᠭᠢᠵᠦ ᠴᠢᠳᠠᠪᠠᠯ ᠲᠠᠨ ᠤ᠋ ᠪᠡᠶᠡ ᠪᠣᠯᠤᠨ ᠣᠶᠤᠨ ᠤ᠋ ᠴᠢᠳᠠᠪᠬᠢ ᠳ᠋ᠤ᠌ ᠡᠶᠡᠷᠭᠦ ᠪᠡᠷ ᠨᠥᠯᠥᠭᠡᠯᠡᠵᠦ᠂ ᠪᠦᠲᠦᠭᠡᠯᠴᠢ ᠴᠢᠳᠠᠪᠤᠷᠢ ᠶ᠋ᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃ ᠦᠳᠡ ᠶ᠋ᠢᠨ ᠬᠣᠭᠣᠯᠠᠨ ᠤ᠋ ᠳᠠᠷᠠᠭᠠ ᠪᠠᠭᠠ ᠵᠡᠷᠭᠡ ᠵᠡᠭᠦᠷᠮᠡᠭᠯᠡᠬᠦ ᠨᠢ ᠲᠤᠩ ᠠᠰᠢᠭᠲᠠᠢ ᠭᠡᠵᠦ ᠡᠷᠳᠡᠮᠲᠡᠳ ᠦᠵᠡᠳᠡᠭ᠃ ᠭᠤᠲᠤᠯ ᠢ᠋ᠶ᠋ᠠᠨ ᠲᠠᠢᠯᠤᠭᠠᠳ᠂ ᠬᠥᠰᠢᠭ ᠢ᠋ᠶ᠋ᠡᠨ ᠬᠠᠭᠠᠭᠠᠳ 14 ᠮᠢᠨᠦ᠋ᠲ ᠯᠡ ᠲᠠᠢᠪᠤᠩ ᠤᠨᠲᠠᠵᠤ ᠴᠢᠳᠠᠳᠠᠭ ᠪᠠᠢᠬᠤ ᠬᠡᠷᠡᠭᠲᠡᠢ᠃
2 . ᠵᠥᠪ ᠰᠠᠭᠤᠵᠤ ᠰᠤᠷ!
ᠶᠡᠬᠡᠩᠬᠢ ᠬᠥᠮᠦᠰ ᠰᠠᠨᠳᠠᠯᠢ ᠳᠡᠭᠡᠷᠡ ᠪᠤᠷᠤᠭᠤ ᠰᠠᠭᠤᠵᠤ᠂ ᠤᠷᠤᠭᠰᠢ ᠪᠠᠨ ᠬᠡᠳᠦ ᠲᠣᠩᠭᠣᠢᠭᠰᠠᠨ ᠠ᠋ᠴᠠ ᠲᠡᠩᠴᠡᠪᠦᠷᠢ ᠪᠡᠨ ᠠᠯᠳᠠᠵᠤ᠂ ᠶᠡᠬᠡ ᠡᠪ ᠦᠭᠡᠢ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠳᠠᠭ ᠪᠣᠯᠬᠤ ᠶ᠋ᠢ ᠡᠮᠴᠢ ᠮᠡᠷᠭᠡᠵᠢᠯᠲᠡᠨ ᠨᠦ᠍ᠭᠦᠳ ᠲᠣᠭᠲᠠᠭᠠᠵᠠᠢ᠃ ᠬᠡᠷᠪᠡ ᠲᠠ ᠶᠡᠬᠡᠩᠬᠢ ᠴᠠᠭ ᠢ᠋ᠶ᠋ᠠᠨ ᠰᠢᠷᠡᠭᠡᠨ ᠦ᠌ ᠠᠷᠤ ᠳ᠋ᠤ᠌ ᠥᠩᠭᠡᠷᠡᠭᠦᠯᠳᠡᠭ ᠪᠣᠯ ᠪᠡᠶᠡ ᠳ᠋ᠡᠭᠡᠨ ᠠᠯᠢ ᠪᠣᠯᠬᠤ ᠡᠪᠲᠡᠢᠬᠡᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠰᠠᠭᠤᠵᠤ ᠪᠠᠢ᠃ ᠰᠠᠨᠳᠠᠯᠢ ᠲᠣᠭᠲᠠᠪᠤᠷᠢᠲᠠᠢ᠂ ᠲᠦᠰᠢᠯᠭᠡ ᠨᠢ ᠲᠣᠬᠢᠷᠠᠭᠰᠠᠨ᠂ ᠥᠭᠡᠵᠡᠭ᠂ ᠡᠪᠦᠳᠦᠭ ᠬᠣᠶᠠᠷ ᠴᠢᠨᠢ ᠨᠢᠭᠡ ᠲᠦᠪᠰᠢᠨ ᠳ᠋ᠦ᠍ ᠪᠠᠢᠷᠢᠯᠠᠵᠤ ᠥᠰᠥᠭᠡᠢ ᠴᠢᠨᠢ ᠱᠠᠯᠠᠨ ᠳᠡᠭᠡᠷᠡ ᠪᠦᠲᠦᠨ ᠲᠠᠯᠪᠢᠭᠳᠠᠭᠰᠠᠨ ᠪᠠᠢᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ᠃
3 . ᠰᠡᠳᠬᠢᠵᠦ ᠰᠤᠷ!
ᠠᠯᠢᠪᠠ ᠶᠠᠭᠤᠮᠠ ᠶ᠋ᠢ ᠬᠥᠮᠦᠨ ᠶᠠᠭᠠᠬᠢᠵᠤ ᠬᠦᠯᠢᠶᠡᠵᠦ ᠠᠪᠬᠤ ᠠ᠋ᠴᠠ ᠪᠦᠬᠦ ᠵᠦᠢᠯ ᠰᠢᠯᠲᠠᠭᠠᠯᠠᠳᠠᠭ ᠪᠣᠯᠬᠤ ᠶ᠋ᠢ ᠡᠷᠳᠡᠮᠲᠡᠳ ᠲᠣᠭᠲᠠᠭᠠᠵᠠᠢ᠃ ᠲᠤᠬᠠᠢ ᠶ᠋ᠢᠨ ᠠᠵᠢᠯ ᠢ᠋ ᠬᠢᠵᠦ ᠭᠦᠢᠴᠡᠳᠬᠡᠬᠦ ᠳ᠋ᠡᠭᠡᠨ ᠬᠡᠴᠡᠭᠦᠦ ᠪᠠᠢᠬᠤ ᠲᠠᠯᠠ ᠪᠠᠷ ᠨᠢ ᠪᠤᠰᠤ᠂ ᠬᠠᠷᠢᠨ ᠡᠨᠡ ᠠᠵᠢᠯ ᠢ᠋ ᠬᠡᠷᠬᠢᠨ ᠶᠠᠭᠠᠬᠢᠵᠤ ᠠᠮᠵᠢᠯᠲᠠ ᠲᠠᠢ ᠳᠠᠭᠤᠰᠬᠠᠬᠤ ᠲᠤᠬᠠᠢ ᠯᠠ ᠪᠣᠳᠣᠳᠠᠭ ᠪᠣᠯ ᠲᠠ ᠶᠠᠭᠤ ᠶ᠋ᠢ ᠴᠦ᠍ ᠬᠢᠵᠦ ᠴᠢᠳᠠᠨᠠ᠃
4 . ᠪᠡᠶᠡ ᠪᠡᠨ ᠰᠤᠯᠠᠯᠠᠵᠤ ᠪᠠᠢ!
ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳ᠋ᠤ᠌ ᠶᠠᠭᠤ ᠴᠤ᠌ ᠬᠢᠬᠦ ᠦᠭᠡᠢ ᠵᠦᠭᠡᠷ ᠪᠠᠢᠬᠤ ᠨᠢ ᠬᠠᠮᠤᠭ ᠤ᠋ᠨ ᠵᠣᠪᠠᠯᠠᠩ ᠲᠠᠢ ᠶᠤᠮ ᠰᠢᠭ᠋ ᠪᠠᠢᠳᠠᠭ᠃ ᠭᠡᠬᠦ ᠳ᠋ᠡᠭᠡᠨ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠵᠦᠭᠡᠷ ᠰᠠᠭᠤᠬᠤ ᠳ᠋ᠤ᠌ ᠪᠡᠶᠡ ᠶ᠋ᠢᠨ ᠢᠳᠡᠪᠬᠢᠵᠢᠯ ᠰᠠᠢᠵᠢᠷᠠᠳᠠᠭ ᠪᠠᠢᠨᠠ᠃ ᠢᠩᠭᠢᠵᠦ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠢᠳᠡᠪᠬᠢᠵᠢᠯ ᠢ᠋ ᠰᠠᠢᠵᠢᠷᠠᠭᠤᠯᠤᠶᠠ ᠭᠡᠪᠡᠯ ᠦᠶᠡ ᠦᠶᠡ ᠶᠠᠭᠤ ᠴᠤ᠌ ᠬᠢᠬᠦ ᠦᠭᠡᠢ ᠠᠮᠠᠷᠠᠵᠤ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠪᠡᠶᠡ ᠪᠡᠨ ᠠᠯᠢ ᠪᠣᠯᠬᠣᠷ ᠰᠤᠯᠠ ᠲᠠᠯᠪᠢᠵᠤ ᠨᠢᠭᠡ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠪᠠᠢᠵᠤ ᠴᠢᠳᠠᠪᠠᠯ ᠲᠠᠨ ᠤ᠋ ᠢᠳᠡᠪᠬᠢ ᠳᠡᠭᠡᠭᠰᠢᠯᠡᠨᠡ᠃
5 . ᠪᠠᠢᠩᠭᠤ ᠬᠥᠳᠡᠯ!
ᠪᠡᠶᠡ ᠪᠡᠨ ᠲᠣᠭᠲᠠᠮᠠᠯ ᠴᠢᠭᠢᠷᠠᠭᠵᠢᠭᠤᠯᠵᠤ᠂ ᠳᠠᠰᠬᠠᠯ ᠰᠤᠷᠭᠠᠭᠤᠯᠢ ᠬᠢᠳᠡᠭ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠨᠢ ᠲᠠᠷᠢᠬᠢ ᠪᠣᠯᠤᠨ ᠪᠤᠰᠤᠳ ᠡᠷᠬᠡᠲᠡᠨ ᠢ᠋ ᠬᠦᠴᠢᠯᠲᠥᠷᠦᠭᠴᠢ ᠪᠡᠷ ᠬᠠᠩᠭᠠᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠨᠠ᠃ ᠮᠥᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠳᠠᠰᠬᠠᠯ ᠬᠢᠵᠦ ᠬᠥᠯᠥᠷᠡᠬᠦ ᠨᠢ ᠤᠰᠤᠨ ᠳ᠋ᠤ᠌ ᠣᠷᠣᠭᠰᠠᠨ ᠮᠡᠲᠦ ᠰᠡᠳᠬᠢᠭᠳᠡᠯ ᠲᠥᠷᠥᠭᠦᠯᠵᠦ ᠪᠡᠶᠡ ᠬᠥᠩᠭᠡᠷᠡᠭᠦᠯᠳᠡᠭ᠃ ᠪᠠᠢᠩᠭᠤ ᠬᠥᠳᠡᠯᠭᠡᠭᠡᠨᠲᠡᠢ ᠪᠠᠢᠵᠤ᠂ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠳᠠᠰᠬᠠᠯ ᠬᠢᠬᠦ ᠶ᠋ᠢᠨ ᠪᠠᠰᠠ ᠨᠢᠭᠡ ᠠᠰᠢᠭ ᠲᠠᠢ ᠲᠠᠯᠠ ᠨᠢ ᠨᠣᠢᠷᠤᠨ ᠳ᠋ᠤ᠌ ᠰᠠᠢᠨ ᠢ᠋ᠶ᠋ᠠᠷ ᠨᠥᠯᠥᠭᠡᠯᠡᠳᠡᠭ᠃ ᠡᠳᠦᠷ ᠪᠦᠷᠢ ᠳᠠᠰᠬᠠᠯ ᠬᠢᠳᠡᠭ ᠬᠥᠮᠦᠰ ᠡᠳᠦᠷᠵᠢᠨ ᠬᠡᠪᠲᠡᠵᠦ ᠥᠨᠵᠢᠳᠡᠭ ᠬᠥᠮᠦᠰ ᠡᠴᠡ ᠢᠯᠡᠭᠦᠦ ᠨᠣᠢᠷ ᠰᠠᠢᠲᠠᠢ ᠪᠠᠢᠳᠠᠭ᠃ ᠲᠡᠢᠮᠦ ᠡᠴᠡ ᠥᠷᠯᠥᠭᠡ ᠨᠢ ᠢᠯᠡᠭᠦᠦ ᠰᠠᠢᠨ ᠠᠮᠠᠷᠠᠵᠤ ᠪᠣᠰᠳᠠᠭ᠃ ᠲᠡᠢᠮᠦ ᠡᠴᠡ ᠬᠥᠳᠡᠯᠭᠡᠭᠡᠨ ᠦ᠌ ᠠᠴᠢ ᠲᠤᠰᠠ ᠶ᠋ᠢ ᠮᠠᠲᠠᠷᠠᠶᠠ ᠭᠡᠪᠡᠯ 7 ᠬᠣᠨᠣᠭ ᠲᠤ᠌ 3-4 ᠤᠳᠠᠭᠠ 30 ᠮᠢᠨᠦ᠋ᠲ ᠡᠴᠡ ᠪᠠᠭᠠ ᠦᠭᠡᠢ ᠬᠤᠭᠤᠴᠠᠭᠠ ᠪᠠᠷ ᠬᠥᠳᠡᠯᠭᠡᠭᠡᠨᠲᠡᠢ ᠪᠠᠢᠵᠤ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠳᠠᠰᠬᠠᠯ ᠬᠢᠭᠡᠷᠡᠢ᠃
6 . ᠬᠥᠩᠭᠡᠨ ᠬᠣᠭᠣᠯᠠᠯᠠ!
ᠬᠡᠵᠢᠶᠡ ᠴᠦ᠍ ᠨᠢᠭᠡ ᠳᠣᠣᠷᠠ ᠬᠡᠳᠦ ᠶᠡᠬᠡ ᠬᠣᠭᠣᠯᠠ ᠪᠤᠤ ᠢᠳᠡ᠃ ᠢᠩᠭᠢᠬᠦ ᠨᠢ ᠬᠣᠭᠣᠯᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠡᠷᠬᠡᠲᠡᠨ ᠨᠦ᠍ᠭᠦᠳ ᠢ᠋ ᠳᠡᠩᠳᠡᠭᠦᠦ ᠶᠡᠬᠡ ᠠᠴᠢᠶᠠᠯᠠᠯ ᠳ᠋ᠤ᠌ ᠣᠷᠣᠭᠤᠯᠳᠠᠭ ᠮᠠᠭᠤ ᠲᠠᠯᠠ ᠲᠠᠢ᠃ ᠲᠡᠷᠡ ᠶᠡᠬᠡ ᠬᠣᠭᠣᠯᠠ ᠶ᠋ᠢ ᠰᠢᠩᠭᠡᠭᠡᠬᠦ ᠦᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠮᠠᠰᠢ ᠶᠡᠬᠡ ᠡᠷᠴᠢᠮ ᠬᠦᠴᠦ ᠵᠠᠷᠤᠴᠠᠭᠤᠯᠤᠭᠳᠠᠳᠠᠭ᠃ ᠲᠡᠢᠮᠦ ᠡᠴᠡ ᠬᠣᠭᠣᠯᠠ ᠪᠠᠨ ᠬᠡᠲᠦᠷᠡᠭᠦᠯᠦᠯ ᠦᠭᠡᠢ ᠪᠡᠷ ᠲᠣᠬᠢᠷᠠᠭᠤᠯᠵᠤ ᠢᠳᠡᠵᠦ ᠰᠤᠷ᠃ ᠶᠡᠬᠡ ᠬᠣᠭᠣᠯᠠ ᠢᠳᠡᠭᠰᠡᠨ ᠦ᠌ ᠳᠠᠷᠠᠭᠠ ᠬᠥᠮᠦᠨ ᠦ᠌ ᠨᠣᠢᠷ ᠬᠦᠷᠳᠡᠭ᠃ ᠭᠡᠳᠡᠰᠦ ᠴᠠᠳᠬᠤᠯᠠᠩ ᠤᠨᠲᠠᠬᠤ ᠨᠢ ᠲᠡᠢᠮᠦ ᠴᠦ᠍ ᠰᠠᠢᠨ ᠵᠦᠢᠯ ᠪᠢᠰᠢ᠃ ᠲᠡᠢᠮᠦ ᠡᠴᠡ ᠶᠠᠮᠠᠷ ᠴᠤ᠌ ᠬᠣᠭᠣᠯᠠ ᠢᠳᠡᠭᠰᠡᠨ ᠦ᠌ ᠳᠠᠷᠠᠭᠠ ᠨᠣᠢᠷ ᠬᠦᠷᠬᠦ ᠪᠡᠷ ᠦᠭᠡᠢ ᠪᠡᠷ ᠯᠡ ᠥᠪᠡᠷᠲᠡᠭᠡᠨ ᠲᠠᠭᠠᠷᠠᠭᠤᠯᠵᠤ ᠢᠳᠡᠬᠦ ᠬᠡᠷᠡᠭᠲᠡᠢ᠃
7 . ᠴᠠᠭ ᠢ᠋ᠶ᠋ᠠᠷ ᠬᠣᠭᠣᠯᠠᠯᠠ!
ᠡᠯᠡᠰᠦᠨ ᠰᠢᠬᠢᠷ ᠡᠴᠡ ᠪᠦᠷᠢᠮᠦᠰᠦᠨ ᠲᠠᠲᠠᠭᠠᠯᠵᠠᠵᠤ ᠪᠣᠯᠬᠤ ᠦᠭᠡᠢ᠃ ᠤᠴᠢᠷ ᠨᠢ ᠴᠢᠰᠤᠨ ᠳ᠋ᠤ᠌ ᠪᠠᠢᠬᠤ ᠶᠣᠰᠣᠲᠠᠢ ᠰᠠᠬᠠᠷᠠ ᠶ᠋ᠢᠨ ᠬᠡᠮᠵᠢᠶᠡ ᠭᠡᠵᠦ ᠪᠣᠢ᠃ ᠴᠢᠰᠤᠨ ᠳ᠋ᠤ᠌ ᠰᠢᠬᠢᠷ ᠦ᠋ᠨ ᠬᠡᠮᠵᠢᠶᠡ ᠪᠠᠭᠠ ᠪᠣᠯᠴᠢᠬᠠᠪᠠᠯ ᠪᠡᠶᠡ ᠶ᠋ᠢᠨ ᠪᠣᠯᠤᠨ ᠣᠶᠤᠨ ᠤ᠋ ᠡᠷᠴᠢ ᠬᠦᠴᠦ ᠠᠮᠠᠷᠬᠠᠨ ᠮᠣᠬᠣᠵᠤ ᠳᠣᠷᠣᠢᠲᠠᠳᠠᠭ᠃ ᠬᠡᠷᠪᠡ ᠲᠠ ᠬᠣᠭᠣᠯᠠᠯᠠᠬᠤ ᠶᠣᠰᠣᠲᠠᠢ ᠬᠤᠭᠤᠴᠠᠭᠠᠨ ᠳ᠋ᠠᠭᠠᠨ ᠬᠣᠭᠣᠯᠠᠯᠠᠬᠤ ᠦᠭᠡᠢ ᠣᠯᠠᠨ ᠴᠠᠭ ᠪᠣᠯᠳᠠᠭ ᠪᠣᠯ ᠴᠢᠰᠤᠨ ᠳ᠋ᠠᠬᠢ ᠰᠠᠬᠠᠷᠠ ᠶ᠋ᠢᠨ ᠲᠦᠪᠰᠢᠨ ᠢ᠋ᠶ᠋ᠡᠨ ᠡᠷᠡᠰ ᠪᠠᠭᠤᠷᠠᠭᠤᠯᠵᠤ ᠪᠠᠢᠨᠠ ᠭᠡᠵᠦ ᠣᠢᠯᠭᠠᠬᠤ ᠬᠡᠷᠡᠭᠲᠡᠢ᠃ ᠡᠢᠮᠦ ᠡᠴᠡ ᠲᠠ ᠥᠯᠥᠰᠦᠭᠡ ᠦᠭᠡᠢ ᠪᠠᠢᠭᠰᠠᠨ ᠴᠤ᠌ ᠲᠣᠭᠲᠠᠮᠠᠯ ᠴᠠᠭ ᠲᠤ᠌ ᠪᠠᠨ ᠬᠣᠭᠣᠯᠠᠯᠠᠵᠤ ᠪᠠᠢᠭᠠᠷᠠᠢ᠃ ᠬᠣᠭᠣᠯᠠ ᠢᠳᠡᠮᠡᠷ ᠦᠭᠡᠢ ᠪᠣᠯ ᠶᠠᠳᠠᠬᠤ ᠳ᠋ᠠᠭᠠᠨ ᠬᠥᠩᠭᠡᠨ ᠵᠠᠭᠤᠰᠢ᠂ ᠵᠢᠮᠢᠰ ᠴᠦ᠍ ᠪᠣᠯᠤᠭᠰᠠᠨ ᠢᠳᠡᠵᠦ ᠪᠠᠢᠭᠠᠷᠠᠢ᠃ ᠬᠠᠷᠢᠨ ᠠᠮᠲᠠᠲᠠᠨ ᠢᠳᠡᠬᠦ ᠬᠡᠷᠡᠭ ᠦᠭᠡᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠴᠢᠰᠤᠨ ᠳ᠋ᠤ᠌ ᠰᠠᠬᠠᠷ ᠳᠤᠲᠠᠭᠳᠠᠭᠰᠠᠨ ᠦᠶᠡ ᠳ᠋ᠦ᠍ ᠶᠠᠮᠠᠷ ᠨᠢᠭᠡᠨ ᠠᠮᠲᠠᠲᠠᠨ ᠢᠳᠡᠬᠦ ᠬᠦᠰᠡᠯ ᠲᠥᠷᠥᠳᠡᠭ᠃ ᠠᠮᠲᠠᠯᠢᠭ ᠢᠳᠡᠭᠡ ᠤᠮᠳᠠᠭᠠ ᠨᠢ ᠰᠠᠬᠠᠷᠠ ᠶ᠋ᠢᠨ ᠲᠦᠪᠰᠢᠨ ᠢ᠋ ᠮᠠᠰᠢ ᠠᠮᠠᠷᠬᠠᠨ ᠥᠰᠬᠡᠳᠡᠭ ᠪᠥᠭᠡᠳ ᠴᠢᠨᠠᠭᠰᠢᠳᠠ ᠪᠠᠨ ᠴᠢᠰᠤᠨ ᠳ᠋ᠠᠬᠢ ᠰᠠᠬᠠᠷ ᠢ᠋ ᠪᠠᠢᠩᠭᠤ ᠨᠡᠮᠡᠭᠳᠡᠳᠡᠭ ᠪᠣᠯᠭᠠᠬᠤ ᠮᠠᠭᠤ ᠲᠠᠯᠠ ᠲᠠᠢ᠃
8 . ᠪᠠᠢᠩᠭᠤ ᠰᠢᠩᠭᠡᠨ ᠤᠤᠭᠤ!
ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢ ᠴᠡᠪᠡᠷᠰᠢᠭᠦᠯᠳᠡᠭ ᠬᠠᠮᠤᠭ ᠤ᠋ᠨ ᠰᠢᠯᠢᠳᠡᠭ ᠪᠦᠲᠦᠭᠡᠭᠳᠡᠬᠦᠨ ᠪᠣᠯ ᠰᠢᠩᠭᠡᠨ ᠤᠤᠭᠤᠬᠤ ᠶᠤᠮ᠃ ᠭᠡᠬᠦ ᠳ᠋ᠡᠭᠡᠨ ᠬᠡᠢᠵᠢᠭᠦᠯᠦᠭᠰᠡᠨ ᠪᠣᠯᠤᠨ ᠰᠢᠬᠢᠷᠯᠢᠭ ᠤᠮᠳᠠᠭᠠ᠂ ᠰᠠᠪᠠᠯᠤᠭᠠ ᠲᠠᠢ ᠵᠢᠮᠢᠰᠦᠨ ᠦ᠌ ᠰᠢᠭᠦᠰᠦ ᠪᠢᠰᠢ ᠶᠦᠮ ᠰᠢᠦ᠃ ᠬᠥᠮᠦᠨ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠠᠰᠢᠭᠲᠠᠢ ᠰᠢᠩᠭᠡᠨ ᠪᠣᠯ ᠴᠡᠪᠡᠷᠰᠢᠭᠦᠯᠦᠭᠰᠡᠨ ᠤᠰᠤ᠂ ᠨᠣᠭᠣᠭᠠᠨ ᠴᠠᠢ᠂ ᠷᠠᠰᠢᠶᠠᠨ᠃ ᠬᠣᠭᠣᠯᠠ ᠬᠦᠨᠡᠰᠦᠨ ᠡᠴᠡ ᠪᠡᠶᠡ ᠳ᠋ᠦ᠍ ᠬᠤᠷᠠᠮᠳᠤᠯᠠᠭᠳᠠᠭᠰᠠᠨ ᠬᠠᠶᠠᠭᠳᠠᠯ ᠢ᠋ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠰᠢᠩᠭᠡᠨ ᠲᠣᠭᠲᠠᠮᠠᠯ ᠬᠡᠷᠡᠭᠯᠡᠭᠰᠡᠨ ᠢ᠋ᠶ᠋ᠡᠷ ᠪᠠᠶᠠᠨ ᠡᠴᠡ ᠪᠡᠨ ᠵᠠᠢᠯᠠᠭᠤᠯᠵᠤ ᠪᠣᠯᠤᠨᠠ᠃
9 . ᠺᠣᠹᠧ ᠳ᠋ᠦ᠍ ᠪᠤᠤ ᠳᠤᠷᠠᠯᠠ!
ᠺᠣᠹᠧ ᠳ᠋ᠦ᠍ ᠺᠣᠹᠧᠢᠨ ᠪᠠᠢᠳᠠᠭ ᠨᠢ ᠨᠢᠭᠤᠴᠠ ᠪᠢᠰᠢ ᠪᠣᠯᠤᠭᠰᠠᠨ᠃ ᠡᠨᠡ ᠨᠢ ᠬᠥᠮᠦᠨ ᠢ᠋ ᠥᠪᠡᠷᠲᠡᠭᠡᠨ ᠠᠮᠠᠷᠬᠠᠨ ᠳᠠᠰᠤᠯ ᠪᠣᠯᠭᠠᠳᠠᠭ ᠵᠦᠢᠯ᠃ ᠺᠣᠹᠧ᠂ ᠴᠠᠢ᠂ ᠫᠧᠫᠰᠢ᠂ ᠺᠣᠺᠣ ᠺᠣᠯᠠ ᠵᠡᠷᠭᠡ ᠳ᠋ᠦ᠍ ᠠᠭᠤᠯᠤᠭᠳᠠᠳᠠᠭ ᠺᠣᠹᠧᠢᠨ ᠬᠥᠮᠦᠨ ᠦ᠌ ᠡᠨᠧᠷᠭᠢ ᠶ᠋ᠢ ᠬᠤᠷᠳᠤᠨ ᠥᠰᠬᠡᠳᠡᠭ ᠬᠡᠳᠦᠢ ᠴᠦ᠍ ᠲᠠᠷᠢᠬᠢᠨ ᠳ᠋ᠤ᠌ ᠰᠢᠭᠤᠳ ᠨᠥᠯᠥᠭᠡᠯᠡᠵᠦ ᠰᠠᠢᠨ ᠤᠨᠲᠠᠵᠤ ᠠᠮᠠᠷᠠᠬᠤ ᠳ᠋ᠤᠨᠢ ᠰᠠᠭᠠᠳ ᠪᠣᠯᠳᠠᠭ ᠭᠡᠮ ᠲᠡᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠣᠷᠣᠢ ᠶ᠋ᠢᠨ ᠴᠠᠭ ᠢ᠋ᠶ᠋ᠠᠷ ᠺᠣᠹᠧᠢᠨ ᠬᠡᠷᠡᠭᠯᠡᠬᠦ ᠲᠣᠰᠤᠮ ᠲᠠ ᠨᠣᠢᠷᠤᠨ ᠳ᠋ᠤ᠌ ᠤᠯᠠᠮ ᠯᠠ ᠮᠠᠭᠤ ᠪᠣᠯᠤᠨᠠ ᠭᠡᠰᠡᠨ ᠦᠭᠡ᠃ ᠲᠡᠢᠮᠦ ᠡᠴᠡ ᠡᠳᠦᠷ ᠲᠦ᠍ ᠤᠤᠭᠤᠬᠤ ᠺᠣᠹᠧ ᠪᠠ 1-2 ᠠᠶᠠᠭᠠ ᠠ᠋ᠴᠠ ᠪᠤᠤ ᠬᠡᠲᠦᠷᠡᠭᠦᠯᠵᠦ ᠪᠠᠢ᠃ ᠦᠳᠡ ᠡᠴᠡ ᠬᠣᠢᠰᠢ ᠪᠣᠯ ᠡᠨᠡ ᠤᠮᠳᠠᠭᠠ ᠶ᠋ᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠠᠢᠪᠠᠯ ᠪᠦᠷ ᠴᠦ᠍ ᠰᠠᠢᠨ᠃
10. ᠠᠷᠢᠬᠢ ᠶ᠋ᠢ ᠪᠠᠭᠠᠰᠬᠠ!
ᠠᠷᠢᠬᠢ ᠶ᠋ᠢ ᠲᠣᠭᠲᠠᠮᠠᠯ ᠬᠡᠷᠡᠭᠯᠡᠬᠦ ᠨᠢ ᠵᠢᠷᠦᠬᠡᠨ ᠳ᠋ᠦ᠍ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠳᠡᠭ ᠭᠡᠳᠡᠭ ᠢ᠋ ᠨᠢᠭᠡᠨᠲᠡ ᠣᠯᠵᠤ ᠲᠣᠭᠲᠠᠭᠠᠭᠰᠠᠨ᠃ ᠰᠫᠢᠷᠲ ᠦ᠋ᠨ ᠲᠥᠷᠥᠯ ᠦ᠋ᠨ ᠤᠮᠳᠠᠭᠠ ᠶ᠋ᠢ ᠲᠣᠭᠲᠠᠮᠠᠯ ᠬᠡᠷᠡᠭᠯᠡᠬᠦ ᠨᠢ ᠬᠥᠮᠦᠨ ᠢ᠋ ᠶᠠᠮᠠᠷ ᠴᠤ᠌ ᠢᠳᠡᠪᠬᠢ ᠦᠭᠡᠢ ᠪᠣᠯᠭᠠᠳᠠᠭ᠃ ᠤᠴᠢᠷ ᠨᠢ ᠰᠣᠭᠲᠣᠭᠤᠷᠠᠭᠤᠯᠬᠤ ᠤᠮᠳᠠᠭᠠ ᠶ᠋ᠢ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠬᠥᠮᠦᠨ ᠦ᠌ ᠴᠢᠰᠤᠨ ᠳ᠋ᠤ᠌ ᠠᠭᠤᠯᠤᠭᠳᠠᠳᠠᠭ ᠰᠠᠬᠠᠷᠠ ᠶ᠋ᠢᠨ ᠲᠦᠪᠰᠢᠨ ᠣᠭᠵᠣᠮ ᠥᠰᠦᠭᠡᠳ᠂ ᠳᠠᠷᠠᠭᠠ ᠨᠢ ᠮᠥᠨ ᠣᠭᠵᠣᠮ ᠢ᠋ᠶ᠋ᠠᠷ ᠤᠨᠠᠳᠠᠭ ᠪᠠᠢᠨᠠ᠃ ᠴᠢᠰᠤᠨ ᠳ᠋ᠠᠬᠢ ᠰᠠᠬᠠᠷ ᠢᠩᠭᠢᠵᠦ ᠤᠨᠠᠯᠠ ᠭᠡᠳ ᠰᠡᠷᠭᠦᠭᠡᠬᠦ ᠳ᠋ᠦ᠍ ᠮᠠᠰᠢ ᠶᠡᠬᠡ ᠬᠤᠭᠤᠴᠠᠭᠠ᠂ ᠬᠦᠴᠦ ᠱᠠᠭᠠᠷᠳᠠᠭᠳᠠᠳᠠᠭ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠴᠦ᠍ ᠬᠥᠮᠦᠰ ᠠᠷᠢᠬᠢ ᠤᠤᠭᠤᠭᠰᠠᠨ ᠤ᠋ ᠪᠠᠨ ᠮᠠᠷᠭᠠᠰᠢ ᠰᠢᠷᠠᠲᠤᠳᠠᠭ᠃ ᠨᠥᠭᠦᠭᠡ ᠲᠠᠯᠠ ᠪᠠᠷ ᠠᠷᠢᠬᠢ ᠨᠢ ᠪᠡᠶᠡ ᠳ᠋ᠦ᠍ ᠪᠠᠢᠭᠠ ᠰᠢᠩᠭᠡᠨ ᠢ᠋ ᠭᠠᠳᠠᠭᠰᠢᠯᠠᠭᠤᠯᠵᠤ ᠬᠥᠮᠦᠨ ᠦ᠌ ᠪᠡᠶᠡ ᠣᠷᠭᠠᠨᠢᠰᠮ ᠢ᠋ ᠴᠠᠩᠭᠠᠭᠠᠳᠠᠭ᠃ ᠡᠨᠡ ᠨᠢ ᠪᠥᠭᠡᠷᠡᠨ ᠳ᠋ᠦ᠍ ᠮᠠᠭᠤ ᠪᠠᠷ ᠨᠥᠯᠥᠭᠡᠯᠡᠵᠦ ᠶᠠᠪᠤᠭᠠᠨ ᠳ᠋ᠠᠭᠠᠨ ᠡᠪᠡᠳᠴᠢᠯᠡᠭᠦᠯᠳᠡᠭ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠲᠠ ᠠᠷᠢᠬᠢ ᠤᠤᠭᠤᠭᠰᠠᠨ ᠪᠣᠯ ᠠᠷᠤ ᠠ᠋ᠴᠠ ᠨᠢ ᠶᠦᠮ ᠤᠤ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠶᠡᠬᠡ ᠬᠡᠮᠵᠢᠶᠡᠨ ᠦ᠌ ᠰᠢᠩᠭᠡᠨ ᠵᠦᠢᠯ ᠤᠤᠭᠤᠵᠤ ᠪᠠᠢᠭᠠᠷᠠᠢ᠃
ᠳᠡᠭᠡᠷᠡᠬᠢ 10 ᠠᠷᠭᠠ᠂ ᠳᠦᠷᠢᠮ ᠢ᠋ ᠲᠠ ᠥᠪᠡᠷ ᠦ᠋ᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠡᠷᠡᠭᠵᠢᠭᠦᠯᠵᠦ ᠰᠤᠷᠪᠠᠯ ᠲᠠ ᠡᠷᠡᠭᠦᠯ ᠠᠮᠢᠳᠤᠷᠠᠬᠤ ᠦᠨᠳᠦᠰᠦ ᠰᠠᠭᠤᠷᠢ ᠶ᠋ᠢ ᠲᠠᠯᠪᠢᠯᠠ ᠯᠠ ᠭᠡᠰᠡᠨ ᠦᠭᠡ᠃ ᠲᠠᠨ ᠳ᠋ᠤ᠌ ᠡᠷᠡᠭᠦᠯ ᠡᠩᠬᠡ ᠶ᠋ᠢ ᠬᠦᠰᠡᠶᠡ!
https://news.mn/r/2017966/ ᠡᠴᠡ