ᠦᠬᠡᠷ ᠮᠣᠩᠭᠣᠯ ᠤᠨ ᠠᠭᠤᠷ ᠬᠢᠯᠢᠩҮхэр Монголын уур хилэн Vher Mongoliin uur hilen
1237ᠦᠬᠡᠷ ᠮᠣᠩᠭᠣᠯ ᠤᠨ ᠠᠭᠤᠷ ᠬᠢᠯᠢᠩ
ᠲᠣᠭᠠ ᠨᠢ ᠴᠥᠬᠡᠨ ᠭᠡᠵᠦ ᠪᠠᠰᠤᠵᠤ ᠪᠣᠯᠬᠤ ᠦᠭᠡᠢ
ᠲᠣᠭᠣᠮᠵᠢᠷ ᠦᠭᠡᠢ ᠬᠠᠨᠳᠤᠵᠤ ᠪᠦᠷ ᠴᠦ᠍ ᠵᠣᠬᠢᠬᠤ ᠦᠭᠡᠢ
ᠲᠣᠭᠣᠰᠣᠷᠠᠭᠤᠯᠤᠭᠠᠳ ᠨᠢᠭᠡ ᠬᠥᠳᠡᠯᠴᠢᠬᠡᠬᠦ ᠶᠤᠮ ᠪᠣᠯ
ᠲᠣᠯᠣᠭᠠᠢ ᠴᠢᠰᠤᠳᠠᠵᠤ ᠮᠡᠳᠡᠬᠦ ᠦᠬᠡᠷ ᠮᠣᠩᠭᠣᠯ᠃
ᠢᠯᠠᠭᠳᠠᠬᠤ ᠪᠠᠷ ᠢᠶᠠᠨ ᠴᠢᠩᠭᠠᠷᠠᠳᠠᠭ᠂ ᠮᠠᠭᠲᠠᠬᠤ ᠪᠠᠷ ᠰᠤᠯᠠᠷᠠᠳᠠᠭ
ᠶᠠᠰᠤ ᠮᠢᠬᠠᠨ ᠠᠴᠠ ᠪᠠᠨ ᠬᠡᠴᠡᠭᠦᠦ ᠮᠣᠩᠭᠣᠯ
ᠥᠷᠢᠰᠦᠨ ᠲᠡᠮᠡᠴᠡᠬᠦ ᠶᠢᠨ ᠴᠡᠪᠡᠭᠦᠨ ᠴᠠᠭ ᠲᠤ ᠶᠤᠮ ᠪᠣᠯ
ᠥᠯᠥᠭᠡᠢ ᠡᠴᠡ ᠪᠠᠨ ᠡᠮᠡᠭᠡᠯ ᠳᠡᠭᠡᠷᠡ ᠳᠠᠷᠴᠠᠭᠯᠠᠳᠠᠭ ᠮᠣᠩᠭᠣᠯ᠃
ᠲᠡᠮᠦᠵᠢᠨ ᠢ ᠪᠠᠭᠠ ᠳᠤᠨᠢ ᠱᠣᠭᠯᠠᠵᠤ ᠪᠠᠢᠭᠠᠳ
ᠲᠩᠷᠢ ᠭᠠᠵᠠᠷ ᠢᠶᠠᠨ ᠨᠤᠷᠠᠭᠠᠯᠭᠠᠴᠢᠬᠠᠬᠤ ᠪᠠᠨ ᠠᠯᠳᠠᠭᠰᠠᠨ
ᠨᠠᠢ᠍ᠮᠠᠨ ᠰᠢᠷᠭᠠ ᠮᠣᠷᠢ ᠶᠢ ᠨᠢ ᠪᠤᠯᠢᠶᠠᠵᠤ ᠪᠠᠢᠭᠠᠳ
ᠨᠠᠪᠲᠠᠭᠠᠷ ᠲᠡᠷᠡ ᠵᠢᠭᠠᠯ ᠳᠤ ᠠᠯᠠᠭᠤᠯᠬᠤ ᠪᠠᠨ ᠰᠢᠬᠠᠭᠰᠠᠨ᠃
ᠲᠡᠪᠡᠷᠢᠵᠦ ᠡᠩᠬᠦᠷᠡᠢᠯᠡᠵᠦ ᠥᠰᠬᠡᠭᠰᠡᠨ ᠪᠣᠯ
ᠲᠡᠮᠦᠵᠢᠨ ᠴᠢᠩᠭᠢᠰ ᠪᠣᠯᠬᠤ ᠦᠭᠡᠢ ᠪᠠᠢᠭᠰᠠᠨ
ᠲᠡᠷᠰᠯᠡᠵᠦ ᠳᠠᠭᠠᠷᠢᠵᠤ ᠳᠣᠷᠣᠮᠵᠢᠯᠠᠭᠰᠠᠨ ᠤ ᠬᠦᠴᠦᠨ ᠳᠦ
ᠲᠡᠷᠡ ᠲᠢᠪ ᠳᠡᠯᠡᠬᠡᠢ ᠶᠢᠨ ᠬᠠᠭᠠᠨ ᠪᠣᠯᠣᠭᠰᠠᠨ᠃
ᠴᠠᠭᠠᠨᠲᠠᠨ ᠭᠠᠮᠢᠩ ᠤᠳ ᠴᠠᠳᠢᠭ ᠦᠭᠡᠢᠳᠡᠵᠦ ᠪᠠᠢᠭᠠᠳ
ᠰᠦᠬᠡᠪᠠᠭᠠᠲᠤᠷ ᠵᠠᠩᠵᠤᠨ ᠤ ᠴᠡᠷᠢᠭ ᠦᠳ ᠲᠦ ᠬᠢᠷᠭᠠᠭᠤᠯᠤᠭᠰᠠᠨ
ᠳᠠᠯᠠᠢ ᠶᠢᠨ ᠴᠢᠨᠠᠳᠤ ᠠᠴᠠ ᠲᠠᠪᠤᠨ ᠲᠦᠮᠡᠨ ᠶᠠᠫᠣᠨ ᠨᠤᠭᠤᠳ ᠥᠩᠭᠡᠯᠵᠡᠭᠡᠳ
ᠳᠠᠨᠳᠠᠷ ᠪᠠᠭᠠᠲᠤᠷ ᠤᠨ ᠬᠣᠷᠢᠶᠠᠨ ᠤ ᠬᠢᠨ ᠳᠤ ᠳᠠᠷᠬᠠᠯᠠᠭᠤᠯᠤᠭᠳᠠᠭᠠᠳ ᠪᠤᠴᠠᠭᠰᠠᠨ᠃
ᠰᠠᠬᠠᠯᠲᠤ ᠰᠲ᠋ᠠᠯᠢᠨ ᠠᠴᠠ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠢᠶᠠᠨ
ᠰᠠᠨᠳᠤᠷᠴᠤ ᠠᠶᠤᠨ ᠬᠡᠯᠮᠡᠭᠳᠡᠵᠦ ᠪᠠᠢᠬᠤ ᠳᠤ
ᠭᠠᠭᠴᠠᠬᠠᠨ ᠮᠣᠩᠭᠣᠯ ᠤᠨ ᠬᠠᠵᠠᠭᠠᠷ ᠭᠡᠨᠳᠤᠨ
ᠭᠠᠩᠰᠠ ᠶᠢ ᠨᠢ ᠺᠷᠧᠮᠧᠯ ᠳᠤ ᠬᠤᠭᠤ ᠴᠣᠬᠢᠭᠰᠠᠨ᠃
ᠣᠷᠣᠰ᠂ ᠠᠮᠧᠷᠢᠺᠠ᠂ ᠬᠢᠲᠠᠳ ᠬᠦᠴᠦᠲᠡᠢ ᠯᠠ ᠭᠡᠨᠡ
ᠣᠷᠴᠢᠯᠠᠩ ᠢ ᠬᠥᠮᠥᠷᠢᠵᠦ ᠶᠠᠪᠤᠭᠰᠠᠨ ᠤᠳᠠᠭᠠ ᠦᠭᠡᠢ ᠡ
ᠨᠸ᠋ᠮᠸ᠋ᠽᠢ᠂ ᠶᠠᠫᠣᠨ᠂ ᠹᠷᠠᠨᠼᠢ ᠵᠡᠪᠰᠡᠭ ᠲᠡᠢ ᠴᠦ᠍
ᠨᠡᠬᠡᠢ ᠳᠡᠪᠡᠯᠲᠡᠨ ᠨᠦᠭᠦᠳ ᠰᠢᠭ ᠡᠷᠡᠯᠬᠡᠭ ᠬᠥᠳᠡᠯᠦᠭᠡ ᠦᠭᠡᠢ ᠡ᠃
ᠠᠷᠭᠠ ᠲᠠᠢ ᠴᠡᠷᠢᠭ ᠲᠡᠢ ᠶᠡᠬᠡ ᠭᠦᠷᠦᠨ ᠨᠦᠭᠦᠳ ᠡ
ᠠᠷᠲᠤᠭᠤᠷ ᠮᠣᠩᠭᠣᠯ ᠢ ᠪᠠᠰᠤᠵᠤ ᠪᠣᠯᠬᠤ ᠦᠭᠡᠢ ᠰᠢᠦ
ᠳᠡᠩᠳᠡᠭᠦᠦ ᠵᠣᠷᠢᠮᠠᠭ ᠵᠠᠩ ᠢ ᠨᠢ ᠬᠥᠳᠡᠯᠭᠡᠴᠢᠬᠡᠬᠦ ᠶᠤᠮ ᠪᠣᠯ
ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠳᠤ ᠯᠠ ᠮᠠᠭᠤ ᠶᠠᠭᠤᠮᠠ ᠪᠣᠯᠤᠨᠠ ᠰᠢᠦ᠃
ᠳᠡᠯ ᠲᠡᠢ ᠰᠤᠮᠤ ᠰᠢᠭ᠋ ᠨᠠᠮᠬᠠᠨ ᠮᠣᠷᠢᠳ ᠨᠢ
ᠳᠡᠯᠡᠬᠡᠢ ᠶᠢ ᠲᠣᠭᠣᠷᠢᠭᠰᠠᠨ ᠴᠦ᠍ ᠴᠣᠴᠠᠨᠠ ᠭᠡᠵᠦ ᠦᠭᠡᠢ
ᠳᠡᠪᠡᠯ ᠢᠶᠡᠨ ᠬᠥᠭᠡᠷᠭᠡᠭᠰᠡᠨ ᠨᠣᠮᠣᠬᠠᠨ ᠮᠣᠩᠭᠣᠯ
ᠳᠡᠪᠡᠷᠡᠭᠡᠳ ᠨᠢᠭᠡ ᠪᠣᠰᠬᠤ ᠶᠤᠮ ᠪᠣᠯ ᠪᠤᠴᠠᠨᠠ ᠭᠡᠵᠦ ᠦᠭᠡᠢ᠃
ᠵᠣᠷᠢᠭ ᠨᠢ ᠬᠥᠪᠴᠢᠷᠡᠭᠡᠳ ᠬᠥᠳᠡᠯᠬᠦ ᠶᠤᠮ ᠪᠣᠯ
ᠵᠢᠯᠣᠭᠣ ᠪᠠᠨ ᠲᠠᠲᠠᠬᠤ ᠶᠢ ᠣᠭᠲᠣᠬᠠᠨ ᠴᠦ᠍ ᠮᠡᠳᠡᠬᠦ ᠦᠭᠡᠢ
ᠲᠩᠷᠢ ᠶᠢᠨ ᠬᠠᠶᠠᠭᠠᠨ ᠳᠤ ᠲᠤᠯᠵᠤ ᠪᠠᠢᠵᠤ ᠯᠠ ᠪᠤᠴᠠᠬᠤ
ᠲᠡᠷᠰᠡᠭᠦᠳ ᠮᠣᠩᠭᠣᠯ ᠠᠴᠠ ᠠᠶᠤᠲᠤᠭᠠᠢ! ᠡᠮᠢᠶᠡᠲᠦᠭᠡᠢ!
ᠭᠠᠵᠠᠷ ᠳᠡᠯᠡᠬᠡᠢ ᠳᠦ ᠪᠥᠭᠡᠮ ᠦᠨ ᠳᠠᠭᠤ ᠭᠠᠷᠴᠤ ᠯᠠ ᠪᠠᠢᠨᠠ
ᠲᠡᠷᠡ ᠤᠨᠲᠠᠷᠠᠨᠠ ᠤᠤ
ᠲᠢᠪ ᠳᠡᠯᠡᠬᠡᠢ ᠳᠦ ᠭᠠᠯᠲᠤ ᠪᠥᠮᠪᠥᠭᠡ ᠲᠡᠰᠦᠷᠡᠵᠦ ᠯᠠ ᠪᠠᠢᠨᠠ
ᠲᠡᠳᠡ ᠰᠢᠨᠲᠠᠷᠠᠨᠠ ᠤᠤ
ᠦᠬᠦᠬᠦ ᠶᠢ ᠤᠨᠲᠠᠬᠤ ᠶᠢᠨ ᠴᠢᠨᠡᠭᠡᠨ ᠴᠦ᠍ ᠪᠣᠳᠣᠳᠠᠭ ᠦᠭᠡᠢ
ᠦᠵᠡᠯᠴᠡᠭᠡᠳ ᠨᠢᠭᠡ ᠡᠬᠢᠯᠡᠬᠦ ᠶᠢᠨ ᠪᠣᠯ
ᠦᠬᠦᠬᠦ ᠡᠴᠡ ᠨᠠᠰᠢ ᠰᠠᠯᠳᠠᠭ ᠦᠭᠡᠢ
ᠦᠬᠡᠷ ᠮᠣᠩᠭᠣᠯ ᠤᠨ ᠠᠭᠤᠷ ᠬᠢᠯᠢᠩ ᠢ
ᠦᠶᠡ ᠶᠢᠨ ᠦᠶᠡ ᠳᠦ ᠳᠠᠬᠢᠵᠤ ᠪᠢᠲᠡᠭᠡᠢ ᠬᠥᠳᠡᠯᠭᠡᠭᠡᠷᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠤᠮᠤᠴᠢᠨ ᠪᠢᠯᠢᠭ
ᠦᠰᠦᠭ ᠬᠠᠲᠠᠭᠴᠢ᠄ ᠬᠠᠷᠠᠭᠳᠠᠨ ᠷ᠂ ᠴᠢᠷᠮᠠᠢᠯᠳᠤ