ᠫᠢᠣᠨᠧᠷ ᠦ᠋ᠨ ᠳᠠᠭᠤᠤ- ᠳ· ᠨᠠᠴᠤᠭᠳᠣᠷᠵᠢД.Нацагдорж-Пионерийн дуу
339ᠫᠢᠣᠨᠧᠷ ᠦ᠋ᠨ ᠳᠠᠭᠤᠤ
ᠳ· ᠨᠠᠴᠤᠭᠳᠣᠷᠵᠢ
ᠪᠦᠬᠦᠢ ᠣᠯᠠᠨ ᠪᠠᠭᠠᠴᠤᠳ ᠠ᠋
ᠪᠦᠷᠬᠦᠭᠰᠡᠨ ᠤᠯᠠᠭᠠᠨ ᠴᠡᠴᠡᠷᠯᠢᠭ ᠲᠡᠭᠡᠨ
ᠪᠦᠷᠢᠨ ᠰᠢᠨᠡ ᠪᠡᠷ ᠡᠭᠦᠰᠦᠭᠰᠡᠨ
ᠪᠥᠵᠢᠭ ᠨᠠᠭᠠᠳᠤᠮ ᠢ᠋ᠶ᠋ᠠᠷ ᠨᠠᠭᠠᠳᠴᠠᠭᠠᠶᠠ᠂ ᠪᠡᠯᠡᠬᠡᠨ ᠠ᠋!
ᠠᠷᠢᠭᠤᠨ ᠤᠯᠠᠭᠠᠨ ᠴᠢᠰᠤᠨ ᠳ᠋ᠠᠭᠠᠨ
ᠠᠷᠠᠳ ᠤ᠋ᠨ ᠢ᠋ᠶ᠋ᠠᠨ ᠬᠤᠪᠢᠰᠬᠠᠯ ᠢ᠋ ᠰᠢᠩᠭᠡᠭᠡᠵᠦ
ᠠᠷᠢᠭᠤᠨ ᠤᠭᠤᠷᠠᠭ ᠲᠠᠷᠢᠬᠢᠨ ᠳ᠋ᠠᠭᠠᠨ
ᠠᠷᠠᠳ ᠤ᠋ᠨ ᠪᠣᠯᠪᠠᠰᠤᠷᠠᠯ ᠢ᠋ ᠬᠥᠭᠵᠢᠭᠦᠯᠦᠶᠡ᠂ ᠪᠡᠯᠡᠬᠡᠨ ᠠ᠋!
ᠰᠢᠨᠡᠬᠡᠨ ᠤᠯᠠᠭᠠᠨ ᠪᠦᠴᠡ ᠶ᠋ᠢ
ᠰᠠᠯᠬᠢᠨ ᠤ᠋ ᠵᠦᠭ ᠲᠡᠭᠡᠨ ᠬᠡᠢᠰᠬᠡᠨᠡ᠃
ᠰᠢᠨᠡᠬᠡᠨ ᠥᠰᠪᠥᠷᠢ ᠶ᠋ᠢᠨ ᠪᠠᠭᠠᠴᠤᠳ ᠠ᠋
ᠰᠡᠳᠬᠢᠯ ᠦ᠋ᠨ ᠦᠵᠦᠭᠦᠷ ᠢ᠋ ᠬᠥᠳᠡᠯᠭᠡᠨᠡ᠂ ᠪᠡᠯᠡᠬᠡᠨ ᠠ᠋!
ᠪᠠᠭᠠ ᠠᠯᠠᠭ ᠪᠥᠮᠪᠥᠷ ᠨᠢ
ᠫᠡᠷ ᠫᠡᠷ ᠳᠤᠤᠭᠠᠷᠬᠤ ᠶ᠋ᠢᠨ ᠬᠠᠮᠲᠤ ᠪᠠᠷ
ᠪᠠᠭᠠᠴᠤᠳ ᠬᠡᠦᠬᠡᠳ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ
ᠪᠠᠶᠠᠷ ᠴᠡᠩᠭᠡᠯ ᠢ᠋ ᠬᠥᠳᠡᠯᠭᠡᠨᠡ᠂ ᠪᠡᠯᠡᠬᠡᠨ ᠠ᠋!
ᠠᠷᠠᠰᠤᠨ ᠪᠥᠮᠪᠥᠭᠡ ᠶ᠋ᠢ ᠪᠥᠮᠪᠥᠷᠢᠭᠦᠯᠦᠭᠡᠳ
ᠠᠰᠤᠷᠤ ᠲᠣᠭᠯᠠᠬᠤ ᠶ᠋ᠢᠨ ᠬᠠᠮᠲᠤ ᠪᠠᠷ
ᠠᠯᠤᠰ ᠤ᠋ᠨ ᠶᠡᠬᠡ ᠤᠯᠠᠷᠢᠯ ᠢ᠋
ᠠᠪᠴᠠᠭᠠᠬᠤ ᠪᠠᠭᠠᠴᠤᠳ ᠮᠥᠨ ᠠ᠋ ᠪᠢᠳᠡ᠂ ᠪᠡᠯᠡᠬᠡᠨ ᠠ᠋!
ᠪᠡᠯᠡᠳᠬᠡᠨ ᠨᠢᠭᠡᠳᠴᠦ ᠵᠢᠭᠰᠠᠭᠰᠠᠨ
ᠪᠠᠭᠠᠴᠤᠳ ᠬᠡᠦᠬᠡᠳ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ
ᠪᠡᠶᠡᠯᠡᠭᠰᠡᠨ ᠡᠷᠳᠡᠮ ᠳ᠋ᠦ᠍ ᠪᠣᠯᠪᠠᠰᠤᠷᠠᠵᠤ
ᠪᠠᠭᠠᠲᠤᠷ ᠬᠤᠪᠢᠰᠬᠠᠯ ᠢ᠋ ᠵᠠᠯᠭᠠᠮᠵᠢᠯᠠᠶᠠ᠂ ᠪᠡᠯᠡᠬᠡᠨ ᠠ᠋!
1925 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ