ᠮᠣᠩᠭᠣᠯ ᠱᠥᠯᠥ᠍ – ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Монгол шөл - Ёндоны Билиг - Баатар
296ᠮᠣᠩᠭᠣᠯ ᠱᠥᠯᠥ᠍
ᠵᠥᠭᠡᠬᠡᠢ ᠬᠦᠮᠡᠯᠢ ᠪᠣᠷᠴᠠ ᠰᠢᠷᠭᠠ ᠲᠠᠢ ᠱᠥᠯᠥ
ᠵᠥᠭᠡᠢ ᠡᠷᠪᠡᠬᠡᠢ ᠰᠢᠪᠠᠷᠳᠠᠮᠠᠷ ᠪᠢᠲᠡᠭᠦᠦ ᠱᠥᠯᠥ
ᠶᠠᠰᠤᠨ ᠤ᠋ ᠭᠠᠨᠲᠢᠭ ᠬᠥᠯᠥᠷᠡᠭᠦᠯᠦᠮᠡᠷ ᠬᠠᠷᠠ ᠱᠥᠯᠥ
ᠶᠠᠪᠠᠭᠠᠨ ᠬᠥᠮᠦᠨ ᠢ᠋ ᠬᠦᠯᠦᠭᠯᠡᠭᠦᠯᠦᠮᠡᠷ ᠲᠠᠷᠠᠭ ᠱᠥᠯᠥ
ᠠᠶᠠ᠂ ᠮᠢᠨᠦ ᠮᠣᠩᠭᠣᠯ ᠤ᠋ᠨ
ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠰᠣᠶᠣᠯ ᠤ᠋ᠨ ᠥᠪ
ᠠᠢ ᠳᠠ ᠬᠦ᠂ ᠬᠥᠬᠡ ᠡᠪᠦᠭᠡᠳ ᠦ᠋ᠨ ᠮᠢᠨᠢ
ᠢᠷᠮᠡᠭᠦᠨ ᠵᠥᠪ ᠤᠬᠠᠭᠠᠷᠠᠯ ᠶᠤᠮ ᠰᠢᠦ ᠳᠡ
ᠬᠠᠪᠤᠷ ᠤ᠋ᠨ ᠤᠷᠢᠨ ᠤ᠋ ᠨᠢᠯᠬᠠ ᠬᠠᠯᠠᠭᠠᠢ ᠲᠠᠢ ᠱᠥᠯᠥ
ᠲᠠᠷᠯᠠᠨ ᠦᠬᠡᠷ ᠦ᠋ᠨ ᠮᠢᠬᠠᠨ ᠲᠥᠮᠥᠰᠥ ᠲᠡᠢ ᠱᠥᠯᠥ
ᠲᠠᠷᠭᠤᠨ ᠬᠣᠨᠢᠨ ᠤ᠋ ᠶᠠᠰᠤ ᠲᠠᠢ ᠱᠥᠯᠥ
ᠬᠠᠷᠢ ᠳ᠋ᠤ᠌ ᠪᠠᠢᠳᠠᠭ ᠦᠭᠡᠢ ᠭᠣᠳᠣᠩ ᠲᠠᠢ ᠱᠥᠯᠥ
ᠠᠶᠠ᠂ ᠮᠠᠨ ᠤ᠋ ᠮᠣᠩᠭᠣᠯ ᠤ᠋ᠨ
ᠤᠯᠠᠭᠠᠨ ᠴᠠᠭᠠᠨ ᠢᠳᠡᠭᠡᠨ ᠦ᠌ ᠲᠡᠦᠬᠡ
ᠠᠢ ᠳᠠ ᠬᠦ᠂ ᠡᠷᠲᠡ ᠢᠵᠠᠭᠤᠷ ᠠ᠋ᠴᠠ ᠪᠠᠨ
ᠡᠷᠡᠭᠦᠯ ᠠᠮᠢᠳᠤᠷᠠᠭᠰᠠᠨ ᠤ᠋ ᠲᠠᠷᠬᠠᠯᠭᠠ ᠶᠤᠮ ᠰᠢᠦ ᠳᠡ
ᠰᠠᠨᠰᠠᠷ ᠤ᠋ᠨ ᠣᠳᠣᠳ ᠬᠥᠪᠪᠦᠭᠰᠡᠨ ᠰᠦᠨ ᠱᠥᠯᠥ
ᠰᠢᠪᠠᠭᠤᠳ ᠤ᠋ᠨ ᠵᠢᠷᠭᠢᠭᠡᠨᠲᠦ ᠬᠣᠨᠣᠭ ᠪᠤᠳᠠᠭᠠᠨ ᠱᠥᠯᠥ
ᠵᠠᠭᠤᠨ ᠪᠠᠷᠠ ᠠ᠋ᠴᠠ ᠬᠠᠩᠬᠤᠯᠤᠮᠠᠷ ᠬᠠᠪᠢᠷᠭᠠᠨ ᠱᠥᠯᠥ
ᠵᠦᠭᠡᠷ ᠰᠠᠨᠠᠭᠳᠠᠭᠠᠳ ᠪᠠᠢᠳᠠᠭ ᠴᠤᠯᠤ ᠶ᠋ᠢᠨ ᠱᠥᠯᠥ
ᠠᠶᠠ᠂ ᠪᠢᠳᠡᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ
ᠬᠣᠷᠸᠠ ᠳ᠋ᠤ᠌ ᠬᠣᠣᠰ ᠦᠭᠡᠢ ᠭᠠᠢᠬᠠᠮᠰᠢᠭ ᠢ᠋ᠶ᠋ᠠᠨ
ᠠᠢ ᠳᠠ ᠬᠦ᠂ ᠦᠶᠡ ᠶ᠋ᠢᠨ ᠦᠶᠡ ᠳ᠋ᠡᠭᠡᠨ
ᠬᠠᠮᠠᠭᠠᠯᠠᠵᠤ ᠥᠪᠯᠡᠭᠦᠯᠬᠦ ᠶ᠋ᠢᠨ ᠤᠴᠢᠷ ᠲᠠᠢ ᠰᠢᠦ ᠳᠡ
2024᠂ 1᠂ 8᠃ ᠦᠳᠡ ᠶ᠋ᠢᠨ ᠬᠣᠢᠨᠠ᠃
ᠰᠢᠯᠤᠭᠤᠨ ᠬᠥᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤᠨ ᠠ᠋ᠴᠠ
ᠬᠥᠬᠡᠬᠣᠲᠠ ᠬᠦᠷᠬᠦ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ
ᠪᠤᠴᠠᠯᠤᠮᠠ ᠣᠩᠭᠣᠳ ᠢ᠋ᠶ᠋ᠠᠷ ᠪᠦᠲᠦᠭᠡᠪᠡᠢ᠃