ᠬᠣᠰᠢᠭᠤ ᠪᠤᠳᠠᠭᠠ( ᠶᠠᠨᠮᠠᠢ)Хошуу будаа( янмай)
371
ᠬᠣᠰᠢᠭᠤ ᠪᠤᠳᠠᠭᠠ( ᠶᠠᠨᠮᠠᠢ)
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠨᠢᠭᠡ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠃ ᠰᠦᠷᠡᠯ ᠨᠢ60—100cm ᠣᠷᠴᠢᠮ ᠥᠨᠳᠥᠷ ᠰᠢᠯᠤᠭᠤᠨ ᠤᠷᠭᠤᠨᠠ᠂2—4 ᠦᠶᠡ ᠲᠡᠢ᠃ ᠨᠠᠪᠴᠢᠨ ᠤ᠋ ᠬᠡᠯᠡ ᠨᠢ ᠲᠣᠷᠭᠠᠨ ᠬᠠᠯᠢᠰᠤᠯᠢᠭ᠂2—5mm ᠤᠷᠲᠤ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ᠂10—30cm ᠤᠷᠲᠤ᠂4—13cm ᠥᠷᠭᠡᠨ᠂ ᠳᠡᠭᠡᠳᠦ ᠲᠠᠯᠠ ᠪᠣᠯᠤᠨ ᠬᠥᠪᠡᠭᠡ ᠨᠢ ᠠᠷᠵᠠᠭᠠᠷ ᠪᠤᠶᠤ ᠲᠠᠷᠠᠮᠠᠭ ᠦᠰᠦ ᠲᠡᠢ᠃ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠰᠤᠪᠤᠷᠭᠠᠨ ᠬᠡᠯᠪᠡᠷᠢ ᠲᠡᠢ᠂ ᠰᠠᠷᠪᠠᠢᠵᠤ ᠤᠷᠭᠤᠨᠠ᠂10—25cm ᠤᠷᠲᠤ᠂ ᠰᠠᠯᠠᠭᠠ ᠨᠤᠭᠤᠳ ᠨᠢ ᠢᠷᠮᠡᠭ ᠲᠡᠢ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ18—25mm ᠤᠷᠲᠤ᠂ ᠤᠨᠵᠢᠢᠵᠤ ᠤᠷᠭᠤᠬᠤ ᠪᠥᠭᠡᠳ1—2 ᠴᠡᠴᠡᠭ ᠲᠡᠢ; ᠵᠢᠵᠢᠭ ᠲᠦᠷᠦᠭᠦᠦ ᠶ᠋ᠢᠨ ᠲᠡᠩᠭᠡᠯᠢᠭ ᠪᠠᠷᠤᠭ ᠦᠰᠦ ᠦᠭᠡᠢ ᠪᠤᠶᠤ ᠲᠠᠷᠠᠮᠠᠭ ᠣᠬᠣᠷ ᠦᠰᠦ ᠲᠡᠢ ᠂ ᠦᠶᠡ ᠪᠡᠷ ᠢ᠋ᠶ᠋ᠡᠨ ᠬᠢᠯᠪᠠᠷ ᠬᠤᠭᠤᠷᠠᠬᠤ ᠦᠭᠡᠢ; ᠬᠣᠶᠠᠷ ᠬᠠᠯᠢᠰᠤ ᠨᠢ ᠡᠪᠡᠰᠦᠯᠢᠭ᠂ ᠢᠵᠢᠯ ᠤᠷᠲᠤ᠂ ᠶᠡᠬᠡᠩᠬᠢ ᠳ᠋ᠡᠭᠡᠨ ᠶᠢᠰᠦᠨ ᠰᠤᠳᠠᠯ ᠲᠠᠢ᠃ ᠭᠠᠳᠠᠷ ᠬᠡᠪᠡᠭ ᠨᠢ ᠮᠠᠰᠢ ᠬᠠᠲᠠᠭᠤ᠂15—25mm ᠤᠷᠲᠤ᠂ ᠠᠷᠤ ᠳ᠋ᠤᠨᠢ ᠦᠰᠦ ᠦᠭᠡᠢ᠂ ᠰᠠᠭᠤᠷᠢ ᠲᠠᠪᠠᠭ ᠨᠢ ᠵᠥᠪᠬᠡᠨ ᠲᠠᠷᠠᠮᠠᠭ ᠣᠬᠣᠷ ᠦᠰᠦ ᠲᠡᠢ ᠪᠤᠶᠤ ᠪᠠᠷᠤᠭ ᠦᠰᠦ ᠦᠭᠡᠢ; ᠰᠤᠷ ᠲᠠᠢ ᠪᠤᠶᠤ ᠰᠤᠷ ᠦᠭᠡᠢ; ᠬᠣᠶᠠᠳᠤᠭᠠᠷ ᠭᠠᠳᠠᠷ ᠬᠡᠪᠡᠭ ᠨᠢ ᠦᠰᠦ ᠦᠭᠡᠢ᠂ ᠶᠡᠷᠦ ᠳ᠋ᠡᠭᠡᠨ ᠰᠤᠷ ᠪᠠᠰᠠ ᠦᠭᠡᠢ; ᠡᠷᠡ ᠲᠣᠭᠣᠷᠴᠣᠭ ᠨᠢ ᠭᠤᠷᠪᠠ᠂ ᠤᠮᠠᠢ ᠨᠢ ᠦᠰᠦ ᠲᠡᠢ᠃ ᠠᠮᠤ ᠵᠢᠮᠢᠰ ᠨᠢ ᠤᠯᠠᠪᠤᠷ ᠦᠰᠦ ᠲᠡᠢ᠂6—8mm ᠤᠷᠲᠤ ᠪᠠ ᠥᠪᠥᠷ ᠲᠠᠯᠠ ᠳ᠋ᠤ᠌ ᠨᠢ ᠭᠣᠯᠲᠤ ᠬᠣᠪᠢᠯ ᠲᠠᠢ ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨ ᠱᠢ ᠬᠢᠭᠡᠳ ᠵᠡᠭᠦᠨ ᠬᠣᠢᠲᠤ ᠣᠷᠣᠨ᠂ ᠪᠠᠷᠠᠭᠤᠨ ᠬᠣᠢᠲᠤ ᠣᠷᠣᠨ ᠤ᠋ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠲᠦᠭᠡᠮᠡᠯ ᠲᠠᠷᠢᠳᠠᠭ᠃
ᠠᠮᠤ ᠵᠢᠮᠢᠰ ᠢ᠋ ᠨᠢ ᠢᠳᠡᠬᠦ ᠪᠤᠶᠤ ᠮᠠᠯ ᠤ᠋ᠨ ᠪᠣᠷᠳᠣᠭᠠ ᠪᠣᠯᠭᠠᠨᠠ᠃
ᠬᠢᠲᠠᠳ ᠨᠡᠷᠡ᠄燕麦
ᠠᠩᠭ᠌ᠯᠢ ᠨᠡᠷᠡ᠄Avena sativa L
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ