ᠬᠠᠷᠠ ᠴᠠᠭᠠᠨ ᠪᠦᠰᠡ ᠶ᠋ᠢᠨ ᠴᠡᠭᠡᠷХар цагаан бүсийн цэхэр
1213ᠬᠠᠷᠠ ᠴᠠᠭᠠᠨ ᠪᠦᠰᠡ ᠶ᠋ᠢᠨ ᠴᠡᠭᠡᠷ
ᠵᠠ᠂ ᠳᠠᠶᠠᠭᠠᠷ ᠢ᠋ᠶ᠋ᠠᠨ ᠰᠠᠢᠨ ᠪᠠᠢᠵᠠᠭᠠᠨᠠ ᠤᠤ? ᠰᠠᠢᠬᠠᠨ ᠨᠠᠮᠤᠷᠵᠢᠵᠤ ᠪᠠᠢᠨᠠ ᠤᠤ?
ᠵᠠ᠂ ᠣᠢᠷᠠ ᠶ᠋ᠢᠨ ᠡᠳᠦᠷ ᠣᠳᠣ ᠪᠢ ᠨᠤᠲᠤᠭ ᠤᠰᠤ ᠪᠠᠷ ᠢ᠋ᠶ᠋ᠠᠨ ᠶᠠᠪᠤᠵᠤ᠂ ᠤᠷᠤᠭ ᠬᠤᠷᠢᠮ ᠢ᠋ᠶ᠋ᠠᠷ ᠬᠦᠷᠦᠯᠡ᠂ ᠵᠢᠯ ᠤᠰᠤᠨ ᠤ᠋ ᠪᠠᠶᠠᠷ ᠢ᠋ᠶ᠋ᠠᠷ ᠶᠠᠪᠤᠯᠠ᠃
ᠵᠠ᠂ ᠮᠠᠨ ᠤ᠋ ᠦᠵᠦᠮᠦᠴᠢᠨ ᠮᠣᠩᠭᠣᠯᠴᠤᠳ ᠣᠳᠣ ᠥᠪᠡᠷ ᠦ᠋ᠨ ᠰᠠᠢᠬᠠᠨ ᠬᠤᠪᠴᠠᠰᠤ ᠵᠠᠰᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠠᠩᠭᠠᠯᠠᠵᠤ ᠴᠢᠮᠡᠭᠯᠡᠵᠦ᠂ ᠨᠠᠢᠷ ᠲᠤ ᠨᠢ ᠨᠠᠷᠭᠢᠶᠠᠨ ᠨᠡᠮᠡᠵᠦ᠂ ᠬᠥᠷ ᠲᠦ᠍ ᠨᠢ ᠬᠥᠭᠵᠢᠶᠡᠨ ᠨᠡᠮᠡᠵᠦ ᠪᠠᠢᠬᠤ ᠶ᠋ᠢ ᠦᠵᠡᠯᠡ᠃ ᠪᠠᠰᠠ ᠣᠯᠠᠨ ᠶᠠᠭᠤᠮᠠ ᠪᠣᠳᠣᠭᠳᠠᠯᠠ᠃
ᠮᠠᠨ ᠤ᠋ ᠦᠵᠦᠮᠦᠴᠢᠨ ᠦ᠌ ᠬᠤᠪᠴᠠᠰᠤ ᠵᠠᠰᠠᠯ ᠪᠣᠯ ᠣᠳᠣ ᠦᠨᠡᠨ ᠳ᠋ᠦ᠍ ᠪᠡᠨ ᠪᠣᠯ ᠣᠳᠣ ᠭᠠᠷ ᠤ᠋ᠨ ᠤᠷᠠ ᠶ᠋ᠢ ᠭᠠᠢᠬᠠᠭᠤᠯᠤᠭᠰᠠᠨ ᠦᠢᠯᠡ ᠣᠶᠣᠳᠠᠯ ᠰᠢᠦ! ᠣᠳᠣ ᠨᠢᠭᠡ ᠵᠦᠢᠯ ᠦ᠋ᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠵᠠᠰᠠᠯ ᠴᠢᠮᠡᠭᠯᠡᠯ ᠦ᠋ᠳ ᠪᠠᠢᠭᠠ ᠶᠤᠮ ᠠ᠋! ᠳᠠᠬᠢᠭᠠᠳ ᠬᠡᠯᠡᠪᠡᠯ ᠮᠠᠨ ᠤ᠋ ᠬᠢᠨ ᠦ᠌ ᠣᠳᠣ ᠪᠦᠷ᠂ ᠠ᠋᠁ ᠲᠥᠷᠥᠯ ᠵᠦᠢᠯ ᠢ᠋ᠶ᠋ᠡᠨ ᠰᠠᠢᠬᠠᠨ ᠢᠯᠭᠠᠳᠠᠭ᠃ ᠳᠡᠪᠡᠯ᠂ ᠵᠤᠪᠴᠠᠭᠠ᠂ ᠲᠡᠷᠯᠢᠭ᠂ ᠴᠠᠮᠴᠠ᠁ ᠭᠡᠳ ᠢᠯᠭᠠᠳᠠᠭ ᠢ᠋ ᠪᠢᠳᠡ ᠪᠦᠬᠦᠨ ᠮᠡᠳᠡᠨᠡ᠃
ᠥᠨᠥᠳᠥᠷ ᠦ᠋ᠨ ᠴᠠᠭ ᠦᠶᠡ ᠪᠡᠨ ᠳᠠᠭᠠᠭᠠᠳ ᠪᠣᠯ ᠣᠳᠣ᠂ ᠠ᠋᠁ ᠶᠡᠬᠡ ᠥᠭᠡᠷᠡᠴᠢᠯᠡᠭᠳᠡᠵᠡᠢ᠃ ᠡᠮᠵᠢᠶᠡᠷᠢ ᠴᠢᠮᠬᠢᠶᠡᠷᠢ ᠪᠣᠯ ᠨᠡᠩ ᠣᠳᠣ ᠬᠡᠯᠡᠬᠦ ᠶᠠᠷᠢᠬᠤ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ᠃ ᠵᠠ᠂ ᠡᠭᠦᠨ ᠦ᠌ ᠲᠤᠬᠠᠢ ᠪᠢ ᠪᠠᠰᠠ ᠥᠩᠭᠡᠷᠡᠦ ᠶᠠᠭᠤᠮᠠ ᠶᠠᠷᠢᠮᠠᠷ ᠦᠭᠡᠢ ᠪᠠᠢᠨᠠ᠃ ᠭᠡᠪᠡᠴᠦ ᠪᠣᠯ ᠶᠠᠭᠠᠬᠢᠨᠠ⁈ ᠬᠤᠪᠴᠠᠰᠤ ᠵᠠᠰᠠᠯ ᠤ᠋ᠨ ᠢ᠋ᠶ᠋ᠠᠨ ᠳᠣᠲᠣᠷᠠ ᠠ᠋ᠴᠠ ᠪᠦᠰᠡ ᠭᠡᠳᠡᠭ ᠪᠣᠯ ᠡᠷᠬᠢᠮ ᠨᠠᠨᠳᠢᠨ ᠶᠠᠭᠤᠮᠠ ᠶᠤᠮ ᠠ᠋! ᠴᠢᠩᠭᠢᠭᠡᠳ ᠡᠨᠡ ᠪᠦᠰᠡ ᠶ᠋ᠢ ᠪᠦᠰᠡᠯᠡᠵᠦ ᠪᠠᠢᠭᠠ ᠶ᠋ᠢᠨ ᠲᠠᠯᠠ ᠳᠡᠭᠡᠷᠡ ᠪᠢ ᠬᠠᠷᠢᠨ᠂ ᠣᠯᠠᠨ ᠶᠠᠭᠤᠮᠠ ᠪᠣᠳᠣᠭᠳᠠᠯᠠ ᠰᠢᠦ᠃
ᠣᠳᠣ ᠬᠠᠷᠢᠨ ᠮᠠᠨ ᠤ᠋ ᠵᠠᠯᠠᠭᠤᠴᠤᠳ ᠥᠩᠭᠡ ᠪᠣᠳᠣᠭ ᠢ᠋ᠶ᠋ᠠᠨ ᠢᠯᠭᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠶᠦᠮ ᠤᠤ᠂ ᠪᠠᠰᠠ ᠨᠢᠭᠡ《ᠴᠡᠭᠡᠷ》 ᠲᠡᠢ ᠶᠠᠭᠤ ᠲᠠᠢ ᠤᠴᠢᠷ ᠭᠡᠳᠡᠭ ᠢ᠋ ᠮᠡᠳᠡᠳᠡᠭ ᠦᠭᠡᠢ ᠶᠦᠮ ᠤᠤ⁈ ᠬᠠᠷᠠ ᠪᠦᠰᠡ ᠶᠦᠮ ᠤᠤ᠂ ᠴᠠᠭᠠᠨ ᠪᠦᠰᠡ ᠪᠦᠰᠡᠯᠡᠳᠡᠭ ᠤᠴᠢᠷ ᠠᠷᠪᠢᠨ ᠲᠣᠬᠢᠶᠠᠯᠳᠤᠯᠠ᠂ ᠠᠷᠪᠢᠨ ᠬᠠᠷᠠᠭᠳᠠᠯᠠ᠃
ᠵᠠ᠂ ᠡᠨᠡ ᠪᠣᠯ ᠣᠳᠣ ᠪᠥᠰᠡᠨ ᠦ᠌ ᠲᠠᠯᠠ ᠬᠠᠷᠠ ᠪᠦᠰᠡ᠂ ᠴᠠᠭᠠᠨ ᠪᠦᠰᠡ ᠶ᠋ᠢ ᠪᠣᠯ ᠮᠠᠨ ᠤ᠋ ᠮᠣᠩᠭᠣᠯᠴᠤᠳ ᠬᠠᠮᠤᠭ ᠤ᠋ᠨ ᠶᠡᠬᠡ ᠣᠳᠣ ᠴᠡᠭᠡᠷᠯᠡᠳᠡᠭ᠃ ᠠ᠋᠁《ᠪᠡᠯᠪᠡᠰᠦᠷᠡᠯ ᠪᠡᠯᠭᠡ ᠮᠠᠭᠤᠲᠠᠢ ᠥᠩᠭᠡ ᠪᠣᠳᠣᠭ》 ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤ ᠶ᠋ᠢ ᠪᠣᠯ ᠲᠠ ᠪᠦᠬᠦᠨ ᠣᠢᠯᠠᠭᠠᠵᠤ ᠮᠡᠳᠡᠭᠰᠡᠨ ᠪᠠᠢᠬᠤ ᠬᠡᠷᠡᠭᠲᠡᠢ᠃
ᠥᠨᠥᠳᠥᠷ ᠬᠠᠷᠢᠨ ᠥᠪᠡᠷᠲᠡᠭᠡᠨ ᠪᠦᠰᠡᠯᠡᠬᠦ ᠪᠡᠷ ᠪᠠᠷᠠᠬᠤ ᠦᠭᠡᠢ᠂ ᠠᠪᠤ ᠡᠵᠢ ᠳ᠋ᠦ᠍ ᠪᠡᠨ ᠪᠦᠰᠡᠯᠡᠭᠦᠯᠵᠦ ᠪᠠᠢᠬᠤ ᠶ᠋ᠢ ᠪᠢ ᠪᠠᠰᠠ ᠣᠯᠵᠤ ᠦᠵᠡᠯᠡ᠃ ᠦᠨᠡᠬᠡᠷ ᠭᠠᠢᠬᠠᠰᠢ ᠲᠥᠷᠥᠵᠦ ᠪᠠᠢᠨᠠ᠂ ᠮᠠᠨ ᠤ᠋ ᠠᠬᠠᠮᠠᠳ ᠲᠣᠮᠣᠭᠠᠲᠠᠨ ᠨᠤᠭᠤᠳ ᠪᠠᠰᠠ ᠣᠳᠣ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠰᠠᠨᠠᠭᠠ ᠪᠠᠷ ᠪᠦᠰᠡᠯᠡᠭᠡᠳ ᠪᠠᠢᠵᠤ ᠪᠣᠯᠳᠠᠭ ᠦᠭᠡᠢ ᠪᠢᠵᠡ⁈ ᠡᠨᠡ ᠴᠢᠨᠢ ᠡᠢᠮᠦ ᠤᠴᠢᠷ ᠲᠠᠢ᠂ ᠲᠡᠢᠮᠦ ᠰᠢᠯᠲᠠᠭᠠᠨ ᠲᠠᠢ ᠭᠡᠳᠡᠭ ᠢ᠋ ᠬᠡᠯᠡᠵᠦ ᠥᠭᠴᠦ ᠶᠠᠷᠢᠵᠤ ᠪᠣᠯᠤᠨᠠ ᠭᠡᠵᠦ ᠪᠢ ᠪᠣᠳᠣᠵᠤ ᠪᠠᠢᠨᠠ᠃ ᠴᠢᠩᠭᠢᠭᠡᠳ ᠣᠳᠣ ᠶ᠋ᠢᠨ ᠪᠣᠯ ᠣᠳᠣ ᠶᠠᠭᠤᠮᠠ ᠡᠯᠪᠡᠭ ᠳᠡᠯᠪᠡᠭ ᠪᠣᠯᠴᠢᠬᠠᠬᠤ ᠳ᠋ᠤ᠌ ᠶᠠᠭᠤ ᠯᠠ ᠪᠣᠯ ᠶᠠᠭᠤ ᠠᠪᠤᠭᠠᠳ ᠪᠦᠰᠡᠯᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠦ! ᠵᠠᠯᠠᠭᠤᠴᠤᠳ ᠮᠢᠨᠢ ᠠ᠋᠂ ᠵᠠᠪᠠᠯ ᠠᠩᠬᠠᠷᠤᠯ ᠳ᠋ᠤ᠌ ᠪᠠᠨ ᠠᠪᠬᠤ ᠬᠡᠷᠡᠭᠲᠡᠢ᠃ ᠶᠠᠮᠠᠷᠪᠠ ᠶᠠᠭᠤᠮᠠ ᠶ᠋ᠢ ᠪᠣᠯᠬᠤ᠂ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠢ᠋ ᠲᠤᠩᠭᠠᠵᠤ ᠪᠣᠳᠣᠬᠤ ᠬᠡᠷᠡᠭᠲᠡᠢ᠃
ᠵᠠ᠂ ᠡᠢᠮᠦ ᠡᠴᠡ ᠮᠠᠨ ᠤ᠋ ᠦᠵᠦᠮᠦᠴᠢᠨ ᠵᠠᠯᠠᠭᠤᠴᠤᠳ ᠢ᠋ᠶ᠋ᠠᠨ ᠬᠦᠰᠡᠨ ᠨᠠᠢᠳᠠᠬᠤ ᠨᠢ᠄ ᠲᠠ ᠪᠦᠬᠦᠨ ᠮᠢᠨᠢ ᠬᠠᠷᠠ ᠪᠦᠰᠡ᠂ ᠴᠠᠭᠠᠨ ᠪᠦᠰᠡ ᠪᠢᠲᠡᠭᠡᠢ ᠪᠦᠰᠡᠯᠡᠭᠡᠷᠡᠢ ᠭᠡᠳᠡᠭ ᠢ᠋ ᠬᠡᠯᠡᠮᠡᠷ ᠪᠠᠢᠨᠠ᠃ ᠠᠩᠬᠠᠷᠤᠯ ᠳ᠋ᠤ᠌ ᠪᠠᠨ ᠠᠪᠬᠤ ᠶ᠋ᠢ ᠬᠦᠰᠡᠵᠦ ᠪᠠᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠥᠩᠬᠡ ᠭᠠᠯ
ᠦᠰᠦᠭ ᠬᠠᠳᠠᠭᠴᠢ᠄ ᠮᠥᠩᠬᠡ ᠭᠠᠯ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ᠂ ᠤᠷᠠᠨᠲᠠᠨᠠ