ᠬᠥᠭᠵᠢᠨ ᠴᠡᠴᠡᠭᠯᠡᠭᠡ ᠬᠠᠷᠠᠵᠠ ᠶ᠋ᠢᠨ ᠠᠢᠯ ᠮᠢᠨᠢ - ᠬᠠᠰᠠᠭᠤᠯᠠХөгжин цэцэглээ харзын айл минь-Хасуул
385ᠬᠥᠭᠵᠢᠨ ᠴᠡᠴᠡᠭᠯᠡᠭᠡ ᠬᠠᠷᠠᠵᠠ ᠶ᠋ᠢᠨ ᠠᠢᠯ ᠮᠢᠨᠢ
ᠬᠠᠰᠠᠭᠤᠯᠠ
ᠬᠠᠷᠠ ᠶ᠋ᠢᠨ ᠠᠭᠤᠯᠠ ᠪᠠᠨ ᠲᠦᠰᠢᠭᠰᠡᠨ ᠨᠥᠮᠥᠷᠢ ᠳᠤᠯᠠᠭᠠᠨ ᠪᠠᠭᠤᠴᠠ ᠲᠠᠢ
ᠬᠠᠷᠠᠵᠠ ᠶ᠋ᠢᠨ ᠣᠪᠣᠭᠠ ᠪᠠᠨ ᠪᠠᠷᠠᠯᠠᠭᠰᠠᠨ ᠬᠠᠨᠠᠭᠠᠷ ᠠᠭᠤᠳᠠᠮ ᠬᠥᠨᠳᠡᠢ ᠲᠡᠢ
ᠠᠯᠢᠶᠠ ᠶ᠋ᠢᠨ ᠭᠣᠣᠯ ᠢ᠋ᠶ᠋ᠠᠨ ᠴᠢᠮᠡᠭᠰᠡᠨ ᠲᠣᠷᠭᠠᠨ ᠵᠥᠭᠡᠯᠡᠨ ᠪᠡᠯᠴᠢᠭᠡᠷ ᠲᠡᠢ
ᠠᠯᠲᠠᠨ ᠤᠨᠠᠭᠠ ᠪᠠᠨ ᠤᠮᠳᠠᠯᠠᠭᠰᠠᠨ ᠠᠷᠢᠭᠤᠨ ᠲᠤᠩᠭᠠᠯᠠᠭ ᠪᠤᠯᠠᠭ ᠲᠠᠢ
ᠬᠠᠷᠠᠴᠠᠨ ᠤ᠋ ᠴᠢᠮᠡᠭ ᠬᠠᠢᠷᠠ ᠶ᠋ᠢᠨ ᠤᠶᠠᠭᠠ
ᠬᠣᠷᠸᠠ ᠳ᠋ᠤ᠌ ᠭᠠᠭᠴᠠᠬᠠᠨ ᠬᠠᠷᠠᠵᠠ ᠶ᠋ᠢᠨ ᠠᠢᠯ ᠮᠢᠨᠢ
ᠰᠦᠨ ᠰᠠᠴᠤᠯᠢ ᠪᠠᠨ ᠡᠷᠭᠦᠭᠰᠡᠨ ᠡᠵᠢ ᠶ᠋ᠢᠨ ᠴᠠᠭᠠᠨ ᠢᠷᠦᠭᠡᠯ ᠲᠡᠢ
ᠰᠦᠷᠦᠭ ᠮᠠᠯ ᠢ᠋ᠶ᠋ᠠᠨ ᠬᠤᠷᠤᠢᠯᠠᠭᠰᠠᠨ ᠠᠪᠤ ᠶ᠋ᠢᠨ ᠠᠷᠢᠭᠤᠨ ᠳᠠᠢᠯᠠᠯᠭᠠ ᠲᠠᠢ
ᠰᠠᠮᠪᠠᠢ ᠬᠠᠳᠠᠭ ᠢ᠋ᠶ᠋ᠠᠨ ᠠᠯᠲᠠᠯᠠᠭᠰᠠᠨ ᠰᠠᠢᠬᠠᠨ ᠮᠣᠩᠭᠣᠯ ᠤ᠋ᠨ ᠵᠠᠩᠰᠢᠯ ᠲᠠᠢ
ᠴᠠᠢᠯᠭᠠᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠳᠡᠭᠡᠳᠦᠯᠡᠭᠰᠡᠨ ᠪᠤᠶᠠᠨ ᠵᠠᠶᠠᠭᠠᠨ ᠤ᠋ ᠬᠡᠰᠢᠭ ᠲᠡᠢ
ᠵᠢᠷᠦᠬᠡᠨ ᠦ᠌ ᠡᠷᠢᠯ ᠵᠡᠭᠦᠳᠦᠨ ᠦ᠌ ᠴᠢᠮᠡᠭ
ᠵᠦᠩ ᠲᠡᠢ ᠰᠠᠢᠬᠠᠨ ᠬᠠᠷᠠᠵᠠ ᠶ᠋ᠢᠨ ᠠᠢᠯ ᠮᠢᠨᠢ
ᠡᠷᠴᠢ ᠵᠣᠷᠢᠭ ᠢ᠋ᠶ᠋ᠠᠨ ᠬᠥᠪᠴᠢᠯᠡᠭᠰᠡᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠠᠷᠠᠳ ᠲᠠᠢ
ᠢᠲᠡᠭᠡᠯ ᠬᠦᠰᠡᠯ ᠢ᠋ᠶ᠋ᠡᠨ ᠡᠷᠴᠢᠯᠡᠭᠰᠡᠨ ᠠᠷᠢᠭᠤᠨ ᠨᠠᠨᠳᠢᠨ ᠦᠢᠯᠡᠰ ᠲᠡᠢ
ᠤᠷᠭᠤᠬᠤ ᠨᠠᠷᠠ ᠪᠠᠨ ᠤᠭᠲᠤᠭᠰᠠᠨ ᠥᠷᠨᠢᠯ ᠬᠥᠭᠵᠢᠯ ᠦ᠋ᠨ ᠪᠡᠯᠭᠡᠳᠡᠯ ᠲᠡᠢ
ᠠᠭᠤᠤ ᠨᠠᠮ ᠢ᠋ᠶ᠋ᠠᠨ ᠳᠠᠭᠤᠯᠠᠭᠰᠠᠨ ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠶ᠋ᠢᠨ ᠰᠢᠷᠤᠩᠬᠠᠢ ᠲᠠᠢ
ᠬᠦᠰᠡᠯ ᠦ᠋ᠨ ᠳᠥᠷᠥᠭᠡ ᠬᠥᠮᠦᠵᠢᠯ ᠦ᠋ᠨ ᠥᠯᠥᠭᠡᠢ
ᠬᠥᠭᠵᠢᠨ ᠴᠡᠴᠡᠭᠯᠡᠭᠡ ᠬᠠᠷᠠᠵᠠ ᠶ᠋ᠢᠨ ᠠᠢᠯ ᠮᠢᠨᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠰᠣᠠ
ᠦᠰᠦᠭ ᠬᠠᠲᠠᠭᠴᠢ᠄ ᠴᠢᠯᠢᠨ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ