ᠠᠯᠲᠠᠨ ᠬᠠᠳᠠᠨ ᠤ ᠴᠤᠤᠷᠢᠶᠠ - ᠴᠣ ᠂ ᠣᠷᠱᠤᠨ Аалтан хадны цуурай – Чо ᠂ Оршин
262ᠠᠯᠲᠠᠨ ᠬᠠᠳᠠᠨ ᠤ ᠴᠤᠤᠷᠢᠶᠠ
ᠠᠩᠬᠠᠳᠤᠭᠠᠷ ᠴᠢᠭᠤᠯᠭᠠᠨ ᠢ᠋ᠶ᠋ᠠᠷ ᠠᠶᠠᠯᠠᠨ ᠲᠣᠭᠣᠷᠢᠭᠰᠠᠨ ᠲᠥᠷᠥᠭᠳᠡᠯ
ᠴᠣ· ᠣᠷᠱᠤᠨ
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ
ᠴᠡᠭᠡᠵᠢᠨ ᠦ᠌ ᠭᠣᠣᠯ ᠦᠶᠡᠷᠯᠡᠭᠡ ᠴᠦ᠍ ᠶᠦᠮ ᠤᠤ
ᠴᠡᠴᠡᠭᠲᠦ ᠳᠡᠯᠡᠬᠡᠢ ᠳ᠋ᠦ᠍ ᠮᠡᠯᠮᠡᠯᠵᠡᠨ ᠪᠠᠢᠨᠠ᠂
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ ᠳᠡᠷᠪᠡᠭᠡ ᠴᠦ᠍ ᠶᠦᠮ ᠤᠤ
ᠴᠡᠩᠬᠡᠷ ᠣᠭᠲᠠᠷᠭᠤᠢ ᠳ᠋ᠤ᠌ ᠳᠡᠭᠦᠯᠢᠨ ᠪᠠᠢᠨᠠ᠃
ᠠᠮᠢᠳᠤᠷᠠᠯ ᠢ᠋ ᠵᠢᠷᠤᠭᠯᠠᠬᠤ ᠳᠤᠷᠠᠲᠠᠢ ᠪᠢᠵᠡ
ᠠᠯᠲᠠᠨ ᠪᠢᠷ ᠢ᠋ᠶ᠋ᠡᠨ ᠪᠠᠷᠢᠮᠠᠷ ᠪᠠᠢᠨᠠ᠃
ᠠᠶᠠᠨ ᠤ᠋ ᠵᠠᠮ ᠮᠢᠨᠢ ᠤᠷᠠᠯᠢᠭ ᠪᠢᠵᠡ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡ ᠰᠡᠪᠡᠵᠢᠨ ᠪᠠᠢᠨᠠ᠂
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ ᠳᠡᠯᠭᠡᠭᠦᠯᠦᠭᠰᠡᠨ ᠮᠢᠨᠢ
ᠠᠮᠢᠳᠤᠷᠠᠯ ᠡᠵᠢ ᠬᠥᠭᠡᠷᠦᠭᠦᠯᠵᠦ ᠥᠭᠴᠡᠢ᠂
ᠠᠮᠢᠳᠤᠷᠠᠯ ᠡᠬᠡ ᠬᠥᠭᠰᠡᠭᠦᠯᠵᠦ ᠪᠠᠢᠭᠠᠳ
ᠠᠯᠲᠠᠨ ᠬᠠᠳᠠᠨ ᠳ᠋ᠤ᠌ ᠢᠵᠢᠯᠰᠢᠭᠦᠯᠵᠦ ᠥᠭᠴᠡᠢ᠃
ᠰᠢᠯᠦᠭ ᠦ᠋ᠨ ᠬᠤᠷᠠ
ᠠᠶᠠᠨ ᠤ᠋ ᠵᠠᠮ ᠳᠤᠮᠳᠠ ᠪᠠᠨ ᠣᠷᠣᠲᠠᠯᠠ
ᠠᠭᠠᠷ ᠤ᠋ᠨ ᠬᠤᠷᠠ ᠰᠢᠪᠡᠷᠡᠨ ᠪᠠᠭᠤᠯᠠ᠂
ᠠᠨᠳᠠ ᠨᠥᠬᠥᠳ ᠨᠠᠷᠭᠢᠨ ᠶᠠᠪᠤᠲᠠᠯᠠ
ᠠᠯᠲᠠᠨ ᠬᠠᠳᠠᠨ ᠤ᠋ ᠪᠠᠷᠠ ᠬᠠᠷᠠᠭᠳᠠᠯᠠ᠃
ᠨᠠᠷᠠᠨ ᠤ᠋ ᠲᠤᠶᠠᠭᠠ ᠳᠤᠯᠠᠭᠠᠨ ᠮᠥᠷᠲᠡᠭᠡᠨ
ᠨᠠᠮᠢᠷᠠᠭᠠᠯᠠᠬᠤ ᠬᠤᠷᠠ ᠠᠶᠠᠲᠠᠢ ᠪᠠᠢᠨᠠ᠃
ᠵᠠᠮ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠤᠬᠢᠶᠠᠨ ᠠᠷᠴᠢᠭᠠᠳ
ᠵᠠᠵᠢᠨ ᠤ᠋ ᠦᠰᠦ ᠶ᠋ᠢ ᠮᠢᠯᠢᠶᠠᠨ ᠪᠠᠢᠨᠠ᠂
ᠴᠢᠭᠢᠭ ᠢ᠋ᠶ᠋ᠡᠷ ᠠᠮᠢᠰᠬᠤᠯᠯᠠᠭᠰᠠᠨ ᠬᠣᠷᠸᠠ ᠳ᠋ᠤ᠌
ᠴᠡᠭᠡᠵᠢ ᠣᠩᠭᠣᠢᠨ ᠰᠠᠢᠬᠠᠨ ᠯᠠ ᠪᠠᠢᠨᠠ᠂
ᠴᠡᠭᠡᠵᠢ ᠶ᠋ᠢ ᠲᠡᠯᠡᠭᠰᠡᠨ ᠵᠢᠷᠦᠬᠡᠨ ᠲᠣᠯᠲᠣ ᠠ᠋ᠴᠠ
ᠰᠢᠯᠦᠭ ᠦ᠋ᠨ ᠬᠤᠷᠠ ᠱᠠᠭᠢᠨ ᠪᠠᠢᠨᠠ᠃
ᠠᠯᠲᠠᠨ ᠬᠠᠳᠠ ᠴᠣᠢᠵᠢᠨ
ᠴᠠᠭᠠᠨ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍
ᠴᠣᠭᠲᠤ ᠰᠦᠮᠪᠦᠷ ᠬᠠᠳᠠ ᠰᠡᠬᠦᠢᠨᠡ᠂
ᠴᠣᠬᠢᠯᠠᠬᠤ ᠵᠢᠷᠦᠬᠡᠨ ᠦ᠌ ᠯᠤᠭᠰᠢᠯᠲᠠ ᠪᠦᠬᠦᠨ
ᠴᠣᠬᠣᠮ ᠯᠠ ᠴᠥᠮ ᠡᠨᠳᠡ ᠲᠠᠲᠠᠭᠳᠠᠨᠠ᠃
ᠠᠯᠳᠠᠷᠲᠤ ᠰᠢᠯᠦᠭᠴᠢᠨ ᠨᠠ᠊· ᠰᠠᠢᠨ ᠮᠢᠨᠢ
ᠠᠯᠲᠠᠨ ᠬᠠᠳᠠᠨ ᠳᠡᠭᠡᠷᠡ ᠰᠢᠯᠦᠭᠯᠡᠯᠡ ᠭᠡᠳᠡᠭ᠂
ᠠᠬᠤᠢ ᠠᠭᠤᠰᠬᠠᠭᠰᠠᠨ ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠨ
ᠠᠮᠲᠠᠷᠬᠠᠵᠤ ᠡᠨᠳᠡ ᠪᠢᠴᠢᠯᠡ ᠭᠡᠳᠡᠭ᠃
ᠪᠠᠷᠭᠤ ᠨᠤᠲᠤᠭ ᠤ᠋ᠨ ᠠᠯᠤᠰ ᠤ᠋ᠨ ᠲᠥᠰᠥᠪ ᠢ᠋
ᠪᠠᠬᠠᠳᠤᠵᠤ ᠰᠠᠭᠤᠭᠠᠳ ᠵᠥᠩᠨᠡᠵᠦ ᠪᠢᠴᠢᠭᠰᠡᠨ
ᠪᠠᠢᠭᠠᠯᠢ ᠡᠵᠢ ᠶ᠋ᠢᠨ ᠲᠡᠷᠡ ᠳᠡᠪᠰᠡᠭ ᠳᠡᠭᠡᠷᠡ
ᠪᠡᠶᠡᠰᠴᠦ ᠪᠢ ᠠᠯᠮᠠᠢᠷᠠᠵᠤ ᠰᠠᠭᠤᠯᠠ᠃
ᠠᠯᠲᠠᠨ ᠬᠠᠳᠠᠨ ᠤ᠋ ᠬᠠᠰ ᠬᠡᠮᠬᠡᠳᠡᠭ ᠢ᠋
ᠠᠯᠠᠭᠠᠯᠠᠵᠤ ᠦᠵᠡᠭᠡᠳ ᠬᠥᠪᠦᠯᠵᠡᠭᠰᠡᠨ ᠪᠠᠢᠬᠠ᠃
ᠠᠷᠢᠭᠤᠨ ᠱᠣᠪᠬᠣ ᠨᠣᠶᠠᠨ ᠣᠷᠭᠢᠯ ᠢ᠋
ᠠᠵᠢᠭᠴᠢ ᠨᠢᠳᠦ ᠪᠡᠷ ᠰᠢᠨᠵᠢᠭᠰᠡᠨ ᠪᠠᠢᠬᠠ᠃
ᠵᠥᠩᠨᠡᠵᠦ ᠪᠢᠴᠢᠭᠰᠡᠨ ᠴᠣᠢᠵᠢᠨ ᠨᠠᠭᠤᠷ
ᠵᠢᠷᠦᠬᠡᠨ ᠨᠣᠲ ᠢ᠋ ᠤᠶᠠᠩᠭᠠᠯᠠᠵᠤ ᠪᠠᠢᠨᠠᠮ᠂
ᠵᠦᠢᠴᠢᠯᠡᠵᠦ ᠪᠣᠳᠣᠭᠰᠠᠨ ᠬᠦᠰᠡᠯ ᠢ᠋ ᠮᠢᠨᠢ
ᠵᠣᠯᠲᠠᠢᠬᠠᠨ ᠪᠢᠳᠡ ᠡᠳ᠋ᠯᠡᠵᠦ ᠪᠠᠢᠨᠠᠮ᠃
ᠰᠡᠳᠬᠢᠯ ᠪᠠ ᠦᠵᠦᠭ
ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠠᠢᠷᠠᠲᠠᠢ ᠰᠢᠯᠦᠭᠴᠢ ᠶ᠋ᠢᠨ
ᠠᠯᠬᠤᠭᠰᠠᠨ ᠮᠥᠷ ᠨᠢ ᠲᠣᠳᠣᠬᠠᠨ ᠪᠠᠢᠨᠠ᠂
ᠠᠯᠲᠠᠨ ᠬᠠᠳᠠᠨ ᠤ᠋ ᠡᠭᠦᠯᠡᠨ ᠣᠷᠣᠢ ᠪᠠᠷ
ᠠᠶᠠᠯᠭᠤ ᠴᠤᠤᠷᠠᠢ ᠨᠢ ᠬᠠᠩᠭᠢᠨᠠᠨ ᠪᠠᠢᠨᠠ
ᠦᠨᠡᠨᠴᠢ ᠵᠢᠷᠦᠬᠡ ᠪᠡᠨ ᠲᠤᠰᠢᠶᠠᠭᠰᠠᠨ
ᠦᠢᠯᠡᠰ ᠬᠡᠳᠦ ᠨᠢ ᠪᠡᠶᠡᠯᠡᠨ ᠪᠣᠢ᠂
ᠦᠵᠦᠭ ᠦ᠋ᠨ ᠤᠰᠤ ᠶ᠋ᠢ ᠤᠮᠳᠠᠯᠠᠭᠰᠠᠨ
ᠥᠨᠢᠷ ᠪᠠᠢᠭᠠᠯᠢ ᠴᠡᠯᠭᠡᠷᠡᠨ ᠪᠣᠢ᠃
ᠵᠢᠷᠦᠬᠡ ᠪᠡᠨ ᠳᠣᠭᠳᠣᠯᠤᠭᠤᠯᠤᠭᠰᠠᠨ ᠭᠠᠵᠠᠷ ᠳᠤ
ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠢ ᠨᠠᠩᠭᠢᠯᠠᠪᠠ᠂
ᠰᠢᠯᠦᠭ ᠢ᠋ᠶ᠋ᠡᠨ ᠪᠢᠴᠢᠭᠰᠡᠨ ᠬᠠᠳᠠᠨ ᠠ᠋ᠴᠠ
ᠦᠵᠦᠭ ᠢ᠋ᠶ᠋ᠡᠨ ᠪᠢ ᠬᠤᠷᠴᠠᠯᠠᠪᠠ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 05 02
ᠠᠩᠬᠠᠳᠤᠭᠠᠷ ᠴᠢᠭᠤᠯᠭᠠᠨ ᠢ᠋ᠶ᠋ᠠᠷ ᠠᠶᠠᠯᠠᠨ ᠲᠣᠭᠣᠷᠢᠭᠰᠠᠨ ᠲᠥᠷᠥᠭᠳᠡᠯ
ᠴᠣ· ᠣᠷᠱᠤᠨ
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ
ᠴᠡᠭᠡᠵᠢᠨ ᠦ᠌ ᠭᠣᠣᠯ ᠦᠶᠡᠷᠯᠡᠭᠡ ᠴᠦ᠍ ᠶᠦᠮ ᠤᠤ
ᠴᠡᠴᠡᠭᠲᠦ ᠳᠡᠯᠡᠬᠡᠢ ᠳ᠋ᠦ᠍ ᠮᠡᠯᠮᠡᠯᠵᠡᠨ ᠪᠠᠢᠨᠠ᠂
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ ᠳᠡᠷᠪᠡᠭᠡ ᠴᠦ᠍ ᠶᠦᠮ ᠤᠤ
ᠴᠡᠩᠬᠡᠷ ᠣᠭᠲᠠᠷᠭᠤᠢ ᠳ᠋ᠤ᠌ ᠳᠡᠭᠦᠯᠢᠨ ᠪᠠᠢᠨᠠ᠃
ᠠᠮᠢᠳᠤᠷᠠᠯ ᠢ᠋ ᠵᠢᠷᠤᠭᠯᠠᠬᠤ ᠳᠤᠷᠠᠲᠠᠢ ᠪᠢᠵᠡ
ᠠᠯᠲᠠᠨ ᠪᠢᠷ ᠢ᠋ᠶ᠋ᠡᠨ ᠪᠠᠷᠢᠮᠠᠷ ᠪᠠᠢᠨᠠ᠃
ᠠᠶᠠᠨ ᠤ᠋ ᠵᠠᠮ ᠮᠢᠨᠢ ᠤᠷᠠᠯᠢᠭ ᠪᠢᠵᠡ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡ ᠰᠡᠪᠡᠵᠢᠨ ᠪᠠᠢᠨᠠ᠂
ᠰᠡᠳᠬᠢᠯ ᠦ᠋ᠨ ᠵᠢᠭᠦᠷ ᠳᠡᠯᠭᠡᠭᠦᠯᠦᠭᠰᠡᠨ ᠮᠢᠨᠢ
ᠠᠮᠢᠳᠤᠷᠠᠯ ᠡᠵᠢ ᠬᠥᠭᠡᠷᠦᠭᠦᠯᠵᠦ ᠥᠭᠴᠡᠢ᠂
ᠠᠮᠢᠳᠤᠷᠠᠯ ᠡᠬᠡ ᠬᠥᠭᠰᠡᠭᠦᠯᠵᠦ ᠪᠠᠢᠭᠠᠳ
ᠠᠯᠲᠠᠨ ᠬᠠᠳᠠᠨ ᠳ᠋ᠤ᠌ ᠢᠵᠢᠯᠰᠢᠭᠦᠯᠵᠦ ᠥᠭᠴᠡᠢ᠃
ᠰᠢᠯᠦᠭ ᠦ᠋ᠨ ᠬᠤᠷᠠ
ᠠᠶᠠᠨ ᠤ᠋ ᠵᠠᠮ ᠳᠤᠮᠳᠠ ᠪᠠᠨ ᠣᠷᠣᠲᠠᠯᠠ
ᠠᠭᠠᠷ ᠤ᠋ᠨ ᠬᠤᠷᠠ ᠰᠢᠪᠡᠷᠡᠨ ᠪᠠᠭᠤᠯᠠ᠂
ᠠᠨᠳᠠ ᠨᠥᠬᠥᠳ ᠨᠠᠷᠭᠢᠨ ᠶᠠᠪᠤᠲᠠᠯᠠ
ᠠᠯᠲᠠᠨ ᠬᠠᠳᠠᠨ ᠤ᠋ ᠪᠠᠷᠠ ᠬᠠᠷᠠᠭᠳᠠᠯᠠ᠃
ᠨᠠᠷᠠᠨ ᠤ᠋ ᠲᠤᠶᠠᠭᠠ ᠳᠤᠯᠠᠭᠠᠨ ᠮᠥᠷᠲᠡᠭᠡᠨ
ᠨᠠᠮᠢᠷᠠᠭᠠᠯᠠᠬᠤ ᠬᠤᠷᠠ ᠠᠶᠠᠲᠠᠢ ᠪᠠᠢᠨᠠ᠃
ᠵᠠᠮ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠤᠬᠢᠶᠠᠨ ᠠᠷᠴᠢᠭᠠᠳ
ᠵᠠᠵᠢᠨ ᠤ᠋ ᠦᠰᠦ ᠶ᠋ᠢ ᠮᠢᠯᠢᠶᠠᠨ ᠪᠠᠢᠨᠠ᠂
ᠴᠢᠭᠢᠭ ᠢ᠋ᠶ᠋ᠡᠷ ᠠᠮᠢᠰᠬᠤᠯᠯᠠᠭᠰᠠᠨ ᠬᠣᠷᠸᠠ ᠳ᠋ᠤ᠌
ᠴᠡᠭᠡᠵᠢ ᠣᠩᠭᠣᠢᠨ ᠰᠠᠢᠬᠠᠨ ᠯᠠ ᠪᠠᠢᠨᠠ᠂
ᠴᠡᠭᠡᠵᠢ ᠶ᠋ᠢ ᠲᠡᠯᠡᠭᠰᠡᠨ ᠵᠢᠷᠦᠬᠡᠨ ᠲᠣᠯᠲᠣ ᠠ᠋ᠴᠠ
ᠰᠢᠯᠦᠭ ᠦ᠋ᠨ ᠬᠤᠷᠠ ᠱᠠᠭᠢᠨ ᠪᠠᠢᠨᠠ᠃
ᠠᠯᠲᠠᠨ ᠬᠠᠳᠠ ᠴᠣᠢᠵᠢᠨ
ᠴᠠᠭᠠᠨ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍
ᠴᠣᠭᠲᠤ ᠰᠦᠮᠪᠦᠷ ᠬᠠᠳᠠ ᠰᠡᠬᠦᠢᠨᠡ᠂
ᠴᠣᠬᠢᠯᠠᠬᠤ ᠵᠢᠷᠦᠬᠡᠨ ᠦ᠌ ᠯᠤᠭᠰᠢᠯᠲᠠ ᠪᠦᠬᠦᠨ
ᠴᠣᠬᠣᠮ ᠯᠠ ᠴᠥᠮ ᠡᠨᠳᠡ ᠲᠠᠲᠠᠭᠳᠠᠨᠠ᠃
ᠠᠯᠳᠠᠷᠲᠤ ᠰᠢᠯᠦᠭᠴᠢᠨ ᠨᠠ᠊· ᠰᠠᠢᠨ ᠮᠢᠨᠢ
ᠠᠯᠲᠠᠨ ᠬᠠᠳᠠᠨ ᠳᠡᠭᠡᠷᠡ ᠰᠢᠯᠦᠭᠯᠡᠯᠡ ᠭᠡᠳᠡᠭ᠂
ᠠᠬᠤᠢ ᠠᠭᠤᠰᠬᠠᠭᠰᠠᠨ ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠨ
ᠠᠮᠲᠠᠷᠬᠠᠵᠤ ᠡᠨᠳᠡ ᠪᠢᠴᠢᠯᠡ ᠭᠡᠳᠡᠭ᠃
ᠪᠠᠷᠭᠤ ᠨᠤᠲᠤᠭ ᠤ᠋ᠨ ᠠᠯᠤᠰ ᠤ᠋ᠨ ᠲᠥᠰᠥᠪ ᠢ᠋
ᠪᠠᠬᠠᠳᠤᠵᠤ ᠰᠠᠭᠤᠭᠠᠳ ᠵᠥᠩᠨᠡᠵᠦ ᠪᠢᠴᠢᠭᠰᠡᠨ
ᠪᠠᠢᠭᠠᠯᠢ ᠡᠵᠢ ᠶ᠋ᠢᠨ ᠲᠡᠷᠡ ᠳᠡᠪᠰᠡᠭ ᠳᠡᠭᠡᠷᠡ
ᠪᠡᠶᠡᠰᠴᠦ ᠪᠢ ᠠᠯᠮᠠᠢᠷᠠᠵᠤ ᠰᠠᠭᠤᠯᠠ᠃
ᠠᠯᠲᠠᠨ ᠬᠠᠳᠠᠨ ᠤ᠋ ᠬᠠᠰ ᠬᠡᠮᠬᠡᠳᠡᠭ ᠢ᠋
ᠠᠯᠠᠭᠠᠯᠠᠵᠤ ᠦᠵᠡᠭᠡᠳ ᠬᠥᠪᠦᠯᠵᠡᠭᠰᠡᠨ ᠪᠠᠢᠬᠠ᠃
ᠠᠷᠢᠭᠤᠨ ᠱᠣᠪᠬᠣ ᠨᠣᠶᠠᠨ ᠣᠷᠭᠢᠯ ᠢ᠋
ᠠᠵᠢᠭᠴᠢ ᠨᠢᠳᠦ ᠪᠡᠷ ᠰᠢᠨᠵᠢᠭᠰᠡᠨ ᠪᠠᠢᠬᠠ᠃
ᠵᠥᠩᠨᠡᠵᠦ ᠪᠢᠴᠢᠭᠰᠡᠨ ᠴᠣᠢᠵᠢᠨ ᠨᠠᠭᠤᠷ
ᠵᠢᠷᠦᠬᠡᠨ ᠨᠣᠲ ᠢ᠋ ᠤᠶᠠᠩᠭᠠᠯᠠᠵᠤ ᠪᠠᠢᠨᠠᠮ᠂
ᠵᠦᠢᠴᠢᠯᠡᠵᠦ ᠪᠣᠳᠣᠭᠰᠠᠨ ᠬᠦᠰᠡᠯ ᠢ᠋ ᠮᠢᠨᠢ
ᠵᠣᠯᠲᠠᠢᠬᠠᠨ ᠪᠢᠳᠡ ᠡᠳ᠋ᠯᠡᠵᠦ ᠪᠠᠢᠨᠠᠮ᠃
ᠰᠡᠳᠬᠢᠯ ᠪᠠ ᠦᠵᠦᠭ
ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠠᠢᠷᠠᠲᠠᠢ ᠰᠢᠯᠦᠭᠴᠢ ᠶ᠋ᠢᠨ
ᠠᠯᠬᠤᠭᠰᠠᠨ ᠮᠥᠷ ᠨᠢ ᠲᠣᠳᠣᠬᠠᠨ ᠪᠠᠢᠨᠠ᠂
ᠠᠯᠲᠠᠨ ᠬᠠᠳᠠᠨ ᠤ᠋ ᠡᠭᠦᠯᠡᠨ ᠣᠷᠣᠢ ᠪᠠᠷ
ᠠᠶᠠᠯᠭᠤ ᠴᠤᠤᠷᠠᠢ ᠨᠢ ᠬᠠᠩᠭᠢᠨᠠᠨ ᠪᠠᠢᠨᠠ
ᠦᠨᠡᠨᠴᠢ ᠵᠢᠷᠦᠬᠡ ᠪᠡᠨ ᠲᠤᠰᠢᠶᠠᠭᠰᠠᠨ
ᠦᠢᠯᠡᠰ ᠬᠡᠳᠦ ᠨᠢ ᠪᠡᠶᠡᠯᠡᠨ ᠪᠣᠢ᠂
ᠦᠵᠦᠭ ᠦ᠋ᠨ ᠤᠰᠤ ᠶ᠋ᠢ ᠤᠮᠳᠠᠯᠠᠭᠰᠠᠨ
ᠥᠨᠢᠷ ᠪᠠᠢᠭᠠᠯᠢ ᠴᠡᠯᠭᠡᠷᠡᠨ ᠪᠣᠢ᠃
ᠵᠢᠷᠦᠬᠡ ᠪᠡᠨ ᠳᠣᠭᠳᠣᠯᠤᠭᠤᠯᠤᠭᠰᠠᠨ ᠭᠠᠵᠠᠷ ᠲᠤ
ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠢ ᠨᠠᠩᠭᠢᠯᠠᠪᠠ᠂
ᠰᠢᠯᠦᠭ ᠢ᠋ᠶ᠋ᠡᠨ ᠪᠢᠴᠢᠭᠰᠡᠨ ᠬᠠᠳᠠᠨ ᠠ᠋ᠴᠠ
ᠦᠵᠦᠭ ᠢ᠋ᠶ᠋ᠡᠨ ᠪᠢ ᠬᠤᠷᠴᠠᠯᠠᠪᠠ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 05 02