ᠤᠷᠢᠶᠠᠩᠬᠠᠢ ᠭᠡᠵᠦ ᠶᠠᠭ ᠶᠠᠮᠠᠷ ᠤᠭᠰᠠᠭᠠᠲᠠᠨ ᠪᠤᠢ ᠣ᠊ ∙ ᠯᠤᠪᠰᠠᠩᠴᠦᠯᠲᠦᠮУрианхай гэж яг ямар угсаатан бэ_ О.Лувсанчүлтэм
830ᠮᠢᠨᠦ ᠤᠷᠢᠶᠠᠩᠬᠠᠢ
ᠾᠦᠩᠨᠦ ᠱᠦᠩᠨᠦ ᠶ᠋ᠢᠨ ᠦᠶᠡ ᠡᠴᠡ ᠨᠡᠷᠡ ᠪᠡᠨ ᠳᠠᠭᠤᠷᠢᠰᠤᠭᠰᠠᠨ ᠤᠷᠢᠶᠠᠩᠬᠠᠢ
ᠬᠥᠬᠡ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡᠨ ᠳ᠋ᠦ᠍ ᠮᠥᠷ ᠢ᠋ᠶ᠋ᠡᠨ ᠦᠯᠡᠳᠡᠭᠡᠭᠰᠡᠨ ᠤᠷᠢᠶᠠᠩᠬᠠᠢ
ᠡᠷᠭᠦᠨᠡ ᠬᠤᠨ ᠤ᠋ ᠳᠣᠮᠣᠭ ᠲᠤ᠌ ᠥᠭᠦᠯᠡᠵᠦ ᠲᠦᠷᠢᠭᠰᠡᠨ ᠤᠷᠢᠶᠠᠩᠬᠠᠢ
ᠡᠵᠡᠨᠲᠦ ᠭᠦᠷᠦᠨ ᠨᠦ᠍ᠭᠦᠳ ᠪᠠᠢᠭᠤᠯᠬᠤ ᠳ᠋ᠤ᠌ ᠲᠦᠰᠢᠭ ᠶᠠᠪᠤᠭᠰᠠᠨ ᠤᠷᠢᠶᠠᠩᠬᠠᠢ
ᠬᠠᠨ ᠬᠡᠨᠲᠡᠢ ᠪᠤᠷᠬᠠᠨ ᠬᠠᠯᠳᠤᠨ ᠤ᠋ ᠡᠵᠡᠨ ᠨᠢ ᠪᠠᠢᠭᠰᠠᠨ ᠶᠤᠮ ᠤᠷᠢᠶᠠᠩᠬᠠᠢ
ᠬᠠᠮᠤᠭ ᠤ᠋ᠨ ᠡᠬᠡ ᠠᠯᠤᠨ ᠭᠤᠸᠠ ᠶ᠋ᠢ ᠤᠭᠲᠤᠵᠤ ᠠᠪᠤᠭᠰᠠᠨ ᠶᠤᠮ ᠤᠷᠢᠶᠠᠩᠬᠠᠢ
ᠪᠦᠭᠦᠳᠡ ᠶ᠋ᠢᠨ ᠡᠪᠦᠭᠡ ᠳᠣᠪᠣ ᠮᠡᠷᠭᠡᠨ ᠳ᠋ᠦ᠍ ᠠᠩ ᠤ᠋ᠨ ᠱᠣᠷᠣᠯᠠᠭ ᠬᠦᠷᠲᠡᠭᠡᠵᠦ
ᠪᠣᠷᠵᠢᠭᠢᠨ ᠣᠪᠣᠭ ᠡᠭᠦᠰᠬᠡᠭᠰᠡᠨ ᠪᠣᠳᠣᠨᠴᠠᠷ ᠮᠤᠩᠬᠠᠭ ᠲᠠᠢ ᠤᠷᠤᠭ ᠪᠠᠷᠢᠯᠳᠤᠭᠰᠠᠨ ᠶᠤᠮ
ᠪᠤᠭᠤᠷᠤᠯ ᠣᠨ ᠤ᠋ ᠳᠡᠯᠢᠭᠦᠨ ᠪᠣᠯᠳᠣᠭ ᠲᠤ᠌ ᠲᠡᠮᠦᠵᠢᠨ ᠬᠣᠷᠸᠠ ᠳ᠋ᠤ᠌ ᠮᠡᠨᠳᠦᠯᠡᠬᠦ ᠳ᠋ᠦ᠍
ᠪᠤᠷᠬᠠᠨ ᠬᠠᠯᠳᠤᠨ ᠠ᠋ᠴᠠ ᠪᠠᠭᠤᠵᠤ ᠢᠷᠡᠵᠦ ᠪᠣᠯᠭᠠᠨ ᠥᠯᠥᠭᠡᠢ ᠪᠡᠯᠡᠭ ᠲᠦ᠍ ᠥᠭᠴᠦ
ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤ᠋ᠨ ᠬᠦᠦ ᠳ᠋ᠦ᠍ ᠡᠷᠭᠢᠵᠦ ᠣᠴᠢᠭᠰᠠᠨ ᠤᠷᠢᠶᠠᠩᠬᠠᠢ
ᠡᠭᠡᠨᠡᠭᠲᠡ ᠬᠠᠮᠲᠤ ᠪᠠᠢᠵᠤ ᠨᠥᠬᠥᠷᠯᠡᠵᠦ ᠦᠯᠡᠳᠡᠭᠰᠡᠨ ᠤᠷᠢᠶᠠᠩᠬᠠᠢ
ᠳᠡᠭᠡᠳᠦᠰ ᠦ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ ᠳ᠋ᠤ᠌ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠤᠷᠢᠶᠠᠩᠬᠠᠢ
ᠳᠡᠯᠢᠭᠦᠨ ᠪᠣᠯᠳᠣᠭ ᠲᠤ᠌ ᠶᠢᠰᠦᠭᠡᠢ ᠲᠡᠢ ᠨᠥᠬᠥᠷᠯᠡᠯ ᠶᠠᠷᠢᠭᠰᠠᠨ ᠤᠷᠢᠶᠠᠩᠬᠠᠢ
ᠦᠨᠳᠦᠰᠦᠲᠡᠨ ᠪᠦᠷᠢᠯᠳᠦᠭᠰᠡᠨ ᠨᠤᠲᠤᠭ ᠤ᠋ᠨ ᠤᠤᠭᠠᠯ ᠪᠠᠢᠭᠰᠠᠨ ᠤᠷᠢᠶᠠᠩᠬᠠᠢ
ᠦᠨᠡᠨᠴᠢ ᠨᠥᠬᠥᠷᠯᠡᠯ ᠦ᠋ᠨ ᠲᠡᠦᠬᠡ ᠶ᠋ᠢ ᠦᠯᠢᠭᠡᠷᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠤᠷᠢᠶᠠᠩᠬᠠᠢ
ᠲᠩᠷᠢ ᠢᠵᠠᠭᠤᠷᠲᠤ ᠲᠡᠮᠦᠵᠢᠨ ᠳ᠋ᠦ᠍ ᠨᠡᠯᠬᠢ ᠪᠡᠯᠡᠳᠦᠭᠰᠡᠨ ᠤᠷᠢᠶᠠᠩᠬᠠᠢ
ᠲᠡᠷᠲᠡᠭᠡ ᠬᠣᠯᠠ ᠶ᠋ᠢᠨ ᠡᠸᠦᠷᠦᠫᠡ ᠳ᠋ᠦ᠍ ᠠᠩᠬᠠᠯᠠᠵᠤ ᠬᠦᠷᠦᠭᠰᠡᠨ ᠤᠷᠢᠶᠠᠩᠬᠠᠢ
ᠲᠠᠩᠭᠢᠰ ᠳᠠᠯᠠᠢ ᠶ᠋ᠢ ᠴᠠᠯᠭᠢᠲᠠᠯᠠ ᠳᠠᠢᠳᠤᠵᠤ ᠶᠠᠪᠤᠭᠰᠠᠨ ᠤᠷᠢᠶᠠᠩᠬᠠᠢ
ᠲᠡᠮᠡᠴᠡᠯ ᠳᠣᠯᠣᠭᠠᠨ ᠤ᠋ ᠬᠠᠲᠠᠭᠤ ᠳ᠋ᠤ᠌ ᠤᠶᠠᠷᠠᠴᠤ ᠤᠷᠪᠠᠭᠠ ᠦᠭᠡᠢ ᠤᠷᠢᠶᠠᠩᠬᠠᠢ
ᠡᠵᠡᠨ ᠴᠢᠩᠭᠢᠰ ᠦ᠋ᠨ ᠢᠲᠡᠭᠡᠯ ᠢ᠋ ᠳᠠᠭᠠᠭᠠᠵᠤ ᠶᠠᠪᠤᠭᠰᠠᠨ ᠤᠷᠢᠶᠠᠩᠬᠠᠢ
ᠶᠡᠬᠡ ᠡᠵᠡᠨ ᠦ᠌ ᠠᠮᠢ ᠶ᠋ᠢ ᠭᠤᠷᠪᠠᠨᠲᠠ ᠠᠪᠤᠷᠠᠭᠰᠠᠨ ᠤᠷᠢᠶᠠᠩᠬᠠᠢ
ᠶᠡᠬᠡ ᠬᠠᠭᠠᠳ ᠤ᠋ᠨ ᠣᠩᠭᠣᠨ ᠢ᠋ ᠰᠠᠬᠢᠵᠤ ᠪᠠᠢᠭᠰᠠᠨ ᠤᠷᠢᠶᠠᠩᠬᠠᠢ
ᠶᠡᠬᠡᠰ ᠳᠡᠭᠡᠳᠦᠰ ᠦ᠋ᠨ ᠨᠢᠭᠤᠴᠠ ᠶ᠋ᠢ ᠬᠠᠳᠠᠭᠠᠯᠠᠵᠤ ᠴᠢᠳᠠᠭᠰᠠᠨ ᠤᠷᠢᠶᠠᠩᠬᠠᠢ
ᠳᠤᠮᠳᠠᠳᠤ ᠡᠷᠲᠡᠨ ᠦ᠌ ᠱᠠᠰᠲᠢᠷ ᠲᠤ᠌ ᠠᠯᠳᠠᠷ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠤᠷᠢᠶᠠᠩᠬᠠᠢ
ᠳᠣᠮᠣᠭᠲᠤ ᠰᠦᠪᠡᠭᠡᠳᠡᠢ ᠡᠷᠡ ᠶ᠋ᠢ ᠲᠦᠷᠦᠭᠦᠯᠡᠵᠦ ᠥᠰᠬᠡᠭᠰᠡᠨ ᠤᠷᠢᠶᠠᠩᠬᠠᠢ
ᠬᠠᠨ ᠬᠡᠨᠲᠡᠢ ᠠᠭᠤᠯᠠᠰ ᠠ᠋ᠴᠠ ᠬᠠᠷᠠᠭᠤᠯ ᠠᠯᠲᠠᠢ ᠶ᠋ᠢᠨ ᠴᠠᠭᠠᠳᠤ ᠬᠦᠷᠲᠡᠯᠡ
ᠬᠠᠭᠠᠷᠠᠴᠤ ᠪᠤᠲᠠᠷᠠᠭᠰᠠᠨ ᠲᠡᠦᠬᠡ ᠶ᠋ᠢᠨ ᠨᠤᠭᠤᠴᠠᠭᠠᠨ ᠳ᠋ᠤ᠌ ᠴᠤᠴᠠᠷᠠᠵᠤ ᠣᠳᠤᠭᠰᠠᠨ ᠤᠷᠢᠶᠠᠩᠬᠠᠢ
ᠳᠡᠭᠡᠳᠦᠰ ᠦ᠋ᠨ ᠶᠡᠬᠡ ᠬᠥᠷᠥᠭᠲᠤ ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠪᠠᠨ
ᠳᠡᠷᠭᠡᠳᠡ ᠨᠢ ᠪᠠᠢᠭᠠ ᠶᠤᠮ ᠰᠢᠭ᠋ ᠠᠯᠲᠠᠢ ᠠ᠋ᠴᠠ ᠬᠠᠷᠠᠭᠤᠯᠳᠠᠨ ᠰᠠᠭᠤᠬᠤ ᠪᠠᠷ
ᠪᠤᠷᠬᠠᠨ ᠬᠠᠯᠳᠤᠨ ᠤ᠋ ᠵᠦᠭ ᠤᠷᠤᠭᠤ ᠪᠡᠯᠭᠡᠰᠢᠶᠡᠭᠡ ᠵᠦᠢᠯᠡᠰ ᠢ᠋ᠶ᠋ᠡᠨ ᠬᠠᠷᠠᠭᠤᠯᠵᠤ
ᠪᠤᠭᠤᠷᠤᠯ ᠳᠡᠭᠡᠳᠦᠰ ᠦ᠋ᠨ ᠭᠡᠷᠢᠶᠡᠰ ᠢ᠋ ᠰᠠᠬᠢᠵᠤ ᠶᠠᠪᠤᠭᠠ ᠤᠷᠢᠶᠠᠩᠬᠠᠢ
ᠵᠢᠮ ᠵᠠᠮ ᠭᠠᠷᠭᠠᠵᠤ ᠠᠯᠲᠠᠢ ᠶ᠋ᠢ ᠳᠠᠪᠠᠭᠰᠠᠨ ᠤᠷᠢᠶᠠᠩᠬᠠᠢ
《ᠵᠢᠷᠭᠠᠯ ᠶᠡᠬᠡᠲᠡᠢ ᠠᠯᠲᠠᠢ》 ᠪᠠᠷ ᠨᠠᠢᠷ ᠢ᠋ᠶ᠋ᠠᠨ ᠡᠬᠢᠯᠡᠳᠡᠭ ᠤᠷᠢᠶᠠᠩᠬᠠᠢ
《ᠵᠢᠷᠠᠨ ᠬᠥᠰᠢᠭᠦᠷᠬᠡ ᠶ᠋ᠢᠨ ᠰᠤᠪᠤᠷᠭᠠ ᠶ᠋ᠢᠨ ᠲᠣᠭᠣᠵᠢ》ᠶ᠋ᠢ ᠥᠭᠦᠯᠡᠵᠦ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠵᠢᠷᠠᠨ ᠵᠢᠷᠠᠨ ᠢ᠋ᠶ᠋ᠠᠷ ᠲᠡᠦᠬᠡ ᠪᠡᠨ ᠪᠦᠲᠦᠭᠡᠵᠦ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠲᠥᠪᠡᠳ ᠵᠠᠭ ᠤ᠋ᠨ ᠣᠷᠣᠨ ᠠ᠋ᠴᠠ ᠨᠠᠭᠠᠰᠢ ᠲᠥᠪᠬᠢᠨᠡᠵᠦ ᠰᠠᠭᠤᠭᠰᠠᠨ ᠤᠷᠢᠶᠠᠩᠬᠠᠢ
《ᠲᠡᠭᠦᠰ ᠮᠡᠨᠳᠦ》ᠤᠰᠤ ᠪᠠᠷ ᠢ᠋ᠶ᠋ᠠᠨ ᠭᠠᠢᠬᠠᠭᠤᠯᠵᠤ ᠪᠠᠢᠭᠠ ᠤᠷᠢᠶᠠᠩᠬᠠᠢ
ᠡᠷᠲᠡᠨ ᠦ᠌ ᠢᠵᠠᠭᠤᠷ ᠬᠡᠯᠡ ᠪᠡᠨ ᠬᠠᠳᠠᠭᠠᠯᠠᠵᠤ ᠶᠠᠪᠤᠭᠠ ᠤᠷᠢᠶᠠᠩᠬᠠᠢ
ᠡᠪ ᠦ᠋ᠨ ᠭᠣᠣᠯ ᠤ᠋ᠨ ᠤᠷᠤᠰᠬᠠᠯ ᠢ᠋ ᠡᠭᠡᠰᠢᠭᠯᠡᠭᠦᠯᠵᠦ ᠴᠣᠭᠣᠷᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠳᠥᠷᠪᠡᠨ ᠣᠢᠷᠠᠳ ᠤ᠋ᠨ ᠲᠤᠭ ᠢ᠋ ᠲᠤᠯᠤᠯᠴᠠᠵᠤ ᠥᠭᠭᠦᠭᠰᠡᠨ ᠤᠷᠢᠶᠠᠩᠬᠠᠢ
ᠳᠥᠷᠪᠡᠯᠵᠢᠨ ᠶᠡᠬᠡ ᠠᠯᠲᠠᠢ ᠳ᠋ᠠᠭᠠᠨ ᠡᠵᠡᠨ ᠨᠢ ᠰᠠᠭᠤᠭᠰᠠᠨ ᠤᠷᠢᠶᠠᠩᠬᠠᠢ
ᠠᠭᠤᠯᠠ ᠶ᠋ᠢᠨ ᠵᠡᠷᠯᠢᠭ ᠰᠠᠷᠯᠤᠭ ᠢ᠋ᠶ᠋ᠠᠨ ᠬᠢᠪᠡᠷᠳᠡᠵᠦ ᠬᠤᠷᠢᠶᠠᠭᠰᠠᠨ ᠤᠷᠢᠶᠠᠩᠬᠠᠢ
ᠤᠯᠤᠰ ᠮᠣᠩᠭᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠡᠦᠬᠡ ᠶ᠋ᠢ ᠪᠦᠲᠦᠭᠡᠯᠴᠢᠵᠦ ᠶᠠᠪᠤᠭᠠ ᠤᠷᠢᠶᠠᠩᠬᠠᠢ
ᠰᠠᠷᠢᠳᠠᠭ ᠥᠨᠳᠥᠷ ᠠᠯᠲᠠᠢ ᠪᠠᠨ ᠰᠠᠬᠢᠵᠤ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠰᠤᠷ ᠬᠠᠷᠪᠤᠭᠠᠨ ᠤ᠋ ᠡᠬᠢᠯᠡᠯ ᠢ᠋ ᠠᠩᠬᠠᠯᠠᠵᠤ ᠲᠠᠯᠪᠢᠭᠰᠠᠨ ᠤᠷᠢᠶᠠᠩᠬᠠᠢ
ᠰᠤᠤᠲᠤ ᠴᠢᠩᠭᠢᠰ ᠬᠠᠭᠠᠨ ᠰᠦᠷ ᠬᠦᠴᠦᠲᠦ ᠵᠠᠩᠵᠤᠨ ᠨᠤᠭᠤᠳ ᠢ᠋
《 ᠰᠣᠨᠳᠠᠯᠠᠩ ᠤ᠋ᠨ ᠣᠪᠣᠭᠠ》ᠳᠠᠭᠤᠨ ᠳ᠋ᠤ᠌ ᠪᠠᠨ ᠮᠥᠩᠬᠡᠯᠡᠵᠦ ᠦᠯᠡᠳᠡᠭᠡᠭᠰᠡᠨ ᠤᠷᠢᠶᠠᠩᠬᠠᠢ
ᠴᠤᠯᠪᠤᠭᠤᠷ ᠴᠢᠳᠥᠷ ᠨᠣᠭᠲᠣ ᠪᠠᠨ ᠵᠠᠩᠭᠢᠳᠴᠤ ᠬᠠᠷᠠᠭᠤᠯᠤᠭᠰᠠᠨ ᠤᠷᠢᠶᠠᠩᠬᠠᠢ
ᠴᠣᠭᠣᠷ ᠲᠣᠪᠰᠢᠭᠤᠷ ᠬᠢᠭᠢᠯᠢ ᠪᠡᠨ ᠬᠠᠳᠠᠭᠠᠯᠠᠵᠤ ᠦᠯᠡᠳᠡᠭᠰᠡᠨ ᠤᠷᠢᠶᠠᠩᠬᠠᠢ
ᠴᠠᠪᠴᠢᠮᠠ ᠠᠭᠤᠯᠠᠰ ᠢ᠋ᠶ᠋ᠠᠷ ᠨᠤᠲᠤᠭ ᠲᠤ᠌ ᠪᠠᠨ ᠴᠠᠭ ᠢ᠋ᠶ᠋ᠠᠨ ᠵᠢᠷᠭᠠᠬᠤ ᠤᠷᠢᠶᠠᠩᠬᠠᠢ
ᠴᠠᠰᠤᠲᠤ ᠠᠯᠲᠠᠢ ᠶ᠋ᠢᠨ ᠠᠭᠤᠯᠠᠰ ᠢ᠋ᠶ᠋ᠠᠨ ᠠᠷᠭᠠᠳᠠᠨ ᠬᠠᠢᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠡᠪᠡᠷ ᠡᠯᠢᠭᠡᠲᠦ ᠨᠤᠮᠤ ᠶ᠋ᠢᠨ ᠡᠪ ᠬᠠᠪᠴᠠᠬᠠᠢ ᠶ᠋ᠢ ᠤᠷᠠᠯᠠᠵᠤ
ᠡᠳᠦᠭᠡ ᠬᠦᠷᠲᠡᠯᠡ ᠥᠪᠯᠡᠨ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠡᠷᠡ ᠬᠥᠮᠦᠨ ᠦ᠌ ᠨᠥᠬᠥᠷ ᠪᠠᠢᠭᠰᠠᠨ ᠡᠷᠡᠬᠡᠢ ᠶ᠋ᠢᠨ ᠰᠢᠷᠠ ᠴᠣᠬᠣᠷ ᠨᠤᠮᠤ ᠪᠠᠨ
ᠡᠷᠳᠡᠨᠢᠲᠦ ᠬᠦᠯᠦᠭ ᠮᠣᠷᠢᠨ ᠳ᠋ᠤ᠌ ᠪᠠᠨ ᠲᠠᠮᠠᠭᠠᠯᠠᠵᠤ ᠳᠠᠷᠬᠠᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠠᠯᠲᠠᠢ ᠶ᠋ᠢᠨ ᠠᠷᠪᠠᠨ ᠭᠤᠷᠪᠠᠨ ᠰᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠯᠭᠠᠷᠠᠵᠤ ᠲᠣᠳᠣᠷᠠᠳᠠᠭ ᠤᠷᠢᠶᠠᠩᠬᠠᠢ
ᠠᠲᠠᠭᠠ ᠲᠠᠪᠤᠨ ᠲᠩᠷᠢ ᠪᠡᠨ ᠰᠡᠲᠡᠷᠯᠡᠵᠦ ᠳᠠᠬᠢᠳᠠᠭ ᠤᠷᠢᠶᠠᠩᠬᠠᠢ
ᠡᠭᠦᠳᠡᠨ ᠲᠣᠰᠤᠭᠠ ᠭᠠᠵᠠᠷ ᠰᠠᠩ ᠤ᠋ᠨ ᠭᠤᠷᠪᠠᠨ ᠴᠢᠯᠠᠭᠤ ᠲᠠᠢ
ᠦᠱᠦᠦᠷ ᠬᠣᠷᠯᠣ ᠲᠣᠭᠯᠠᠭᠠᠮ ᠢ᠋ᠶ᠋ᠠᠨ ᠥᠪᠯᠡᠭᠦᠯᠵᠦ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠠᠲᠠᠭᠠᠲᠤ ᠮᠠᠨᠵᠤ ᠶ᠋ᠢᠨ ᠡᠰᠡᠷᠭᠦ ᠵᠠᠭᠤᠨ ᠢ᠋ᠶ᠋ᠠᠷ ᠡᠷᠡᠰᠯᠡᠨ ᠲᠡᠮᠡᠴᠡᠭᠰᠡᠨ
ᠪᠠᠷᠠᠭᠤᠨ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡ ᠶ᠋ᠢ ᠪᠢᠴᠢᠭᠯᠡᠵᠦ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠠᠯᠲᠠᠢ ᠳᠠᠮᠨᠠᠨ ᠰᠠᠭᠤᠭᠰᠠᠨ ᠳᠣᠯᠣᠭᠠᠨ ᠬᠣᠰᠢᠭᠤ ᠤᠷᠢᠶᠠᠩᠬᠠᠢ
ᠠᠩ ᠤ᠋ᠨ ᠠᠷᠠᠰᠤ ᠥᠷᠲᠡᠭᠡᠨ ᠦ᠌ ᠠᠯᠪᠠ ᠶ᠋ᠢ ᠵᠠᠯᠭᠠᠭᠤᠯᠵᠤ ᠶᠠᠪᠤᠭᠰᠠᠨ ᠤᠷᠢᠶᠠᠩᠬᠠᠢ
ᠠᠷᠤ ᠠᠯᠲᠠᠢ ᠪᠠᠨ ᠰᠠᠨᠠᠭᠠᠯᠵᠠᠵᠤ ᠴᠠᠭᠠᠨ ᠲᠣᠬᠣᠢ ᠨᠤᠲᠤᠭ ᠢ᠋ᠶ᠋ᠠᠷ
ᠠᠷᠤ ᠥᠪᠥᠷ ᠲᠦ᠍ ᠨᠢ ᠰᠠᠭᠤᠭᠠ ᠨᠢ ᠬᠣᠶᠠᠷ ᠨᠤᠲᠤᠭ ᠤ᠋ᠨ ᠡᠷᠬᠡ
ᠰᠠᠭᠠᠳᠠᠨ ᠠᠭᠤᠯᠵᠠᠭᠠᠳ ᠰᠠᠯᠬᠤ ᠪᠣᠯ ᠰᠤᠤ ᠠᠯᠴᠠᠮ ᠮᠣᠷᠢ ᠪᠠᠷ
ᠰᠡᠳᠬᠢᠯᠲᠦ ᠬᠣᠶᠠᠷ ᠤᠴᠠᠷᠠᠪᠠᠯ ᠬᠣᠶᠠᠷ ᠭᠠᠷ ᠱᠠᠷᠭᠠᠨ ᠭᠡᠭᠡᠯᠵᠡᠵᠦ ᠳᠠᠭᠤᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠠᠭᠤᠯᠠᠰ ᠠᠭᠤᠯᠠ ᠪᠠᠷ ᠨᠤᠲᠤᠭᠯᠠᠭᠰᠠᠨ ᠠᠭᠤᠯᠠᠰ ᠤ᠋ᠨ ᠵᠠᠶᠠᠭᠠᠲᠠᠢ ᠤᠷᠢᠶᠠᠩᠬᠠᠢ
ᠤᠳᠬᠠ ᠤᠶᠠᠩᠭᠠ ᠪᠠᠷ ᠬᠥᠭᠯᠡᠭᠰᠡᠨ ᠤᠷᠲᠤ ᠶ᠋ᠢᠨ ᠳᠠᠭᠤᠤ ᠲᠠᠢ ᠤᠷᠢᠶᠠᠩᠬᠠᠢ
ᠤᠨᠠᠭᠠᠨ ᠵᠡᠭᠡᠷᠳᠡ ᠶ᠋ᠢᠨ ᠰᠡᠭᠦᠯ ᠢ᠋ᠶ᠋ᠡᠷ ᠡᠷᠢᠭᠡ ᠪᠡᠨ ᠬᠢᠯᠭᠠᠰᠤᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠤᠭᠠᠯᠵᠠ ᠠᠳᠠᠯᠢ ᠪᠡᠶᠡ ᠶ᠋ᠢ ᠪᠡᠨ ᠵᠣᠬᠢᠶᠠᠵᠤ ᠪᠤᠢᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠪᠣᠭᠣᠳᠠᠭ ᠢ᠋ᠶ᠋ᠠᠨ ᠰᠠᠴᠤᠷᠠᠭᠤᠯᠤᠭᠰᠠᠨ ᠰᠡᠪᠡᠭ ᠦ᠋ᠳ ᠨᠢ ᠦᠶᠡᠯᠵᠡᠨ ᠭᠦᠶᠦᠭᠰᠡᠨ ᠤᠷᠢᠶᠠᠩᠬᠠᠢ
ᠪᠦᠳᠦᠭᠦᠨ ᠪᠠᠭᠠ ᠢᠯᠭᠠᠯ ᠦᠭᠡᠢ ᠰᠤᠭᠰᠤᠷᠤᠨ ᠪᠡᠶᠡᠯᠡᠭᠰᠡᠨ ᠤᠷᠢᠶᠠᠩᠬᠠᠢ
ᠪᠡᠶᠡᠷᠬᠡ ᠲᠥᠷᠥᠭᠰᠡᠨ ᠨᠢᠭᠡᠨ ᠳ᠋ᠦ᠍ ᠨᠢ ᠪᠢᠵᠢ ᠪᠤᠯᠠᠭ ᠤ᠋ᠨ ᠰᠢᠭᠤᠷᠭᠠ
ᠠᠭᠤᠷᠯᠠᠭᠠᠳ ᠣᠳᠤᠭᠰᠠᠨ ᠨᠢᠭᠡᠨ ᠳ᠋ᠦ᠍ ᠨᠢ《ᠣᠤ ᠭᠣᠣᠯ ᠤ᠋ᠨ》 ᠡᠬᠢ ᠶ᠋ᠢ ᠳᠠᠭᠤᠯᠠᠵᠤ ᠤᠬᠠᠭᠠᠷᠠᠭᠤᠯᠳᠠᠭ ᠤᠷᠢᠶᠠᠩᠬᠠᠢ
ᠮᠥᠩᠭᠥᠨ ᠰᠦᠢᠬᠡ ᠭᠣᠣ ᠶ᠋ᠢ ᠤᠷᠠᠯᠠᠵᠤ ᠭᠠᠩᠭᠠᠷᠠᠭᠰᠠᠨ ᠤᠷᠢᠶᠠᠩᠬᠠᠢ
ᠮᠥᠩᠭᠥᠨ ᠬᠦᠷᠢᠶᠡ ᠠᠯᠲᠠᠨ ᠬᠦᠷᠢᠶᠡ ᠪᠡᠷ ᠨᠠᠭᠠᠳᠵᠤ ᠴᠡᠩᠭᠡᠭᠰᠡᠨ ᠤᠷᠢᠶᠠᠩᠬᠠᠢ
ᠬᠦᠷᠡᠯ ᠠᠯᠲᠠᠨ ᠲᠦᠰᠢ ᠬᠦᠳᠡᠷ ᠮᠥᠩᠭᠥᠨ ᠲᠡᠮᠦᠷ ᠢ᠋ᠶ᠋ᠡᠨ ᠬᠠᠢᠯᠵᠤ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠨᠤᠭᠤᠴᠠᠭᠠᠨ ᠳ᠋ᠤ᠌ ᠬᠥᠭ ᠨᠡᠮᠡᠭᠰᠡᠨ ᠤᠷᠢᠶᠠᠩᠬᠠᠢ
ᠲᠠᠪᠤᠨ ᠴᠠᠰᠤᠲᠤ ᠬᠠᠢᠷᠬᠠᠨ ᠤ᠋ ᠪᠠᠨ ᠡᠩᠭᠡᠷ ᠪᠠᠯ ᠳ᠋ᠤ᠌ ᠨᠢ ᠵᠠᠶᠠᠭᠠᠵᠤ
ᠲᠣᠪᠰᠢᠭᠤᠷ ᠬᠥᠭᠵᠢᠮ ᠦ᠋ᠨ ᠢ᠋ᠶ᠋ᠡᠨ ᠠᠶᠠᠨ ᠳ᠋ᠤ᠌ ᠲᠤᠤᠯᠢ ᠪᠠᠨ ᠬᠠᠢᠯᠠᠭᠰᠠᠨ ᠤᠷᠢᠶᠠᠩᠬᠠᠢ
ᠲᠣᠭᠣᠷᠴᠣᠭ ᠴᠠᠭᠳᠠ ᠪᠠᠨ ᠡᠮᠦᠰᠴᠦ ᠠᠯᠠᠭᠯᠠᠨ ᠬᠥᠭᠡᠷᠳᠡᠭ ᠤᠷᠢᠶᠠᠩᠬᠠᠢ
ᠲᠣᠳᠣ ᠨᠣᠮ ᠤ᠋ᠨ ᠭᠡᠷᠡᠯ ᠳ᠋ᠦ᠍ ᠭᠡᠭᠡᠷᠡᠵᠦ ᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠰᠠᠷᠯᠤᠭ ᠤ᠋ᠨ ᠠᠢᠷᠠᠭ ᠢ᠋ᠶ᠋ᠠᠨ ᠪᠦᠯᠢᠵᠦ ᠰᠠᠷᠠᠬᠤᠳ ᠨᠡᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠰᠠᠭᠠᠯᠢ ᠰᠦ ᠨᠢ ᠪᠢᠯᠬᠠᠭᠰᠠᠨ ᠰᠠᠪᠠ ᠨᠢ ᠳᠦᠭᠦᠷᠡᠩ ᠤᠷᠢᠶᠠᠩᠬᠠᠢ
ᠰᠠᠷᠠᠬᠤᠳ ᠨᠢ ᠰᠠᠭᠠᠳᠠᠭᠠ ᠦᠭᠡᠢ ᠰᠠᠪᠠᠭᠠᠨ ᠡᠵᠡᠨ ᠨᠢ ᠪᠠᠶᠠᠨ ᠪᠠᠢᠬᠤ
ᠰᠠᠢᠬᠠᠨ ᠢᠷᠦᠭᠡᠯ ᠡᠷᠭᠦᠳᠡᠭ ᠠᠮᠠᠨ ᠤ᠋ ᠪᠡᠯᠭᠡ ᠲᠡᠢ ᠤᠷᠢᠶᠠᠩᠬᠠᠢ
ᠬᠦᠨᠳᠦᠯᠡᠵᠦ ᠳᠡᠭᠡᠵᠢᠯᠡᠬᠦ ᠶᠣᠰᠣ ᠵᠠᠶᠢᠭ ᠢ᠋ ᠬᠠᠳᠠᠭᠠᠯᠠᠵᠤ ᠶᠠᠪᠤᠭᠠ ᠤᠷᠢᠶᠠᠩᠬᠠᠢ
ᠬᠥᠮᠦᠨ ᠶᠠᠭᠤᠮᠠᠰ ᠤ᠋ᠨ ᠨᠡᠷᠡ ᠶ᠋ᠢ ᠴᠡᠭᠡᠷᠯᠡᠵᠦ ᠬᠦᠨᠳᠦᠯᠡᠳᠡᠭ ᠤᠷᠢᠶᠠᠩᠬᠠᠢ
ᠵᠤᠨ ᠤ᠋ ᠲᠡᠷᠭᠡᠯ ᠰᠠᠷᠠᠨ ᠳᠣᠣᠷᠠ ᠭᠤᠪᠠᠢ ᠭᠦᠶᠦᠯᠭᠡᠨ ᠴᠠᠭᠠᠨ ᠮᠣᠳᠣ ᠬᠠᠶᠠᠵᠤ
ᠵᠤᠰᠠᠯᠠᠩ ᠤ᠋ᠨ ᠭᠣᠣᠯ ᠤ᠋ᠨ ᠱᠤᠤᠭᠢᠶᠠᠨ ᠳᠤᠮᠳᠠ ᠠᠭᠤᠰᠤᠨ ᠰᠢᠩᠭᠡᠳᠡᠭ ᠤᠷᠢᠶᠠᠩᠬᠠᠢ
ᠭᠦᠷᠦᠮᠡᠯ ᠴᠣᠣᠵᠢ ᠠᠷᠭᠠᠮᠵᠢᠶᠠ ᠪᠠᠷ ᠠᠳᠤᠭᠤ ᠮᠠᠯ ᠢ᠋ᠶ᠋ᠠᠨ ᠴᠠᠯᠮᠠᠳᠠᠵᠤ
ᠭᠡᠷ ᠦ᠋ᠨ ᠴᠠᠢᠵᠠ ᠬᠠᠳᠬᠤᠭᠤᠷᠲᠤ ᠭᠣᠯᠣᠮᠲᠠ ᠪᠠᠨ ᠳᠤᠰᠤᠯᠠᠳᠠᠭ ᠤᠷᠢᠶᠠᠩᠬᠠᠢ
ᠬᠦᠯᠦᠭ ᠰᠠᠢᠬᠠᠨ ᠮᠣᠷᠢᠳ ᠢ᠋ᠶ᠋ᠠᠨ ᠰᠢᠭᠰᠢᠷᠡᠭᠡ ᠬᠥᠮᠥᠯᠳᠥᠷᠭᠡ ᠪᠡᠷ ᠭᠣᠶᠣᠯᠠᠳᠠᠭ
ᠬᠥᠬᠡ ᠲᠩᠷᠢ ᠭᠠᠷᠤᠯ ᠲᠠᠢ ᠤᠯᠠᠭᠠᠨ ᠵᠠᠯᠠᠭᠠᠲᠤ ᠤᠷᠢᠶᠠᠩᠬᠠᠢ
ᠪᠤᠷᠭᠠᠰᠤᠨ ᠮᠣᠳᠣᠨ ᠭᠡᠷ ᠢ᠋ᠶ᠋ᠡᠨ ᠳᠣᠪᠲᠣᠯᠤᠭ ᠣᠭᠣᠰᠣᠷ ᠢ᠋ᠶ᠋ᠠᠷ ᠴᠢᠮᠡᠭᠰᠡᠨ
ᠪᠠᠯᠢᠩ ᠳ᠋ᠠᠷᠠ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠨᠢᠭᠡᠨ ᠳ᠋ᠦ᠍ ᠵᠣᠯᠭᠠᠳᠠᠭ
ᠪᠠᠯ ᠲᠠᠢ ᠵᠦᠢᠰᠡᠨ ᠤᠳᠬᠠ ᠲᠠᠢ ᠪᠡᠯᠡᠨ ᠬᠡᠯᠡᠳᠡᠭ ᠦᠭᠡ ᠲᠡᠢ
ᠪᠠᠬᠠᠷᠬᠠᠮᠠ ᠳᠡᠭᠡᠳᠦᠰ ᠦ᠋ᠨ ᠤᠳᠤᠮ ᠪᠠᠶᠠᠯᠢᠭ ᠥᠪ ᠲᠡᠢ ᠤᠷᠢᠶᠠᠩᠬᠠᠢ
ᠣᠷᠭᠢᠯ ᠨᠢ ᠴᠠᠭᠠᠨ ᠠᠭᠤᠯᠠᠰ ᠲᠤ᠌ ᠪᠠᠨ ᠡᠭᠦᠯᠡᠰ ᠢ᠋ᠶ᠋ᠡᠨ ᠳᠠᠭᠠᠳᠬᠠᠭᠰᠠᠨ ᠤᠷᠢᠶᠠᠩᠬᠠᠢ
ᠣᠯᠠᠨ ᠤ᠋ ᠳᠤᠮᠳᠠ ᠰᠣᠳᠣᠨ ᠨᠣᠮᠢᠨ ᠲᠠᠮᠠᠭᠠ ᠲᠠᠢ ᠤᠷᠢᠶᠠᠩᠬᠠᠢ
ᠰᠠᠭᠠᠯᠢ ᠰᠦ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠵᠢ ᠶ᠋ᠢ ᠰᠥᠭᠡᠭ ᠬᠠᠢᠷᠬᠠᠨ ᠭᠡᠵᠦ ᠡᠷᠭᠦᠵᠦ
ᠰᠠᠷᠢᠳᠠᠭ ᠶᠡᠬᠡ ᠠᠭᠤᠯᠠᠰ ᠢ᠋ᠶ᠋ᠠᠨ ᠮᠢᠯᠢᠶᠠᠵᠤ ᠰᠡᠪᠡᠭᠰᠡᠨ ᠤᠷᠢᠶᠠᠩᠬᠠᠢ
ᠠᠷᠪᠠᠨ ᠭᠤᠷᠪᠠᠨ ᠠᠯᠲᠠᠢ ᠳ᠋ᠤ᠌ ᠪᠠᠨ ᠰᠠᠩ ᠢ᠋ᠶ᠋ᠠᠨ ᠲᠠᠯᠪᠢᠭᠰᠠᠨ ᠤᠷᠢᠶᠠᠩᠬᠠᠢ
ᠠᠷᠪᠠᠨ ᠭᠤᠷᠪᠠᠨ ᠳᠠᠪᠠᠭᠠ ᠲᠠᠢ ᠠᠯᠲᠠᠢ ᠶ᠋ᠢ ᠮᠠᠭᠲᠠᠭᠰᠠᠨ ᠤᠷᠢᠶᠠᠩᠬᠠᠢ
ᠠᠷᠪᠠᠨ ᠭᠤᠷᠪᠠᠨ ᠬᠦᠯᠦᠭ ᠢ᠋ᠶ᠋ᠡᠨ ᠳᠠᠭᠤᠨ ᠳ᠋ᠤ᠌ ᠪᠠᠨ ᠵᠠᠰᠠᠭᠰᠠᠨ ᠤᠷᠢᠶᠠᠩᠬᠠᠢ
ᠠᠯᠤᠰ ᠠ᠋ᠴᠠ ᠴᠠᠢᠷᠠᠨ ᠰᠤᠨᠤᠯᠵᠠᠬᠤ ᠠᠯᠲᠠᠢ ᠶ᠋ᠢᠨ ᠰᠦᠷᠯᠢᠭ ᠠᠭᠤᠯᠠᠰ ᠲᠤ᠌ ᠪᠠᠨ ᠠᠷᠭᠠᠮᠵᠢᠶᠠ ᠲᠠᠢ ᠤᠷᠢᠶᠠᠩᠬᠠᠢ
ᠠᠯᠤᠰ ᠭᠠᠵᠠᠷ ᠶᠠᠪᠤᠭᠰᠠᠨ ᠴᠤ᠌ ᠴᠠᠰᠤᠲᠤ ᠠᠯᠲᠠᠢ ᠮᠢᠨᠢ ᠭᠡᠵᠦ ᠵᠠᠯᠪᠠᠷᠢᠵᠤ
ᠠᠯᠲᠠᠢ ᠶ᠋ᠢᠨ ᠡᠵᠡᠨ ᠮᠢᠯᠢᠶᠠᠨ ᠬᠣᠩᠭᠣᠷ ᠢ᠋ ᠰᠦᠰᠦᠭᠯᠡᠵᠦ ᠪᠢᠰᠢᠷᠡᠭᠰᠡᠨ ᠤᠷᠢᠶᠠᠩᠬᠠᠢ
ᠬᠢᠭᠢᠯᠢ ᠶ᠋ᠢᠨ ᠠᠢᠵᠠᠮ ᠲᠠᠲᠠᠯᠭᠠᠨ ᠳ᠋ᠤ᠌ ᠪᠠᠨ ᠠᠯᠴᠠᠮ ᠬᠡᠭᠡᠷ ᠢ᠋ᠶ᠋ᠡᠨ ᠰᠠᠨᠠᠭᠠᠯᠵᠠᠵᠤ
ᠶᠡᠬᠡ ᠠᠭᠤᠯᠠᠰ ᠲᠤ᠌ ᠪᠠᠨ ᠡᠨᠡᠭᠰᠢᠵᠦ ᠬᠣᠷᠸᠠ ᠶ᠋ᠢ ᠲᠤᠭᠤᠯᠬᠤ ᠤᠷᠢᠶᠠᠩᠬᠠᠢ
ᠳᠡᠭᠡᠵᠢ ᠨᠢ ᠴᠠᠭᠠᠨ ᠳᠡᠪᠡᠯ ᠨᠢ ᠴᠠᠭᠠᠨ
ᠵᠢᠷᠤᠮ ᠨᠢ ᠴᠠᠭᠠᠨ ᠵᠣᠯᠭᠠᠯᠲᠠ ᠨᠢ ᠴᠠᠭᠠᠨ
ᠠᠭᠤᠯᠠᠰ ᠨᠢ ᠴᠠᠭᠠᠨ ᠤᠷᠢᠶᠠᠩᠬᠠᠢ ᠮᠢᠨᠦ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ