ᠵᠢᠩᠬᠢᠨᠢ ᠭᠤᠸᠠ ᠰᠠᠢᠬᠠᠨ - ᠶᠣᠨᠳᠣᠨ ᠤ ᠪᠢᠯᠢᠭ᠌ - ᠪᠠᠭᠠᠲᠤᠷ Жинхэнэ гоо сайхан - Ёндоны Билиг - Баатар
332ᠵᠢᠩᠬᠢᠨᠢ ᠭᠤᠸᠠ ᠰᠠᠢᠬᠠᠨ
ᠳᠥᠴᠢᠨ ᠳ᠋ᠦᠩᠰᠢᠭᠤᠷ ᠵᠢᠯ ᠦ᠋ᠨ ᠲᠡᠷᠲᠡᠭᠡ
ᠯᠤᠲᠤ ᠳᠡᠯᠪᠡᠷᠡᠯᠲᠡ ᠳ᠋ᠦ᠍ ᠣᠷᠴᠢᠯᠠᠩ ᠠᠮᠢᠯᠠᠪᠠᠢ
ᠣᠷᠴᠢᠯᠠᠩ ᠡᠭᠦᠰᠦᠭᠰᠡᠨ ᠡᠴᠡ ᠯᠡ ᠬᠣᠢᠰᠢ
ᠣᠳᠣᠬᠢ ᠶᠢᠷᠲᠢᠨᠴᠦ ᠳ᠋ᠦ᠍ ᠨᠢᠰᠴᠦ ᠢᠷᠡᠲᠡᠯᠡ
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠭᠠᠯ ᠲᠡᠦᠬᠡᠨᠡ
ᠬᠠᠮᠤᠭ ᠳᠡᠭᠡᠳᠦ ᠪᠣᠯᠪᠠᠰᠤᠨ ᠨᠢ ᠪᠣᠯᠪᠠᠰᠤ
ᠬᠡᠯᠡᠯᠭᠡᠨ ᠦᠭᠡᠢ ᠶᠠᠷᠢᠶᠠᠨ ᠦᠭᠡᠢ ᠯᠡ
ᠰᠡᠴᠡᠨ ᠪᠢᠯᠢᠭ ᠦ᠋ᠨ ᠭᠤᠸᠠ ᠰᠠᠢᠬᠠᠨ ᠁
ᠰᠡᠳᠬᠢᠯ ᠦ᠋ᠨ ᠭᠤᠸᠠ ᠰᠠᠢᠬᠠᠨ ᠪᠣᠯᠪᠠᠰᠤ
ᠰᠠᠶᠢ ᠵᠢᠪ ᠵᠢᠩᠬᠢᠨᠢ ᠭᠤᠸᠠ ᠰᠠᠢᠬᠠᠨ
ᠵᠠᠢ ᠠ᠋ᠴᠠ ᠯᠠ ᠭᠤᠸᠠ ᠰᠠᠢᠬᠠᠨ ᠁
ᠭᠤᠸᠠ ᠰᠠᠢᠬᠠᠨ ᠠ᠋ᠴᠠ ᠯᠠ ᠬᠠᠷᠭᠤᠢ
᠁ ᠁ ᠁
ᠬᠡᠳᠦᠢ ᠪᠠᠶᠠᠨ ᠲᠠᠩᠰᠤᠭ ᠨᠢ ᠴᠢᠬᠤᠯᠠ ᠪᠢᠰᠢ
ᠬᠡᠳᠦᠢ ᠤᠷᠲᠤ ᠨᠠᠰᠤᠯᠠᠬᠤ ᠨᠢ ᠴᠢᠬᠤᠯᠠ ᠪᠢᠰᠢ
ᠮᠥᠩᠬᠡᠷᠡᠬᠦ ᠭᠡᠵᠦ ᠭᠣᠷᠢᠳᠠᠬᠤ ᠴᠢᠬᠤᠯᠠ ᠪᠢᠰᠢ
ᠮᠥᠬᠥᠬᠦ ᠦᠭᠡᠢ ᠨᠢ ᠪᠠᠰᠠ ᠴᠢᠬᠤᠯᠠ ᠪᠢᠰᠢ
ᠬᠡᠳᠦᠢ ᠠᠯᠤᠰ ᠲᠤ᠌ ᠬᠦᠷᠬᠦ ᠨᠢ ᠯᠡ ᠰᠠᠶᠢ
ᠥᠨᠳᠥᠷᠯᠢᠭ ᠣᠷᠭᠢᠯ ᠰᠢᠭ᠋ ᠯᠤᠲᠤ — ᠴᠢᠬᠤᠯᠠ!
ᠬᠡᠳᠦᠢ ᠥᠨᠳᠥᠷ ᠲᠦ᠍ ᠳᠡᠭᠦᠯᠢᠬᠦ ᠨᠢ ᠰᠠᠶᠢ —
ᠲᠦᠮᠡᠨ ᠤᠴᠢᠷ ᠤ᠋ᠨ ᠲᠡᠷᠢᠭᠦᠨ ᠭᠠᠪᠢᠶᠠ!
ᠰᠠᠶᠠ ᠵᠢᠸᠠ ᠵᠢᠩᠬᠢᠨᠢ
᠁ ᠁ ᠁
ᠡᠵᠡᠨ ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠰᠤᠷᠭᠠᠯ᠄
ᠪᠡᠶᠡ ᠪᠠᠭᠠᠲᠤᠷ ᠪᠣᠯᠪᠠᠰᠤ
ᠨᠢᠭᠡᠨ ᠦᠶᠡ ᠶ᠋ᠢᠨ ᠪᠠᠭᠠᠲᠤᠷ
ᠪᠢᠯᠢᠭ ᠪᠠᠭᠠᠲᠤᠷ ᠪᠣᠯᠪᠠᠰᠤ
ᠲᠦᠮᠡᠨ ᠦᠶᠡ ᠶ᠋ᠢᠨ ᠪᠠᠭᠠᠲᠤᠷ
ᠡᠷᠬᠡᠪᠰᠢ ᠮᠥᠩᠬᠡ ᠪᠢᠰᠢᠷᠡᠲᠦᠭᠡᠢ!
2024᠂ 5᠂ 7᠃ ᠦᠳᠡ ᠳ᠋ᠦ᠍᠃
ᠰᠢᠷᠭᠠᠯ ᠬᠠᠳᠠᠨ ᠪᠢᠴᠢᠭ ᠦ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠡᠨ
ᠭᠠᠯ ᠪᠠᠳᠠᠷᠠᠩᠭᠤᠢ ᠣᠩᠭᠣᠳ ᠤ᠋ᠨ ᠢᠪᠡᠭᠡᠯ ᠳ᠋ᠦ᠍ᠷ ᠪᠠᠭᠲᠠᠩᠬᠠᠨ
ᠵᠢᠷᠭᠠᠯᠠᠩ ᠪᠠᠶᠠᠰᠬᠤᠯᠠᠩ ᠪᠦᠲᠦᠭᠡᠪᠡᠢ ᠪᠥᠯᠥᠭᠡ ᠁ ᠁
ᠬᠥᠬᠡᠬᠣᠲᠠᠨᠠ
