ᠪᠣᠭᠳᠠ ᠯᠣᠣᠶᠠ ᠶ᠋ᠢᠨ ᠪᠦᠷᠢᠨ ᠲᠥᠯᠭᠡ 61～70 Богд лууяны бүрэн төлөг 61～70
288 ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠡᠳ᠋ ᠲᠠᠸᠠᠷ ᠲᠡᠭᠰᠢ᠂ ᠡᠪᠡᠳᠴᠢᠨ ᠡᠳᠡᠭᠡᠮᠦᠢ᠂ ᠵᠠᠷᠭᠤ ᠥᠪᠡᠰᠦᠪᠡᠨ ᠠᠯᠳᠠᠷᠠᠮᠤᠢ᠂ ᠪᠤᠯᠢᠶᠠᠯᠳᠤᠬᠤ ᠬᠡᠷᠡᠭ ᠦᠭᠡᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠮᠦᠢ᠂ ᠤᠷᠤᠭ ᠪᠠᠰᠠᠴᠤ ᠵᠣᠬᠢᠮᠤᠢ᠂ ᠪᠠᠬᠠᠨ ᠪᠡᠷᠬᠡ ᠪᠣᠯᠪᠠᠴᠤ᠂ ᠡᠴᠦᠰ ᠲᠦ᠍ᠷ ᠲᠡᠭᠰᠢᠷᠠᠮᠤᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠠᠶᠤᠬᠤ ᠰᠣᠴᠢᠬᠤ ᠪᠣᠯᠵᠤ ᠮᠠᠭᠤ ᠬᠥᠮᠦᠨ ᠳ᠋ᠦ᠍ᠷ ᠬᠣᠣᠷᠯᠠᠭᠳᠠᠬᠤ ᠲᠡᠮᠳᠡᠭ ᠪᠣᠢ ᠲᠤᠯᠠ ᠬᠦᠯᠢᠴᠡᠯ ᠢ ᠪᠠᠷᠢᠵᠤ ᠪᠤᠶᠠᠨ ᠢ ᠦᠢᠯᠡᠳᠪᠡᠰᠦ ᠰᠠᠬᠢᠭᠤᠯᠰᠤᠨ ᠲᠡᠳᠬᠦᠵᠦ ᠵᠣᠪᠠᠯᠠᠩ ᠠ᠋ᠴᠠ ᠬᠡᠯᠲᠦᠷᠢᠮᠦᠢ᠂ ᠡᠪᠡᠳᠴᠢᠨ ᠬᠠᠲᠠᠬᠤ ᠮᠡᠲᠦ᠂ ᠵᠠᠷᠭᠤ ᠠᠯᠳᠠᠷᠠᠬᠤ᠂ ᠡᠳ᠋ ᠶᠡᠷᠦ᠂ ᠤᠷᠤᠭ ᠪᠣᠯᠪᠠᠰᠤ ᠰᠠᠢᠨ᠂ ᠠᠯᠢᠪᠠ ᠬᠡᠷᠡᠭ ᠳᠣᠭᠰᠢᠨ ᠪᠣᠯᠪᠠᠴᠤ ᠡᠴᠦᠰ ᠲᠦ᠍ᠷ ᠲᠡᠭᠰᠢᠷᠡᠬᠦ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠮᠠᠭᠤ ᠬᠥᠮᠦᠨ ᠬᠣᠣᠷᠯᠠᠬᠤ᠂ ᠠᠯᠢᠪᠠ ᠬᠡᠷᠡᠭ ᠣᠯᠠᠩᠬᠢ ᠲᠦᠭᠰᠢᠭᠦᠷᠢᠲᠡᠢ᠂ ᠪᠤᠶᠠᠨ ᠢ ᠦᠢᠯᠡᠳᠴᠦ ᠶᠠᠪᠤᠪᠠᠰᠤ ᠨᠢᠭᠦᠯᠲᠦ ᠬᠥᠮᠦᠨ ᠳ᠋ᠦ᠍ ᠦᠯᠦ ᠬᠣᠣᠷᠯᠠᠭᠳᠠᠬᠤ᠂ ᠡᠪᠡᠳᠴᠢᠲᠡᠨ ᠪᠥᠭᠡᠰᠦ ᠨᠢᠯᠬᠠ᠂ ᠬᠥᠪᠡᠭᠦᠨ ᠭᠡᠮ ᠦᠭᠡᠢ᠂ ᠭᠡᠷ ᠦ᠋ᠨ ᠡᠵᠡᠨ ᠳ᠋ᠦ᠍ᠷ ᠮᠠᠭᠤ᠂ ᠠᠯᠢᠪᠠ ᠬᠡᠷᠡᠭ ᠤᠷᠢᠳᠠ ᠵᠣᠪᠠᠵᠤ᠂ ᠬᠣᠵᠢᠮ ᠪᠠᠶᠠᠷ ᠢ ᠣᠯᠤᠮᠤᠢ᠂ ᠨᠡᠷᠡ ᠠᠰᠢᠭ ᠢ ᠪᠡᠷᠬᠡ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠣᠯᠬᠤ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ : ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠰᠢᠯᠭᠠᠵᠤ ᠲᠦᠭᠦᠷᠡᠭᠡᠳ ᠰᠠᠢᠨ ᠮᠡᠳᠡᠭᠡ ᠰᠣᠨᠣᠰᠬᠤ ᠪᠣᠯᠭᠤᠵᠠᠢ ᠭᠡᠮᠡᠨ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠬᠣᠵᠢᠮ ᠰᠢᠯᠭᠠᠵᠤ ᠣᠯᠣᠭᠰᠠᠨ ᠦᠭᠡᠢ᠂ ᠡᠨᠡ ᠠᠨᠤ ᠲᠥᠯᠭᠡ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠨᠡᠷᠡ ᠬᠦᠰᠡᠭᠴᠢᠳ ᠰᠠᠢᠨ ᠪᠤᠰᠤ᠃
ᠵᠢᠷᠠᠨ ᠬᠣᠶᠠᠳᠤᠭᠠᠷ ᠲᠥᠯᠭᠡ ᠂ ᠴᠠᠭᠠᠨ ᠬᠥᠬᠡᠭᠴᠢᠨ᠂ ᠳᠤᠮᠳᠠ ᠲᠡᠭᠰᠢ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ: ᠬᠠᠨ ᠰᠢᠨ ᠪᠠ ᠸᠠᠩ ᠯᠤᠭᠠ ᠲᠠᠢᠯᠳᠤᠭᠰᠠᠨ : ᠵᠠᠭᠤᠨ ᠮᠢᠩᠭᠠᠨ ᠬᠥᠮᠦᠨ ᠤ ᠴᠢᠷᠠᠢ ᠪᠥᠭᠡᠰᠦ ᠪᠡᠷ ᠪᠠᠷᠰ ᠰᠡᠳᠬᠢᠯᠲᠡᠢ᠂ ᠴᠢᠨᠦ ᠭᠡᠷ ᠵᠡᠪᠡᠰᠡᠭ ᠢ᠋ᠶ᠋ᠡᠷ ᠭᠦᠨᠡ ᠬᠦᠴᠦᠨ ᠢ ᠭᠠᠷᠬᠤᠢ ᠳ᠋ᠤᠷ ᠢᠲᠡᠭᠡᠵᠦᠬᠦᠢ᠂ ᠲᠡᠢᠨ ᠳᠠᠷᠤᠭᠠᠳ ᠢᠷᠡᠬᠦᠢ ᠳ᠋ᠦ᠍ᠷ ᠨᠠᠮᠤᠷ ᠤ᠋ᠨ ᠥᠩᠭᠡ ᠦᠳᠡᠯᠡᠪᠡᠢ᠂ ᠪᠠᠷᠰ ᠲᠡᠷᠢᠭᠦᠲᠦ ᠪᠠᠯᠭᠠᠰᠤᠨ ᠤ᠋ ᠳᠣᠲᠣᠷᠠ ᠰᠤᠷᠠᠭᠯᠠᠨ ᠢᠷᠡᠵᠦ ᠪᠠᠶᠠᠰᠤᠮᠤᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠵᠠᠷᠭᠤ ᠮᠠᠭᠠᠳ ᠠᠪᠤᠮᠤᠢ᠂ ᠡᠳ᠋ ᠮᠠᠭᠠᠳ ᠣᠷᠣᠮᠤᠢ᠂ ᠡᠪᠡᠳᠴᠢᠨ ᠴᠢᠳᠬᠥᠷ ᠲᠡᠢ᠂ ᠬᠣᠯᠠ ᠳ᠋ᠠᠭᠠᠨ ᠮᠡᠳᠡᠭᠡ ᠲᠡᠢ᠂ ᠤᠷᠤᠭ ᠪᠦᠲᠦᠮᠦ᠂ ᠨᠡᠷᠡ ᠠᠯᠳᠠᠷᠰᠢᠮᠤᠢ᠂ ᠨᠠᠮᠤᠷ ᠤ᠋ᠨ ᠴᠠᠭ ᠪᠣᠯᠪᠠᠰᠤ ᠠᠯᠢᠪᠠ ᠬᠡᠷᠡᠭ ᠪᠦᠲᠦᠮᠦ ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠣᠷᠣᠭᠰᠢ ᠪᠡᠷᠬᠡᠰᠢᠶᠡᠯ ᠲᠡᠢ ᠬᠣᠵᠢᠮ ᠳᠡᠯᠭᠡᠷᠡᠮᠦᠢ᠂ ᠨᠠᠮᠤᠷ ᠤ᠋ᠨ ᠴᠠᠭ ᠲᠣᠬᠢᠶᠠᠯᠳᠤᠪᠠᠰᠤ ᠬᠡᠷᠡᠭ ᠪᠦᠭᠦᠳᠡ ᠰᠠᠢᠨ᠂ ᠤᠷᠤᠭ ᠪᠦᠲᠦᠮᠦᠢ᠂ ᠵᠠᠷᠭᠤ ᠣᠯᠤᠮᠤᠢ᠂ ᠡᠪᠡᠳᠴᠢᠲᠡᠨ ᠬᠤᠪᠢᠰᠬᠠᠯ ᠲᠠᠢ᠂ ᠡᠳ᠋ ᠣᠷᠣᠬᠤ ᠭᠠᠷᠬᠤᠢ ᠶ᠋ᠢᠨ ᠲᠡᠭᠰᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠳ᠋ᠦ᠍ᠷ ᠭᠡᠮ ᠪᠣᠢ᠂ ᠨᠡᠷᠡ ᠠᠰᠢᠭ ᠡᠴᠦᠰ ᠲᠡᠭᠡᠨ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠬᠦ ᠦᠭᠡᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠵᠠᠷ ᠵᠡᠪᠰᠡᠭ ᠬᠡᠮᠡᠭᠰᠡᠨ ᠠᠨᠤ ᠂ ᠪᠤᠶᠠᠨᠲᠤ ᠬᠥᠮᠦᠨ ᠲᠡᠳᠬᠦᠮᠦᠢ᠂ ᠬᠥᠮᠦᠨ ᠤ ᠴᠢᠷᠠᠢ᠂ ᠠᠳᠤᠭᠤᠰᠤᠨ ᠰᠡᠳᠬᠢᠯ ᠳ᠋ᠦ᠍ ᠬᠡᠮᠡᠭᠰᠡᠨ ᠠᠨᠤ ᠮᠠᠭᠤ ᠰᠠᠨᠠᠯᠲᠠᠨ ᠤ᠋ ᠬᠣᠣᠷᠯᠠᠯ ᠪᠣᠯᠠᠢ᠃ ᠰᠠᠢᠨ ᠬᠥᠮᠦᠨ ᠵᠠᠷ ᠵᠡᠪᠡᠰᠡᠭ ᠰᠠᠬᠢᠬᠤ ᠶ᠋ᠢᠨ ᠴᠢᠳᠠᠯ ᠳ᠋ᠤᠷ ᠰᠢᠲᠦᠵᠦ ᠨᠢᠳᠦᠨ ᠡᠮᠦᠨᠡ ᠥᠴᠦᠬᠡᠨ ᠠᠶᠤᠯ ᠪᠣᠢ ᠪᠣᠯᠪᠠᠴᠤ ᠭᠡᠮ ᠦᠯᠦ ᠪᠣᠯᠤᠮᠤ᠂ ᠨᠠᠮᠤᠷ ᠤ᠋ᠨ ᠴᠠᠭ ᠲᠤᠷ ᠳᠡᠭᠡᠭᠰᠢ ᠲᠡᠪᠴᠢᠭᠡᠳ᠂ ᠠᠯᠢᠪᠠ ᠰᠠᠨᠠᠭᠰᠠᠨ ᠬᠡᠷᠡᠭ ᠤᠯᠠᠮ ᠰᠠᠢᠵᠢᠷᠠᠮᠤ᠂ ᠰᠤᠷᠠᠭᠯᠠᠨ ᠢᠷᠡᠵᠦ ᠪᠡᠶᠡᠰᠦᠮᠦ ᠬᠡᠮᠡᠭᠰᠡᠨ ᠠᠨᠤ ᠰᠠᠨᠠᠮᠰᠠᠷ ᠦᠭᠡᠢ ᠭᠡᠨᠡᠳᠲᠡ ᠠᠭᠤᠯᠵᠠᠬᠤ ᠶ᠋ᠢᠨ ᠲᠡᠮᠳᠡᠭ ᠪᠣᠯᠠᠢ᠂ ᠦᠵᠡᠭᠦᠯᠦᠭᠴᠢᠳ ᠪᠠᠷᠰ ᠲᠤᠷ ᠲᠣᠬᠢᠶᠠᠯᠳᠤᠪᠠᠰᠤ ᠮᠠᠰᠢ ᠰᠠᠢᠨ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ : ᠡᠷᠲᠡ ᠯᠢᠦ ᠴᠠᠩ ᠢ ᠶᠡᠷᠦ ᠶ᠋ᠢᠨ ᠲᠤᠯᠠ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠬᠣᠵᠢᠮ ᠲᠠᠢᠱᠤ ᠬᠠᠭᠠᠨ ᠢ ᠳᠠᠭᠠᠵᠤ ᠬᠦᠴᠦᠨ ᠶᠡᠬᠡ ᠪᠠᠢᠭᠤᠯᠤᠭᠠᠳ ᠲᠦᠰᠢᠮᠡᠯ ᠢ᠋ᠶ᠋ᠡᠨ ᠲᠤᠰᠢᠶᠠᠵᠤ ᠭᠠᠵᠠᠷ ᠲᠠᠭᠠᠨ ᠭᠠᠷᠪᠠᠢ᠂ ᠨᠠᠮᠤᠷ ᠤ᠋ᠨ ᠥᠩᠭᠡ ᠥᠲᠡᠯᠪᠡᠢ ᠬᠡᠮᠡᠭᠰᠡᠨ ᠰᠠᠨᠠᠭᠠ ᠠᠨᠤ ᠨᠡᠷᠡ ᠮᠠᠰᠢ ᠶᠡᠬᠡ ᠳᠡᠯᠭᠡᠷᠡᠭᠡᠳ ᠬᠣᠯᠠ ᠳ᠋ᠠᠭᠠᠨ ᠡᠳ᠋ᠯᠡᠵᠦ ᠦᠯᠦ ᠪᠣᠯᠤᠮᠤ᠂ ᠲᠡᠢᠮᠦ ᠡᠴᠡ ᠴᠤᠤ ᠵᠧᠦ ᠳ᠋ᠦ᠍ᠷ ᠨᠢᠭᠤᠨ ᠰᠠᠭᠤᠪᠠᠢ ᠂ ᠬᠠᠭᠤᠴᠢᠨ ᠨᠡᠷᠡ ᠢᠨᠤ ᠪᠠᠷᠰ ᠲᠡᠷᠢᠭᠦᠲᠦ ᠪᠠᠯᠭᠠᠳ ᠪᠣᠯᠠᠢ᠃
ᠵᠢᠷᠠᠨ ᠭᠤᠷᠪᠠᠳᠤᠭᠠᠷ ᠲᠥᠯᠭᠡ ᠂ ᠴᠠᠭᠠᠨ ᠤᠯᠠᠭᠠᠨ᠂ ᠳᠤᠮᠳᠠ ᠲᠡᠭᠰᠢ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ : ᠶᠠᠩ ᠯᠢᠩ ᠬᠦᠩ᠂ ᠯᠢ ᠯᠢᠩ ᠦ᠋ᠨ ᠫᠠᠢ ᠴᠢᠯᠠᠭᠤᠨᠠ ᠮᠥᠷᠭᠥᠵᠦ ᠦᠬᠦᠭᠰᠡᠨ : ᠤᠷᠢᠲ᠌ᠨ ᠳᠠᠷᠤᠭᠳᠠᠭᠠᠳ ᠳᠤᠲᠠᠭᠠᠵᠤ ᠡᠮᠦᠨᠡ ᠵᠦᠭ ᠢᠷᠡᠯᠦᠭᠡ᠂ ᠶᠠᠰᠤ ᠰᠢᠷᠪᠦᠰᠦᠨ ᠬᠡᠳᠦᠢ ᠮᠠᠭᠤᠳᠠᠪᠠᠴᠤ ᠨᠢᠭᠡᠨ ᠤᠳᠠᠭᠠ ᠴᠢᠷᠮᠠᠢᠨ ᠴᠢᠳᠠᠮᠤᠢ᠂ ᠤᠷᠢᠳᠤ ᠲᠥᠷᠥᠯ ᠦ᠋ᠨ ᠭᠤᠷᠪᠠᠨ ᠭᠤᠷᠪᠠᠨ ᠪᠥᠭᠡᠳ ᠬᠣᠢᠨᠠ ᠭᠤᠷᠪᠠᠨ ᠭᠤᠷᠪᠠᠨ ᠪᠣᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠡᠪᠡᠳᠴᠢᠲᠡᠨ ᠵᠠᠰᠠᠵᠤ ᠪᠣᠯᠤᠮᠤᠢ᠂ ᠡᠳ᠋ ᠲᠠᠸᠠᠷ ᠲᠡᠭᠰᠢ᠂ ᠶᠡᠷᠦ ᠮᠡᠳᠡᠭᠡ ᠯᠠᠪ ᠣᠯᠳᠣᠮᠣᠢ : ᠨᠡᠷᠡ ᠨᠡᠪᠲᠡᠷᠡᠬᠦ ᠦᠭᠡᠢ᠂ ᠤᠷᠤᠭ ᠰᠣᠢᠯᠠᠵᠤ ᠪᠣᠯᠤᠮᠤᠢ᠂ ᠪᠢᠲᠡᠭᠡᠢ ᠬᠦᠴᠦᠯᠡᠨ ᠡᠷᠢ᠂ ᠵᠠᠶᠠᠭᠠᠨ ᠢ ᠬᠦᠯᠢᠶᠡᠭᠳᠡᠬᠦᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠰᠠᠨᠠᠭᠰᠠᠨ ᠬᠡᠷᠡᠭ ᠪᠦᠲᠦᠮᠵᠢ ᠲᠡᠢ᠂ ᠨᠠᠰᠤᠵᠢᠭᠰᠠᠨ ᠬᠥᠮᠦᠨ ᠬᠤᠳᠠᠯᠳᠤᠭᠠᠨᠡ ᠨᠢᠭᠡᠨ ᠤᠳᠠᠭᠠ ᠣᠳᠪᠠᠰᠤ ᠪᠣᠯᠤᠮᠤᠢ ᠮᠡᠲᠦ᠂ ᠵᠠᠷᠭᠤ ᠶ᠋ᠢ ᠠᠰᠠᠭᠤᠪᠠᠰᠤ ᠵᠣᠬᠢᠯᠳᠤ᠂ ᠡᠮᠡ ᠭᠤᠷᠪᠠᠨ ᠤᠳᠠᠭᠠ ᠠᠪᠤᠮᠤᠢ᠂ ᠡᠳ᠋ ᠲᠠᠸᠠᠷ ᠶᠡᠷᠦ ᠮᠡᠳᠡᠭᠡ ᠳᠠᠷᠤᠢ ᠰᠣᠨᠣᠰᠤᠮᠤᠢ᠂ ᠨᠡᠷᠡ ᠪᠦᠲᠦᠭᠡ ᠡᠳᠦᠢ᠂ ᠡᠪᠡᠳᠴᠢᠲᠡᠨᠡ ᠡᠮᠴᠢ ᠲᠤᠰᠠᠯᠠᠮᠤ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠰᠢᠯᠦᠭ ᠦ᠋ᠨ ᠠᠩᠬᠠ ᠦᠭᠡᠨ ᠤᠷᠢᠳᠠ ᠶ᠋ᠢᠨ ᠮᠡᠲᠦ ᠰᠠᠨᠠᠭᠠᠨ ᠳ᠋ᠤ᠌ ᠬᠦᠷᠬᠦ ᠦᠭᠡᠢ ᠬᠡᠮᠡᠭᠰᠡᠨ ᠪᠣᠯᠠᠢ ᠬᠣᠶᠠᠳᠤᠭᠠᠷ ᠦᠭᠡᠨ ᠬᠥᠮᠦᠨ ᠢ ᠥᠪᠡᠷ ᠢ᠋ᠶ᠋ᠡᠨ ᠪᠢᠲᠡᠭᠡᠢ ᠳᠠᠪᠴᠢ ᠬᠡᠮᠡᠭᠰᠡᠨ ᠦᠭᠡᠨ ᠪᠣᠯᠠᠢ᠂ ᠦᠵᠡᠭᠦᠯᠦᠭᠴᠢᠳ ᠳᠡᠯᠭᠡᠷᠡᠬᠦ ᠶ᠋ᠢᠨ ᠲᠤᠢᠯ ᠳ᠋ᠤ᠌ ᠬᠦᠷᠦᠭᠰᠡᠨ ᠪᠣᠯᠪᠠᠴᠤ ᠪᠠᠭᠤᠷᠠᠮᠤ᠂ ᠪᠠᠭᠤᠷᠠᠬᠤ ᠶ᠋ᠢᠨ ᠲᠤᠢᠯ ᠳ᠋ᠤ᠌ ᠬᠦᠷᠦᠭᠰᠡᠨ ᠬᠣᠢᠨᠠ ᠲᠡᠩᠬᠡᠷᠡᠮᠦ᠂ ᠰᠠᠢᠨ ᠮᠠᠭᠤ᠂ ᠣᠯᠬᠤ ᠠᠯᠳᠠᠬᠤ ᠬᠠᠷᠢᠯᠴᠠ ᠣᠷᠴᠢᠬᠤ ᠠᠨᠤ ᠵᠠᠶᠠᠭᠠᠨ ᠤ᠋ ᠪᠤᠰᠤ ᠪᠤᠶᠤ ᠦᠵᠡᠭᠦᠯᠦᠭᠰᠡᠨ ᠡᠳᠦᠷ ᠡᠴᠡ ᠶᠢᠰᠦᠨ ᠲᠣᠭᠠ ᠳ᠋ᠤᠷ ᠲᠣᠬᠢᠶᠠᠯᠳᠤᠪᠠᠰᠤ ᠪᠦᠲᠦᠮᠦ᠂ ᠬᠡᠷᠪᠡ ᠡᠰᠡ ᠲᠣᠬᠢᠶᠠᠯᠳᠤᠪᠠᠰᠤ ᠵᠠᠢᠯᠠᠪᠠᠰᠤ ᠵᠣᠬᠢᠮᠤᠢ᠂ ᠶᠡᠬᠡ ᠲᠥᠯᠥᠪ ᠠᠨᠤ ᠡᠨᠡ ᠲᠥᠯᠭᠡ ᠨᠡᠷᠡ ᠪᠥᠭᠡᠰᠦ ᠤᠳᠠᠭᠠᠨ ᠪᠦᠲᠦᠮᠦ ᠬᠥᠪᠡᠭᠦᠨ ᠪᠥᠭᠡᠰᠦ ᠡᠷᠲᠡ ᠣᠯᠤᠮᠤ : ᠡᠮᠡ ᠠᠪᠬᠤ ᠠᠨᠤ ᠭᠤᠷᠪᠠᠨ ᠤᠳᠠᠭᠠ ᠠᠪᠤᠮᠤᠢ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ ᠂ ᠨᠢᠭᠡᠨ ᠬᠦᠩ ᠽᠢ ᠬᠡᠷᠡᠭ ᠲᠦ᠍ᠷ ᠰᠠᠭᠠᠲᠠᠵᠤ ᠠᠷᠪᠠᠭᠠᠳ ᠵᠢᠯ ᠰᠢᠯᠭᠠᠭᠰᠠᠨ ᠦᠭᠡᠢ ᠲᠤᠯᠠ ᠰᠠᠨᠠᠭᠠᠨ ᠰᠢᠭᠤᠳᠴᠤ ᠰᠣᠩᠭᠣᠬᠤ ᠶ᠋ᠢ ᠬᠦᠯᠢᠶᠡᠰᠦᠭᠡᠢ ᠬᠡᠮᠡᠬᠦᠢ ᠳ᠋ᠦ᠍ᠷ ᠤᠷᠤᠭ ᠲᠥᠷᠥᠯ ᠠᠨᠤ ᠡᠷᠬᠡᠪᠰᠢ ᠰᠢᠯᠭᠠᠬᠤ ᠬᠡᠷᠡᠭᠲᠡᠢ ᠭᠡᠮᠡᠨ ᠱᠠᠭᠠᠷᠳᠠᠭᠤᠯᠬᠤᠢ ᠳ᠋ᠤᠷ᠂ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠬᠤᠢ᠂ ᠲᠡᠨᠳᠡᠴᠡ ᠰᠢᠯᠭᠠᠷᠠ ᠤᠲᠤᠭᠠᠳ᠂ ᠵᠢᠷᠠᠨ ᠵᠢᠷᠭᠤᠳᠤᠭᠠᠷ ᠵᠢᠦᠢ ᠷᠸᠡ ᠪᠣᠯᠵᠤᠬᠤᠢ : ᠡᠨᠡ ᠠᠨᠤ ᠤᠷᠢᠳᠠ ᠭᠤᠷᠪᠠᠨ ᠭᠤᠷᠪᠠᠨ ᠪᠥᠭᠡᠳ᠂ ᠬᠣᠢᠲᠤ ᠭᠤᠷᠪᠠᠨ ᠭᠤᠷᠪᠠᠨ ᠬᠡᠮᠡᠭᠰᠡᠨ ᠯᠦ᠍ᠭᠡ ᠲᠣᠬᠢᠶᠠᠯᠳᠤᠵᠤᠬᠤᠢ᠂ ᠬᠣᠵᠢᠮ ᠴᠡᠨ ᠵᠧᠦ ᠶ᠋ᠢᠨ ᠵᠢᠶᠠᠨ ᠱᠦᠢ ᠲᠦᠰᠢᠮᠡᠯ ᠪᠣᠯᠵᠤ ᠨᠢᠭᠡᠨ ᠤᠳᠠᠭᠠ ᠰᠠᠭᠤᠭᠠᠳ ᠨᠤᠲᠤᠭ ᠲᠠᠭᠠᠨ ᠡᠷᠭᠢᠪᠡᠢ᠂ ᠡᠨᠡ ᠠᠨᠤ ᠰᠢᠯᠦᠭ ᠦ᠋ᠨ ᠠᠩᠬᠠ ᠪᠠᠳᠠᠭ ᠯᠤᠭᠠ ᠨᠡᠢᠯᠡᠵᠦᠬᠦᠢ᠃
ᠵᠢᠷᠠᠨ ᠳᠥᠲᠥᠭᠡᠷ ᠲᠥᠯᠭᠡ ᠂ ᠴᠠᠭᠠᠨ ᠤᠯᠠᠭᠴᠢᠨ᠂ ᠳᠡᠭᠡᠳᠦ ᠶ᠋ᠢᠨ ᠳᠡᠭᠡᠳᠦ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ᠂ ᠭᠤᠸᠠᠨ ᠪᠤᠤ ᠬᠣᠶᠠᠭᠤᠯᠠ ᠠᠯᠲᠠ ᠬᠤᠪᠢᠶᠠᠭᠰᠠᠨ : ᠰᠠᠢᠨ ᠬᠥᠮᠦᠨ ᠤᠴᠠᠷᠠᠯᠳᠤᠪᠠᠰᠤ ᠢᠵᠠᠭᠤᠷ ᠤ᠋ᠨ ᠠᠳᠠᠯᠢ ᠨᠠᠢᠷᠠᠮᠳᠠᠬᠤ ᠪᠣᠢ : ᠵᠢᠴᠢ ᠪᠠᠰᠠ ᠠᠷᠭᠠ ᠪᠠᠷᠢᠭᠰᠠᠨ ᠲᠡᠭᠷᠢ ᠤᠰᠤᠨ ᠤ᠋ ᠡᠪᠦᠭᠡᠨ ᠠᠮᠤᠢ᠂ ᠬᠥᠮᠦᠨ ᠤ ᠬᠦᠴᠦᠨ ᠢ ᠵᠣᠪᠠᠭᠠᠯ ᠦᠭᠡᠭᠦᠶᠡ᠂ ᠭᠣᠣᠯ ᠰᠢᠭᠦᠮᠵᠢᠯᠡᠯ ᠨᠠᠢᠷᠠᠪᠠᠢ᠃ ᠢᠨᠢᠶᠡᠵᠦ ᠨᠠᠭᠠᠳᠤᠭᠰᠠᠭᠠᠷ ᠬᠡᠷᠡᠭ ᠪᠦᠲᠦᠭᠡᠳ ᠭᠠᠪᠢᠶᠠ ᠦᠯᠡᠮᠵᠢ ᠪᠣᠯᠤᠮᠤ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠵᠣᠣ ᠣᠪᠣᠭᠲᠤ ᠳ᠋ᠤᠷ ᠤᠴᠠᠷᠠᠪᠠᠰᠤ ᠰᠠᠢᠨ᠂ ᠵᠠᠷᠭᠤ ᠤᠰᠠᠳᠤᠮᠤᠢ᠂ ᠨᠡᠷᠡ ᠪᠦᠲᠦᠮᠦᠢ᠂ ᠡᠪᠡᠳᠴᠢᠲᠡᠨ ᠵᠠᠰᠠᠵᠤ ᠪᠣᠯᠤᠮᠤᠢ᠂ ᠡᠳ᠋ ᠦᠯᠡᠮᠵᠢ ᠪᠣᠯᠤᠮᠤᠢ᠂ ᠤᠷᠤᠭ ᠮᠥᠨ ᠰᠠᠢᠨ᠂ ᠬᠣᠯᠠ ᠶ᠋ᠢᠨ ᠮᠡᠳᠡᠭᠡ ᠳᠠᠷᠤᠢ ᠬᠦᠷᠴᠦ ᠢᠷᠡᠮᠦᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠰᠠᠨᠠᠭᠰᠠᠨ ᠬᠡᠷᠡᠭ ᠵᠣᠬᠢᠯᠳᠤᠬᠤ ᠡᠷᠬᠡᠪᠰᠢ ᠪᠤᠶᠠᠨᠲᠤ ᠬᠥᠮᠦᠨ ᠲᠡᠳᠬᠦᠮᠵᠢᠯᠡᠮᠦᠢ᠂ ᠭᠠᠷᠴᠤ ᠣᠷᠣᠬᠤᠢ ᠳ᠋ᠤᠷ ᠴᠥᠮ ᠰᠠᠢᠨ᠂ ᠵᠠᠷᠭᠤ ᠳᠠᠷᠤᠢ ᠤᠰᠠᠳᠤᠮᠤᠢ᠂ ᠨᠡᠷᠡ ᠮᠥᠨ ᠪᠦᠲᠦᠮᠦᠢ᠂ ᠡᠳ᠋ ᠢ ᠬᠦᠰᠡᠵᠦ ᠪᠣᠯᠤᠮᠤᠢ᠂ ᠤᠷᠤᠭ ᠮᠥᠨ ᠵᠣᠬᠢᠯᠳᠤᠮᠤ᠂ ᠡᠪᠡᠳᠴᠢᠲᠡᠨ ᠳ᠋ᠦ᠍ᠷ ᠡᠮᠴᠢ ᠲᠤᠰᠠᠯᠠᠬᠤ᠂ ᠮᠡᠳᠡᠭᠡ ᠮᠥᠨ ᠳᠠᠷᠤᠢ ᠬᠦᠷᠴᠦ ᠢᠷᠡᠮᠦᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠭᠠᠪᠢᠶᠠ ᠨᠡᠷᠡ ᠪᠠ ᠰᠠᠨᠠᠭᠰᠠᠨ ᠬᠡᠷᠡᠭ ᠵᠣᠣ ᠬᠣᠶᠠᠷ ᠣᠪᠣᠭᠲᠠᠨ ᠳ᠋ᠤᠷ ᠤᠴᠠᠷᠠᠪᠠᠰᠤ ᠬᠦᠴᠦᠯᠡᠯ ᠦᠭᠡᠢ ᠮᠠᠭᠠᠳ ᠪᠦᠲᠦᠮᠦ᠂ ᠭᠠᠭᠴᠠ ᠢᠨᠢᠶᠡᠵᠦ ᠨᠠᠭᠠᠳᠤᠭᠰᠠᠭᠠᠷ ᠬᠡᠮᠡᠭᠰᠡᠨ ᠢ ᠰᠢᠨᠵᠢᠯᠡᠪᠡᠰᠦ ᠳᠤᠮᠳᠠ ᠠ᠋ᠴᠠ ᠰᠠᠭᠠᠳ ᠪᠣᠯᠬᠤ ᠮᠡᠲᠦ ᠦᠭᠡᠨ ᠢ ᠰᠡᠷᠡᠮᠵᠢᠯᠡᠵᠦ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡᠪᠡᠰᠦ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠬᠦ ᠪᠣᠯᠠᠢ᠂ ᠲᠡᠭᠷᠢ ᠤᠰᠤᠨ ᠡᠪᠦᠭᠡᠨ ᠬᠡᠮᠡᠭᠰᠡᠨ ᠠᠨᠤ ᠭᠠᠭᠴᠠ ᠵᠣᠣ ᠣᠪᠣᠭᠲᠠᠨ ᠪᠤᠰᠤ᠂ ᠭᠠᠵᠠᠷ ᠤ᠋ᠨ ᠨᠡᠷᠡ ᠲᠡᠭᠷᠢ ᠶ᠋ᠢᠨ ᠤᠰᠤᠨ ᠬᠡᠮᠡᠭᠰᠡᠨ ᠦᠭᠡᠨ ᠪᠣᠢ ᠪᠣᠯᠪᠠᠰᠤ ᠪᠠᠰᠠ ᠪᠣᠯᠤᠮᠤ᠃
ᠪᠡᠯᠭᠡ ᠶ᠋ᠢᠨ ᠳᠣᠬᠢᠶᠠᠯᠳᠤᠪᠤᠷᠢ᠄ ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠰᠢᠶᠠᠨ ᠤ᠋ ᠲᠦᠰᠢᠮᠡᠯ ᠰᠠᠭᠤᠭᠠᠳ᠂ ᠣᠰᠣᠯ ᠭᠡᠮᠡᠨ ᠰᠢᠭᠦᠮᠵᠢᠯᠡᠭᠰᠡᠨ ᠳ᠋ᠡᠭᠡᠨ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠃ ᠬᠣᠵᠢᠮ ᠬᠣᠲᠠ ᠬᠣᠲᠠᠯᠠᠭᠠᠷ ᠬᠦᠴᠦᠯᠡᠨ ᠪᠠᠲᠤᠯᠠᠵᠤ ᠲᠦᠰᠢᠮᠡᠯ ᠢ ᠠᠨᠤ ᠦᠯᠡᠳᠡᠭᠡᠪᠡ᠂ ᠡᠨᠡ ᠠᠨᠤ ᠬᠥᠮᠦᠨ ᠤ ᠬᠦᠴᠦᠨ ᠤ ᠵᠣᠪᠠᠭᠠᠯ ᠦᠭᠡᠭᠦᠶᠡ ᠭᠣᠣᠯ ᠰᠢᠭᠦᠮᠵᠢᠯᠡᠯ ᠢ ᠨᠠᠢᠷᠠᠪᠠᠢ ᠬᠡᠮᠡᠭᠰᠡᠨ ᠯᠦ᠍ᠭᠡ ᠨᠡᠢᠯᠡᠵᠦᠬᠦᠢ᠃
ᠵᠢᠷᠠᠨ ᠲᠠᠪᠤᠳᠤᠭᠠᠷ ᠲᠥᠯᠭᠡ᠄ ᠴᠠᠭᠠᠨ ᠰᠢᠷᠠ᠂ ᠳᠡᠭᠡᠳᠦ ᠶ᠋ᠢᠨ ᠳᠡᠭᠡᠳᠦ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ : ᠮᠡᠩ ᠶᠠᠩ ᠰᠦᠮᠡ ᠳ᠋ᠦ᠍ᠷ ᠰᠢᠯᠦᠭᠯᠡᠭᠰᠡᠨ : ᠤᠮᠠᠷᠠ ᠳ᠋ᠤ᠌ ᠰᠠᠯᠬᠢᠨ ᠱᠣᠳᠠᠨ ᠭᠠᠷᠤᠭᠠᠳ ᠭᠠᠵᠢᠯᠭᠠ ᠡᠪᠦᠯ ᠪᠣᠯᠪᠠᠰᠤ : ᠡᠭᠦᠳᠡ ᠬᠣᠷᠭᠣᠭᠠ ᠳ᠋ᠤᠷ ᠪᠠᠶᠠᠷ ᠤ᠋ᠨ ᠪᠡᠯᠭᠡ ᠵᠤᠵᠠᠭᠠᠨ ᠳ᠋ᠤᠷ ᠪᠠᠶᠠᠰᠤᠮᠤᠢ᠂ ᠵᠢᠴᠢ ᠰᠢᠨᠡ ᠬᠠᠪᠤᠷ ᠲᠤᠷ ᠣᠷᠣᠭᠰᠠᠨ ᠤ᠋ ᠬᠣᠢᠨᠠ᠂ ᠰᠡᠳᠬᠢᠯ ᠦ᠋ᠨ ᠦᠭᠡᠨ ᠢ ᠰᠠᠶᠢ ᠣᠯᠵᠤ ᠮᠡᠳᠡᠭᠡ ᠤᠷᠢᠳᠠ ᠲᠣᠳᠣᠷᠠᠮᠤᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠡᠳ᠋ ᠶᠡᠬᠡ ᠣᠯᠤᠮᠤᠢ ᠨᠡᠷᠡ ᠳᠡᠭᠡᠷᠡ ᠪᠦᠲᠦᠮᠦᠢ᠂ ᠤᠷᠤᠭ ᠵᠣᠬᠢᠮᠤᠢ᠂ ᠵᠠᠷᠭᠤ ᠠᠪᠤᠮᠤᠢ : ᠡᠪᠡᠳᠴᠢᠲᠡᠨ ᠳᠠᠷᠤᠢ ᠠᠮᠤᠷᠵᠢᠮᠤᠢ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠮᠦᠢ᠂ ᠵᠣᠪᠠᠯᠠᠩ ᠪᠦᠭᠦᠳᠡ ᠤᠰᠠᠳᠤᠮᠤᠢ ᠵᠢᠷᠭᠠᠯᠠᠩ ᠪᠦᠭᠦᠳᠡ ᠳᠡᠯᠭᠡᠷᠡᠮᠦᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠡᠪᠦᠯ ᠬᠡᠮᠡᠭᠴᠢ ᠲᠣᠭᠠᠨ ᠤ᠋ ᠲᠤᠢᠯ ᠲᠤᠯᠠ ᠤᠷᠪᠠᠨ ᠬᠤᠪᠢᠯᠵᠤ ᠳᠡᠯᠭᠡᠷᠡᠬᠦ ᠶ᠋ᠢᠨ ᠴᠠᠭ ᠡᠬᠢᠯᠡᠮᠦᠢ᠂ ᠲᠡᠢᠮᠦ ᠶ᠋ᠢᠨ ᠲᠤᠯᠠ ᠪᠤᠶᠠᠨᠲᠤ ᠬᠥᠮᠦᠨ ᠳ᠋ᠦ᠍ᠷ ᠲᠡᠳᠬᠦᠭᠳᠡᠵᠦ᠂ ᠡᠯᠳᠡᠪ ᠦᠢᠯᠡ ᠳᠡᠯᠭᠡᠷᠡᠬᠦ᠂ ᠡᠪᠡᠳᠴᠢᠨ ᠠᠮᠤᠷᠵᠢᠮᠤᠢ᠂ ᠵᠠᠷᠭᠤ ᠵᠣᠬᠢᠯᠳᠤᠮᠤ᠂ ᠡᠳ᠋ ᠣᠯᠬᠤ᠂ ᠤᠷᠤᠭ ᠪᠦᠲᠦᠬᠦ᠂ ᠨᠡᠷᠡ ᠥᠨᠳᠥᠷ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠬᠦ᠂ ᠠᠯᠢᠪᠠ ᠬᠡᠷᠡᠭ ᠦᠬᠦᠯ ᠡᠴᠡ ᠠᠮᠢᠳᠤᠷᠠᠬᠤ ᠮᠡᠲᠦ ᠪᠣᠯᠠᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠠᠭᠤᠷ ᠲᠣᠭᠠᠨ ᠤ᠋ ᠭᠠᠴᠢᠭᠳᠠᠬᠤ ᠶ᠋ᠢᠨ ᠲᠤᠢᠯ ᠳ᠋ᠤ᠌ ᠲᠤᠯᠪᠠᠰᠤ ᠳᠠᠬᠢᠵᠤ ᠳᠡᠯᠭᠡᠷᠡᠬᠦ ᠠᠨᠤ᠂ ᠰᠢᠳᠦᠨ ᠪᠠᠷᠢᠯᠳᠤᠭᠰᠠᠨ ᠶᠣᠰᠣᠨ ᠪᠣᠯᠠᠢ᠂ ᠲᠡᠢᠮᠦ ᠶ᠋ᠢᠨ ᠲᠤᠯᠠ ᠵᠤᠨ ᠡᠪᠦᠯ ᠬᠡᠳᠦᠢ ᠪᠣᠯᠪᠠᠴᠤ᠂ ᠶᠡᠷᠦ ᠰᠢᠨᠡ ᠬᠠᠪᠤᠷ ᠴᠠᠭ ᠲᠤᠷ ᠰᠠᠶᠢ ᠰᠠᠨᠠᠭᠠᠨ ᠳ᠋ᠤᠷ ᠭᠥᠷᠥᠮᠦ᠂ ᠰᠡᠳᠬᠢᠯ ᠦ᠋ᠨ ᠦᠭᠡᠰ ᠬᠡᠮᠡᠭᠰᠡᠨ ᠠᠨᠤ ᠠᠯᠢᠪᠠ ᠬᠡᠷᠡᠭ ᠬᠠᠪᠤᠷ ᠲᠤᠷ ᠬᠦᠷᠪᠡᠰᠦ ᠮᠠᠭᠤ ᠤᠷᠪᠠᠵᠤ ᠰᠠᠢᠨ ᠪᠣᠯᠤᠮᠤ ᠬᠡᠮᠡᠭᠰᠡᠨ ᠦᠭᠡᠰ ᠪᠣᠯᠠᠢ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ : ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠵᠢᠦᠢ ᠷᠸᠡ ᠰᠢᠯᠭᠠᠬᠤᠢ ᠳ᠋ᠤᠷ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠲᠡᠨᠳᠡᠴᠡ ᠰᠢᠯᠭᠠᠭᠠᠳ ᠣᠯᠵᠤᠬᠤᠢ᠂ ᠡᠨᠡ ᠠᠨᠤ ᠭᠠᠴᠢᠭᠳᠠᠭᠰᠠᠨ ᠤ᠋ ᠡᠴᠦᠰ ᠳᠡᠯᠭᠡᠷᠡᠬᠦ ᠬᠡᠮᠡᠭᠰᠡᠨ ᠯᠦᠭᠡ ᠲᠣᠬᠢᠶᠠᠯᠳᠤᠪᠠᠢ᠃
ᠵᠢᠷᠠᠨ ᠵᠢᠷᠭᠤᠳᠤᠭᠠᠷ ᠲᠥᠯᠭᠡ : ᠴᠠᠭᠠᠨ ᠰᠢᠷᠬᠠᠴᠢᠨ : ᠳᠡᠭᠡᠳᠦ ᠶ᠋ᠢᠨ ᠳᠡᠭᠡᠳᠦ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ : ᠲᠤᠤ ᠸᠣ᠊ ᠬᠠᠪᠤᠷ ᠬᠡᠰᠦᠭᠰᠡᠨ : ᠲᠠᠷᠢᠶᠠᠯᠠᠩ ᠲᠠᠷᠢᠬᠤ ᠪᠥᠭᠡᠰᠦ ᠥᠪᠡᠷ ᠦ᠋ᠨ ᠣᠷᠣᠨ ᠳ᠋ᠤᠷ ᠰᠠᠢᠨ ᠭᠡᠮᠡᠨ᠂ ᠠᠳᠠᠪᠠᠰᠢ ᠣᠯᠰᠤᠭᠠᠢ ᠭᠡᠮᠡᠨ ᠭᠠᠳᠠᠭᠰᠢ ᠣᠳᠬᠤ ᠶᠠᠭᠤᠨ ᠬᠡᠷᠡᠭ᠂ ᠡᠨᠡ ᠵᠢᠯ ᠦ᠋ᠨ ᠰᠢᠨᠡ ᠬᠡᠢ ᠮᠣᠷᠢᠨ ᠢ ᠰᠠᠢᠨ ᠭᠡᠮᠡᠨ ᠰᠣᠨᠣᠰᠪᠠᠢ᠂ ᠡᠭᠦᠳᠡᠨ ᠤ ᠳᠣᠲᠣᠷᠠ ᠪᠠᠶᠠᠷ ᠤ᠋ᠨ ᠪᠡᠯᠭᠡ ᠬᠡᠷᠡᠭ ᠪᠦᠷᠢ ᠲᠡᠭᠦᠰ ᠲᠡᠭᠦᠰᠪᠡᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠡᠪᠡᠳᠴᠢᠲᠡᠨ ᠡᠳᠡᠭᠡᠮᠦᠢ ᠵᠠᠷᠭᠤ ᠲᠡᠰᠦᠷᠡᠮᠦᠢ ᠡᠳ᠋ ᠠᠷᠪᠢᠳᠤᠮᠤᠢ᠂ ᠨᠡᠷᠡ ᠥᠨᠳᠥᠷ ᠠᠯᠳᠠᠷᠰᠢᠮᠤᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠮᠦᠢ᠂ ᠤᠷᠤᠭ ᠪᠦᠲᠦᠮᠦᠢ ᠭᠠᠳᠠᠭᠰᠢ ᠪᠢᠲᠡᠭᠡᠢ ᠡᠷᠢᠭᠳᠡᠬᠦᠢ᠂ ᠪᠤᠶᠠᠨ ᠪᠠᠷᠠᠰᠢ ᠦᠭᠡᠢ ᠪᠣᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠬᠣᠯᠠ ᠣᠳᠬᠤᠢ ᠳ᠋ᠤᠷ ᠮᠠᠭᠤ᠂ ᠭᠠᠭᠴᠠ ᠬᠡᠪ ᠦ᠋ᠨ ᠰᠠᠬᠢᠲᠤᠭᠠᠢ᠂ ᠥᠪᠡᠰᠦᠪᠡᠨ ᠨᠡᠪᠲᠡᠷᠡᠬᠦ ᠴᠠᠭ ᠪᠣᠢ᠂ ᠬᠡᠢ ᠮᠣᠷᠢᠨ ᠠᠯᠭᠤᠷ ᠳᠡᠯᠭᠡᠷᠡᠮᠦᠢ᠂ ᠵᠠᠷᠭᠤ ᠰᠠᠢᠨ ᠦᠭᠡᠢ᠂ ᠡᠳ᠋ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠮᠦᠢ᠂ ᠤᠷᠤᠭ ᠬᠡᠯᠡᠯᠴᠡᠪᠡᠰᠦ ᠪᠣᠯᠤᠮᠤᠢ᠂ ᠨᠡᠷᠡ ᠠᠰᠢᠭ ᠲᠤᠷ ᠰᠠᠢᠨ᠂ ᠡᠪᠡᠳᠴᠢᠲᠡᠨ ᠥᠪᠡᠷ ᠵᠠᠨ ᠠᠮᠤᠷᠵᠢᠮᠤᠢ᠂ ᠵᠢᠷᠮᠦᠰᠦᠨ ᠪᠤᠶᠠᠨᠲᠤ ᠬᠥᠪᠡᠭᠦᠨ ᠬᠥᠩᠭᠡᠵᠢᠮᠦᠢ᠂ ᠭᠠᠵᠠᠷ ᠤ᠋ᠨ ᠰᠤᠳᠠᠯ ᠲᠠᠮᠢᠷ ᠲᠤᠷ ᠠᠰᠢᠭ ᠪᠣᠢ᠂ ᠭᠡᠷ ᠦ᠋ᠨ ᠬᠤᠪᠢᠨᠠ ᠠᠷᠪᠢᠵᠢᠮᠤᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠨᠡᠷᠡ ᠠᠰᠢᠭ ᠣᠢᠷᠠ ᠳ᠋ᠤᠷ ᠰᠠᠢᠨ᠂ ᠬᠣᠯᠠ ᠶᠠᠪᠤᠨ ᠡᠷᠢᠪᠡᠰᠦ ᠮᠠᠭᠤ᠂ ᠬᠡᠢ ᠮᠣᠷᠢᠨ ᠰᠠᠢᠨ ᠭᠡᠮᠡᠨ ᠰᠣᠨᠣᠰᠪᠠᠢ ᠬᠡᠮᠡᠭᠰᠡᠨ ᠠᠨᠤ᠂ ᠰᠠᠢᠨ ᠭᠡᠮᠡᠨ ᠲᠠᠰᠤᠯᠠᠭᠰᠠᠨ ᠪᠤᠰᠤ᠂ ᠮᠥᠨ ᠬᠦ᠌ ᠳᠡᠯᠭᠡᠷᠡᠬᠦ ᠴᠠᠭ ᠢ ᠬᠦᠯᠢᠶᠡ ᠬᠡᠮᠡᠭᠰᠡᠨ ᠦᠭᠡᠨ ᠪᠣᠯᠠᠢ᠂ ᠦᠵᠡᠭᠦᠯᠦᠭᠴᠢᠳ ᠠᠯᠢᠪᠠ ᠬᠡᠷᠡᠭ ᠲᠦ᠍ᠷ ᠠᠰᠢᠭ ᠪᠣᠢ᠂ ᠲᠡᠭᠦᠰ ᠪᠠᠶᠠᠷ ᠢ ᠣᠯᠬᠤ᠂ ᠤᠷᠤᠭ ᠪᠠᠷᠢᠯᠳᠤᠪᠠᠰᠤ ᠨᠡᠩ ᠰᠠᠢᠨ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ᠄ ᠵᠠᠩ ᠲᠠ ᠬᠠᠭᠠᠨ ᠤ᠋ ᠴᠠᠭ ᠲᠤᠷ ᠵᠠᠩ ᠸᠠᠢ ᠰᠥᠩ ᠶᠡᠷᠦ ᠶ᠋ᠢᠨ ᠲᠤᠯᠠ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠃ ᠬᠣᠵᠢᠮ ᠵᠤᠸᠠᠩ ᠶᠤᠸᠠᠨ ᠪᠣᠯᠵᠤ ᠪᠢᠴᠢᠭ ᠦ᠋ᠨ ᠶᠠᠮᠤᠨ ᠤ᠋ ᠪᠢᠴᠢᠭ ᠦ᠋ᠨ ᠳᠡᠳ᠋ ᠰᠠᠢᠳ ᠠ᠋ᠴᠠ ᠡᠷᠭᠢᠨ ᠰᠠᠢᠳ ᠪᠣᠯᠤᠭᠠᠳ ᠠᠷᠪᠠᠨ ᠢᠯᠡᠭᠦᠦ ᠵᠢᠯ ᠨᠡᠢᠰᠯᠡᠯ ᠡᠴᠡ ᠭᠠᠷᠤᠭᠰᠠᠨ ᠦᠭᠡᠢ ᠡᠨᠡ ᠨᠢ ᠰᠢᠯᠦᠭ ᠦ᠋ᠨ ᠠᠩᠬᠠ ᠪᠠᠳᠠᠭ ᠤ᠋ᠨ ᠦᠭᠡᠨ᠂ ᠡᠨᠡ ᠠᠨᠤ ᠰᠢᠯᠦᠭ ᠦ᠋ᠨ ᠠᠩᠬᠠ ᠪᠠᠳᠠᠭ ᠤ᠋ᠨ ᠦᠭᠡᠨ ᠯᠦᠭᠡ ᠨᠡᠢᠯᠡᠵᠦᠬᠦᠢ᠃
ᠵᠢᠷᠠᠨ ᠳᠣᠯᠣᠳᠤᠭᠠᠷ ᠲᠥᠯᠭᠡ ᠂ ᠴᠠᠭᠠᠨ ᠴᠠᠭᠠᠨ᠂ ᠳᠤᠮᠳᠠ ᠲᠡᠭᠰᠢ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ : ᠰᠢᠶᠠᠩ ᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠰᠤᠷᠭᠠᠭᠰᠠᠨ : ᠴᠢᠨᠦ ᠰᠡᠳᠬᠢᠯ ᠬᠥᠳᠡᠯᠦᠭᠰᠡᠨ ᠳᠠᠷᠤᠢ ᠳ᠋ᠤᠷ ᠲᠡᠭᠷᠢ ᠮᠡᠳᠡᠭᠰᠡᠨ ᠪᠣᠯᠠᠢ ᠂ ᠨᠠᠳᠠ ᠠ᠋ᠴᠠ ᠠᠰᠠᠭᠤᠵᠤ ᠰᠡᠵᠢᠭ ᠢ ᠲᠠᠰᠤᠯᠠᠬᠤ ᠶᠠᠭᠤᠨ ᠬᠡᠷᠡᠭ᠂ ᠴᠢ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠬᠠᠯᠠᠵᠤ ᠠᠴᠢᠯᠠᠬᠤ ᠳᠡᠭᠦᠦᠴᠢᠯᠡᠬᠦ ᠶ᠋ᠢ ᠡᠷᠭᠢᠯᠡᠪᠡᠰᠦ ᠂ ᠭᠡᠷ ᠦ᠋ᠨ ᠳᠣᠲᠣᠷᠠ ᠡᠪ ᠦᠭᠡᠢ ᠭᠡᠮᠡᠨ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠵᠠᠷᠭᠤ ᠡᠪᠰᠡᠬᠦ ᠬᠡᠷᠡᠭᠲᠡᠢ᠂ ᠡᠪᠡᠳᠴᠢᠲᠡᠨ ᠡᠮᠴᠢ ᠶ᠋ᠢ ᠬᠠᠯᠠᠲᠤᠭᠠᠢ ᠂ ᠡᠳ᠋ ᠢ ᠪᠤᠰᠤ ᠠᠷᠭᠠ ᠪᠠᠷ ᠡᠷᠢ ᠤᠷᠤᠭ ᠪᠣᠯᠬᠤ ᠤᠳᠠᠮᠤᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠡᠷᠭᠢᠭᠡ ᠡᠳᠦᠢ ᠠᠯᠳᠠᠯ ᠤ᠋ᠨ ᠬᠠᠯᠠᠪᠠᠰᠤ ᠬᠡᠷᠡᠭ ᠪᠣᠯᠭᠠᠨ ᠵᠣᠬᠢᠯᠳᠤᠮᠤᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠪᠤᠶᠠᠨ ᠤ᠋ ᠦᠷᠡ ᠵᠢᠷᠭᠠᠯᠠᠩ ᠭᠠᠷᠤᠮᠤᠢ᠂ ᠨᠢᠭᠦᠯ ᠦ᠋ᠨ ᠦᠷᠡ ᠵᠣᠪᠠᠯᠠᠩ ᠭᠠᠷᠤᠮᠤᠢ ᠬᠥᠮᠦᠨ ᠴᠢ ᠪᠡᠷ ᠰᠡᠵᠢᠭ ᠢ᠋ᠶ᠋ᠡᠨ ᠲᠠᠰᠤᠯᠠᠵᠤ ᠰᠠᠢᠨ ᠢ᠋ᠶ᠋ᠠᠷ ᠶᠠᠪᠤᠪᠠᠰᠤ ᠵᠣᠪᠠᠯᠠᠩ ᠤᠰᠠᠳᠴᠤ ᠵᠢᠷᠭᠠᠯᠠᠩ ᠢᠷᠡᠮᠦᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠤᠳᠠᠭᠠᠨ᠂ ᠵᠢᠷᠮᠦᠰᠦᠨ ᠪᠥᠭᠡᠰᠦ ᠬᠥᠪᠡᠭᠦᠨ ᠬᠥᠩᠭᠡᠵᠢᠮᠦᠢ ᠂ ᠭᠠᠵᠠᠷ ᠤ᠋ᠨ ᠰᠤᠳᠠᠯ ᠲᠠᠮᠢᠷ ᠰᠠᠢᠨ ᠪᠣᠯᠠᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠠᠮᠰᠠᠬᠤ ᠵᠣᠪᠠᠯᠠᠩ ᠵᠢᠷᠭᠠᠯᠠᠩ ᠬᠡᠮᠡᠪᠡᠰᠦ ᠥᠪᠡᠷ ᠦ᠋ᠨ ᠪᠤᠶᠠᠨ ᠨᠢᠭᠦᠯ ᠳ᠋ᠦ᠍ᠷ ᠭᠠᠪᠢᠬᠤ ᠲᠤᠯᠠ ᠨᠠᠳᠠ ᠠ᠋ᠴᠠ ᠠᠰᠠᠭᠤᠵᠤ ᠰᠡᠵᠢᠭ ᠢ ᠲᠠᠰᠤᠯᠠᠬᠤ ᠶᠠᠭᠤᠨ ᠬᠡᠷᠡᠭ ᠬᠡᠮᠡᠭᠰᠡᠨ ᠪᠣᠯᠠᠢ᠃ ᠭᠠᠭᠴᠠ ᠨᠢᠭᠦᠯ ᠢ ᠲᠡᠪᠴᠢᠪᠡᠰᠦ ᠵᠣᠪᠠᠯᠠᠩ ᠠ᠋ᠴᠠ ᠠᠩᠭᠢᠵᠢᠷᠠᠵᠤ ᠵᠢᠷᠭᠠᠯᠠᠩ ᠢᠷᠡᠮᠦᠢ᠂ ᠠᠴᠢᠯᠠᠬᠤ ᠳᠡᠭᠦᠦᠴᠢᠯᠡᠬᠦ ᠶᠢ ᠴᠢᠳᠠᠨ ᠶᠠᠪᠤᠪᠠᠤ ᠨᠠᠢᠷᠠᠮᠳᠠᠬᠤ ᠠᠭᠤᠷ ᠮᠠᠨᠳᠤᠬᠤ ᠭᠡᠷ ᠬᠣᠲᠠᠯᠠᠭᠠᠷ ᠥᠪᠡᠷ ᠢ᠋ᠶ᠋ᠡᠨ ᠵᠣᠬᠢᠰᠲᠠᠢ ᠪᠣᠯᠤᠮᠤ᠂ ᠨᠡᠷᠡ ᠠᠰᠢᠭ ᠪᠡᠷᠬᠡ ᠬᠡᠮᠡᠪᠡᠴᠦ ᠬᠣᠵᠢᠮ ᠳ᠋ᠠᠭᠠᠨ ᠳᠡᠯᠭᠡᠷᠮᠦ᠂ ᠠᠯᠢᠪᠠ ᠬᠡᠷᠡᠭ ᠲᠦ᠍ᠷ ᠥᠪᠡᠷ ᠦ᠋ᠨ ᠪᠡᠶᠡ ᠡᠴᠡ ᠣᠰᠣᠯ ᠢ ᠰᠢᠨᠵᠢᠯᠡᠵᠦ ᠬᠠᠯᠠᠨ ᠶᠠᠪᠤᠪᠠᠰᠤ ᠮᠠᠰᠢ ᠰᠠᠢᠨ᠃
ᠪᠡᠯᠭᠡ ᠶ᠋ᠢᠨ ᠲᠤᠬᠢᠶᠠᠯᠳᠤᠪᠤᠷᠢ: ᠯᠢᠶᠣᠣ ᠳ᠋ᠦᠩ ᠦ᠋ᠨ ᠨᠢᠭᠡᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠦᠰᠢᠮᠡᠯ ᠬᠤᠯᠠᠭᠠᠢ ᠡᠳᠦᠵᠦ ᠰᠠᠮᠠᠭᠤᠷᠠᠭᠰᠠᠨ ᠲᠡᠷᠡ ᠴᠠᠭ ᠲᠤᠷ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠳᠠᠷᠤᠢ ᠲᠡᠨᠳᠡ ᠡᠴᠡ ᠨᠡᠭᠦᠯᠭᠡᠵᠦ ᠰᠢᠶᠣᠤ ᠬᠠᠨ ᠰᠢᠶᠠᠨ ᠤ ᠲᠦᠰᠢᠮᠡᠯ ᠪᠣᠯᠭᠠᠪᠠ ᠂ ᠡᠨᠡ ᠠᠨᠤ ᠰᠢᠯᠦᠭ ᠦ᠋ᠨ ᠭᠤᠲᠠᠭᠠᠷ ᠦᠭᠡᠰ ᠯᠦᠭᠡ ᠲᠣᠬᠢᠶᠠᠯᠳᠤᠵᠤᠬᠤᠢ᠃
ᠵᠢᠷᠠᠨ ᠨᠠᠢ᠍ᠮᠠᠳᠤᠭᠠᠷ ᠲᠥᠯᠭᠡ ᠂ ᠴᠠᠭᠠᠨ ᠴᠠᠭᠠᠭᠴᠢᠨ᠂ ᠳᠤᠮᠳᠠ ᠲᠡᠭᠰᠢ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ : ᠴᠢᠶᠠᠨ ᠲᠢ ᠸᠠᠩ ᠳᠠᠪᠤᠰᠤᠨ ᠬᠤᠳᠠᠯᠳᠤᠭᠰᠠᠨ : ᠡᠮᠦᠨᠡ ᠡᠴᠡ ᠰᠤᠪᠤᠳ ᠭᠦᠶᠦᠯᠭᠡᠵᠦ ᠤᠮᠠᠷᠠ ᠳᠠᠪᠤᠰᠤᠨ ᠬᠥᠯᠭᠡᠮᠦᠢ᠂ ᠡᠳ᠋ ᠠᠭᠤᠷᠠᠰᠤᠨ ᠵᠢᠯ ᠪᠦᠷᠢ ᠬᠡᠳᠦᠨ ᠬᠤᠪᠢ ᠠᠮᠤᠢ᠂ ᠬᠥᠮᠦᠨ ᠴᠢ ᠡᠳᠦᠭᠡ ᠡᠴᠡ ᠪᠠᠷᠢᠵᠤ ᠲᠠᠷᠢᠶᠠᠯᠠᠩ ᠤ᠋ᠨ ᠦᠢᠯᠡ ᠳ᠋ᠦ᠍ᠷ ᠬᠢᠴᠢᠶᠡᠲᠦᠭᠡᠢ᠂ ᠬᠦᠰᠡᠯ ᠠᠰᠤᠷᠤ ᠦᠢᠯᠡᠳᠪᠡᠰᠦ ᠠᠯᠢ ᠡᠳᠦᠷ ᠬᠠᠩᠬᠤ ᠪᠣᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠵᠠᠷᠭᠤ ᠢᠯᠭᠠᠷᠪᠠᠢ᠂ ᠳᠠᠪᠲᠠᠬᠤ ᠬᠡᠷᠡᠭ ᠦᠭᠡᠢ᠂ ᠨᠡᠷᠡ ᠪᠦᠲᠦᠪᠡᠢ᠂ ᠠᠰᠠᠭᠤᠬᠤ ᠬᠡᠷᠡᠭ ᠦᠭᠡᠢ᠂ ᠤᠷᠤᠭ ᠪᠣᠯᠵᠤ ᠲᠣᠭᠲᠠᠪᠠᠢ᠂ ᠡᠪᠡᠳᠴᠢᠲᠡᠨ ᠥᠪᠡᠰᠦᠪᠡᠨ ᠲᠠᠷᠬᠠᠪᠠᠢ᠂ ᠵᠢᠭᠤᠯᠴᠢᠨ ᠬᠥᠮᠦᠨ ᠢᠷᠡᠪᠡᠢ᠂ ᠬᠡᠪ ᠲᠡᠭᠡᠨ ᠰᠠᠬᠢᠲᠤᠭᠠᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠰᠠᠨᠠᠭᠠᠨ ᠬᠦᠷᠬᠦ᠂ ᠭᠡᠷ ᠦ᠋ᠨ ᠬᠤᠪᠢᠨᠠ ᠰᠠᠢᠨ᠂ ᠵᠠᠷᠭᠤ ᠪᠣᠯᠪᠠᠰᠤ ᠣᠯᠬᠤ᠂ ᠨᠡᠷᠡ ᠠᠰᠢᠭ ᠪᠣᠢ᠂ ᠤᠷᠤᠭ ᠪᠦᠲᠦᠬᠦ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠪᠤᠴᠠᠪᠠᠢ᠂ ᠡᠪᠡᠳᠴᠢᠲᠡᠨ ᠳ᠋ᠦ᠍ᠷ ᠵᠣᠪᠠᠬᠤ ᠬᠡᠷᠡᠭ ᠦᠭᠡᠢ᠂ ᠡᠳ᠋ ᠵᠠᠭᠤᠨ ᠬᠤᠪᠢ ᠳᠤᠷᠠᠪᠠᠷ ᠡᠷᠢ᠂ ᠭᠠᠵᠠᠷ ᠤ᠋ᠨ ᠰᠤᠳᠠᠯ ᠲᠠᠮᠢᠷ ᠰᠠᠢᠨ ᠵᠢᠷᠮᠦᠰᠦᠨ ᠪᠥᠭᠡᠰᠦ ᠥᠬᠢᠨ ᠬᠥᠩᠭᠡᠵᠢᠮᠦᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠦᠵᠡᠭᠦᠯᠦᠭᠴᠢᠳ ᠭᠠᠵᠠᠷ ᠣᠷᠣᠨ ᠤ᠋ ᠬᠤᠪᠢᠶᠠᠷᠢ ᠪᠠ ᠵᠣᠬᠢᠯᠳᠤᠬᠤ ᠵᠦᠭ ᠣᠷᠣᠨ ᠡᠰᠡᠷᠭᠦᠯᠪᠡᠰᠦ ᠪᠦᠲᠦᠬᠦᠶᠡ ᠪᠡᠷᠬᠡ : ᠪᠠᠰᠠ ᠬᠣᠮᠣᠬᠠᠢ ᠰᠡᠳᠬᠢᠯ ᠢ ᠲᠡᠪᠴᠢᠵᠦ᠂ ᠢᠯᠡᠭᠦᠦ ᠰᠠᠨᠠᠭᠠᠨ ᠮᠠᠰᠢ ᠬᠡᠷᠡᠭ ᠦᠭᠡᠢ᠂ ᠡᠳᠦᠭᠡ ᠡᠴᠡ ᠪᠠᠷᠢᠵᠤ ᠲᠠᠷᠢᠶᠠᠯᠠᠩ ᠳ᠋ᠤᠷ ᠬᠢᠴᠢᠶᠡᠲᠦᠭᠡᠢ ᠬᠡᠮᠡᠭᠰᠡᠨ ᠠᠨᠤ᠂ ᠬᠣᠮᠣᠬᠠᠢ ᠰᠡᠳᠬᠢᠯ ᠢ ᠲᠡᠪᠴᠢᠵᠦ᠂ ᠬᠡᠪ ᠢ ᠰᠠᠬᠢᠲᠤᠭᠠᠢ ᠬᠡᠮᠡᠭᠰᠡᠨ ᠪᠣᠯᠠᠢ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ : ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠵᠢᠦᠢ ᠷᠸᠡᠨ ᠰᠢᠯᠭᠠᠬᠤᠢ ᠳ᠋ᠤᠷ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠬᠣᠵᠢᠮ ᠳ᠋ᠠᠭᠠᠨ ᠣᠯᠤᠭᠰᠠᠨ ᠦᠭᠡᠢ᠂ ᠡᠨᠡ ᠠᠨᠤ ᠡᠳᠦᠭᠡ ᠡᠴᠡ ᠪᠠᠷᠢᠵᠤ ᠲᠠᠷᠢᠶᠠᠯᠠᠩ ᠤ᠋ᠨ ᠦᠯᠠ ᠳ᠋ᠤᠷ ᠬᠢᠴᠢᠶᠡᠲᠦᠭᠡᠢ ᠬᠡᠮᠡᠭᠰᠡᠨ ᠯᠤᠭᠡ ᠲᠣᠬᠢᠶᠠᠯᠳᠤᠵᠤᠬᠤᠢ᠃
ᠵᠢᠷᠠ ᠶᠢᠰᠦᠳᠦᠭᠡᠷ ᠲᠥᠯᠭᠡ : ᠴᠠᠭᠠᠨ ᠬᠠᠷᠠ᠂ ᠳᠣᠣᠷᠠ ᠶ᠋ᠢᠨ ᠳᠣᠣᠷᠠ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ᠂ ᠰᠦᠨ ᠪᠢᠨ᠂ ᠫᠠᠩ ᠵᠢᠶᠠᠨ ᠴᠢᠳᠠᠯ ᠮᠥᠴᠡᠷᠭᠡᠭᠰᠡᠨ : ᠣᠩᠭᠣᠴᠠ ᠶ᠋ᠢ ᠠᠭᠤᠷᠴᠤ ᠵᠠᠮ ᠢ ᠪᠠᠷᠢᠪᠠᠰᠤ ᠶᠠᠭᠠᠬᠢᠪᠠᠴᠤ ᠰᠠᠢᠨ᠂ ᠪᠠᠶᠠᠨ ᠵᠠᠯᠠᠭᠤᠰ ᠢ ᠳᠠᠭᠠᠵᠤ ᠨᠠᠭᠠᠳᠤᠯᠴᠠᠬᠤ ᠬᠡᠷᠡᠭ ᠦᠭᠡᠢ᠂ ᠡᠨᠡ ᠰᠥᠨᠢ ᠠᠷᠢᠬᠢᠨ ᠤ᠋ ᠳᠡᠭᠡᠷᠡ ᠠᠬᠠ ᠳᠡᠭᠦᠦ ᠬᠠᠮᠲᠤᠯᠠᠪᠠᠰᠤ᠂ ᠮᠠᠨᠠᠭᠠᠷ ᠪᠣᠯᠪᠠᠰᠤ ᠳᠠᠭᠠᠯᠳᠤᠭᠠᠷ ᠥᠰᠢᠶᠡ ᠳᠠᠢᠰᠤᠨ ᠪᠣᠯᠤᠮᠤᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠨᠡᠷᠡ ᠪᠠ ᠠᠰᠢᠭ ᠢ ᠡᠷᠬᠢᠯᠡᠵᠦ ᠬᠦᠰᠡᠬᠦ ᠶ᠋ᠢ ᠪᠠᠢᠲᠤᠭᠠᠢ᠂ ᠡᠪᠡᠳᠴᠢᠲᠡᠨ ᠡᠮᠴᠢ ᠶ᠋ᠢ ᠬᠢᠨᠠᠨ ᠰᠢᠨᠵᠢ᠂ ᠤᠷᠤᠭ ᠪᠣᠯᠬᠤᠢ ᠳ᠋ᠤᠷ ᠪᠡᠷᠬᠡ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠮᠦᠢ᠂ ᠵᠠᠷᠭᠤ ᠲᠡᠮᠡᠴᠡᠯ ᠤᠰᠠᠳᠤᠮᠤᠢ᠂ ᠠᠯᠢᠪᠠ ᠭᠠᠷᠬᠤ ᠣᠷᠣᠬᠤᠢ ᠳ᠋ᠤ᠌ ᠬᠠᠨᠢᠯᠬᠠᠴᠢᠳ ᠢ ᠰᠢᠨᠵᠢᠬᠦ ᠬᠡᠷᠡᠭᠲᠡᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠭᠠᠷᠬᠤ ᠣᠷᠣᠬᠤ ᠵᠠᠮ ᠤ᠋ᠨ ᠬᠤᠳᠳᠤᠭ ᠪᠠ ᠤᠷᠤᠭ ᠡᠯᠢᠭᠡᠨ ᠦ᠌ ᠵᠦᠭ ᠡᠴᠡ ᠬᠣᠣᠷᠯᠠᠯ ᠪᠣᠯᠬᠤ ᠶ᠋ᠢ ᠰᠡᠷᠡᠮᠵᠢᠯᠡᠬᠦ ᠬᠡᠷᠡᠭᠲᠡᠢ᠂ ᠠᠷᠢᠬᠢᠳᠠᠬᠤ ᠳ᠋ᠤᠷ ᠰᠢᠨᠤᠪᠠᠰᠤ ᠰᠠᠢᠨ ᠠᠨᠤ ᠮᠠᠭᠤ ᠳ᠋ᠤᠷ ᠤᠷᠪᠠᠭᠠᠳ᠂ ᠬᠡᠯᠡ ᠠᠮᠠ ᠳᠠᠷᠤᠢ ᠪᠣᠯᠬᠤ ᠵᠠᠷᠭᠤ ᠪᠣᠯᠪᠠᠰᠤ ᠮᠠᠭᠤ᠂ ᠡᠪᠡᠳᠴᠢᠲᠡᠨ ᠡᠮᠴᠢ ᠶ᠋ᠢ ᠰᠣᠩᠭᠣ᠂ ᠡᠴᠦᠰ ᠲᠡᠭᠡᠨ ᠰᠠᠢᠨ ᠦᠭᠡᠢ᠂ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠨ ᠢᠷᠡᠮᠦᠢ᠂ ᠨᠡᠷᠡ ᠠᠰᠢᠭ ᠢ ᠪᠢᠲᠡᠭᠡᠢ ᠡᠷᠢ᠂ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠲᠦᠭᠡᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠠᠯᠢᠪᠠ ᠬᠡᠷᠡᠭ ᠲᠦ᠍ᠷ ᠨᠥᠬᠥᠷ ᠢ ᠰᠡᠷᠡᠮᠵᠢᠯᠡ᠂ ᠰᠠᠢᠨ ᠠ᠋ᠴᠠ ᠮᠠᠭᠤ ᠳ᠋ᠤᠷ ᠣᠷᠣᠬᠤ᠂ ᠵᠦᠭ ᠪᠤᠷᠤᠭᠤ ᠣᠳᠬᠤ᠂ ᠡᠨᠡ ᠠᠨᠤ ᠠᠷᠢᠬᠢᠨ ᠤ᠋ ᠡᠮᠦᠨᠡ ᠠᠬᠠ ᠳᠡᠭᠦᠦ ᠬᠡᠮᠡᠪᠡᠰᠦ ᠥᠰᠢᠶᠡ ᠳᠠᠢᠰᠤᠨ ᠬᠡᠮᠡᠭᠰᠡᠨ ᠪᠣᠯᠠᠢ᠂ ᠦᠵᠡᠭᠦᠯᠦᠭᠴᠢᠳ ᠵᠢᠷᠮᠦᠰᠦᠨ ᠬᠥᠩᠭᠡᠵᠢᠪᠡᠰᠦ ᠦᠵᠡᠭᠳᠡᠬᠦᠢ ᠴᠠᠭ ᠲᠤᠷ ᠮᠠᠰᠢ ᠰᠡᠷᠡᠮᠵᠢᠯᠡᠬᠦ ᠬᠡᠷᠡᠭᠲᠡᠢ᠃
ᠪᠡᠯᠭᠡ ᠶ᠋ᠢᠨ ᠲᠣᠬᠢᠶᠠᠯᠳᠤᠪᠤᠷᠢ᠄ ᠴᠣ ᠭᠠᠵᠠᠷ ᠤ᠋ᠨ ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠴᠢᠨ ᠭᠠᠵᠠᠷ ᠲᠤᠷ ᠬᠦᠷᠴᠦ ᠲᠦᠰᠢᠮᠡᠯ ᠳ᠋ᠦ᠍ ᠤᠴᠠᠷᠠᠰᠤᠭᠠᠢ ᠭᠡᠮᠡᠨ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠬᠣᠵᠢᠮ ᠲᠦᠰᠢᠮᠡᠯ ᠦ᠋ᠨ ᠬᠥᠪᠡᠭᠦᠨ ᠯᠦᠭᠡ ᠠᠭᠤᠯᠵᠠᠵᠤ ᠢᠨᠢᠶᠡᠯᠳᠦᠨ ᠨᠠᠭᠠᠳᠤᠭᠰᠠᠭᠠᠷ ᠴᠢᠭᠤᠯᠭᠠᠨ ᠪᠣᠯᠤᠭᠠᠳ᠂ ᠭᠡᠨᠡᠳᠲᠡ ᠲᠥᠯᠭᠡ ᠶ᠋ᠢᠨ ᠦᠭᠡ ᠰᠠᠨᠠᠭᠠᠨ ᠳ᠋ᠤᠷ ᠣᠷᠣᠭᠠᠳ ᠮᠠᠨᠠᠭᠠᠷ ᠵᠠᠢᠯᠠᠵᠤ ᠶᠠᠪᠤᠪᠠᠢ ᠲᠡᠷᠡ ᠬᠥᠪᠡᠭᠦᠨ ᠬᠣᠣᠷᠯᠠᠰᠤᠭᠠᠢ ᠭᠡᠮᠡᠨ ᠡᠷᠢᠵᠦ ᠣᠯᠤᠭᠰᠠᠨ ᠦᠭᠡᠢ᠂ ᠲᠥᠯᠭᠡ ᠶ᠋ᠢᠨ ᠮᠡᠷᠭᠡᠨ ᠠᠨᠤ ᠡᠨᠡ ᠮᠡᠲᠦ ᠪᠣᠯᠠᠢ᠃
ᠳᠠᠯᠠᠳᠤᠭᠠᠷ ᠲᠥᠯᠭᠡ: ᠴᠠᠭᠠᠨ ᠬᠠᠷᠠᠭᠴᠢᠨ᠂ ᠳᠤᠮᠳᠠ ᠲᠡᠭᠰᠢ᠂ ᠲᠥᠯᠭᠡ ᠶ᠋ᠢᠨ ᠪᠡᠯᠭᠡ ᠠᠨᠤ: ᠸᠠᠩ ᠱᠠᠩ ᠳᠠᠬᠢᠨ ᠵᠠᠯᠪᠠᠷᠢᠭᠰᠠᠨ᠂ ᠬᠡᠢ ᠬᠤᠷᠠ ᠡᠭᠦᠯᠡ ᠠᠶᠤᠩᠭᠠ ᠴᠥᠮ ᠡᠵᠡᠳ ᠲᠡᠢ᠂ ᠴᠢᠩ ᠰᠡᠳᠬᠢᠯ ᠢ᠋ᠶ᠋ᠡᠷ ᠵᠠᠯᠪᠠᠷᠢᠭᠳᠠᠬᠤᠢ᠂ ᠦᠯᠦ ᠰᠡᠵᠢᠭᠯᠡᠬᠦ ᠴᠢᠮᠠᠯᠤᠭᠠ ᠬᠤᠷᠠ ᠣᠷᠣᠬᠤ ᠡᠳᠦᠷ ᠢ ᠲᠣᠭᠲᠠᠭᠠᠨ ᠪᠣᠯᠵᠣᠰᠤᠭᠠᠢ᠂ ᠪᠦᠲᠡᠮᠡ ᠬᠠᠯᠠᠭᠤᠨ ᠳᠤᠮᠳᠠᠳᠤ ᠨᠢᠭᠤᠳᠠᠯ ᠳ᠋ᠤᠷ ᠪᠣᠢ᠃
ᠪᠣᠭᠳᠠ ᠶ᠋ᠢᠨ ᠲᠠᠭᠠᠯᠠᠯ : ᠵᠠᠷᠭᠤ ᠡᠪᠡᠳᠴᠢᠨ ᠠᠮᠤᠷᠵᠢᠮᠤᠢ᠂ ᠨᠡᠷᠡ ᠠᠰᠢᠭ ᠪᠠᠬᠠᠨ ᠬᠦᠯᠢᠶᠡᠭᠲᠦᠨ᠂ ᠤᠷᠤᠭ ᠤᠳᠠᠭᠠᠨ ᠳ᠋ᠠᠭᠠᠨ ᠰᠠᠢᠨ᠂ ᠶᠠᠪᠤᠳᠠᠯ ᠤᠨ ᠬᠥᠮᠦᠨ ᠮᠡᠳᠡᠭᠡ ᠦᠭᠡᠢ᠂ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠢ ᠵᠠᠯᠪᠠᠷᠢᠪᠠᠰᠤ ᠭᠤᠷᠪᠠᠨ ᠬᠣᠨᠣᠭ ᠲᠤᠷ ᠮᠡᠳᠡᠭᠳᠡᠮᠦᠢ᠃
ᠲᠠᠢᠯᠪᠤᠷᠢ ᠥᠭᠦᠯᠡᠯ : ᠡᠨᠡ ᠲᠥᠯᠭᠡ ᠳ᠋ᠦ᠍ᠷ ᠠᠯᠢᠪᠠ ᠰᠠᠨᠠᠭᠰᠠᠨ ᠬᠡᠷᠡᠭ ᠲᠦ᠍ᠷ ᠵᠤᠨ ᠤ᠋ ᠰᠡᠭᠦᠯ ᠰᠠᠷᠠᠢᠨ ᠳᠤᠮᠳᠠᠳᠤ ᠨᠢᠭᠤᠭᠳᠠᠯ ᠢ ᠬᠦᠯᠢᠶᠡᠭᠳᠡᠪᠡᠰᠦ ᠬᠡᠢ ᠮᠣᠷᠢᠨ ᠤᠯᠠᠮᠵᠢᠯᠠᠨ ᠳᠡᠯᠭᠡᠷᠡᠮᠦ᠂ ᠵᠠᠷᠭᠤ ᠪᠣᠯᠪᠠᠰᠤ ᠠᠯᠳᠠᠷᠠᠬᠤ ᠨᠡᠷᠡ ᠠᠰᠢᠭ ᠴᠠᠭ ᠢ ᠬᠦᠯᠢᠶᠡ᠂ ᠤᠷᠤᠭ ᠤᠳᠠᠭᠠᠨ ᠳ᠋ᠠᠭᠠᠨ ᠰᠠᠢᠨ᠂ ᠶᠠᠪᠤᠳᠠᠯ ᠤᠨ ᠬᠥᠮᠦᠨ ᠮᠡᠳᠡᠭᠡ ᠦᠭᠡᠢ᠂ ᠡᠪᠡᠳᠴᠢᠲᠡᠨ ᠭᠦᠷᠢᠮ ᠬᠡᠷᠡᠭ᠍ᠲᠡᠢ᠂ ᠠᠯᠢᠪᠠ ᠬᠡᠷᠡᠭ ᠴᠠᠭᠠᠨ ᠡᠳᠦᠷ ᠲᠣᠬᠢᠶᠠᠯᠳᠤᠪᠠᠰᠤ ᠰᠠᠶᠢ ᠪᠦᠲᠦᠬᠦ ᠪᠣᠯᠠᠢ᠃
ᠰᠠᠨᠠᠭᠠ ᠲᠠᠢᠯᠤᠭᠰᠠᠨ : ᠬᠡᠢ ᠬᠤᠷᠠ ᠡᠭᠦᠯᠡ ᠠᠶᠤᠩᠭᠠ ᠲᠡᠭᠷᠢ ᠶ᠋ᠢᠨ ᠬᠤᠪᠢᠯᠠᠬᠤ ᠶᠣᠰᠣᠨ ᠪᠣᠯᠠᠢ᠂ ᠨᠡᠷᠡ ᠬᠦᠰᠡᠭᠴᠢᠳ ᠲᠦ᠍ ᠲᠤᠰᠢᠶᠠᠬᠤ ᠠᠨᠤ᠂ ᠭᠤᠷᠪᠠᠨ ᠵᠢᠯ ᠭᠤᠷᠪᠠᠨ ᠰᠠᠷᠠ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠣᠲᠣᠷᠠ ᠪᠣᠯᠠᠢ᠂ ᠬᠤᠷᠠ ᠣᠷᠣᠬᠤ ᠬᠡᠮᠡᠭᠰᠡᠨ ᠠᠨᠤ᠂ ᠬᠡᠷᠡᠭ ᠲᠦ᠍ᠷ ᠨᠡᠮᠡᠷᠢ ᠪᠣᠯᠠᠢ᠂ ᠵᠤᠨ ᠤ᠋ ᠰᠠᠷᠠ ᠳ᠋ᠤ᠌ ᠭᠤᠷᠪᠠᠨ ᠨᠢᠭᠤᠳᠠᠯ ᠪᠣᠢ ᠲᠤᠯᠠ᠂ ᠦᠵᠡᠭᠦᠯᠦᠭᠴᠢᠳ ᠡᠷᠬᠡᠪᠰᠢ ᠭᠤᠷᠪᠠᠨ ᠲᠣᠭᠠᠨ ᠳ᠋ᠤᠷ ᠲᠣᠬᠢᠶᠠᠯᠳᠤᠬᠤ ᠪᠤᠶᠤ᠂ ᠭᠤᠷᠪᠠᠨ ᠬᠤᠯᠤᠭᠠᠨᠠ ᠳ᠋ᠤᠷ ᠮᠠᠰᠢ ᠰᠠᠢᠨ᠂ ᠶᠡᠷᠦ ᠶ᠋ᠢᠨ ᠴᠠᠭ ᠲᠤᠷ ᠪᠣᠯᠪᠠᠴᠤ ᠮᠥᠨ ᠰᠠᠢᠨ ᠬᠡᠮᠡᠮᠦᠢ᠃
ᠪᠡᠯᠭᠡ ᠶ᠋ᠢᠨ ᠲᠤᠬᠢᠶᠠᠯᠳᠤᠪᠤᠷᠢ ᠄ ᠨᠢᠭᠡᠨ ᠪᠢᠴᠢᠭ ᠦ᠋ᠨ ᠬᠥᠮᠦᠨ ᠵᠢᠦᠢ ᠷᠸᠡᠨ ᠰᠢᠯᠭᠠᠬᠤᠢ ᠳ᠋ᠤᠷ ᠦᠵᠡᠭᠦᠯᠪᠡᠰᠦ ᠡᠨᠡ ᠲᠥᠯᠭᠡ ᠪᠠᠭᠤᠵᠤᠬᠤᠢ᠂ ᠬᠣᠵᠢᠮ ᠬᠣᠶᠠᠳᠤᠭᠠᠷ ᠵᠢᠦᠢ ᠷᠸᠡᠨ ᠪᠣᠯᠵᠤᠬᠤᠢ᠂ ᠡᠨᠡ ᠠᠭᠤᠯᠠ ᠳᠤᠮᠳᠠ ᠨᠢᠭᠤᠳᠠᠯ ᠬᠡᠮᠡᠭᠰᠡᠨ ᠯᠦᠭᠡ ᠲᠣᠬᠢᠶᠠᠯᠳᠤᠵᠤᠬᠤᠢ᠃