ᠮᠥᠯᠬᠥᠭᠡ ᠤᠯᠠᠭᠠᠨ ᠲᠣᠯᠣᠭᠠᠢМөлхөө улаан толгой
241
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠦᠨᠳᠦᠰᠦᠯᠢᠭ ᠡᠰᠢ ᠦᠭᠡᠢ᠃ ᠰᠦᠷᠡᠯ ᠦ᠋ᠨ ᠣᠵᠣᠭᠣᠷ ᠬᠡᠰᠡᠭ ᠨᠢ ᠭᠠᠵᠠᠷ ᠳᠡᠭᠡᠷᠡ ᠬᠡᠪᠲᠡᠭᠡ ᠪᠡᠷ 8cm ᠣᠷᠴᠢᠮ ᠤᠷᠲᠤ ᠤᠷᠭᠤᠨᠠ᠂ 3—6 ᠦᠶᠡ ᠲᠡᠢ᠂ ᠬᠥᠷᠥᠰᠥ ᠲᠡᠢ ᠤᠴᠠᠷᠠᠭᠰᠠᠨ ᠦᠶᠡ ᠡᠴᠡ ᠨᠢ ᠦᠨᠳᠦᠰᠦ ᠬᠠᠳᠬᠤᠨᠠ᠂ ᠲᠠᠰᠢᠭᠤᠯᠠᠨ ᠤᠷᠭᠤᠭᠰᠠᠨ ᠬᠡᠰᠡᠭ ᠨᠢ 30—45cm ᠥᠨᠳᠥᠷ ᠪᠠᠢᠳᠠᠭ ᠪᠠ2—3 ᠦᠶᠡ ᠲᠡᠢ᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠦᠰᠦ ᠦᠭᠡᠢ᠂ ᠪᠣᠷᠣᠪᠲᠤᠷ ᠥᠩᠭᠡᠲᠡᠢ ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ᠂ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ᠱᠣᠪᠲᠣᠭᠤᠷ ᠦᠵᠦᠭᠦᠷ ᠲᠡᠢ᠂ 5.5—8.5cm ᠤᠷᠲᠤ᠂ 3—4 (5)mm ᠥᠷᠭᠡᠨ᠂ ᠬᠣᠶᠠᠷ ᠲᠠᠯᠠ ᠳ᠋ᠤᠨᠢ ᠪᠦᠷ ᠵᠢᠵᠢᠭ ᠥᠷᠭᠡᠰᠦ ᠦᠰᠦ ᠲᠡᠢ ᠪᠣᠯᠬᠣᠷ ᠠᠷᠵᠠᠭᠠᠷ᠃ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠥᠨᠳᠡᠭᠡᠯᠵᠢᠨ᠂ ᠨᠣᠭᠣᠪᠲᠤᠷ ᠪᠣᠷᠣ᠂ ᠰᠡᠭᠦᠯ ᠳ᠋ᠦ᠍ ᠪᠡᠨ ᠪᠣᠷᠣᠪᠲᠤᠷ ᠵᠡᠰ ᠦ᠋ᠨ ᠥᠩᠭᠡᠲᠡᠢ ᠪᠣᠯᠵᠤ ᠬᠤᠪᠢᠷᠠᠨᠠ᠂ 11—20cm ᠤᠷᠲᠤ᠂2—5cm ᠥᠷᠭᠡᠨ᠂ ᠦᠶᠡ ᠪᠦᠷᠢ ᠡᠴᠡ ᠨᠢ ᠲᠠᠪᠤᠨ ᠰᠠᠯᠠᠭᠠ ᠭᠠᠷᠤᠨᠠ ; ᠰᠠᠯᠠᠭᠠ ᠨᠢ ᠲᠠᠰᠢᠭᠤᠯᠠᠨ ᠤᠷᠭᠤᠬᠤ ᠪᠥᠭᠡᠳ ᠳᠤᠮᠳᠠ ᠠ᠋ᠴᠠ ᠳᠣᠭᠣᠭᠰᠢ ᠬᠡᠰᠡᠭ ᠲᠦ᠍ ᠨᠢ ᠶᠡᠷᠦ ᠳ᠋ᠦ᠍ ᠪᠡᠨ ᠴᠡᠴᠡᠭ ᠦᠭᠡᠢ ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ2—2.2mm ᠤᠷᠲᠤ᠂ ᠪᠠᠬᠠᠨ ᠠᠷᠵᠠᠭᠠᠷ ᠪᠠᠷᠢᠭᠤᠯ ᠲᠠᠢ ; ᠬᠣᠶᠠᠷ ᠬᠠᠯᠢᠰᠤ ᠨᠢ ᠱᠣᠪᠣᠭᠣᠷ ᠦᠵᠦᠭᠦᠷ ᠲᠡᠢ᠂ ᠠᠷᠤ ᠳ᠋ᠤᠨᠢ ᠭᠦᠷᠡᠢᠭᠰᠡᠨ ᠨᠢᠭᠡ ᠯᠡ ᠰᠤᠳᠠᠯ ᠲᠠᠢ᠂ ᠪᠠᠷᠤᠭ ᠢᠵᠢᠯ ᠤᠷᠲᠤ ᠪᠤᠶᠤ ᠨᠢᠭᠡᠳᠦᠭᠡᠷ ᠬᠠᠯᠢᠰᠤ ᠨᠢ ᠪᠠᠬᠠᠨ ᠤᠷᠲᠤ ; ᠭᠠᠳᠠᠷ ᠬᠡᠪᠡᠭ ᠨᠢ 1.6—1.8 (2)mm ᠤᠷᠲᠤ᠂ ᠮᠤᠬᠤᠷ ᠣᠷᠣᠢ ᠲᠠᠢ᠂ ᠰᠤᠷ ᠦᠭᠡᠢ᠃ ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠢ᠋ᠶ᠋ᠡᠨ 2/3 ᠤ᠋ ᠴᠢᠨᠡᠭᠡ ᠤᠷᠲᠤ᠂ ᠬᠣᠶᠠᠷ ᠰᠤᠳᠠᠯ ᠲᠠᠢ ;᠂ ᠲᠣᠭᠣᠰᠣᠪᠴᠢ ᠨᠢ 1—1.2mm ᠤᠷᠲᠤ᠃
ᠭᠣᠣᠯ ᠮᠥᠷᠡᠨ ᠦ᠌ ᠬᠥᠪᠡᠭᠡ᠂ ᠴᠢᠭᠢᠭᠲᠡᠢ ᠭᠠᠵᠠᠷ ᠲᠤ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠭᠠᠨᠰᠦ᠂ ᠾᠧᠪᠧᠢ᠂ ᠾᠧᠨᠠᠨ᠂ ᠵᠧᠵᠢᠶᠠᠩ᠂ ᠵᠢᠶᠠᠩᠰᠢ ᠵᠡᠷᠭᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠤᠷᠭᠤᠳᠠᠭ᠃
ᠬᠢᠲᠠᠳ ᠨᠡᠷᠡ᠄匍茎翦股
ᠠᠩᠭ᠌ᠯᠢ ᠨᠡᠷᠡ᠄ Agrosis stolonifera L.
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ ᠲᠤᠶᠠᠭᠠ