ᠡᠷᠳᠡᠮ ᠤᠨ ᠥᠯᠥᠭᠡᠢ - ᠴᠣ ᠂ ᠣᠷᠱᠤᠨ Эрдмийн өлгий – Чо ᠂ Оршин
317ᠡᠷᠳᠡᠮ ᠦᠨ ᠥᠯᠥᠭᠡᠢ
ᠴᠣ· ᠣᠷᠱᠤᠨ
ᠡᠷᠡ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠬᠦᠷᠴᠦ
ᠠᠢᠯ ᠭᠡᠷ ᠪᠣᠯᠤᠭᠠᠳ
ᠡᠩᠬᠡ ᠳᠡᠯᠡᠬᠡᠢ ᠶ᠋ᠢᠨ ᠬᠥᠷᠥᠰᠥᠨ ᠳ᠋ᠦ᠍
ᠬᠥᠮᠦᠨ ᠭᠡᠵᠦ ᠶᠠᠪᠤᠬᠤ ᠳ᠋ᠠᠭᠠᠨ
ᠡᠬᠡ ᠣᠷᠣᠨ ᠤ᠋ ᠲᠥᠯᠥᠭᠡ
ᠬᠦᠴᠦᠨ ᠨᠢᠭᠡ ᠪᠣᠯᠵᠤ
ᠡᠭᠡᠯ ᠠᠷᠠᠳ ᠤ᠋ᠨ ᠬᠤᠪᠢ ᠪᠠᠷ
ᠵᠢᠳᠬᠦᠯ ᠡᠷᠭᠦᠵᠦ ᠪᠠᠢᠬᠤ ᠳ᠋ᠠᠭᠠᠨ
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠦᠷᠡᠰ ᠲᠦ᠍
ᠡᠷᠳᠡᠮ ᠦ᠋ᠨ ᠵᠢᠯᠣᠭᠣ ᠠᠳᠬᠤᠭᠤᠯᠤᠭᠰᠠᠨ
ᠲᠠᠩᠬᠢᠯ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠡᠯᠢᠭᠡᠨ ᠳ᠋ᠦ᠍
ᠡᠬᠡ ᠶ᠋ᠢᠨ ᠬᠠᠢᠷᠠ ᠪᠠᠷ ᠰᠦᠨᠳᠡᠷᠯᠡᠭᠰᠡᠨ᠃
ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ ᠲᠠᠨ ᠢ᠋ᠶ᠋ᠠᠨ
ᠪᠢᠳᠡ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ
ᠡᠭᠡᠨᠡᠭᠲᠡ ᠪᠢᠳᠡ ᠳᠤᠷᠠᠰᠬᠠᠵᠤ
ᠳᠤᠷᠠᠳᠬᠠᠵᠤ ᠶᠠᠪᠤᠬᠤ ᠶᠣᠰᠣᠲᠠᠢ᠃
ᠣᠶᠤᠨᠲᠤ ᠪᠠᠭᠰᠢ ᠨᠠᠷ ᠤ᠋ᠨ ᠰᠤᠷᠭᠠᠯ ᠢ᠋ᠶ᠋ᠠᠷ
ᠪᠢᠯᠢᠭ ᠦ᠋ᠨ ᠨᠢᠳᠦ ᠮᠢᠨᠢ ᠨᠡᠭᠡᠭᠡᠭᠳᠡᠵᠦ
ᠣᠯᠠᠨ ᠨᠥᠬᠥᠳ ᠦ᠋ᠨ ᠬᠠᠮᠲᠤ
ᠰᠣᠶᠣᠯ ᠤ᠋ᠨ ᠰᠢᠮᠡ ᠳ᠋ᠦ᠍ ᠮᠥᠷᠥᠢᠴᠡᠭᠰᠡᠨ ᠶᠦᠮ᠃
ᠰᠤᠷᠤᠯᠭᠠ ᠪᠦᠲᠦᠮᠵᠢ ᠬᠣᠶᠠᠷ ᠢ᠋ᠶ᠋ᠠᠷ
ᠬᠢᠷᠢ ᠭᠡᠮ ᠢ᠋ᠶ᠋ᠡᠨ ᠰᠢᠯᠭᠠᠯᠴᠠᠵᠤ
ᠰᠤᠳᠤᠯᠭᠠ ᠰᠤᠷᠤᠯᠴᠠᠯᠭᠠ ᠶ᠋ᠢ ᠪᠡᠶᠡᠯᠡᠭᠦᠯᠵᠦ
ᠪᠦᠲᠦᠭᠡᠯ ᠦ᠋ᠨ ᠲᠠᠪᠴᠠᠩ ᠳ᠋ᠤ᠌ ᠰᠢᠯᠭᠠᠷᠠᠭᠰᠠᠨ ᠶᠤᠮ᠂
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠦᠷᠡᠰ ᠲᠦ᠍
ᠡᠷᠳᠡᠮ ᠦ᠋ᠨ ᠵᠢᠯᠣᠭᠣ ᠠᠳᠬᠤᠭᠤᠯᠤᠭᠰᠠᠨ
ᠲᠠᠩᠬᠢᠯ ᠨᠤᠲᠤᠭ ᠤ᠋ᠨ ᠡᠯᠢᠭᠡᠨ ᠳ᠋ᠦ᠍
ᠡᠬᠡ ᠶ᠋ᠢᠨ ᠬᠠᠢᠷᠠ ᠪᠠᠷ ᠡᠨᠡᠷᠢᠭᠰᠡᠨ
ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ᠂
ᠲᠠᠨ ᠢ᠋ᠶ᠋ᠠᠨ ᠪᠢᠳᠡ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ
ᠡᠭᠡᠨᠡᠭᠲᠡ ᠪᠢᠳᠡ ᠳᠤᠷᠠᠰᠬᠠᠵᠤ
ᠳᠤᠷᠠᠳᠬᠠᠵᠤ ᠶᠠᠪᠤᠬᠤ ᠠᠵᠠ ᠲᠠᠢ᠃
ᠥᠯᠥᠭᠡᠢ ᠳ᠋ᠡᠭᠡᠨ ᠲᠣᠷᠨᠢᠭᠰᠠᠨ ᠬᠡᠦᠬᠡᠳ
ᠥᠰᠴᠦ ᠪᠣᠢᠵᠢᠭᠠᠳ ᠳᠡᠷᠪᠡᠳᠡᠭ ᠰᠢᠭ
ᠥᠨᠢᠷ ᠰᠤᠷᠭᠠᠭᠤᠯᠢ ᠠ᠋ᠴᠠ ᠪᠠᠨ ᠪᠢᠳᠡ
ᠰᠣᠶᠣᠯ ᠤ᠋ᠨ ᠬᠦᠯᠦᠭ ᠲᠦ᠍ ᠮᠣᠷᠳᠠᠭᠰᠠᠨ ᠶᠤᠮ᠂
ᠥᠷᠯᠥᠭ ᠣᠷᠣᠨ ᠤ᠋ ᠪᠠᠨ
ᠬᠡᠷᠡᠭᠴᠡᠭᠡ ᠪᠦᠬᠦᠨ ᠦ᠌ ᠱᠠᠭᠠᠷᠳᠠᠯᠭᠠ ᠪᠠᠷ
ᠥᠷᠨᠢᠭᠦᠨ ᠶᠡᠬᠡ ᠦᠢᠯᠡᠰ ᠲᠡᠭᠡᠨ
ᠪᠠᠢᠯᠳᠤᠭᠴᠢ ᠪᠣᠯᠤᠨ ᠣᠷᠣᠯᠴᠠᠭᠰᠠᠨ ᠶᠤᠮ᠃
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠦᠷᠡᠰ ᠲᠦ᠍
ᠡᠷᠳᠡᠮ ᠦ᠋ᠨ ᠵᠢᠯᠣᠭᠣ ᠰᠤᠩᠭᠠᠭᠤᠯᠤᠭᠰᠠᠨ
ᠲᠠᠩᠬᠢᠯ ᠨᠤᠲᠤᠭ ᠤ᠋ᠨ ᠡᠯᠢᠭᠡᠨ ᠳ᠋ᠦ᠍
ᠡᠬᠡ ᠶ᠋ᠢᠨ ᠬᠠᠢᠷᠠ ᠪᠠᠷ ᠰᠡᠬᠦᠢᠭᠰᠡᠨ
ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ
ᠲᠠᠨ ᠢ᠋ᠶ᠋ᠠᠨ ᠪᠢᠳᠡ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ
ᠡᠭᠡᠨᠡᠭᠲᠡ ᠪᠢᠳᠡ ᠳᠤᠷᠠᠰᠬᠠᠵᠤ
ᠳᠤᠷᠠᠳᠬᠠᠵᠤ ᠶᠠᠪᠤᠬᠤ ᠵᠠᠶᠠᠭᠠᠲᠠᠢ᠃
ᠬᠥᠮᠦᠵᠢᠭᠦᠯᠵᠦ ᠰᠤᠷᠭᠠᠭᠰᠠᠨ ᠰᠤᠷᠤᠭᠴᠢ ᠴᠢᠨᠢ
ᠦᠢᠯᠡᠰ ᠦ᠋ᠨ ᠡᠵᠡᠨ ᠪᠣᠯᠵᠤ ᠪᠣᠢ
ᠬᠦᠷᠭᠡᠵᠦ ᠢᠷᠡᠭᠰᠡᠨ ᠬᠣᠢᠴᠢ ᠴᠢᠨᠢ
ᠲᠠᠨ ᠤ᠋ ᠬᠠᠯᠠᠮᠵᠢ ᠶ᠋ᠢ ᠬᠦᠷᠲᠡᠵᠦ ᠪᠣᠢ
ᠬᠦᠨᠳᠦᠲᠦ ᠰᠤᠷᠭᠠᠭᠤᠯᠢ ᠮᠢᠨᠢ
ᠦᠶᠡ ᠶ᠋ᠢᠨ ᠦᠶᠡ ᠮᠥᠩᠬᠡᠷᠡᠭ!
ᠬᠥᠭᠰᠢᠨ ᠪᠤᠭᠤᠷᠤᠯ ᠪᠠᠭᠰᠢ ᠮᠢᠨᠢ
ᠥᠨᠢ ᠶ᠋ᠢᠨ ᠥᠨᠢ ᠨᠠᠰᠤᠵᠢᠭ!
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠦᠷᠡᠰ ᠲᠦ᠍
ᠡᠷᠳᠡᠮ ᠦ᠋ᠨ ᠵᠢᠯᠣᠭᠣ ᠰᠤᠩᠭᠠᠭᠤᠯᠤᠭᠰᠠᠨ
ᠲᠠᠩᠬᠢᠯ ᠨᠤᠲᠤᠭ ᠤ᠋ᠨ ᠡᠯᠢᠭᠡᠨ ᠳ᠋ᠦ᠍
ᠡᠬᠡ ᠶ᠋ᠢᠨ ᠬᠠᠢᠷᠠ ᠪᠠᠷ ᠰᠦᠮᠪᠦᠷᠯᠡᠭᠰᠡᠨ
ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ
ᠲᠠᠨ ᠢ᠋ᠶ᠋ᠠᠨ ᠪᠢᠳᠡ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ
ᠡᠭᠡᠨᠡᠭᠲᠡ ᠪᠢᠳᠡ ᠳᠤᠷᠠᠰᠬᠠᠵᠤ
ᠳᠤᠷᠠᠳᠬᠠᠵᠤ ᠤᠴᠢᠷᠲᠠᠢ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 28