ᠠᠪᠤᠷᠭᠤ ᠤᠯᠠᠭᠠᠨ ᠲᠣᠯᠣᠭᠠᠢАварга улаан толгой
238
ᠠᠪᠤᠷᠭᠤ ᠤᠯᠠᠭᠠᠨ ᠲᠣᠯᠣᠭᠠᠢ (ᠠᠭᠷᠤᠰᠤ ᠡᠪᠡᠰᠦ)
ᠦᠶᠡᠲᠦ ᠤᠷᠭᠤᠮᠠᠯ ᠤ᠋ᠨ ᠢᠵᠠᠭᠤᠷ
ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠨᠠᠷᠢᠬᠠᠨ ᠤᠷᠲᠤ ᠦᠨᠳᠦᠰᠦᠯᠢᠭ ᠡᠰᠢ ᠲᠡᠢ᠃ ᠰᠦᠷᠡᠯ ᠨᠢ ᠰᠢᠯᠤᠭᠤᠨ ᠪᠤᠶᠤ ᠣᠵᠣᠭᠣᠷ ᠤ᠋ᠨ ᠬᠡᠰᠡᠭ ᠦ᠋ᠨ ᠦᠶᠡ ᠨᠢ ᠶᠡᠷᠦ ᠳ᠋ᠡᠭᠡᠨ ᠡᠪᠦᠳᠦᠭ ᠰᠢᠭ ᠮᠤᠷᠤᠢᠵᠤ ᠲᠠᠰᠢᠭᠤᠯᠠᠨ ᠳᠡᠭᠡᠭᠰᠢ ᠪᠡᠨ ᠤᠷᠭᠤᠬᠤ ᠶᠤᠮ᠂90—130cm ᠥᠨᠳᠥᠷ᠂5—6 ᠦᠶᠡ ᠲᠡᠢ᠃ ᠨᠠᠪᠴᠢᠨ ᠤ᠋ ᠲᠣᠭᠳᠣᠢ ᠨᠢ ᠦᠰᠦ ᠥᠬᠡᠢ᠂ ᠣᠯᠠᠩᠬᠢ ᠳ᠋ᠠᠭᠠᠨ ᠦᠶᠡ ᠶ᠋ᠢᠨ ᠵᠠᠢ ᠠ᠋ᠴᠠ ᠪᠠᠨ ᠣᠬᠣᠷ; ᠨᠠᠪᠴᠢ ᠨᠢ ᠲᠡᠭᠰᠢᠬᠡᠨ ᠬᠠᠪᠲᠠᠭᠠᠢ᠂17—32cm ᠤᠷᠲᠤ᠂3—7mm ᠥᠷᠭᠡᠨ᠂ ᠳᠡᠭᠡᠳᠦ ᠲᠠᠯᠠ ᠨᠢ ᠪᠠᠬᠠᠨ ᠠᠷᠵᠠᠭᠠᠢ ᠬᠥᠪᠡᠭᠡ ᠪᠣᠯᠤᠨ ᠠᠷᠤ ᠳ᠋ᠤᠨᠢ ᠵᠢᠵᠢᠭ ᠥᠷᠭᠡᠰᠦ ᠦᠰᠦ ᠲᠡᠢ ᠪᠣᠯᠬᠣᠷ ᠲᠤᠩ ᠠᠷᠵᠠᠭᠠᠷ᠃ ᠱᠣᠷᠣᠯᠵᠢᠨ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ ᠨᠢ ᠰᠠᠭᠰᠠᠢᠵᠤ ᠳᠡᠯᠭᠡᠷᠡᠨᠡ᠂14—27cm ᠤᠷᠲᠤ᠂6.5—10cm ᠥᠷᠭᠡᠨ᠂ ᠰᠢᠷᠠᠪᠲᠤᠷ ᠨᠣᠭᠣᠭᠠᠨ ᠪᠤᠶᠤ ᠪᠣᠷᠣᠪᠲᠤᠷ᠂ ᠰᠡᠭᠦᠯ ᠳ᠋ᠡᠭᠡᠨ ᠰᠢᠷᠠᠪᠲᠤᠷ ᠪᠣᠷᠣ ᠪᠣᠯᠤᠨᠠ᠂ ᠦᠶᠡ ᠪᠦᠷᠢ ᠳ᠋ᠦ᠍ᠨᠢ ᠣᠯᠠᠨ ᠰᠠᠯᠠᠭᠠ ᠪᠠᠭᠯᠠᠷᠠᠵᠤ ᠤᠷᠭᠤᠬᠤ ᠪᠠ ᠰᠠᠯᠠᠭᠠᠨ ᠤ᠋ ᠤᠭ ᠲᠤᠨᠢ ᠪᠠᠰᠠ ᠵᠢᠵᠢᠭ ᠲᠦᠷᠦᠭᠦᠦ ᠪᠣᠢ; ᠵᠢᠵᠢᠭ ᠲᠦᠷᠦᠭᠦᠦ ᠨᠢ2—2.5mm ᠤᠷᠲᠤ᠂1—2mm ᠤᠷᠲᠤ ᠪᠠᠷᠢᠭᠤᠯ ᠲᠠᠢ; ᠬᠣᠶᠠᠷ ᠬᠠᠯᠢᠰᠤ ᠨᠢ ᠢᠵᠢᠯ ᠤᠷᠲᠤ ᠪᠤᠶᠤ ᠨᠢᠭᠡᠳᠦᠭᠡᠷ ᠬᠠᠯᠢᠰᠤ ᠨᠢ ᠪᠠᠬᠠᠨ ᠤᠷᠲᠤ᠂ ᠱᠣᠪᠬᠣ ᠦᠵᠦᠭᠦᠷ ᠲᠡᠢ᠂ ᠨᠢᠭᠡ ᠯᠡ ᠭᠦᠷᠡᠢᠭᠰᠡᠨ ᠰᠤᠳᠠᠯ ᠲᠠᠢ; ᠭᠠᠳᠠᠷ ᠬᠡᠪᠡᠭ ᠨᠢ1.8—2mm ᠤᠷᠲᠤ᠂ ᠰᠤᠷ ᠦᠭᠡᠢ᠂ ᠦᠵᠦᠭᠦᠷ ᠨᠢ ᠮᠤᠬᠤᠷ ᠪᠣᠯᠪᠠᠴᠤ ᠰᠤᠳᠠᠯ ᠤ᠋ᠳ ᠤ᠋ᠨ ᠭᠠᠳᠠᠭᠰᠢ ᠵᠢᠭᠠᠬᠠᠨ ᠴᠤᠬᠤᠢᠭᠰᠠᠨ ᠠ᠋ᠴᠠ ᠪᠣᠯᠤᠭᠰᠠᠨ ᠨᠠᠷᠢᠨ ᠰᠢᠲᠦ ᠲᠡᠢ ᠪᠠᠢᠳᠠᠭ; ᠰᠠᠭᠤᠷᠢ ᠲᠠᠪᠠᠭ ᠤ᠋ᠨ ᠬᠣᠶᠠᠷ ᠲᠠᠯᠠ ᠳ᠋ᠤᠨᠢ0.4mm ᠤᠷᠲᠤ ᠦᠰᠦ ᠲᠡᠢ᠃ ᠳᠣᠲᠣᠷ ᠬᠡᠪᠡᠭ ᠨᠢ ᠭᠠᠳᠠᠷ ᠬᠡᠪᠡᠭ ᠦ᠋ᠨ ᠢ᠋ᠶ᠋ᠡᠨ2/3—3/4 ᠴᠢᠨᠡᠭᠡ ᠤᠷᠲᠤ᠃ ᠲᠣᠭᠣᠰᠣᠪᠴᠢ ᠨᠢ1—1.2mm ᠤᠷᠲᠤ᠃
ᠴᠢᠭᠢᠭᠲᠡᠢ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ ᠬᠢᠭᠡᠳ ᠠᠭᠤᠯᠠ ᠶ᠋ᠢᠨ ᠭᠣᠣ ᠵᠢᠯᠠᠭᠠ ᠳ᠋ᠤ᠌ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠥᠪᠥᠷ ᠮᠣᠩᠭᠣᠯ᠂ ᠾᠧᠪᠧᠢ᠂ ᠱᠠᠨ ᠰᠢ ᠬᠢᠭᠡᠳ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠣᠷᠣᠨ ᠣᠷᠣᠨ᠂ ᠬᠥᠬᠡᠮᠥᠷᠡᠨ ᠦ᠌ ᠤᠷᠤᠰᠬᠠᠯ ᠳᠠᠭᠠᠤ ᠡᠯᠡ ᠮᠣᠵᠢ ᠣᠷᠣᠨ ᠳ᠋ᠤ᠌ ᠪᠦᠷ ᠤᠷᠭᠤᠳᠠᠭ᠃
ᠬᠢᠲᠠᠳ ᠨᠡᠷᠡ᠄巨序剪股颖（小糠草.红顶草）
ᠠᠩᠭ᠌ᠯᠢ ᠨᠡᠷᠡ᠄Agrostis gigantea Roth
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣ · ᠰᠡᠴᠡᠨᠲᠤ
ᠬᠢᠨᠠᠭᠴᠢ᠄ ᠫᠤ· ᠴᠠᠭᠠᠨ