ᠪᠢ ᠪᠠᠭᠰᠢ ᠬᠥᠮᠦᠨ - ᠴᠣ ᠂ ᠣᠷᠱᠤᠨ Би багш хүн – Чо ᠂ Оршин
299ᠪᠢ ᠪᠠᠭᠰᠢ ᠬᠥᠮᠦᠨ
ᠤᠷᠭᠠ ᠲᠤᠯᠵᠤ
ᠥᠰᠪᠥᠷᠢ ᠨᠠᠰᠤᠨ ᠳ᠋ᠠᠭᠠᠨ
ᠦᠵᠦᠭ ᠪᠠᠷᠢᠵᠤ
ᠥᠷᠨᠢᠬᠦ ᠦᠶᠡ ᠳ᠋ᠡᠭᠡᠨ
ᠪᠢᠴᠢᠭ ᠱᠠᠭᠠᠢᠭᠰᠠᠨ
ᠪᠢ ᠶᠡᠷᠦ ᠨᠢ
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠬᠥᠪᠡᠭᠦᠨ ᠦᠷᠡ
ᠲᠠᠨᠢᠯ ᠨᠢᠭᠡᠨ ᠪᠠᠭᠰᠢ ᠬᠥᠮᠦᠨ᠃
ᠡᠴᠢᠭᠡ ᠡᠬᠡ ᠨᠢ ᠲᠤᠰᠢᠶᠠᠭᠰᠠᠨ ᠬᠡᠦᠬᠡᠳ ᠲᠦ᠍
ᠡᠬᠡᠰᠢᠭ ᠨᠢᠳᠦᠯᠡᠭᠦᠯᠬᠦ ᠭᠡᠵᠦ
ᠡᠷᠬᠡᠯᠡᠵᠦ ᠰᠠᠷᠪᠠᠢᠭᠰᠠᠨ ᠡᠷᠲᠡᠭᠡᠷ ᠬᠤᠷᠤᠭᠤᠳ ᠢ᠋
ᠡᠪᠲᠡᠢ ᠪᠣᠯᠭᠠᠬᠤ ᠭᠡᠵᠦ
ᠠᠯᠮᠠᠢᠷᠠᠭᠰᠠᠨ ᠨᠢᠭᠡᠨ ᠳ᠋ᠦ᠍ᠨᠢ ᠠᠩᠬᠠᠷᠤᠯ ᠲᠠᠯᠪᠢᠵᠤ
ᠠᠭᠠᠯᠢᠭᠦᠢᠳᠡᠭᠰᠡᠨ ᠨᠥᠭᠦᠭᠡ ᠳ᠋ᠦ᠍ ᠠᠰᠠᠭᠤᠯᠲᠠ ᠣᠨᠣᠭᠠᠵᠤ
ᠴᠠᠭ ᠮᠥᠴᠡ ᠲᠡᠢ ᠣᠷᠣᠯᠳᠣᠳᠠᠭ ᠮᠢᠨᠢ ᠶᠠᠭᠤ?
ᠴᠠᠭᠠᠰᠤ ᠪᠢᠷ ᠲᠡᠢ ᠨᠥᠬᠥᠴᠡᠳᠡᠭ ᠮᠢᠨᠢ ᠶᠠᠭᠤᠨ?
ᠠᠪᠢᠶᠠ ᠦᠰᠦᠭ ᠢ᠋ ᠠᠴᠤᠭ ᠢ᠋ᠶ᠋ᠠᠷ ᠵᠢᠭᠠᠵᠤ
ᠠᠷᠠᠪ ᠲᠣᠭᠠ ᠶ᠋ᠢ ᠳᠦᠷᠰᠦ ᠪᠡᠷ ᠬᠡᠯᠡᠵᠦ
ᠣᠨ ᠬᠤᠭᠤᠴᠠᠭᠠ ᠶ᠋ᠢ ᠤᠯᠠᠷᠢᠭᠤᠯᠤᠨ ᠥᠩᠭᠡᠷᠡᠭᠡᠵᠦ
ᠣᠯᠠᠨ ᠬᠡᠦᠬᠡᠳ ᠦ᠋ᠨ ᠬᠠᠷᠠᠭᠠ ᠶ᠋ᠢ ᠬᠣᠯᠠᠳᠬᠠᠬᠤ ᠳ᠋ᠤ᠌
ᠨᠠᠷᠭᠢᠮᠠ ᠡᠷᠡᠨ ᠮᠢᠨᠢ ᠬᠡᠳᠦᠢᠨᠡᠢ ᠣᠳᠴᠤ
ᠨᠠᠮᠤᠷ ᠤ᠋ᠨ ᠬᠢᠷᠠᠭᠤ ᠦᠰᠦᠨ ᠳ᠋ᠦ᠍ ᠪᠠᠭᠤᠵᠤ
ᠣᠶᠤᠨ ᠤ᠋ ᠰᠢᠮᠡ ᠪᠡᠨ ᠲᠡᠳᠡᠨ ᠳ᠋ᠦ᠍ ᠶᠡᠭᠦᠯᠡᠵᠦ
ᠣᠭᠲᠠᠷᠭᠤᠢ ᠳᠦᠭᠦᠷᠡᠩ ᠣᠳᠣᠨ ᠲᠦᠭᠡᠭᠡᠵᠡᠢ᠃
ᠡᠬᠡ ᠣᠷᠣᠨ ᠮᠢᠨᠢ ᠥᠨᠢᠳᠡ ᠥᠲᠡᠯᠬᠦ ᠦᠭᠡᠢ
ᠦᠢᠯᠡᠰ ᠢᠷᠡᠭᠡᠳᠦᠢ ᠥᠭᠡᠳᠡᠷᠬᠡᠭ ᠭᠡᠳᠡᠭ ᠲᠦ᠍
ᠡᠷᠳᠡᠮ ᠢ᠋ᠶ᠋ᠡᠷ ᠰᠡᠯᠪᠢᠬᠦ ᠤᠬᠠᠭᠠᠨ ᠰᠣᠢᠭᠰᠠᠨ
ᠡᠷᠡᠨ ᠢ᠋ᠶ᠋ᠡᠷ ᠵᠠᠭᠠᠭᠯᠠᠬᠤ ᠮᠡᠳᠡᠭᠡ ᠰᠤᠷᠭᠠᠭᠰᠠᠨ
ᠡᠩ ᠦ᠋ᠨ ᠪᠠᠭᠰᠢ ᠶ᠋ᠢᠨ ᠠᠯᠳᠠᠷ ᠬᠦᠨᠳᠦ ᠶ᠋ᠢ
ᠡᠷᠬᠢᠮ ᠬᠥᠳᠡᠯᠮᠦᠷᠢ ᠶ᠋ᠢᠨ ᠦᠨᠡ ᠴᠠᠨᠠ ᠶ᠋ᠢ
ᠪᠤᠭᠤᠷᠤᠯ ᠮᠥᠷ ᠨᠠᠮᠲᠠᠷ ᠬᠠᠢᠯᠠᠵᠤ
ᠪᠣᠳᠠᠭᠠᠯᠢ ᠴᠢᠨᠠᠷ ᠨᠢᠳᠡᠷ ᠢ᠋ᠶ᠋ᠡᠷ ᠲᠡᠮᠳᠡᠭᠯᠡᠨᠡ᠃
ᠥᠰᠴᠦ ᠪᠣᠢᠵᠢᠬᠤ ᠳ᠋ᠠᠭᠠᠨ
ᠤᠷᠭᠠ ᠲᠤᠯᠵᠤ
ᠥᠰᠪᠥᠷᠢ ᠨᠠᠰᠤᠨ ᠳ᠋ᠠᠭᠠᠨ
ᠦᠵᠦᠭ ᠲᠦᠰᠢᠵᠦ
ᠥᠷᠨᠢᠬᠦ ᠦᠶᠡ ᠳ᠋ᠡᠭᠡᠨ
ᠪᠢᠴᠢᠭ ᠱᠠᠭᠠᠢᠭᠰᠠᠨ
ᠪᠢ ᠶᠡᠷᠦ ᠨᠢ
ᠲᠠᠯᠠ ᠶ᠋ᠢᠨ ᠮᠠᠯᠴᠢᠨ ᠤ᠋ ᠬᠥᠪᠡᠭᠦᠨ ᠦᠷᠡ
ᠲᠠᠨᠢᠯ ᠨᠢᠭᠡᠨ ᠪᠠᠭᠰᠢ ᠬᠥᠮᠦᠨ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 27