ᠡᠨᠡ ᠲᠥᠯᠭᠡ ᠶ᠋ᠢ ᠵᠡᠭᠦᠨ ᠭᠠᠷ ᠤ᠋ᠨ ᠠᠯᠠᠭᠠ ᠪᠠᠨ ᠳᠡᠯᠭᠡᠨ᠂ ᠳᠤᠮᠳᠠ ᠭᠤᠷᠪᠠᠨ ᠬᠤᠷᠤᠭᠤᠨ( ᠳᠣᠯᠣᠪᠣᠷ᠂ ᠳᠤᠮᠳᠠ᠂ ᠢᠳᠠᠮ) ᠤ᠋ᠨ ᠨᠢᠭᠡᠳᠦᠭᠡᠷ ᠦᠶᠡ (ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠦ᠋ᠨ ᠦᠶᠡ ) ᠪᠠ ᠭᠤᠷᠪᠠᠳᠤᠭᠠᠷ ᠦᠶᠡ (ᠬᠤᠷᠤᠭᠤᠨ ᠤ᠋ ᠤᠭ ᠤ᠋ᠨ ᠣᠢᠶᠠ) ᠳᠡᠭᠡᠷᠡ ᠲᠣᠭᠠᠯᠠᠨᠠ᠃ ᠡᠭᠦᠨ ᠳ᠋ᠦ᠍ ᠳᠣᠯᠣᠪᠣᠷ ᠬᠤᠷᠤᠭᠤᠨ ᠤ᠋ ᠭᠤᠷᠪᠠᠳᠤᠭᠠᠷ ᠦᠶᠡ ᠶ᠋ᠢ ᠶᠡᠬᠡ ᠠᠮᠤᠷ᠂ ᠨᠢᠭᠡᠳᠦᠭᠡᠷ ᠦᠶᠡ ᠶ᠋ᠢ ᠮᠠᠭᠤ ᠤᠴᠠᠷᠠᠯ᠃ ᠳᠤᠮᠳᠠ ᠬᠤᠷᠤᠭᠤᠨ ᠤ᠋ ᠨᠢᠭᠡᠳᠦᠭᠡᠷ ᠦᠶᠡ ᠶ᠋ᠢ ᠲᠦᠷᠭᠡᠨ ᠪᠠᠶᠠᠷ᠂ ᠭᠤᠷᠪᠠᠳᠤᠭᠠᠷ ᠦᠶᠡ ᠶ᠋ᠢ ᠬᠣᠭᠣᠰᠣᠨ ᠮᠥᠬᠥᠯ᠃ ᠢᠲᠡᠮ ᠬᠤᠷᠤᠭᠤᠨ ᠤ᠋ ᠨᠢᠭᠡᠳᠦᠭᠡᠷ ᠦᠶᠡ ᠶ᠋ᠢ ᠤᠯᠠᠭᠠᠨ ᠠᠮᠠ᠂ ᠭᠤᠷᠪᠠᠳᠤᠭᠠᠷ ᠦᠶᠡ ᠶ᠋ᠢ ᠥᠴᠦᠬᠡᠨ ᠪᠠᠶᠠᠷ ᠭᠡᠵᠦ ᠣᠷᠣᠨ ᠲᠣᠭᠲᠠᠭᠠᠳᠠᠭ᠃ ᠤᠷᠢᠳᠠᠪᠡᠷ ᠲᠥᠯᠭᠡ ᠭᠤᠶᠤᠬᠤ ᠬᠥᠮᠦᠨ ᠢ᠋ᠶ᠋ᠡᠷ ᠨᠢᠭᠡᠨ ᠴᠠᠭ ᠬᠡᠯᠡᠭᠦᠯᠦᠭᠡᠳ᠂ ᠲᠡᠷᠡ ᠬᠥᠮᠦᠨ ᠦ᠌ ᠬᠡᠯᠡᠭᠰᠡᠨ ᠰᠠᠷᠠ ᠡᠳᠦᠷ᠂ ᠴᠠᠭ ᠢ᠋ ᠳᠡᠰ ᠳᠠᠷᠠᠭᠠᠯᠠᠨ ᠲᠣᠭᠠᠯᠠᠨᠠ᠃ ᠳᠠᠷᠤᠢ ᠶᠡᠬᠡ ᠠᠮᠤᠷ ᠳᠡᠭᠡᠷᠡ ᠡᠴᠡ ᠴᠠᠭᠠᠨ ᠰᠠᠷᠠ ᠠ᠋ᠴᠠ ᠡᠬᠢᠯᠡᠨ ᠴᠠᠭ ᠤ᠋ᠨ ᠵᠡᠭᠦᠦ ᠶ᠋ᠢᠨ ᠡᠷᠭᠢᠯᠲᠡ ᠶ᠋ᠢᠨ ᠴᠢᠩᠯᠡᠯ ᠳᠠᠭᠠᠤ ᠡᠷᠭᠢᠭᠦᠯᠦᠨ ᠲᠣᠭᠠᠯᠠᠵᠤ᠂ ᠲᠥᠯᠭᠡ ᠦᠵᠡᠬᠦ ᠰᠠᠷᠠ ᠳ᠋ᠤ᠌ ᠬᠦᠷᠦᠭᠡᠳ᠂ ᠵᠠᠯᠭᠠᠭᠠᠳ ᠰᠢᠨᠡ ᠶ᠋ᠢᠨ ᠨᠢᠭᠡᠨ᠂ ᠬᠣᠶᠠᠷ ᠭᠡᠮᠡᠨ ᠲᠥᠯᠭᠡ ᠦᠵᠡᠬᠦ ᠡᠳᠦᠷ ᠬᠦᠷᠲᠡᠯᠡ ᠲᠣᠭᠠᠯᠠᠵᠤ᠂ ᠳᠠᠬᠢᠨ ᠵᠠᠯᠭᠠᠭᠠᠳ ᠬᠤᠯᠤᠭᠠᠨᠠ ᠦᠬᠡᠷ ᠭᠡᠮᠡᠨ ᠲᠣᠭᠠᠯᠠᠵᠤ ᠂ ᠬᠡᠯᠡᠭᠦᠯᠦᠭᠰᠡᠨ ᠲᠥᠯᠭᠡ ᠦᠵᠡᠬᠦ ᠴᠠᠭ ᠲᠤ᠌ ᠬᠦᠷᠦᠭᠡᠳ ᠲᠣᠬᠢᠶᠠᠯᠳᠤᠭᠰᠠᠨ ᠣᠷᠣᠨ ᠢ᠋ᠶ᠋ᠠᠨ ᠦᠵᠡᠮᠦᠢ ᠃ ᠵᠢᠰᠢᠶᠠᠯᠠᠪᠠᠯ ᠂ ᠨᠢᠭᠡᠨ ᠬᠥᠮᠦᠨ 6 ᠰᠠᠷᠠ ᠶ᠋ᠢᠨ ᠨᠠᠢ᠍ᠮᠠᠨ ᠤ᠋ ᠡᠳᠦᠷ ᠮᠣᠷᠢᠨ ᠴᠠᠭ ᠢ᠋ ᠬᠡᠯᠡᠭᠰᠡᠨ ᠪᠣᠯ ᠂ ᠶᠡᠬᠡ ᠠᠮᠤᠷ ᠳᠡᠭᠡᠷᠡ ᠡᠴᠡ ᠡᠬᠢᠯᠡᠨ ᠴᠠᠭᠠᠨ ᠰᠠᠷᠠ (ᠶᠡᠬᠡ ᠠᠮᠤᠷ)᠂ ᠬᠣᠶᠠᠷ ᠰᠠᠷᠠ (ᠮᠠᠭᠤ ᠤᠴᠠᠷᠠᠯ)᠂ ᠭᠤᠷᠪᠠᠨ ᠰᠠᠷᠠ (ᠲᠦᠷᠭᠡᠨ ᠪᠠᠶᠠᠷ ) ᠂ ᠳᠥᠷᠪᠡᠨ ᠰᠠᠷᠠ (ᠤᠯᠠᠭᠠᠨ ᠠᠮᠠ ) ᠂ ᠲᠠᠪᠤᠨ ᠰᠠᠷᠠ( ᠥᠴᠦᠬᠡᠨ ᠪᠠᠶᠠᠷ) ᠵᠢᠷᠭᠤᠭᠠᠨ ᠰᠠᠷᠠ( ᠬᠣᠭᠣᠰᠣᠨ ᠮᠥᠬᠥᠯ ) ᠭᠡᠵᠦ ᠰᠠᠷᠠ ᠶ᠋ᠢ ᠲᠣᠭᠠᠯᠠᠵᠤ ᠪᠠᠷᠠᠪᠠᠯ ᠂ ᠵᠠᠯᠭᠠᠭᠠᠳ ᠰᠢᠨᠡ ᠶ᠋ᠢᠨ ᠨᠢᠭᠡ ( ᠶᠡᠬᠡ ᠠᠮᠤᠷ ) ᠂ ᠰᠢᠨᠡ ᠶ᠋ᠢᠨ ᠬᠣᠶᠠᠷ (ᠮᠠᠭᠤ ᠤᠴᠠᠷᠠᠯ )᠁ ᠰᠢᠨᠡ ᠶ᠋ᠢᠨ ᠨᠠᠢ᠍ᠮᠠᠨ( ᠮᠠᠭᠤ ᠤᠴᠠᠷᠠᠯ ) ᠭᠡᠵᠦ ᠡᠳᠦᠷ ᠢ᠋ ᠲᠣᠭᠠᠯᠠᠵᠤ ᠪᠠᠷᠠᠪᠠᠯ ᠳᠠᠬᠢᠨ ᠵᠠᠯᠭᠠᠭᠠᠳ ᠬᠤᠯᠤᠭᠠᠨᠠ (ᠲᠦᠷᠭᠡᠨ ᠪᠠᠶᠠᠷ) ᠂ ᠦᠬᠡᠷ( ᠤᠯᠠᠭᠠᠨ ᠠᠮᠠ )᠁ ᠭᠡᠬᠦ ᠮᠡᠲᠦ ᠪᠡᠷ ᠦᠷᠭᠦᠯᠵᠢᠯᠡᠨ ᠲᠣᠭᠠᠯᠠᠵᠤ ᠮᠣᠷᠢᠨ ᠴᠠᠭ ᠲᠦᠷᠭᠡᠨ ᠪᠠᠶᠠᠷ ᠣᠷᠣᠨ ᠳᠡᠭᠡᠷᠡ ᠲᠣᠬᠢᠶᠠᠯᠳᠤᠨᠠ᠃ ● ᠶᠡᠬᠡ ᠠᠮᠤᠷ : ᠪᠡᠶᠡ ᠦᠯᠦ ᠬᠥᠳᠡᠯᠬᠦ ᠴᠠᠭ ᠬᠥᠬᠡ ᠯᠤᠤ ᠮᠣᠳᠣᠨ ᠤ᠋ ᠮᠠᠬᠠᠪᠣᠳ ᠂ ᠡᠳ᠋ ᠪᠠ ᠲᠠᠸᠠᠷ ᠡᠷᠢᠪᠡᠯ ᠪᠠᠷᠠᠭᠤᠨ ᠬᠣᠢᠨᠠ ᠵᠣᠬᠢᠰᠲᠠᠢ ᠂ ᠵᠠᠪᠬᠠᠢᠷᠠᠭᠰᠠᠨ ᠶᠠᠭᠤᠮᠠ ᠣᠢᠷᠬᠠᠨ ᠂ ᠭᠡᠷ ᠮᠠᠯ ᠠᠮᠠᠷᠬᠠᠨ ᠂ ᠶᠠᠪᠤᠳᠠᠯᠴᠢᠨ ᠤᠳᠠᠭᠠᠨ ᠂ ᠡᠪᠡᠳᠴᠢᠲᠡᠨᠡ ᠭᠡᠮ ᠦᠭᠡᠢ ᠰᠠᠢᠨ ᠪᠣᠢ ᠃
● ᠮᠠᠭᠤ ᠤᠴᠠᠷᠠᠯ᠄ ᠦᠯᠦ ᠡᠭᠡᠬᠦ ᠴᠠᠭ ᠬᠠᠷᠠ ᠪᠠᠭᠠᠲᠤᠷ ᠂ ᠤᠰᠤᠨ ᠤ᠋ ᠮᠠᠬᠠᠪᠣᠳ ᠂ ᠬᠡᠷᠡᠭ ᠦᠢᠯᠡ ᠰᠠᠭᠠᠷᠮᠠᠭ ᠂ ᠵᠠᠷᠭᠤ ᠤᠯᠳᠠᠭᠤᠷ ᠵᠣᠬᠢᠰᠲᠠᠢ ᠂ ᠶᠠᠪᠤᠳᠠᠯᠴᠢᠨ ᠤᠳᠠᠭᠠᠨ ᠃ ᠠᠯᠳᠠᠭᠤᠯ ᠪᠠᠷᠠᠭᠤᠨ ᠵᠦᠭ ᠡᠴᠡ ᠣᠯᠤᠮᠤᠢ ᠂ ᠬᠤᠷᠳᠤᠪᠴᠢᠯᠠᠨ ᠡᠷᠢᠯᠲᠡᠢ ᠂ ᠬᠡᠯᠡ ᠠᠮᠠ ᠶ᠋ᠢ ᠰᠡᠷᠭᠡᠢᠯᠡ᠂ ᠭᠡᠷ ᠮᠠᠯ ᠡᠶᠡᠯᠰᠡᠭ ᠲᠦᠪᠰᠢᠨ ᠪᠣᠢ᠃
● ᠲᠦᠷᠭᠡᠨ ᠪᠠᠶᠠᠷ : ᠬᠥᠮᠦᠨ ᠳᠠᠷᠤᠢ ᠢᠷᠡᠬᠦ ᠴᠠᠭ ᠂ ᠤᠯᠠᠭᠠᠨ ᠱᠠᠭᠠᠵᠠᠭᠠᠢ ᠭᠠᠯ ᠤ᠋ᠨ ᠮᠠᠬᠠᠪᠣᠳ ᠂ ᠣᠯᠵᠠ ᠪᠠᠷᠠᠭᠤᠨ ᠵᠦᠭ ᠡᠴᠡ ᠡᠷᠢ ᠂ ᠪᠢᠴᠢ ᠬᠣᠨᠢ ᠮᠣᠷᠢ ᠪᠠ ᠶᠡᠬᠡ ᠵᠠᠮ ᠳ᠋ᠤ᠌ ᠡᠷᠢᠭᠲᠦᠨ ᠂ ᠵᠠᠷᠭᠤ ᠣᠯᠬᠤ ᠪᠣᠢ ᠂ ᠡᠪᠡᠳᠴᠢᠨ ᠭᠠᠢ ᠦᠭᠡᠢ ᠂ ᠭᠡᠷ ᠮᠠᠯ ᠳ᠋ᠤ᠌ ᠠᠮᠠᠷᠬᠠᠨ ᠂ ᠶᠠᠪᠤᠳᠠᠯ ᠠᠨᠤ ᠰᠤᠷᠤᠭᠳᠠᠢ ᠰᠠᠢᠨ ᠪᠣᠢ ᠃
● ᠤᠯᠠᠭᠠᠨ ᠠᠮᠠ : ᠵᠠᠷᠭᠤ ᠬᠢᠬᠦ ᠳ᠋ᠦ᠍ ᠬᠠᠷᠰᠢ ᠴᠠᠭ ᠂ ᠴᠠᠭᠠᠨ ᠪᠠᠷᠰ ᠲᠡᠮᠦᠷ ᠦ᠋ᠨ ᠮᠠᠬᠠᠪᠣᠳ ᠂ ᠵᠠᠷᠭᠤ ᠬᠢᠬᠦ ᠶ᠋ᠢ ᠬᠢᠴᠢᠶᠡ ᠂ ᠵᠠᠮ ᠳ᠋ᠤ᠌ ᠶᠡᠬᠡ ᠵᠣᠪᠠᠬᠤ ᠂ ᠰᠢᠮᠳᠠᠨ ᠡᠷᠢᠭᠲᠦᠨ ᠂ ᠶᠠᠪᠤᠳᠠᠯ ᠤᠷᠰᠢᠭᠲᠠᠢ ᠪᠣᠯᠬᠤ ᠂ ᠡᠪᠡᠳᠴᠢᠲᠡᠨ ᠳ᠋ᠦ᠍ ᠭᠠᠢ ᠶᠡᠬᠡ ᠪᠣᠢ᠃
● ᠥᠴᠦᠬᠡᠨ ᠪᠠᠶᠠᠷ ᠄ ᠬᠥᠮᠦᠨ ᠢᠷᠡᠬᠦ ᠪᠠᠶᠠᠰᠬᠤᠯᠠᠩᠲᠤ ᠴᠠᠭ ᠂ ᠵᠢᠷᠭᠤᠭᠠᠨ ᠤᠴᠠᠷᠠᠯ ᠮᠣᠳᠣᠨ ᠤ᠋ ᠮᠠᠬᠠᠪᠣᠳ᠂ ᠪᠠᠶᠠᠷ ᠬᠡᠯᠡᠬᠦ ᠣᠯᠵᠠ ᠬᠣᠨᠢᠨ ᠵᠦᠭ ᠠᠮᠤᠢ ᠂ ᠵᠢᠭᠤᠯᠴᠢᠯᠠᠨ ᠶᠠᠪᠤᠭᠰᠠᠳ ᠦᠳᠳᠥᠷ ᠢᠷᠡᠬᠦ᠂ ᠬᠠᠷᠢᠯᠴᠠᠵᠤ ᠠᠪᠬᠤ ᠪᠠ ᠬᠠᠮᠤᠭ ᠦᠢᠯᠡᠰ ᠲᠦ᠍ ᠰᠠᠢᠨ᠂ ᠡᠪᠡᠳᠴᠢᠲᠡᠨ ᠵᠠᠯᠪᠠᠷᠢᠪᠠᠰᠤ ᠰᠠᠢᠨ ᠪᠣᠢ᠃
● ᠬᠣᠭᠣᠰᠣᠨ ᠮᠥᠬᠥᠯ : ᠰᠤᠷᠤᠭ ᠵᠠᠩᠭᠢ ᠴᠥᠭᠡᠨ ᠴᠠᠭ᠂ ᠢᠯᠡᠭᠦᠦ ᠣᠳᠣᠨ ᠤ᠋ ᠰᠢᠷᠣᠢ ᠶ᠋ᠢᠨ ᠮᠠᠬᠠᠪᠣᠳ᠂ ᠣᠯᠵᠠ ᠠᠮᠢ ᠵᠢᠭᠤᠯᠴᠢᠯᠠᠯ ᠳ᠋ᠤ᠌ ᠲᠤᠰᠠ ᠠᠰᠢᠭ ᠦᠭᠡᠢ᠂ ᠶᠠᠪᠤᠳᠠᠯᠴᠢᠨ ᠵᠣᠪᠠᠬᠤ᠂ ᠠᠰᠢᠭ ᠦᠯᠦ ᠣᠯᠳᠠᠬᠤ᠂ ᠵᠠᠷᠭᠤ ᠶ᠋ᠢᠨ ᠲᠤᠯᠠ ᠵᠣᠪᠠᠯᠠᠩ ᠪᠣᠢ᠂ ᠡᠪᠡᠳᠴᠢᠲᠡᠨ ᠳ᠋ᠦ᠍ ᠠᠳ ᠲᠦᠢᠳᠬᠡᠷ ᠲᠡᠢ᠂ ᠭᠦᠷᠢᠮ ᠵᠠᠰᠠᠯ ᠲᠤᠰᠠᠯᠠᠨᠠᠮ ᠪᠣᠢ᠃
303