ᠨᠤᠲᠤᠭ ᠦ᠋ᠨ ᠲᠣᠯᠢ - ᠴᠣ ᠂ ᠣᠷᠱᠤᠨ Нутгийн толь – Чо ᠂ Оршин
312ᠨᠤᠲᠤᠭ ᠦ᠋ᠨ ᠲᠣᠯᠢ
ᠴᠡᠩᠬᠡᠷ ᠳᠣᠯᠭᠢᠶᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠮᠦᠰᠢᠶᠡᠭᠰᠡᠨ
ᠴᠡᠴᠡᠭ ᠬᠣᠷᠭᠤᠢᠯᠠᠭᠰᠠᠨ ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ
ᠴᠡᠮᠴᠡᠭᠡᠷ ᠭᠣᠶᠣᠬᠠᠨ ᠨᠠᠭᠤᠷ ᠢ᠋
ᠬᠤᠪᠢ ᠢᠷᠦᠭᠡᠯᠲᠡᠢ ᠨᠤᠲᠤᠭ ᠤ᠋ᠨ ᠮᠢᠨᠢ
ᠬᠣᠷᠸᠠ ᠳ᠋ᠤ᠌ ᠮᠥᠩᠬᠡᠯᠡᠭᠰᠡᠨ ᠲᠣᠯᠢ ᠭᠡᠵᠦ
ᠬᠤᠪᠢ ᠪᠠᠷ ᠢ᠋ᠶ᠋ᠠᠨ ᠪᠢ ᠰᠠᠨᠠᠳᠠᠭ ᠶᠤᠮ
ᠬᠣᠩᠭᠣᠷ ᠰᠠᠨᠠᠭᠠᠨ ᠳ᠋ᠠᠭᠠᠨ ᠬᠠᠢᠷᠠᠯᠠᠳᠠᠭ ᠶᠤᠮ᠃
ᠨᠠᠢᠷᠲᠠᠢ ᠬᠣᠩᠭᠣᠷ ᠲᠠᠢ ᠪᠠᠨ ᠵᠤᠭᠠᠴᠠᠵᠤ
ᠨᠠᠢᠭᠤᠭᠠ ᠰᠠᠷᠠᠯ ᠲᠠᠢ ᠪᠠᠨ ᠢᠵᠢᠯᠰᠢᠬᠦ ᠳ᠋ᠦ᠍
ᠨᠠᠭᠤᠷ ᠤ᠋ᠨ ᠤᠰᠤ ᠮᠢᠨᠢ ᠢᠨᠢᠶᠡᠮᠰᠦᠭᠯᠡᠨ
ᠨᠢᠭᠤᠴᠠᠬᠠᠨ ᠰᠡᠳᠬᠢᠯ ᠢ᠋ ᠰᠡᠬᠦᠬᠦ ᠳ᠋ᠡᠭᠡᠨ
ᠬᠠᠵᠠᠭᠠᠷ ᠲᠠᠢ ᠮᠣᠷᠢᠳ ᠤ᠋ᠨ ᠳᠠᠰᠤᠯᠴᠠᠵᠤ
ᠬᠠᠷᠢᠯᠴᠠᠨ ᠱᠦᠷᠭᠦᠭᠡᠨ ᠵᠣᠭᠰᠣᠯᠴᠠᠭᠰᠠᠨ ᠢ᠋
ᠬᠠᠢᠷᠠᠲᠠᠢ ᠪᠢᠳᠡᠨ ᠦ᠌ ᠳᠣᠲᠣᠨᠣᠬᠠᠨ
ᠬᠠᠶᠠ ᠪᠠᠢᠭᠠᠳ ᠬᠠᠷᠠᠯᠴᠠᠭᠰᠠᠨ ᠢ᠋
ᠲᠣᠯᠢ ᠳ᠋ᠤ᠌ ᠵᠡᠷᠭᠡᠴᠡᠭᠡᠳ ᠦᠵᠡᠬᠦ ᠰᠢᠭ
ᠲᠣᠳᠣᠬᠠᠨ ᠰᠠᠢᠬᠠᠨ ᠵᠢᠷᠤᠭᠯᠠᠨᠠ᠂
ᠲᠣᠩᠭᠣᠷᠤᠤ ᠲᠤᠰᠤᠭᠰᠠᠨ ᠳᠦᠷᠢ ᠮᠢᠨᠢ
ᠲᠤᠨᠤᠷᠠᠬᠤ ᠤᠰᠤᠨ ᠳ᠋ᠤ᠌ ᠦᠯᠡᠳᠡᠨᠡ᠃
ᠨᠤᠲᠤᠭ ᠤ᠋ᠨ ᠨᠠᠭᠤᠷ ᠰᠠᠢᠬᠠᠨ ᠠ᠋
ᠨᠣᠮᠣᠢ ᠪᠢᠳᠡᠨ ᠢ᠋ ᠬᠥᠭᠵᠢᠭᠡᠯᠡ᠂
ᠨᠤᠲᠤᠭ ᠤ᠋ᠨ ᠨᠠᠭᠤᠷ᠂ ᠲᠣᠯᠢ ᠠ᠋
ᠨᠣᠷᠤᠭᠰᠠᠨ ᠬᠠᠢᠷᠠ ᠶ᠋ᠢ ᠰᠡᠭᠦᠳᠡᠷᠯᠡᠯᠡ᠃
ᠲᠣᠭᠣᠵᠤ ᠬᠠᠨᠢᠯᠠᠭᠰᠠᠨ ᠨᠥᠬᠥᠷ ᠮᠢᠨᠢ
ᠳᠣᠨᠣᠯᠵᠠᠬᠤ ᠲᠣᠯᠢ ᠪᠠᠨ ᠰᠢᠷᠲᠡᠨᠡᠮ᠂
ᠲᠤᠨᠤᠷᠠᠬᠤ ᠨᠠᠭᠤᠷ ᠤ᠋ᠨ ᠢ᠋ᠶ᠋ᠠᠨ ᠬᠥᠪᠡᠭᠡᠨ ᠳ᠋ᠦ᠍
ᠲᠣᠭᠠ ᠲᠠᠢ ᠦᠭᠡ ᠪᠡᠨ ᠶᠠᠷᠢᠨᠠᠮ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 23