ᠮᠣᠩᠭᠣᠯ ᠭᠡᠷМонгол гэр
580ᠮᠣᠩᠭᠣᠯ ᠭᠡᠷ
ᠡᠳᠦᠷ ᠦᠨ ᠰᠠᠶ᠋ᠢᠨ ᠢ ᠰᠢᠨᠵᠢᠨ ᠪᠠᠶ᠋ᠢᠵᠤ ᠂
ᠥᠨᠥᠳᠥᠷ ᠮᠠᠨ ᠤ ᠬᠢ ᠨᠡᠭᠦᠬᠦ ᠪᠣᠯᠤᠯᠠ ᠂
ᠥᠷᠯᠥᠭᠡ ᠡᠷᠲᠡ ᠨᠠᠷᠠᠨ ᠢᠶ᠋ᠠᠷ ᠠᠴᠢᠶᠠᠯᠠᠵᠤ ᠂
ᠥᠨᠳᠥᠷ ᠳᠡᠨᠵᠢ ᠳ᠋ᠦ᠍ ᠨᠡᠭᠦᠵᠦ ᠢᠷᠡᠯᠡ ᠂
ᠪᠠᠭᠤᠬᠤ ᠭᠠᠵᠠᠷ ᠢᠶ᠋ᠡᠨ ᠤᠷᠢᠳᠠᠪᠡᠷ ᠲᠣᠪᠣᠯᠠᠭᠠᠳ ᠂
ᠪᠠᠭᠤᠷᠢ ᠪᠠᠨ ᠵᠠᠰᠠᠵᠤ ᠪᠡᠯᠡᠳᠦᠭᠰᠡᠨ ᠪᠠᠶ᠋ᠢᠯᠠ ᠂
ᠠᠪᠤ ᠮᠢᠨᠢ ᠬᠠᠨᠠ ᠪᠠᠨ ᠨᠠᠷᠠ ᠵᠥᠪ ᠳᠤᠭᠤᠶ᠋ᠢᠯᠠᠬᠤ ᠳ᠋ᠤ᠌ ᠂
ᠠᠮᠠ ᠶ᠋ᠢ ᠨᠢ ᠠᠬᠠ ᠨᠢᠮᠪᠠᠶ᠋ᠢᠯᠠᠨ ᠪᠣᠭᠣᠯᠠ ᠂
ᠲᠣᠭᠣᠨᠣᠨ ᠳ᠋ᠠᠭᠠᠨ ᠪᠠᠭᠠᠨᠠ ᠪᠠᠨ ᠪᠡᠬᠢᠯᠡᠵᠦ ᠤᠶᠠᠭᠠᠳ
ᠲᠣᠮᠣ ᠠᠬᠠ ᠠᠯᠳᠠᠯᠠᠨ ᠪᠠᠷᠢᠬᠤ ᠳ᠋ᠤ᠌
ᠲᠣᠭᠣᠨᠣᠨ ᠤ ᠨᠦᠬᠡᠨ ᠳ᠋ᠦ᠍ ᠤᠨᠢ ᠪᠠᠨ ᠬᠠᠳᠬᠤᠭᠠᠳ
ᠲᠣᠭᠲᠠᠭᠠᠵᠤ ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠳ᠋ᠤ᠌ ᠡᠯᠭᠦᠯᠡ ᠂
ᠨᠠᠷᠠᠨ ᠮᠠᠨᠳᠤᠬᠤ ᠡᠮᠦᠨᠡ ᠶ᠋ᠢ ᠴᠢᠭᠯᠡᠭᠦᠯᠦᠨ
ᠨᠠᠷᠠᠰᠤᠨ ᠬᠠᠭᠠᠯᠭᠠ ᠪᠠᠨ ᠭᠣᠣᠯᠯᠠᠭᠤᠯᠵᠤ ᠲᠠᠯᠪᠢᠯᠠ ᠂
ᠳᠣᠲᠣᠭᠤᠷ ᠪᠦᠰᠡᠯᠡᠭᠦᠷ ᠢᠶ᠋ᠡᠨ ᠵᠢᠪᠬᠢᠲᠡᠯᠡ ᠲᠠᠲᠠᠬᠤ ᠳ᠋ᠤ᠌
ᠲᠦᠩᠬᠦᠢᠬᠦ ᠠᠭᠤᠯᠠᠰ ᠰᠢᠭ᠋ ᠬᠦᠷᠢᠶᠡᠯᠡᠭᠡᠳ ᠢᠷᠡᠯᠡ ᠂
ᠢᠰᠡᠭᠡᠢ ᠲᠤᠭᠤᠷᠭᠠ ᠳᠡᠭᠡᠪᠦᠷ ᠢᠶ᠋ᠡᠨ ᠨᠥᠮᠥᠷᠭᠡᠨ ᠂
ᠡᠪ ᠦᠨ ᠭᠤᠷᠪᠠᠨ ᠬᠣᠰᠢᠯᠠᠩ ᠢᠶ᠋ᠠᠨ ᠲᠠᠲᠠᠯᠠ ᠂
ᠠᠯᠲᠠᠨ ᠨᠠᠷᠠᠨ ᠤ ᠰᠠᠴᠤᠷᠠᠭ ᠢᠶ᠋ᠠᠷ ᠭᠡᠶ᠋ᠢᠭᠦᠯᠬᠦ
ᠠᠯᠠᠭ ᠳᠡᠯᠡᠬᠡᠢ ᠶ᠋ᠢᠨ ᠬᠡᠯᠪᠡᠷᠢ ᠲᠡᠢ ᠪᠣᠯᠤᠯᠠ ᠂
ᠡᠷᠦᠬᠡ ᠪᠡ ᠳᠡᠭᠡᠷᠡ ᠨᠢ ᠭᠤᠷᠪᠠᠯᠵᠢᠯᠠᠨ ᠲᠠᠯᠪᠢᠬᠤ ᠳ᠋ᠤ᠌ ᠂
ᠥᠷᠭᠥᠭᠡ ᠴᠠᠭᠠᠨ ᠭᠡᠷ ᠮᠢᠨᠢ ᠪᠥᠮᠪᠥᠢᠯᠡ ᠂
ᠡᠵᠢ ᠮᠢᠨᠢ ᠭᠠᠯ ᠢᠶ᠋ᠠᠨ ᠲᠦᠯᠡᠵᠦ ᠴᠠᠢ ᠪᠠᠨ ᠴᠢᠨᠠᠭᠠᠳ
ᠡᠬᠡ ᠳᠡᠯᠡᠬᠡᠢ ᠳ᠋ᠡᠭᠡᠨ ᠳᠡᠭᠡᠵᠢ ᠪᠡᠨ ᠡᠷᠭᠦᠯᠡ ᠂
ᠬᠥᠮᠦᠨ ᠪᠦᠷᠢ ᠭᠡᠷ ᠢᠶ᠋ᠡᠨ ᠪᠠᠷᠢᠬᠤ ᠳ᠋ᠤ᠌
ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠣᠭᠤᠯᠳᠠᠭ ᠶᠤᠮ ᠪᠠᠶ᠋ᠢᠨᠠ ᠂
ᠮᠣᠩᠭᠣᠯ ᠭᠡᠷ ᠪᠠᠷᠢᠬᠤ ᠳᠠᠷᠠᠭᠠᠯᠠᠯ
ᠮᠠᠰᠢ ᠨᠠᠷᠢᠨ ᠤᠴᠢᠷ ᠲᠠᠢ ᠶᠤᠮ ᠪᠠᠶ᠋ᠢᠨᠠ ᠃
ᠦᠰᠦᠭ ᠬᠠᠳᠠᠭᠴᠢ᠄ ᠮᠤᠳᠤᠲᠤ ᠬᠠᠪᠤᠷᠵᠢᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠦᠷᠢᠨᠡ
ᠦᠰᠦᠭ ᠴᠣᠬᠢᠭᠴᠢ᠄ ᠰ᠂ ᠳᠣᠷᠣᠨᠠ