ᠪᠣᠯᠵᠣᠭᠠ - ᠴᠣ ᠂ ᠣᠷᠱᠤᠨ Болзоо – Чо ᠂ Оршин
280ᠪᠣᠯᠵᠣᠭᠠ
1
ᠪᠣᠯᠵᠣᠭᠠ ᠬᠡᠯᠡᠯᠴᠡᠵᠦ ᠤᠴᠠᠷᠠᠭᠰᠠᠨ ᠴᠠᠭ
ᠬᠡᠵᠢᠶᠡ ᠪᠣᠯᠪᠠᠴᠤ ᠲᠣᠯᠢ
ᠬᠡᠮᠨᠡᠵᠦ ᠪᠣᠯᠣᠰᠢ ᠦᠭᠡᠢ ᠰᠡᠳᠬᠢᠯ
ᠬᠡᠳᠦᠢ ᠳ᠋ᠦ᠍ ᠪᠣᠯᠪᠠᠴᠤ ᠭᠠᠯ᠂
ᠨᠣᠬᠠᠢ ᠤᠨᠲᠠᠬᠤ ᠴᠢᠯᠥᠭᠡᠨ ᠳ᠋ᠦ᠍
ᠢᠰᠬᠡᠷᠬᠦ ᠴᠢᠮᠡᠭᠡ ᠳᠣᠬᠢᠶᠠ
ᠨᠣᠢᠷ ᠤ᠋ᠨ ᠲᠤᠭ ᠡᠷᠡᠨ ᠳ᠋ᠦ᠍
ᠡᠮᠨᠢᠭ ᠵᠢᠷᠦᠬᠡ ᠲᠠᠯᠠ᠃
2
ᠤᠷᠭᠠ ᠳᠤᠷᠠᠯᠠᠭᠰᠠᠨ ᠨᠢᠭᠡᠨ ᠳ᠋ᠡᠭᠡᠨ ᠬᠠᠶᠠᠳᠠᠭ
ᠳᠣᠲᠣᠷ ᠪᠣᠳᠣᠯ ᠤ᠋ᠨ ᠤᠷᠭᠠ
ᠲᠣᠢᠯᠠᠬᠤ ᠳ᠋ᠤ᠌ ᠴᠦᠯᠢᠳᠡᠵᠦ ᠮᠡᠭᠳᠡᠷᠡᠭᠡᠳ
ᠡᠭᠦᠷᠲᠦᠬᠦ ᠶᠠᠪᠤᠳᠠᠯ ᠴᠤ᠌ ᠭᠠᠷᠳᠠᠭ
ᠣᠷᠣᠭᠠ ᠵᠢᠭᠤᠲᠠᠮᠠᠬᠠᠢ ᠨᠢ ᠬᠡᠴᠡᠭᠦᠦ ᠴᠤ᠌
ᠤᠷᠭᠠ ᠪᠠᠨ ᠨᠢᠭᠡ ᠰᠤᠩᠭᠠᠳᠠᠭ
ᠣᠯᠵᠤ ᠠᠪᠤᠭᠰᠠᠨ ᠲᠡᠭᠦᠨ ᠢ᠋ᠶ᠋ᠡᠨ
ᠣᠷᠬᠣᠳᠠᠢ ᠠᠳᠠᠯᠢ ᠰᠠᠨᠠᠳᠠᠭ᠃
3
ᠣᠳᠣ ᠲᠦᠨᠡᠷ ᠰᠥᠨᠢ ᠭᠢᠯᠠᠯᠵᠠᠳᠠᠭ
ᠲᠦᠮᠡ ᠮᠢᠩᠭᠠᠨ ᠣᠳᠣ ᠲᠠᠢ ᠴᠤ᠌
ᠬᠠᠨᠠᠲᠤ ᠭᠡᠷ ᠲᠤ ᠬᠡᠷᠡᠯᠳᠦᠳᠡᠭ
ᠬᠠᠷᠢᠨ ᠨᠢᠭᠡ ᠯᠡ ᠣᠳᠣ᠂
ᠭᠡᠷ ᠠᠩᠭᠠᠯ ᠤ᠋ᠨ ᠦᠢᠯᠡᠰ ᠲᠤ
ᠭᠡᠷᠭᠡᠢ ᠮᠢᠨᠢ ᠬᠡᠵᠢᠶᠡᠳᠡ ᠴᠢᠮᠡᠭ
ᠭᠡᠨᠡ ᠦᠭᠡᠢ ᠰᠠᠢᠬᠠᠨ ᠤ᠋ ᠲᠤᠯᠠ
ᠭᠡᠢᠭᠦᠯᠵᠦ ᠪᠠᠢᠭᠠ ᠣᠳᠣ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 22