ᠬᠠᠯᠬᠠ ᠶ᠋ᠢᠨ ᠰᠠᠢᠬᠠᠨ ᠡᠷᠡ ᠳ᠋ᠦ᠍Халхын сайхан эрт
294ᠬᠠᠯᠬᠠ ᠶ᠋ᠢᠨ ᠰᠠᠢᠬᠠᠨ ᠡᠷᠡ ᠳ᠋ᠦ᠍
ᠬᠠᠯᠬᠠ ᠶ᠋ᠢᠨ ᠰᠠᠢᠬᠠᠨ ᠡᠷᠡ ᠡᠴᠡ
ᠬᠠᠷᠠᠬᠤ ᠳ᠋ᠤ᠌ ᠨᠠᠷᠠ ᠦᠨᠦᠷᠲᠦᠨᠡ
ᠬᠠᠨᠢ ᠪᠠᠷᠠ ᠲᠠᠲᠠᠭᠠᠳ
ᠬᠠᠢᠷᠠᠯᠠᠬᠤ ᠳ᠋ᠤ᠌ ᠨᠦᠮᠵᠦᠭ ᠬᠠᠩᠬᠤᠯᠤᠨᠠ
ᠳᠡᠪᠡᠯ ᠢ᠋ᠶ᠋ᠡᠨ ᠶᠠᠯᠢᠮ ᠦᠭᠡᠢ ᠬᠥᠭᠡᠷᠭᠡᠵᠦ ᠰᠢᠷᠠ ᠳᠤᠷᠳᠤᠩ ᠪᠦᠰᠡ ᠨᠠᠮᠢᠷᠠᠭᠤᠯᠤᠨᠠ
ᠳᠡᠷᠪᠡᠵᠦ ᠵᠢᠭᠠᠬᠠᠨ ᠬᠠᠯᠠᠮᠰᠠᠭᠠᠳ ᠲᠡᠩᠵᠡᠨ ᠲᠠᠰᠢᠭᠤᠷ ᠲᠤᠯᠵᠤ ᠬᠠᠩᠬᠠᠯᠵᠠᠨᠠ
ᠳ᠋ᠧᠩ ᠦ᠋ᠨ ᠭᠡᠷᠡᠯ ᠳ᠋ᠦ᠍ ᠨᠠᠮᠠ ᠶ᠋ᠢ ᠰᠢᠷᠳᠡᠵᠦ ᠪᠠᠰᠠ ᠦᠶᠡ ᠦᠶᠡᠬᠡᠨ ᠪᠢᠰᠢᠭᠦᠷᠬᠡᠨᠡ
ᠳᠡᠩᠳᠡᠭᠦᠦ ᠰᠠᠢᠬᠠᠨ ᠬᠠᠷᠠᠭᠳᠠᠳᠠᠭ ᠯᠠ ᠬᠠᠷᠠᠴᠠᠨ ᠠ᠋ᠴᠠ ᠮᠢᠨᠢ ᠦᠯᠦ ᠣᠯᠵᠤ ᠬᠠᠷᠠᠨᠠ
ᠬᠠᠮᠢᠭᠠ ᠬᠣᠯᠠ ᠶ᠋ᠢᠨ ᠨᠠᠭᠠᠳᠤᠮ ᠳ᠋ᠤ᠌ ᠬᠦᠯᠦᠭ ᠬᠥᠲᠥᠯᠵᠦ ᠵᠣᠳᠣᠭ ᠪᠦᠰᠡᠯᠡᠨ ᠣᠳᠤᠨᠠ
ᠬᠠᠷᠢᠵᠤ ᠢᠷᠡᠬᠦ ᠳ᠋ᠡᠭᠡᠨ ᠪᠤᠯᠤᠩ ᠨᠢ ᠮᠥᠯᠢᠢᠭᠰᠡᠨ ᠬᠡᠳᠦᠨ ᠰᠢᠬᠢᠷ ᠯᠡ ᠠᠪᠴᠢᠷᠠᠨᠠ
ᠬᠠᠩᠭᠠᠯ ᠡᠷᠡᠮᠡᠬᠡᠢ ᠠᠵᠢᠨᠠᠢ ᠳ᠋ᠤ᠌ ᠦᠨᠡ ᠬᠠᠢᠷᠠᠯᠠᠳᠠᠭ ᠦᠭᠡᠢ ᠠᠲᠠᠯᠠ ᠪᠠᠨ
ᠬᠠᠨᠵᠠᠷᠬᠠᠢ ᠰᠢᠯᠪᠢ ᠲᠡᠢ ᠳᠡᠪᠡᠯ ᠢ᠋ᠶ᠋ᠡᠨ ᠴᠣ ᠭᠣᠶᠣᠯᠠᠯ ᠳ᠋ᠤ᠌ ᠡᠮᠦᠰᠬᠦ ᠪᠡᠨ ᠲᠣᠭᠣᠳᠠᠭ ᠦᠭᠡᠢ
ᠠᠷᠪᠠᠨ ᠠᠯᠲᠠ ᠬᠠᠷᠠ ᠴᠠᠯᠮᠠ ᠶ᠋ᠢ ᠲᠣᠯᠣᠭᠠᠢ ᠠᠯᠳᠠᠬᠤ ᠦᠭᠡᠢ ᠬᠠᠶᠠᠨᠠ
ᠠᠯᠲᠠᠨ ᠪᠣᠭᠳᠠ ᠶ᠋ᠢᠨ ᠰᠢᠯᠢ ᠶ᠋ᠢ ᠨᠢ ᠨᠤᠭᠤᠯᠤᠭᠠ ᠠᠯᠳᠠᠬᠤ ᠦᠭᠡᠢ ᠢᠰᠬᠡᠷᠦᠨᠡ
ᠠᠪᠠ ᠭᠥᠷᠥᠭᠡᠯᠡᠬᠦ ᠳ᠋ᠡᠭᠡᠨ ᠬᠠᠷᠠᠭᠠ ᠠᠯᠳᠠᠬᠤ ᠦᠭᠡᠢ ᠣᠨᠢᠯᠠᠨᠠ
ᠠᠯᠲᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠬᠣᠪᠣᠷᠬᠠᠨ ᠲᠥᠷᠥᠭᠰᠡᠨ ᠲᠡᠭᠦᠨ ᠦ᠌
ᠭᠤᠨᠢᠭ ᠦᠭᠡᠢ ᠬᠠᠷᠠ ᠨᠢᠳᠦᠨ ᠳ᠋ᠦ᠍ᠨᠢ ᠨᠢᠯᠪᠤᠰᠤ ᠰᠢᠭᠦᠳᠡᠷᠢᠯᠡᠬᠦ ᠶ᠋ᠢ ᠬᠠᠷᠠᠮᠠᠷ
ᠭᠤᠴᠢ ᠭᠠᠷᠤᠢᠬᠠᠨ ᠨᠠᠰᠤᠨ ᠳ᠋ᠤᠨᠢ ᠭᠡᠷᠭᠡᠢ ᠪᠣᠯᠵᠤ ᠣᠴᠢᠮᠠᠷ
ᠭᠤᠷᠪᠠᠨ ᠵᠢᠯ ᠦ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠭᠤᠯᠵᠤ ᠠᠷᠤ ᠠ᠋ᠴᠠ ᠨᠢ ᠵᠠᠬᠢᠳᠠᠯ ᠪᠢᠴᠢᠮᠡᠷ
ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠴᠠᠰᠤ ᠪᠠᠷ ᠬᠠᠮᠲᠤ ᠳ᠋ᠠᠭᠠᠨ ᠨᠢᠭᠡ ᠲᠥᠭᠡᠷᠢᠮᠡᠷ
ᠬᠠᠯᠬᠠ ᠶ᠋ᠢᠨ ᠰᠠᠢᠬᠠᠨ ᠡᠷᠡ ᠡᠴᠡ ᠬᠠᠷᠠᠬᠤ ᠳ᠋ᠤ᠌ ᠨᠠᠷᠠ ᠦᠨᠦᠷᠲᠦᠨᠡ
ᠬᠠᠨᠢ ᠪᠠᠷᠠ ᠲᠠᠲᠠᠭᠠᠳ
ᠬᠠᠢᠷᠠᠯᠠᠬᠤ ᠳ᠋ᠤ᠌ ᠨᠦᠮᠵᠦᠭ ᠬᠠᠩᠬᠤᠯᠤᠨᠠ᠃
ᠦᠰᠦᠭ ᠬᠠᠳᠠᠭᠴᠢ᠄ ᠮᠣᠳᠣᠲᠤ ᠬᠠᠪᠤᠷᠵᠢᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰ᠂ ᠳᠣᠷᠣᠨᠠ