ᠬᠠᠪᠤᠷ ᠤ᠋ᠨ ᠤᠶᠠᠩᠭᠠ-ᠲᠣᠭᠲᠠᠬᠤХаврын уянга-Тогтох
487ᠬᠠᠪᠤᠷ ᠤ᠋ᠨ ᠤᠶᠠᠩᠭᠠ
ᠲᠣᠭᠲᠠᠬᠤ
ᠥᠨᠳᠥᠷ ᠠᠭᠤᠯᠠ ᠥᠷᠭᠡᠨ ᠲᠠᠯᠠ ᠡᠭᠦᠯᠡ ᠮᠠᠨᠠᠨ ᠲᠠᠢ ᠦᠷᠭᠦᠯᠵᠢᠯᠡᠨ
ᠥᠷᠯᠥᠭᠡ ᠶ᠋ᠢᠨ ᠳᠤᠯᠠᠭᠠᠨ ᠨᠠᠷᠠᠨ ᠤᠨᠢᠶᠠᠷ ᠤ᠋ᠨ ᠳᠤᠮᠳᠠ ᠡᠴᠡ ᠲᠤᠶᠠᠭᠠᠷᠠᠨᠠ
ᠥᠷᠯᠥᠭ ᠮᠠᠯᠴᠢᠳ ᠡᠷᠲᠡᠯᠡᠨ ᠪᠣᠰᠴᠤ ᠡᠳᠦᠷ ᠦ᠋ᠨ ᠠᠵᠢᠯ ᠳ᠋ᠠᠭᠠᠨ ᠶᠠᠭᠠᠷᠠᠵᠤ
ᠥᠨᠢᠷ ᠪᠠᠶᠠᠨ ᠠᠷᠤ ᠬᠥᠨᠳᠡᠯᠡᠨ ᠨᠤᠲᠤᠭ ᠨᠠᠢᠷᠠᠭ ᠰᠢᠯᠦᠭ ᠢ᠋ᠶ᠋ᠡᠷ ᠤᠶᠠᠩᠭᠠᠷᠠᠨᠠ
ᠥᠷᠥᠴᠡ ᠲᠡᠨᠢᠭᠡᠷ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠠᠭᠲᠠ ᠶ᠋ᠢᠨ ᠤᠶᠠᠭᠠ ᠰᠢᠨᠵᠢᠵᠦ
ᠦᠵᠡᠰᠬᠦᠯᠡᠩ ᠭᠤᠸᠠ ᠪᠦᠰᠡᠭᠦᠢᠴᠦᠳ ᠦᠨᠢᠶᠡᠨ ᠵᠡᠯᠡ ᠳᠡᠭᠡᠷᠡ ᠪᠡᠶᠡᠰᠦᠨᠡ
ᠦᠳᠡᠯᠦᠭᠡ ᠪᠤᠭᠤᠷᠤᠯᠴᠤᠳ ᠵᠣᠭᠣᠭ ᠳᠡᠯᠭᠡᠨ ᠥᠩᠭᠡᠷᠡᠭᠰᠡᠨ ᠲᠡᠦᠬᠡ ᠬᠠᠭᠤᠴᠢᠯᠠᠵᠤ
ᠥᠰᠪᠥᠷᠢ ᠪᠠᠭᠠᠴᠤᠳ ᠪᠣᠭᠴᠣ ᠡᠭᠦᠷᠦᠨ ᠡᠷᠳᠡᠮ ᠦ᠋ᠨ ᠣᠷᠭᠢᠯ ᠢ᠋ ᠵᠣᠷᠢᠨᠠᠮ
ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠤᠷᠠᠨ ᠪᠠᠢᠭᠠᠯᠢ ᠵᠤᠨ ᠢ᠋ᠶ᠋ᠠᠨ ᠤᠭᠲᠤᠨ ᠪᠠᠷᠠᠯᠠᠬᠤᠶᠠ
ᠥᠩᠭᠡ ᠶ᠋ᠢᠨ ᠰᠠᠢᠬᠠᠨ ᠢᠷᠭᠤᠢ ᠠᠭᠤᠯᠠ ᠶ᠋ᠢᠨ ᠬᠠᠵᠠᠭᠤ ᠶ᠋ᠢ ᠪᠦᠷᠬᠦᠵᠦᠬᠦᠢ
ᠥᠨᠳᠡᠭᠡ ᠪᠡᠨ ᠳᠠᠷᠤᠭᠰᠠᠨ ᠲᠣᠭᠣᠷᠤᠤ ᠬᠣᠯᠠ ᠶ᠋ᠢᠨ ᠪᠠᠷᠠ ᠶ᠋ᠢ ᠠᠵᠢᠭᠯᠠᠵᠤ
ᠥᠨᠳᠥᠷ ᠬᠣᠰᠢᠭᠤᠲᠤ ᠤᠰᠤᠨ ᠬᠣᠷᠣᠯᠠᠢ ᠲᠠᠯᠠ ᠶ᠋ᠢᠨ ᠳᠡᠨᠵᠢᠨ ᠳ᠋ᠦ᠍ ᠡᠭᠦᠷᠯᠡᠨᠡᠮ
ᠥᠯᠵᠡᠢᠲᠦ ᠴᠠᠭᠠᠨ ᠢᠰᠡᠭᠡᠢ ᠭᠡᠷ ᠥᠷᠲᠡᠭᠡᠨ ᠦ᠌ ᠲᠣᠬᠣᠨᠢᠭᠤᠨ ᠪᠠᠭᠤᠴᠠ
ᠥᠨᠳᠥᠷᠯᠢᠭ ᠦ᠋ᠨ ᠨᠣᠭᠣᠭᠠᠨ ᠪᠡᠯᠴᠢᠭᠡᠷ ᠡᠪᠦᠭᠡᠳ ᠦ᠋ᠨ ᠦᠶᠡ ᠶ᠋ᠢᠨ ᠪᠤᠶᠠᠨ
ᠦᠨᠡᠨ ᠦ᠌ ᠲᠥᠯᠥᠭᠡ ᠵᠢᠳᠬᠦᠭᠰᠡᠨ ᠦᠬᠡᠷ ᠲᠡᠷᠭᠡ ᠲᠡᠢ ᠨᠡᠭᠦᠳᠡᠯ
ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠭᠰᠠᠨ ᠡᠭᠦᠷᠢᠳᠡ ᠶ᠋ᠢᠨ ᠰᠠᠢᠬᠠᠨ ᠨᠤᠲᠤᠭ ᠠ᠋
2024.4.27
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠳᠬᠠᠨᠰᠣᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ