ᠴᠢᠮᠠ ᠳᠠᠭᠠᠨ - ᠴᠣ ᠂ ᠣᠷᠱᠤᠨ Чамдаа – Чо ᠂ Оршин
273ᠴᠢᠮᠠ ᠳᠠᠭᠠᠨ
ᠠᠳᠤᠭᠤᠨ ᠤ᠋ ᠢᠨᠴᠠᠭᠠᠬᠤ᠂ ᠡᠷᠡ ᠶ᠋ᠢᠨ ᠢᠰᠬᠡᠷᠦᠯᠲᠡ
ᠠᠨᠢᠷ ᠦᠭᠡᠢ ᠲᠠᠯᠠ ᠶ᠋ᠢᠨ ᠵᠡᠭᠦᠳᠦ ᠡᠪᠳᠡᠨᠡ᠂
ᠠᠢᠯ ᠤ᠋ᠨ ᠬᠡᠦᠬᠡᠨ ᠦ᠌ ᠣᠩᠭᠣᠨ ᠪᠣᠳᠣᠯ ᠢ᠋
ᠠᠳᠠᠲᠠᠢ ᠨᠣᠢᠷ ᠤ᠋ᠨ ᠬᠤᠯᠠᠭᠠᠢᠴᠢ ᠲᠤᠨᠤᠨᠠ᠃
ᠬᠦᠷᠦᠭᠡᠳ ᠯᠡ ᠢᠷᠡᠳᠡᠭ ᠪᠣᠯ ᠤᠤ᠂ ᠵᠣᠪᠠᠨᠠ
ᠬᠥᠮᠦᠨ ᠲᠡᠭᠡᠬᠦ ᠳ᠋ᠦ᠍ ᠰᠡᠷᠢᠪᠡᠯ ᠶᠠᠭᠠᠬᠢᠨᠠ᠂
ᠬᠦᠰᠡᠯ ᠴᠡᠪᠡᠷ᠂ ᠰᠡᠳᠬᠢᠯ ᠠᠷᠢᠭᠤᠨ
ᠬᠥᠨᠳᠡᠭᠦᠷᠯᠡᠬᠦ ᠬᠠᠢᠷᠠ ᠶ᠋ᠢᠨ ᠪᠣᠯᠵᠣᠭᠠ ᠶ᠋ᠢ ᠬᠡᠷᠬᠢᠨᠡᠮ?
ᠲᠦᠳᠡᠬᠡᠨ ᠵᠠᠭᠤᠷᠠ ᠳᠥᠷᠥᠭᠡ ᠳᠤᠤᠭᠠᠷᠪᠠ
ᠲᠡᠷᠭᠡᠨ ᠦ᠌ ᠳᠡᠷᠭᠡᠳᠡ ᠮᠣᠷᠢ ᠰᠢᠯᠭᠡᠭᠡᠪᠡ᠂
ᠲᠡᠩᠴᠡᠭᠦᠷᠢ ᠠᠯᠳᠠᠬᠤ ᠬᠣᠷᠣᠮ ᠤ᠋ᠨ ᠵᠠᠢ ᠳ᠋ᠤ᠌
ᠲᠡᠷᠭᠡᠯ ᠰᠠᠷᠠ ᠱᠣᠬᠣᠭᠣᠷᠬᠠᠨ ᠠᠵᠢᠪᠠ᠃
ᠬᠠᠢᠷᠠ ᠶ᠋ᠢᠨ ᠭᠠᠯ ᠳᠡᠷᠡ ᠳᠡᠭᠡᠷᠡ ᠴᠣᠭᠰᠢᠵᠤ
ᠬᠠᠢᠷᠠᠯᠠᠬᠤ ᠶ᠋ᠢᠨ ᠲᠠᠪᠢᠯᠠᠩ ᠵᠢᠷᠦᠬᠡᠨ ᠳ᠋ᠦ᠍ ᠲᠤᠶᠠᠭᠠᠷᠠᠵᠤ
ᠤᠬᠠᠭᠠᠨ ᠦᠭᠡᠢ ᠳᠤᠷᠠᠯᠠᠯ ᠤ᠋ᠨ ᠰᠣᠴᠢᠮᠠᠭ ᠬᠣᠷᠸᠠ ᠳ᠋ᠤ᠌
ᠤᠤᠭᠠᠨ ᠢᠨᠠᠭ ᠡᠭᠡᠨᠡᠭᠰᠢᠨ ᠲᠡᠰᠦᠨᠡ᠃
ᠴᠢᠮᠠ ᠳ᠋ᠠᠭᠠᠨ ᠭᠡᠬᠦ ᠠᠮᠠᠷᠠᠭ ᠰᠡᠳᠬᠢᠯ
ᠴᠢᠮᠠᠶ᠋ᠢ ᠯᠠ ᠭᠡᠳᠡᠭ ᠬᠣᠩᠭᠣᠷ ᠵᠢᠷᠦᠬᠡ
ᠬᠠᠨᠢ ᠶ᠋ᠢᠨ ᠵᠠᠶᠠᠭᠠᠲᠠᠢ ᠵᠢᠷᠭᠠᠨ ᠰᠠᠭᠤᠬᠤ
ᠬᠠᠢᠷᠠ ᠪᠦᠲᠦᠨ ᠠᠮᠢᠳᠤᠷᠠᠯ ᠮᠦᠰᠢᠶᠡᠨᠡ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 21