ᠵᠢᠭᠠᠰᠤᠨ ᠢᠳᠡᠷᠡЗагасан идрээ
265
ᠵᠢᠭᠠᠰᠤᠨ ᠢᠳᠡᠷᠡ
ᠮᠡᠯᠡᠬᠡᠢ ᠵᠠᠮᠠᠭ ᠤ᠋ᠨ ᠢᠵᠠᠭᠤᠷ
ᠴᠡᠩᠭᠡᠭ ᠤᠰᠤᠨ ᠳ᠋ᠤ᠌ ᠤᠷᠭᠤᠬᠤ ᠣᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠵᠡᠯᠡ ᠰᠠᠯᠠᠭᠠ ᠲᠠᠢ᠂ ᠦᠶᠡ ᠡᠴᠡ ᠨᠢ ᠰᠠᠬᠠᠯ ᠦᠨᠳᠦᠰᠦ ᠤᠷᠭᠤᠨᠠ᠃ ᠨᠠᠪᠴᠢ ᠨᠢ ᠪᠠᠭᠯᠠᠷᠠᠨ ᠤᠷᠭᠤᠨᠠ᠂ ᠤᠷᠲᠤ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ ᠪᠦᠲᠦᠨ ᠬᠥᠪᠡᠭᠡ ᠲᠡᠢ ᠪᠤᠶᠤ ᠦᠵᠦᠭᠦᠷ ᠦ᠋ᠨ ᠬᠡᠰᠡᠭ ᠦ᠋ᠨ ᠬᠥᠪᠡᠭᠡᠨ ᠳ᠋ᠦ᠍ᠨᠢ ᠢᠯᠡ ᠪᠤᠰᠤ ᠨᠠᠷᠢᠨ ᠬᠡᠷᠴᠢᠶᠡᠰᠦ ᠲᠡᠢ᠂ ᠲᠤᠩᠭᠠᠯᠠᠭ᠂ ᠨᠣᠭᠣᠭᠠᠨ ᠥᠩᠭᠡᠲᠡᠢ᠂ 2m ᠣᠷᠴᠢᠮ ᠤᠷᠲᠤ᠂ 4—18mm ᠥᠷᠭᠡᠨ᠃ ᠴᠡᠴᠡᠭ ᠨᠢ ᠭᠠᠭᠴᠠ ᠪᠡᠯᠭᠡ ᠲᠡᠢ᠂ ᠣᠨᠳᠣᠣ ᠭᠡᠷ ᠲᠡᠢ᠂ ᠤᠰᠤᠨ ᠠ᠋ᠴᠠ ᠳᠡᠭᠡᠭᠰᠢ ᠴᠤᠬᠤᠢᠵᠤ ᠣᠷᠭᠣᠭᠠᠳ ᠰᠠᠶᠢ ᠴᠡᠴᠡᠭᠯᠡᠨᠡ ; ᠡᠷᠡ ᠴᠡᠴᠡᠭ ᠨᠢ ᠵᠢᠵᠢᠭ ᠪᠥᠭᠡᠳ ᠲᠤᠩ ᠣᠯᠠᠨ᠂ ᠥᠨᠳᠡᠭᠡᠯᠵᠢᠨ ᠰᠢᠭ ᠭᠤᠷᠪᠠᠨ ᠢᠯᠲᠠᠰᠤ ᠲᠠᠢ ᠪᠠᠭᠯᠠᠭᠴᠢ ᠳᠣᠲᠣᠷᠠ ᠪᠠᠭᠯᠠᠷᠠᠨ ᠳᠡᠯᠭᠡᠷᠡᠨᠡ ; ᠴᠡᠴᠡᠭ ᠦ᠋ᠨ ᠲᠣᠭᠳᠣᠢ ᠶ᠋ᠢᠨ ᠢᠯᠲᠠᠰᠤ ᠨᠢ ᠭᠤᠷᠪᠠ ; ᠴᠡᠴᠡᠭ ᠦ᠋ᠨ ᠬᠡᠯᠲᠡᠰ ᠦᠭᠡᠢ ; ᠡᠷᠡ ᠲᠣᠭᠣᠷᠴᠣᠭ ᠨᠢ 1—3 ; ᠡᠮᠡ ᠴᠡᠴᠡᠭ ᠨᠢ ᠭᠠᠭᠴᠠᠭᠠᠷ ᠬᠣᠶᠠᠷ ᠣᠨᠢ ᠪᠦᠬᠦᠢ ᠬᠣᠭᠣᠯᠠᠢ ᠬᠡᠯᠪᠡᠷᠢᠲᠦ ᠪᠠᠭᠯᠠᠭᠴᠢ ᠳᠣᠲᠣᠷᠠ ᠳᠡᠯᠭᠡᠷᠡᠨᠡ᠂ ᠦᠷᠡ ᠲᠣᠭᠲᠠᠭᠰᠠᠨ ᠤ᠋ ᠰᠡᠭᠦᠯᠡᠷ ᠴᠡᠴᠡᠭ ᠦ᠋ᠨ ᠪᠠᠷᠢᠭᠤᠯ ᠨᠢ ᠮᠤᠷᠤᠢᠵᠤ᠂ ᠤᠮᠠᠢ ᠪᠠᠨ ᠤᠰᠤᠨ ᠳᠡᠭᠡᠷᠡ ᠡᠴᠡ ᠤᠰᠤᠨ ᠳ᠋ᠤ᠌ ᠣᠷᠣᠭᠤᠯᠵᠤ ᠪᠣᠯᠪᠠᠰᠤᠷᠠᠲᠠᠯᠠ ᠪᠠᠨ ᠪᠠᠢᠯᠭᠠᠨᠠ᠂ ᠴᠡᠴᠡᠭ ᠦ᠋ᠨ ᠰᠢᠳᠠᠷ ᠨᠢ ᠡᠷᠡ ᠴᠡᠴᠡᠭ ᠲᠡᠢ ᠪᠡᠨ ᠠᠳᠠᠯᠢ ; ᠬᠥᠭᠵᠢᠯ ᠦᠭᠡᠢ ᠭᠤᠷᠪᠠᠨ ᠡᠷᠡ ᠲᠣᠭᠣᠷᠴᠣᠭ ᠲᠠᠢ ; ᠤᠮᠠᠢ ᠨᠢ ᠨᠠᠷᠢᠬᠠᠨ᠂ ᠭᠡᠪᠡᠴᠦ ᠮᠠᠰᠢ ᠥᠷᠭᠡᠨ ᠭᠤᠷᠪᠠᠨ ᠴᠡᠴᠡᠭ ᠦ᠋ᠨ ᠪᠠᠭᠠᠨᠠ ᠶ᠋ᠢᠨ ᠠᠮᠠᠰᠠᠷ ᠲᠠᠢ᠃ ᠵᠢᠮᠢᠰ ᠨᠢ ᠪᠦᠰᠡ ᠬᠡᠯᠪᠡᠷᠢ ᠲᠡᠢ᠂ ᠪᠣᠯᠪᠠᠰᠤᠷᠠᠪᠠᠯ 5—17cm ᠤᠷᠲᠤ ᠪᠣᠯᠬᠤ ᠪᠥᠭᠡᠳ ᠪᠠᠭᠯᠠᠭᠴᠢ ᠶ᠋ᠢᠨ ᠳᠣᠲᠣᠷᠠ ᠣᠷᠣᠰᠢᠨᠠ ; ᠦᠷᠡ ᠨᠢ ᠲᠤᠩ ᠣᠯᠠᠨ᠂ ᠤᠷᠲᠤᠪᠲᠤᠷ ᠡᠭᠡᠷᠡᠭᠦᠯ ᠬᠡᠯᠪᠡᠷᠢ ᠲᠡᠢ᠃
ᠴᠥᠭᠥᠷᠥᠮ᠂ ᠭᠣᠷᠣᠬᠠ᠂ ᠤᠰᠤᠨ ᠤ᠋ ᠭᠣᠣ ᠰᠤᠪᠠᠭ ᠬᠢᠭᠡᠳ ᠤᠰᠤᠨ ᠲᠠᠷᠢᠶᠠᠨ ᠳ᠋ᠤ᠌ ᠤᠷᠭᠤᠨᠠ᠃
ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠶᠡᠬᠡᠩᠬᠢ ᠮᠣᠵᠢ ᠣᠷᠣᠨ ᠳ᠋ᠤ᠌ ᠪᠦᠷ ᠤᠷᠭᠤᠳᠠᠭ᠃ ᠵᠢᠭᠠᠰᠤᠨ ᠤ᠋ ᠪᠣᠷᠳᠣᠭᠠ ᠡᠪᠡᠰᠦ ᠮᠥᠨ᠃
ᠲᠤᠲᠤᠷᠭᠠᠨ ᠲᠠᠷᠢᠶᠠᠨ ᠤ᠋ ᠬᠣᠭ ᠡᠪᠡᠰᠦ᠃
ᠬᠢᠲᠠᠳ ᠨᠡᠷᠡ᠄枯草
ᠠᠩᠭ᠌ᠯᠢ ᠨᠡᠷᠡ᠄ Vallisneria natans (Lour.) Hara
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠳ᠂ ᠡᠷᠬᠢᠮᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠫᠣ· ᠴᠠᠭᠠᠨ