ᠵᠡᠭᠦᠳᠦᠨ ᠪᠣᠯᠵᠣᠭᠠ-ᠪᠤᠤ ᠰᠦᠬᠡЗүүдэн болзоо-Бо Сүхээ
271ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠪᠤᠤ ᠰᠦᠬᠡ
ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠭᠡᠭᠡᠨ ᠰᠣᠪᠢᠩ
ᠬᠦᠰᠡᠭᠰᠡᠨ ᠰᠡᠳᠬᠢᠯ ᠦ᠋ᠨ ᠬᠢᠨ ᠦ᠌ ᠡᠷᠴᠢ
ᠬᠥᠭᠵᠢᠯ ᠪᠠᠳᠠᠷᠠᠯ ᠤ᠋ᠨ ᠥᠨᠢᠳᠡ ᠶ᠋ᠢᠨ ᠳᠠᠭᠤᠯᠠᠯ
ᠬᠦᠰᠡᠯ ᠡᠷᠡᠮᠡᠯᠵᠡᠯ ᠦ᠋ᠨ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠨᠠᠪᠴᠢᠯᠠᠵᠤ ᠪᠠᠢᠭᠠ ᠴᠡᠴᠡᠭ ᠦ᠋ᠨ ᠬᠡᠯᠲᠡᠰ ᠰᠢᠭ
ᠨᠠᠮᠤ ᠵᠥᠭᠡᠯᠡᠨ ᠤᠶᠠᠩᠭᠠ ᠶ᠋ᠢᠨ ᠠᠶᠠᠰ ᠲᠠᠢ
ᠨᠠᠮᠤᠷ ᠤ᠋ᠨ ᠤᠷᠲᠤ ᠨᠠᠮᠤᠭᠤᠬᠠᠨ ᠰᠥᠨᠢ
ᠨᠠᠢᠷᠠᠭ ᠳᠡᠷᠡᠯᠡᠭᠰᠡᠨ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠬᠣᠩᠭᠣᠷᠬᠠᠨ ᠵᠠᠯᠠᠭᠤ ᠨᠠᠰᠤᠨ ᠤ᠋ ᠮᠢᠨᠢ
ᠬᠠᠢᠷᠠ ᠳᠤᠷᠠᠯᠠᠯ ᠤ᠋ᠨ ᠭᠣᠭᠴᠣᠭᠠ
ᠬᠠᠨᠢ ᠨᠠᠢᠵᠠ ᠶ᠋ᠢᠨ ᠰᠢᠪᠡᠨᠡᠭᠰᠡᠨ ᠬᠡᠳᠦᠨ ᠦᠭᠡ
ᠬᠤᠷᠬᠢᠷᠠᠬᠤ ᠨᠣᠢᠷ ᠤ᠋ᠨ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠠᠭᠯᠠᠭ ᠰᠠᠢᠬᠠᠨ ᠠᠭᠤᠯᠠ ᠤᠰᠤ ᠮᠢᠨᠢ
ᠠᠶᠠᠯᠤᠭᠤᠯᠤᠨ ᠳᠠᠭᠤᠯᠠᠬᠤ ᠳᠠᠭᠤᠨ ᠤ᠋ ᠠᠢᠵᠠᠮ
ᠠᠷᠢᠭᠤᠨ ᠴᠠᠭᠠᠨ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ
ᠠᠮᠠᠷᠠᠭ ᠰᠡᠳᠬᠢᠯ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠳᠡᠯᠭᠡᠷ ᠪᠠᠶᠠᠨ ᠨᠤᠲᠤᠭ ᠤ᠋ᠨ ᠢᠷᠠᠭᠤ ᠭᠣᠶᠣᠮᠰᠣᠭ ᠢ᠋
ᠳᠡᠯᠭᠡᠵᠦ ᠬᠥᠭᠵᠢᠭᠦᠯᠦᠭᠰᠡᠨ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ
ᠲᠡᠨᠦᠭᠦᠯᠴᠢᠨ ᠨᠡᠭᠦᠳᠡᠯᠴᠢᠨ ᠦ᠌ ᠵᠠᠶᠠᠭᠠ ᠶ᠋ᠢ ᠬᠣᠯᠪᠣᠭᠰᠠᠨ
ᠲᠠᠪᠢᠯᠠᠩ ᠢᠷᠦᠭᠡᠯ ᠲᠡᠢ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠲᠠᠯᠠ ᠵᠣ ᠶ᠋ᠢᠨ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠮᠢᠨᠢ
ᠲᠠᠪᠤᠨ ᠰᠦᠷᠦᠭ ᠦ᠋ᠨ ᠲᠡᠵᠢᠭᠡᠯ ᠶᠦᠮ
ᠲᠠᠷᠭᠤᠨ ᠲᠠᠪᠠᠲᠠᠢ ᠣᠷᠴᠢᠯᠠᠩ ᠮᠢᠨᠢ
ᠳᠡᠪᠡᠯ ᠲᠡᠢ ᠪᠤᠷᠬᠠᠨ ᠤ᠋ ᠵᠡᠭᠦᠳᠦᠨ ᠪᠣᠯᠵᠣᠭᠠ
ᠮᠢᠩᠭᠠᠨ ᠮᠢᠩᠭᠠᠨ ᠤ᠋ ᠲᠡᠦᠬᠡ ᠱᠠᠰᠲᠢᠷ
ᠮᠠᠯᠵᠢᠬᠤ ᠰᠣᠶᠣᠯ ᠤ᠋ᠨ ᠭᠠᠯ ᠭᠣᠯᠣᠮᠲᠠ
ᠮᠣᠩᠭᠣᠯ ᠲᠦᠮᠡᠨ ᠦ᠌ ᠡᠭᠡᠰᠢᠭ ᠳᠠᠭᠤᠤ
ᠮᠥᠩᠬᠡ ᠣᠷᠣᠰᠢᠬᠤ ᠵᠡᠭᠦᠳᠦᠨ ᠪᠣᠯᠵᠣᠭᠠ
2024.02.22 ᠬᠥᠬᠡᠬᠣᠲᠠᠨᠠ ᠪᠢᠴᠢᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠰᠣᠠ