ᠮᠥᠩᠬᠡ ᠶ᠋ᠢᠨ ᠳᠡᠷᠭᠡᠳᠡ ᠡᠵᠢ ᠮᠢᠨᠢ-ᠱ᠂ ᠭᠦᠷᠦᠪᠠᠽᠠᠷМөнхийн дэргэд ээж минь-Ш᠂ Гүрбазар
530ᠮᠥᠩᠬᠡ ᠶ᠋ᠢᠨ ᠳᠡᠷᠭᠡᠳᠡ ᠡᠵᠢ ᠮᠢᠨᠢ
— ᠱ᠂ ᠭᠦᠷᠦᠪᠠᠽᠠᠷ
ᠰᠦ ᠲᠡᠢ ᠡᠩᠭᠡᠷ ᠢ᠋ ᠨᠢ ᠴᠡᠴᠡᠷᠬᠡᠵᠦ
ᠤᠬᠢᠯᠠᠬᠤ ᠳ᠋ᠤ᠌ ᠮᠢᠨᠢ ᠰᠡᠷᠡᠭᠦᠨ ᠡᠵᠢ ᠮᠢᠨᠢ
ᠰᠠᠭᠤᠭᠠ ᠬᠣᠨᠣᠭᠰᠠᠨ ᠰᠥᠨᠢ ᠨᠢ
ᠣᠳᠣᠨ ᠠ᠋ᠴᠠ ᠪᠠᠨ ᠣᠯᠠᠨ ᠪᠠᠢᠭᠠ ᠳᠠ
ᠵᠤᠯᠠᠢ ᠳᠡᠭᠡᠷᠡ ᠮᠢᠨᠢ ᠵᠠᠯᠪᠠᠷᠢᠭᠰᠠᠨ
ᠪᠤᠷᠬᠠᠨ ᠴᠤ᠌ ᠶᠤᠮ ᠤᠤ᠂ ᠡᠵᠢ ᠮᠢᠨᠢ
ᠵᠠᠶᠠᠭᠠ ᠪᠤᠶᠠᠨ ᠢ᠋ ᠮᠢᠨᠢ ᠨᠥᠮᠥᠷᠦᠭᠰᠡᠨ
ᠬᠣᠷᠸᠠ ᠴᠤ᠌ ᠶᠤᠮ ᠤᠤ᠂ ᠡᠵᠢ ᠮᠢᠨᠢ
ᠳᠠᠭᠤᠤ ᠶ᠋ᠢᠨ ᠰᠡᠵᠢᠭᠦᠷ ᠠᠷᠭᠠᠳᠠᠨ
ᠳᠠᠭᠤᠳᠠᠬᠤ ᠳ᠋ᠤᠨᠢ ᠣᠢᠷᠠᠬᠠᠨ ᠪᠠᠢᠶᠠ ᠳᠠ
ᠡᠭᠦᠯᠡᠨ ᠰᠡᠭᠦᠳᠡᠷ ᠵᠠᠢᠴᠢᠯᠠᠵᠤ
ᠦᠨᠦᠰᠬᠦ ᠳ᠋ᠦ᠍ᠨᠢ ᠣᠢᠷᠠᠬᠠᠨ ᠶᠠᠪᠤᠶᠠ ᠳᠠ
ᠨᠢᠭᠤᠷ ᠤ᠋ᠨ ᠳᠡᠭᠡᠷᠡ ᠮᠢᠨᠢ ᠮᠠᠨᠳᠤᠭᠰᠠᠨ
ᠨᠠᠷᠠᠨ ᠴᠤ᠌ ᠶᠤᠮ ᠤᠤ ᠳᠠ᠂ ᠡᠵᠢ ᠮᠢᠨᠢ
ᠨᠢᠳᠦ ᠪᠡᠨ ᠨᠡᠭᠡᠭᠡᠬᠦ ᠳ᠋ᠦ᠍ ᠮᠢᠨᠢ ᠬᠠᠷᠠᠭᠳᠠᠭᠰᠠᠨ
ᠲᠩᠷᠢ ᠴᠤ᠌ ᠶᠤᠮ ᠤᠤ ᠳᠠ᠂ ᠡᠵᠢ ᠮᠢᠨᠢ
ᠰᠠᠭᠠᠯᠢ ᠶ᠋ᠢᠨ ᠵᠡᠯᠡ ᠡᠴᠡ ᠣᠢᠷᠠᠬᠠᠨ ᠴᠤ᠌
ᠬᠣᠯᠠᠳᠬᠤ ᠳ᠋ᠤᠨᠢ ᠬᠣᠷᠮᠣᠢᠳᠠᠭᠰᠠᠨ ᠬᠦᠦ ᠪᠡᠨ
ᠰᠠᠨᠠᠭᠠ ᠠᠯᠳᠠᠬᠤ ᠶ᠋ᠢ ᠨᠢ ᠴᠦ᠍ ᠠᠷᠭᠠᠳᠠᠬᠤ ᠭᠡᠵᠦ
ᠮᠥᠩᠬᠡ ᠶ᠋ᠢᠨ ᠳᠡᠷᠭᠡᠳᠡ ᠡᠵᠢ ᠮᠢᠨᠢ
ᠨᠠᠳᠠ ᠠ᠋ᠴᠠ ᠤᠶᠠᠭᠠᠲᠠᠢ ᠰᠡᠳᠬᠢᠯ ᠲᠡᠢ
ᠨᠠᠮᠬᠠᠨ ᠪᠤᠷᠬᠠᠨ ᠡᠵᠢ ᠮᠢᠨᠢ
ᠨᠠᠷᠠ ᠪᠠᠨ ᠲᠣᠭᠣᠷᠢᠨ ᠡᠷᠭᠢᠯᠳᠦᠬᠦ
ᠰᠦ ᠲᠡᠢ ᠬᠣᠷᠸᠠ ᠡᠵᠢ ᠮᠢᠨᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ
2024 4 25