ᠵᠢᠷᠠᠨ ᠵᠢᠰᠦ ᠬᠡᠮᠡᠬᠦ ᠭᠡᠭᠡᠨ ᠲᠣᠯᠢ ᠣᠷᠣᠰᠢᠮᠤᠢ - 4 Жаран зүс хэмээх гэгээн толь оршмуй - 4
343ᠪᠡᠴᠢᠨ ᠵᠢᠯ
○ ᠤᠯᠠᠭᠠᠨ ᠪᠡᠴᠢᠨ ᠵᠢᠯᠲᠦ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ| ᠭᠠᠯ᠂ ᠡᠷᠬᠡᠲᠡᠨ | ᠭᠠᠯ᠂ ᠬᠡᠢᠮᠣᠷᠢ| ᠮᠣᠳᠣᠨ᠂ ᠰᠦᠨᠡᠰᠦ |ᠮᠣᠳᠣᠨ᠃ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠭᠠᠯ ᠪᠤᠶᠤ᠃ ᠠᠭᠠᠯᠢ ᠵᠠᠩ ᠲᠥᠷᠭᠡᠨᠡ᠂ ᠨᠡᠷᠡ ᠠᠯᠳᠠᠷ ᠶᠡᠬᠡ᠂ ᠪᠤᠶᠠᠨ ᠬᠡᠰᠢᠭᠲᠦ᠂ ᠪᠠᠭᠤᠷᠠᠯ ᠣᠯᠠᠨ᠂ ᠠᠮᠢᠨ ᠣᠮᠣᠭ ᠤ᠋ᠨ ᠳᠠᠢᠰᠤᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠳᠠᠢᠰᠤᠨ᠂ ᠵᠠᠶᠠᠭᠠ ᠳᠣᠣᠷᠠᠲᠤ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠳᠤᠮᠳᠠ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠪᠠᠭᠠ᠂ ᠦᠷᠡ ᠠᠴᠢ ᠶ᠋ᠢᠨ ᠬᠡᠰᠢᠭ ᠦᠭᠡᠢ᠂ ᠰᠡᠵᠢᠭ ᠰᠦᠰᠦᠭ ᠠᠳᠠᠯᠢ᠂ ᠰᠦᠰᠦᠭ ᠦᠭᠡᠢ ᠢᠨᠣ ᠡᠴᠢᠭᠡ ᠡᠬᠡ ᠡᠷᠡ ᠡᠮᠡ ᠳ᠋ᠡᠭᠡᠨ ᠬᠠᠷᠰᠢ᠂ ᠠᠩᠭᠢᠵᠢᠷᠠᠬᠤ ᠰᠠᠯᠬᠤ ᠦᠢᠯᠡ ᠣᠯᠠᠨ᠂ ᠭᠠᠭᠴᠠ ᠨᠢᠴᠦᠭᠦᠨ ᠬᠥᠮᠦᠨ ᠪᠥᠵᠢᠭᠯᠡᠬᠦᠢ ᠠᠳᠠᠯᠢ ᠠᠮᠢᠳᠤᠷᠠᠮᠤᠢ᠂ ᠡᠭᠦᠰᠬᠡᠯ ᠪᠦᠬᠦᠢ ᠲᠡᠭᠦᠰᠬᠡᠯ ᠦᠭᠡᠢ᠂ ᠳᠠᠢᠰᠤᠨ ᠢ᠋ᠶ᠋ᠠᠨ ᠦᠯᠦ ᠳᠠᠷᠤᠨ ᠪᠠᠷᠠᠬᠤ᠂ ᠠᠰᠢᠳᠠ ᠶ᠋ᠢᠨ ᠠᠯᠪᠢᠨ ᠯᠤᠤᠰ ᠤ᠋ᠨ ᠬᠣᠣᠷᠯᠠᠯ ᠠᠮᠤᠢ ᠵᠡ᠂ ᠨᠠᠰᠤᠳᠠ ᠦᠨᠡᠨ ᠭᠤᠷᠪᠠᠨ ᠡᠷᠳᠡᠨᠢ ᠳ᠋ᠦ᠍ᠷ ᠢᠲᠡᠭᠡᠯ ᠶᠠᠪᠤᠭᠤᠯᠤᠨ᠂ ᠵᠢᠯ ᠪᠦᠷᠢ ᠳᠣᠩᠬᠢᠯᠠᠢ ᠭᠠᠷᠭᠠᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠠᠷᠠ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠥᠬᠡ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠰᠢᠷᠠ ᠪᠡᠴᠢᠨ ᠵᠢᠯᠳᠣ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ| ᠰᠢᠷᠣᠢ᠂ ᠡᠷᠬᠡᠲᠡᠨ | ᠰᠢᠷᠣᠢ᠂ ᠬᠡᠢᠮᠣᠷᠢ | ᠮᠣᠳᠣᠨ᠂ ᠰᠦᠨᠡᠰᠦ |ᠭᠠᠯ ᠪᠤᠶᠤ᠂ ᠬᠦᠷᠢᠶᠡᠨ ᠳᠤᠮᠳᠠᠬᠢ ᠰᠢᠷᠣᠢ᠂ ᠣᠮᠣᠷᠬᠠᠭ ᠵᠠᠩ ᠲᠠᠢ᠂ ᠢᠷᠦᠭᠡᠯ ᠶᠡᠬᠡ ᠮᠠᠲᠠᠯ ᠨᠠᠷᠢᠨ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠥᠬᠥᠷ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠡᠬᠡ᠂ ᠵᠠᠶᠠᠭᠠ ᠳᠤᠮᠳᠠ ᠮᠠᠭᠤ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠢ ᠴᠢᠷᠮᠠᠢᠵᠤ ᠣᠯᠤᠮᠤᠢ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠥᠴᠦᠬᠡᠨ᠂ ᠦᠷᠡ ᠴᠤᠬᠠᠭ᠂ ᠨᠠᠰᠤᠨ ᠪᠣᠢ᠂ ᠡᠭᠦᠰᠬᠡᠯ ᠪᠣᠢ ᠲᠡᠭᠦᠰᠬᠡᠯ ᠦᠭᠡᠢ᠂ ᠠᠯᠢᠪᠠ ᠦᠢᠯᠡᠰ ᠮᠣᠳᠣᠨ ᠳ᠋ᠠᠬᠢ ᠥᠷᠪᠦᠯᠭᠡ ᠮᠡᠲᠦ᠂ ᠡᠳ᠋ ᠮᠠᠯ ᠲᠣᠭᠲᠠᠪᠤᠷᠢ ᠦᠭᠡᠢ ᠵᠣᠯᠪᠢᠨ ᠬᠥᠮᠦᠨ ᠠᠳᠠᠯᠢ᠂ ᠠᠰᠤᠷᠤ ᠰᠡᠷᠡᠭᠦᠨ ᠲᠠᠴᠢᠶᠠᠩᠭᠤᠢ ᠶᠡᠬᠡ ᠪᠤᠶᠤ ᠡᠮᠡ ᠶ᠋ᠢᠨ ᠲᠤᠯᠠ ᠦᠭᠡ ᠳᠠᠭᠤᠨ ᠪᠣᠯᠬᠤᠢ᠂ ᠪᠤᠰᠤᠳ ᠲᠤᠷ ᠨᠠᠷᠢᠨ ᠬᠣᠣᠷ ᠪᠣᠯᠤᠭᠴᠢ ᠵᠠᠶᠠᠭᠠ᠂ ᠵᠠᠯᠠᠭᠤ ᠴᠠᠭ ᠲᠤ᠌ ᠵᠣᠪᠠᠯ ᠠᠷᠪᠢᠨ ᠦᠳᠡᠯᠡᠬᠦᠶᠡ ᠵᠢᠷᠭᠠᠬᠤ ᠬᠤᠪᠢ ᠪᠣᠢ᠂ ᠠᠰᠢᠳᠠ ᠪᠤᠷᠲᠠᠭ ᠰᠦᠨᠡᠰᠦ ᠬᠣᠣᠷᠯᠠᠯ ᠪᠣᠯᠤᠮᠤᠢ᠂ ᠪᠠᠽᠠᠷᠪᠠᠳᠠᠷᠠ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠥᠬᠡ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠰᠢᠷᠠ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠴᠠᠭᠠᠨ ᠪᠡᠴᠢᠨ ᠵᠢᠯᠳᠣ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ | ᠮᠣᠳᠣᠨ᠂ ᠡᠷᠬᠡᠲᠡᠨ| ᠲᠡᠮᠦᠷ᠂ ᠬᠡᠢᠮᠣᠷᠢ | ᠮᠣᠳᠣᠨ᠂ ᠰᠦᠨᠡᠰᠦ |ᠰᠢᠷᠣᠢ᠂ ᠵᠢᠮᠢᠰ ᠦ᠋ᠨ ᠮᠣᠳᠣᠨ ᠪᠤᠶᠤ᠃ ᠠᠭᠠᠯᠢ ᠰᠠᠢᠨ᠂ ᠦᠭᠯᠢᠭᠡᠡ ᠳ᠋ᠦ᠍ᠷ ᠳᠤᠷᠠᠲᠠᠢ᠂ ᠨᠡᠷᠡ ᠵᠡᠷᠭᠡ ᠣᠯᠬᠤ ᠬᠡᠰᠢᠭ ᠶᠡᠬᠡ ᠬᠡᠮᠡᠬᠦᠢ᠂ ᠠᠮᠢᠨ ᠣᠮᠣᠭ ᠤ᠋ᠨ ᠬᠥᠪᠡᠭᠦᠨ᠂ ᠡᠷᠬᠡᠲᠡᠨ ᠠᠮᠢᠨ ᠠᠳᠠᠯᠢ᠂ ᠵᠠᠶᠠᠭᠠ ᠠᠨᠤ ᠳᠤᠮᠳᠠ ᠮᠠᠭᠤ ᠪᠤᠶᠤ᠃ ᠢᠳᠡᠭᠡ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠡᠴᠢᠭᠡ ᠡᠬᠡ ᠡᠴᠡ ᠣᠯᠤᠮᠤᠢ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠥᠴᠦᠬᠡᠨ᠂ ᠦᠷᠡ ᠡᠳ᠋ ᠨᠠᠰᠤᠨ ᠭᠤᠷᠪᠠᠨ ᠨᠢᠭᠡᠨ ᠪᠣᠢ ᠠᠪᠠᠰᠤ ᠪᠤᠰᠤᠳ ᠦᠭᠡᠢ᠂ ᠡᠭᠦᠰᠬᠡᠯ ᠥᠴᠦᠬᠡᠨ᠂ ᠡᠳ᠋ ᠮᠠᠯ ᠥᠰᠬᠦᠢ ᠪᠠᠭᠤᠷᠠᠬᠤᠢ ᠦᠶᠡᠷ ᠦ᠋ᠨ ᠤᠰᠤᠨ ᠮᠡᠲᠦ ᠲᠦᠷᠭᠡᠨ ᠡᠳ᠋ ᠠᠭᠤᠷᠠᠰᠤᠨ ᠨᠥᠬᠥᠷ ᠰᠡᠭᠦᠳᠡᠷ ᠲᠡᠭᠡᠨ ᠬᠠᠷᠰᠢ ᠵᠠᠶᠠᠭᠠ᠂ ᠡᠮᠡ ᠡᠷᠡ ᠬᠠᠭᠠᠴᠠᠯ ᠤ᠋ᠨ ᠢᠷᠣᠠ ᠲᠠᠢ᠂ ᠲᠡᠭᠦᠨᠡ ᠬᠠᠷᠠ ᠰᠢᠮᠨᠤᠰ ᠬᠣᠣᠷᠯᠠᠵᠤ ᠶᠠᠷᠠ ᠪᠠ ᠡᠪᠡᠳᠴᠢᠨ ᠪᠣᠯᠤᠮᠤᠢ᠂ ᠨᠠᠰᠤᠳᠠ ᠠᠶᠤᠰᠢ ᠨᠣᠮ ᠨᠠᠢ᠍ᠮᠠᠨ ᠮᠢᠩᠭᠠᠲᠤ ᠤᠩᠰᠢᠭᠤᠯᠵᠤ ᠮᠠᠨᠽᠤᠰᠢᠷᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠠᠯᠲᠠᠷ ᠬᠠᠷᠠ᠂ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠰᠠᠢᠨ ᠢᠪᠡᠭᠡᠯᠲᠦ᠃
○ ᠬᠠᠷᠠ ᠪᠡᠴᠢᠨ ᠵᠢᠯᠲᠦ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ | ᠲᠡᠮᠦᠷ᠂ ᠡᠷᠬᠡᠲᠡᠨ | ᠤᠰᠤ᠂ ᠬᠡᠢᠮᠣᠷᠢ| ᠮᠣᠳᠣᠨ᠂ ᠰᠦᠨᠡᠰᠦ |ᠲᠡᠮᠦᠷ᠂ ᠢᠯᠳᠦᠨ ᠪᠠᠯᠳᠠᠩ ᠤ᠋ᠨ ᠲᠡᠮᠦᠷ ᠪᠤᠶᠤ᠃ ᠡᠴᠢᠭᠡ ᠡᠬᠡ ᠠᠬᠠ ᠳᠡᠭᠦᠨᠡᠷ ᠲᠡᠭᠡᠨ ᠥᠯᠵᠡᠢᠲᠦ ᠰᠠᠢᠨ ᠪᠤᠶᠤ ᠠᠮᠢᠨ ᠣᠮᠣᠭ ᠤ᠋ᠨ ᠨᠢᠭᠡᠨ ᠠᠳᠠᠯᠢ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠬᠥᠪᠡᠭᠦᠨ᠂ ᠵᠠᠶᠠᠭᠠ ᠳᠡᠭᠡᠳᠦ ᠰᠠᠢᠨ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠰᠠᠢᠨ ᠢ ᠬᠡᠷᠡᠭᠯᠡᠨ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠪᠣᠢ᠂ ᠡᠭᠦᠰᠬᠡᠯ ᠪᠣᠢ ᠪᠥᠭᠡᠳ ᠡᠷᠬᠢᠰ ᠦ᠋ᠨ ᠦᠢᠯᠡᠰ ᠢ ᠣᠯᠵᠤ ᠡᠷᠡ ᠡᠮᠡ ᠳ᠋ᠡᠭᠡᠨ ᠥᠯᠵᠡᠢᠲᠦ ᠥᠪᠡᠷ ᠪᠤᠰᠤᠳ ᠲᠤᠷ ᠢᠪᠡᠭᠡᠯᠲᠦ ᠪᠤᠶᠤ᠂ ᠬᠥᠮᠦᠨ ᠤ ᠳᠣᠣᠷᠠ ᠦᠯᠦ ᠣᠷᠣᠬᠤᠢ ᠪᠠᠭᠠᠲᠤᠷ ᠠᠭᠠᠯᠢᠲᠤ᠂ ᠭᠡᠮ ᠢ ᠥᠭᠦᠯᠡᠪᠡᠰᠦ ᠶᠡᠬᠡᠰ ᠦ᠋ᠨ ᠬᠡᠰᠢᠭ ᠨᠢ ᠬᠦᠷᠲᠡᠵᠦ ᠴᠢᠳᠠᠬᠤ ᠪᠥᠭᠡᠲᠡᠯᠡ ᠡᠳ᠋ ᠮᠠᠯ ᠢ᠋ᠶ᠋ᠠᠨ ᠪᠠᠷᠠᠵᠤ ᠵᠣᠪᠠᠮᠤᠢ ᠬᠡᠴᠢᠶᠡ᠂ ᠠᠰᠢᠳᠠ ᠠᠯᠪᠢᠨ ᠯᠤᠤᠰ ᠤ᠋ᠨ ᠬᠣᠣᠷᠯᠠᠯ ᠪᠣᠯᠵᠤ ᠦᠷᠡ ᠠᠴᠢᠨᠠᠷ ᠢ ᠬᠡᠨᠳᠡᠬᠦᠯᠬᠦᠢ᠂ ᠨᠠᠰᠤᠳᠠ ᠳ᠋ᠠᠷᠠ ᠡᠬᠡ ᠰᠢᠲᠦᠵᠦ ᠳ᠋ᠠᠮᠷᠠᠯ ᠵᠠᠩ ᠦᠢᠯᠡ ᠶ᠋ᠢ ᠦᠢᠯᠡᠳ᠂ ᠤᠨᠤᠬᠤ ᠮᠣᠷᠢ ᠬᠥᠬᠡ ᠬᠠᠯᠲᠠᠷ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠰᠢᠷᠠ ᠰᠠᠢᠨ᠃
ᠲᠠᠬᠢᠶᠠ ᠵᠢᠯ
○ ᠬᠥᠬᠡᠭᠴᠢᠨ ᠲᠠᠬᠢᠶᠠ ᠵᠢᠯᠳᠣ ᠶ᠋ᠢᠨ ᠠᠮᠢᠨ| ᠲᠡᠮᠦᠷ᠂ ᠪᠡᠶᠡ | ᠤᠰᠤᠨ᠂ ᠡᠷᠬᠡᠲᠡᠨ | ᠮᠣᠳᠣᠨ᠂ ᠬᠡᠢᠮᠣᠷᠢ | ᠤᠰᠤ᠂ ᠰᠦᠨᠡᠰᠦ |ᠤᠰᠤ᠂ ᠲᠤᠨᠤᠮᠠᠯ ᠤᠰᠤᠨ ᠪᠤᠶᠤ᠂ ᠡᠴᠢᠭᠡ ᠡᠬᠡ ᠳ᠋ᠡᠭᠡᠨ ᠠᠴᠢᠲᠤ᠂ ᠰᠠᠨᠠᠭᠠ ᠰᠠᠢᠨ᠂ ᠪᠤᠶᠠᠨ ᠰᠠᠢᠨ᠂ ᠬᠤᠪᠢᠲᠤ᠂ ᠠᠮᠢᠨ ᠣᠮᠣᠭ ᠤ᠋ᠨ ᠡᠬᠡ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠨᠥᠬᠥᠷ᠂ ᠵᠠᠶᠠᠭᠠ ᠳᠤᠮᠳᠠ ᠰᠠᠢᠨ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠳᠤᠮᠳᠠ ᠵᠡᠷᠭᠡ᠂ ᠡᠳ᠋ ᠮᠠᠯ ᠪᠣᠢ ᠠᠪᠠᠰᠤ ᠦᠷᠡ ᠬᠥᠪᠡᠭᠦᠨ ᠴᠤᠬᠠᠭ᠂ ᠡᠬᠡᠨᠡᠷ ᠪᠥᠭᠡᠰᠦ ᠨᠡᠩᠳᠡ ᠮᠠᠭᠤ᠂ ᠠᠰᠢᠳᠠ ᠭᠡᠮᠰᠢᠭᠦᠯᠡᠩ ᠦᠯᠦ ᠲᠠᠰᠤᠷᠠᠬᠤ᠂ ᠪᠤᠰᠤᠳ ᠢ ᠦᠯᠦ ᠲᠣᠭᠣᠬᠤᠢ ᠣᠮᠣᠭ ᠲᠠᠢ ᠲᠤᠯᠠ ᠡᠴᠢᠭᠡ ᠡᠬᠡ ᠬᠢᠭᠡᠳ ᠠᠬᠠ ᠲᠡᠭᠦᠦᠨᠠᠷ ᠲᠦ᠍ ᠲᠤᠰᠠ ᠥᠴᠦᠬᠡᠨ ᠪᠥᠭᠡᠳ ᠪᠤᠰᠤᠳ ᠲᠡᠭᠦᠨ ᠢ ᠦᠯᠦ ᠲᠣᠭᠣᠬᠤᠢ᠂ ᠡᠳ᠋ ᠮᠠᠯ ᠲᠣᠭᠲᠠᠪᠤᠷᠢ ᠥᠴᠦᠬᠡᠨ᠂ ᠡᠴᠢᠭᠡ ᠡᠬᠡ ᠶ᠋ᠢᠨ ᠨᠢᠭᠡᠨ ᠯᠦ᠍ᠭᠡ ᠥᠨᠢᠳᠡ ᠦᠯᠦ ᠰᠠᠭᠤᠬᠤᠢ᠂ ᠡᠭᠦᠰᠬᠡᠯ ᠪᠣᠢ ᠲᠡᠭᠦᠰᠬᠡᠯ ᠦᠭᠡᠢ᠂ ᠨᠠᠰᠤᠳᠠ ᠠᠯᠪᠢᠨ ᠠᠳᠠ ᠬᠣᠣᠷᠯᠠᠬᠤᠢ᠂ ᠨᠠᠰᠤᠳᠠ ᠬᠠᠢᠩᠬᠢᠷᠣᠡ ᠰᠢᠲᠦᠵᠦ ᠳᠣᠩᠭᠢᠯᠠᠢ ᠭᠠᠷᠭᠠᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠣᠩᠭᠣᠷ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠴᠠᠭᠠᠨ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠤᠯᠠᠭᠴᠢᠨ ᠲᠠᠬᠢᠶᠠ ᠵᠢᠯᠳᠣ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ| ᠭᠠᠯ᠂ ᠡᠷᠬᠡᠲᠡᠨ |ᠭᠠᠯ᠂ ᠬᠡᠢᠮᠣᠷᠢ | ᠤᠰᠤ᠂ ᠰᠦᠨᠡᠰᠦ | ᠮᠣᠳᠣᠨ᠂ ᠠᠭᠤᠯᠠᠨ ᠦᠵᠦᠭᠦᠷ ᠦ᠋ᠨ ᠭᠠᠯ ᠪᠤᠶᠤ᠃ ᠠᠭᠠᠯᠢ ᠵᠠᠩ ᠲᠦᠷᠭᠡᠨ᠂ ᠰᠠᠢᠬᠠᠨ ᠨᠡᠷᠡ ᠠᠯᠳᠠᠷ ᠶᠡᠬᠡ᠂ ᠰᠦᠷ ᠪᠤᠶᠠᠨᠲᠤ᠂ ᠠᠮᠢᠨ ᠣᠮᠣᠭ ᠤ᠋ᠨ ᠳᠠᠢᠰᠤᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠳᠠᠢᠰᠤᠨ᠂ ᠵᠠᠶᠠᠭᠠ ᠳᠤᠮᠳᠠ ᠳᠣᠣᠷᠠ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠰᠢᠷᠠ ᠠᠪᠬᠤ ᠡᠯᠢᠶᠡ ᠪᠤᠶᠤ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠪᠣᠢ ᠪᠣᠯᠪᠠᠴᠤ ᠦᠰᠬᠦᠢ ᠪᠠᠭᠤᠷᠠᠬᠤᠢ ᠪᠥᠭᠡᠳ ᠰᠢᠳᠤᠷᠭᠤ ᠪᠥᠭᠡᠲᠡᠯᠡ ᠠᠯᠠᠵᠤ ᠦᠯᠦ ᠪᠠᠷᠠᠬᠤ ᠳᠠᠢᠰᠤᠨ ᠲᠠᠢ᠂ ᠡᠴᠢᠭᠡ ᠡᠴᠡ ᠠᠩᠭᠢᠵᠢᠷᠠᠬᠤ ᠬᠠᠭᠠᠴᠠᠬᠤ ᠦᠢᠯᠡ ᠣᠯᠠᠨ᠂ ᠢᠨᠠᠭ ᠦᠷᠡ ᠴᠥᠭᠡᠨ᠂ ᠡᠷᠡ ᠡᠮᠡ ᠳ᠋ᠡᠭᠡᠨ ᠬᠠᠷᠰᠢ᠂ ᠨᠢᠭᠡᠨ ᠨᠠᠰᠦᠨᠠ ᠴᠢᠷᠮᠠᠢᠨ ᠶᠠᠪᠤᠪᠠᠰᠤ ᠪᠣᠯᠤᠮᠤᠢ᠂ ᠠᠰᠢᠳᠠ ᠲᠠᠴᠢᠶᠠᠩᠭᠤᠢ ᠲᠤᠯᠠ ᠪᠤᠰᠤᠳ ᠦᠯᠦ ᠲᠣᠭᠣᠨᠠᠮ᠂ ᠡᠭᠦᠰᠬᠡᠯ ᠪᠠ ᠲᠡᠭᠦᠰᠬᠡᠯ ᠪᠠᠭᠠ ᠥᠴᠦᠬᠡᠨ᠂ ᠮᠣᠳᠣᠨ ᠴᠢᠯᠠᠭᠤᠨ ᠤ᠋ ᠡᠵᠡᠳ ᠦ᠋ᠨ ᠬᠣᠣᠷ ᠦᠯᠡᠮᠵᠢ᠂ ᠨᠠᠰᠤᠳᠠ ᠴᠠᠭᠠᠨ ᠡᠪᠦᠭᠡᠨ ᠢ ᠬᠣᠢᠰᠢ ᠬᠠᠨ ᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠠᠷᠠ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠥᠬᠡ ᠰᠠᠢᠨ᠃ ᠤᠩᠰᠢᠬᠤ ᠨᠣᠮ ᠬᠠᠮᠴᠢᠨ ᠠᠨᠠᠪᠣ ᠪᠣᠯᠪᠠᠰᠤ ᠰᠠᠢᠨ ᠪᠣᠢ᠃
○ ᠰᠢᠷᠬᠠᠴᠢᠨ ᠲᠠᠬᠢᠶᠠ ᠵᠢᠯᠳᠣ ᠶ᠋ᠢᠨ ᠠᠮᠢᠨ| ᠲᠡᠮᠦᠷ᠂ ᠪᠡᠶᠡ | ᠰᠢᠷᠣᠢ᠂ ᠡᠷᠬᠡᠲᠡᠨ | ᠰᠢᠷᠣᠢ᠂ ᠬᠡᠢᠮᠣᠷᠢ | ᠤᠰᠤᠨ᠂ ᠰᠦᠨᠡᠰᠦ| ᠭᠠᠯ᠂ ᠬᠦᠷᠢᠶᠡᠨ ᠤ ᠭᠠᠯ ᠪᠤᠶᠤ᠃ ᠪᠠᠷᠳᠠᠩ ᠣᠮᠣᠷᠬᠠᠭ᠂ ᠵᠢᠷᠦᠬᠡ ᠶᠡᠬᠡ᠂ ᠨᠠᠷᠢᠨ ᠮᠡᠳᠡᠯᠲᠦ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠥᠬᠥᠷ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠡᠬᠡ᠂ ᠵᠠᠶᠠᠭᠠ ᠳᠤᠮᠳᠠ ᠰᠠᠢᠨ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠳᠤᠮᠳᠠ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠰᠠᠢᠨ᠂ ᠦᠷᠡ ᠨᠠᠰᠤᠨ ᠲᠡᠭᠰᠢ ᠪᠥᠭᠡᠳ ᠠᠯᠢᠪᠠ ᠦᠢᠯᠡᠰ ᠢ ᠵᠥᠭᠡᠯᠡᠨ ᠴᠢᠳᠠᠬᠤ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠥᠴᠦᠬᠡᠨ᠂ ᠥᠪᠡᠷ ᠪᠤᠰᠤᠳ ᠲᠤᠷ ᠬᠣᠣᠷ ᠪᠣᠯᠤᠭᠴᠢ ᠵᠠᠶᠠᠭᠠ ᠪᠤᠶᠤ᠂ ᠭᠠᠳᠠᠨᠠ ᠶ᠋ᠢᠨ ᠬᠥᠮᠥᠨᠡ ᠦᠵᠦᠭᠦᠷ ᠪᠣᠯᠪᠠᠴᠤ ᠭᠡᠷ ᠦ᠋ᠨ ᠳᠣᠲᠣᠷᠠ ᠦᠯᠦ ᠵᠣᠬᠢᠯᠳᠤᠬᠤ᠂ ᠵᠠᠯᠠᠭᠤ ᠳ᠋ᠤᠷ ᠵᠣᠪᠠᠪᠠᠴᠤ ᠦᠳᠡᠯᠡᠬᠦᠶᠡ ᠵᠢᠷᠭᠠᠬᠤ᠂ ᠡᠮᠡ ᠶ᠋ᠢᠨ ᠲᠤᠯᠠ ᠦᠭᠡ ᠳᠠᠭᠤᠨ ᠪᠣᠯᠤᠮᠤᠢ᠂ ᠠᠰᠢᠳᠠ ᠪᠤᠵᠠᠷ ᠰᠦᠨᠡᠰᠦ ᠪᠠ ᠲᠠᠴᠢᠶᠠᠩᠭᠤᠢ ᠶ᠋ᠢᠨ ᠰᠢᠮᠨᠤᠰ ᠬᠣᠣᠷᠯᠠᠵᠤ ᠡᠷᠡ ᠡᠮᠡ ᠶ᠋ᠢᠨ ᠡᠪᠡᠳᠴᠢᠨ ᠪᠣᠯᠤᠶᠤ᠂ ᠠᠰᠢᠳᠠ ᠤᠬᠢᠶᠠᠯ ᠤ᠋ᠨ ᠨᠣᠮ ᠳᠠᠯᠠᠯᠭᠠ ᠠᠪᠴᠤ ᠶᠠᠪᠤᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠤᠯᠤ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠤᠯᠠᠭᠠᠨ ᠰᠠᠢᠨ ᠢᠪᠡᠭᠡᠯᠲᠦ᠃
○ ᠴᠠᠭᠠᠭᠴᠢᠨ ᠲᠠᠬᠢᠶᠠ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠲᠡᠮᠦᠷ᠂ ᠪᠡᠶᠡ| ᠮᠣᠳᠣᠨ᠂ ᠡᠷᠬᠡᠲᠡᠨ| ᠲᠡᠮᠦᠷ᠂ ᠬᠡᠢᠮᠣᠷᠢ| ᠤᠰᠤᠨ᠂ ᠰᠦᠨᠡᠰᠦ| ᠰᠢᠷᠭᠠᠢ᠂ ᠢᠯᠠᠮᠠᠨ ᠮᠣᠳᠣᠨ ᠪᠤᠶᠤ᠃ ᠠᠭᠠᠯᠢ ᠰᠠᠢᠨ᠂ ᠦᠭᠯᠢᠭᠡᠡ ᠳ᠋ᠦ᠍ᠷ ᠳᠤᠷᠠᠲᠠᠢ᠂ ᠨᠡᠷᠡ ᠵᠡᠷᠭᠡ ᠣᠯᠬᠤ᠂ ᠶᠡᠬᠡ ᠬᠡᠰᠢᠭᠲᠦ᠂ ᠠᠮᠢᠨ ᠣᠮᠣᠭ ᠤ᠋ᠨ ᠬᠥᠪᠡᠭᠦᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠨᠢᠭᠡᠨ ᠠᠳᠠᠯᠢ᠂ ᠵᠠᠶᠠᠭᠠ ᠠᠨᠤ ᠳᠣᠣᠷᠠᠲᠤ ᠪᠤᠶᠤ᠂ ᠡᠴᠢᠭᠡ ᠪᠡᠨ ᠰᠢᠲᠦᠵᠦ ᠡᠯᠪᠡᠷᠢᠯᠳᠦ ᠪᠠ ᠦᠨᠡᠨ ᠢ᠋ᠶ᠋ᠡᠷ ᠶᠠᠪᠤᠪᠠᠰᠤ ᠰᠠᠶᠢ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠢ᠋ ᠣᠯᠵᠤ ᠵᠢᠷᠭᠠᠬᠤ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠪᠣᠢ ᠪᠣᠯᠪᠠᠴᠤ ᠡᠪᠡᠰᠦᠨ ᠦ᠌ ᠰᠢᠭᠦᠳᠡᠷᠢ ᠮᠡᠲᠦ᠂ ᠦᠷᠡ ᠴᠤᠬᠠᠭ᠂ ᠡᠭᠦᠰᠬᠡᠯ ᠪᠣᠢ ᠲᠡᠭᠦᠰᠬᠡᠯ ᠦᠭᠡᠢ ᠪᠥᠭᠡᠳ ᠥᠪᠡᠷᠡ ᠪᠤᠰᠤᠳ ᠲᠤᠷ ᠲᠤᠰᠠ ᠦᠭᠡᠢ᠂ ᠡᠳ᠋ ᠮᠠᠯ ᠨᠥᠬᠥᠷ ᠬᠠᠨᠢ ᠳ᠋ᠤᠷ ᠬᠣᠣᠷ ᠶᠡᠬᠡ ᠪᠥᠭᠡᠳ ᠡᠴᠦᠰ ᠲᠡᠭᠡᠨ ᠥᠪᠡᠷ ᠲᠡᠭᠡᠨ ᠭᠡᠮᠰᠢᠭᠦᠯᠡᠩ ᠪᠤᠯᠬᠤᠢ ᠪᠠᠨ ᠦᠯᠦ ᠮᠡᠳᠡᠬᠦᠢ᠂ ᠪᠤᠶᠠᠨ ᠤ᠋ ᠣᠷᠣᠨ ᠢ᠋ ᠡᠯᠢᠶᠡ ᠪᠤᠯᠢᠶᠠᠭᠰᠠᠨ ᠤ᠋ ᠣᠴᠢᠷᠠ ᠨᠠᠰᠤᠳᠠ ᠭᠣᠮᠴᠣᠢ ᠰᠦᠮᠡ ᠶ᠋ᠢᠨ ᠬᠠᠩᠰᠢᠭ᠋ ᠤᠩᠰᠢᠭᠤᠯᠤᠨ ᠰᠢᠲᠦᠪᠡᠰᠦ ᠰᠠᠢᠨ ᠪᠤᠶᠤ᠂ ᠤᠨᠤᠬᠤ ᠮᠣᠷᠢ ᠴᠠᠭᠠᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠪᠣᠷᠣ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠬᠠᠷᠠᠭᠴᠢᠨ ᠲᠠᠬᠢᠶᠠ ᠵᠢᠯᠲᠦ ᠶ᠋ᠢᠨ ᠠᠮᠢᠨ | ᠲᠡᠮᠦᠷ᠂ ᠪᠡᠶᠡ| ᠲᠡᠮᠦᠷ᠂ ᠡᠷᠬᠡᠲᠡᠨ| ᠤᠰᠤᠨ᠂ ᠬᠡᠢᠮᠣᠷᠢ| ᠤᠰᠤᠨ᠂ ᠰᠦᠨᠡᠰᠦ| ᠲᠡᠮᠦᠷ᠂ ᠢᠯᠳᠦᠨ ᠪᠠᠯᠳᠠᠩ ᠤ᠋ᠨ ᠲᠡᠮᠦᠷ ᠪᠤᠶᠤ᠃ ᠡᠴᠢᠭᠡ ᠠᠬᠠ ᠲᠡᠭᠦᠦᠳᠡᠭᠡᠨ ᠥᠯᠵᠡᠢᠲᠦ᠂ ᠰᠦᠰᠦᠭᠲᠡᠢ ᠪᠣᠯᠪᠠᠰᠤ ᠰᠠᠢᠨ ᠪᠤᠶᠤ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠢᠭᠡᠨ ᠠᠳᠠᠯᠢ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠬᠥᠪᠡᠭᠦᠨ᠂ ᠵᠠᠶᠠᠭᠠ ᠳᠤᠮᠳᠠ ᠰᠠᠢᠨ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠪᠣᠢ᠂ ᠮᠡᠷᠭᠡᠨ ᠪᠣᠯᠪᠠᠰᠤ ᠡᠷᠬᠢᠮ ᠢ᠋ ᠣᠯᠤᠶᠤ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠡᠭ ᠳᠤᠮᠳᠠ᠂ ᠦᠷᠡ ᠴᠤᠬᠠᠭ ᠨᠠᠰᠤᠨ ᠥᠨᠳᠥᠷ᠂ ᠭᠡᠮ ᠦ᠋ᠨ ᠬᠡᠢ ᠬᠤᠢ ᠬᠥᠳᠡᠯᠪᠡᠰᠦ ᠦᠯᠦ ᠳᠠᠷᠤᠭᠳᠠᠬᠤ᠂ ᠡᠭᠦᠰᠬᠡᠯ ᠪᠠᠭᠠ ᠲᠡᠭᠦᠰᠬᠡᠯ ᠪᠣᠢ᠂ ᠡᠴᠢᠭᠡ ᠡᠬᠡ ᠶ᠋ᠢ ᠰᠢᠲᠦᠪᠡᠰᠦ ᠵᠢᠷᠭᠠᠬᠤᠢ᠂ ᠢᠨᠤ ᠥᠪᠡᠷ ᠦ᠋ᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠥᠪᠡᠷ ᠢ᠋ᠶ᠋ᠡᠨ ᠡᠪᠳᠡᠬᠦᠢ᠂ ᠡᠳ᠋ ᠮᠠᠯ ᠲᠣᠭᠲᠠᠪᠤᠷᠢ ᠦᠭᠡᠢ᠂ ᠪᠤᠰᠤᠳ ᠢ᠋ ᠦᠯᠦ ᠲᠣᠭᠣᠮᠤ᠂ ᠣᠮᠣᠭ ᠠᠭᠤᠷ ᠶᠡᠬᠡ᠂ ᠠᠰᠢᠳᠠ ᠵᠥᠷᠢᠭᠦᠦ ᠪᠣᠯᠪᠠ ᠬᠡᠮᠡᠬᠦᠢ᠂ ᠡᠬᠡᠨᠡᠷ ᠪᠥᠭᠡᠰᠦ ᠦᠷᠡ ᠦᠭᠡᠢ ᠭᠡᠮᠰᠢᠭᠦᠯᠡᠩ ᠦᠯᠦ ᠲᠠᠰᠤᠷᠠᠬᠤ᠂ ᠡᠷᠡ ᠡᠮᠡ ᠬᠣᠶᠠᠷ ᠬᠠᠷᠢ ᠪᠣᠯᠬᠤ᠂ ᠠᠰᠢᠳᠠ ᠯᠤᠤᠰ ᠠᠯᠪᠢᠨ ᠬᠣᠣᠷᠯᠠᠮᠤᠢ᠂ ᠠᠰᠢᠳᠠ ᠭᠤᠷᠪᠠᠨ ᠢᠵᠠᠭᠤᠷᠲᠠᠨ ᠢ᠋ ᠰᠢᠲᠦᠪᠡᠰᠦ ᠰᠠᠢᠨ᠂ ᠯᠤᠤᠰ ᠳᠠᠬᠢᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠤᠯᠠᠭᠠᠨ ᠬᠥᠬᠡ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠰᠢᠷᠠ ᠬᠠᠷᠠ ᠰᠠᠢᠨ ᠢᠪᠡᠭᠡᠯᠲᠦ᠃
ᠨᠣᠬᠠᠢ ᠵᠢᠯ
○ ᠬᠥᠬᠡ ᠨᠣᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠰᠢᠷᠣᠢ᠂ ᠪᠡᠶᠡ |ᠭᠠᠯ᠂ ᠡᠷᠬᠡᠲᠡᠨ |ᠮᠣᠳᠣᠨ᠂ ᠬᠡᠢᠮᠣᠷᠢ | ᠲᠡᠮᠦᠷ᠂ ᠰᠦᠨᠡᠰᠦ| ᠤᠰᠤᠨ᠂ ᠠᠭᠤᠯᠠᠨ ᠣᠷᠣᠢ ᠶ᠋ᠢᠨ ᠭᠠᠯ᠃ ᠵᠠᠩ ᠠᠭᠠᠯᠢ ᠰᠠᠢᠨ᠂ ᠰᠠᠢᠨ ᠠᠢ᠍ᠵᠠᠭᠤᠷᠲᠤ᠂ ᠢᠳᠡᠬᠦ ᠡᠮᠦᠰᠬᠦ ᠡᠯᠪᠡᠭ᠂ ᠠᠮᠢᠨ ᠣᠮᠣᠭ ᠤ᠋ᠨ ᠳᠠᠢᠰᠤᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠳᠠᠢᠰᠤᠨ᠂ ᠵᠠᠶᠠᠭᠠ ᠳᠤᠮᠳᠠ ᠲᠡᠭᠰᠢ ᠰᠠᠢᠨ᠂ ᠢᠳᠡᠬᠦᠢ ᠡᠮᠦᠰᠬᠦᠢ ᠰᠠᠢᠨ ᠢ ᠬᠡᠷᠡᠭᠯᠡᠨ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠰᠠᠢᠨ ᠪᠣᠯᠪᠠᠴᠤ ᠥᠰᠬᠦᠢ ᠪᠠᠭᠤᠷᠠᠬᠤᠢ ᠪᠤᠶᠤ᠂ ᠳᠠᠢᠰᠤᠨ ᠶᠠᠪᠤᠳᠠᠯ ᠣᠯᠠᠨ᠂ ᠨᠠᠰᠤᠨ ᠤ᠋ ᠬᠤᠲᠤᠭ ᠪᠣᠢ᠂ ᠰᠠᠢᠨ ᠮᠠᠭᠤ ᠤᠯᠠᠷᠢᠬᠤ ᠵᠠᠶᠠᠭᠠ᠂ ᠦᠷᠡ ᠪᠣᠢ ᠪᠣᠯᠪᠠᠴᠤ ᠡᠴᠦᠰ ᠲᠦ᠍ᠷ ᠦᠷᠡ ᠲᠠᠰᠤᠷᠠᠬᠤ ᠪᠤᠶᠤ᠂ ᠠᠬᠠ ᠳᠡᠭᠦᠦ ᠳ᠋ᠦ᠍ᠷ ᠦᠯᠦ ᠲᠤᠰᠠᠯᠠᠨᠠᠮ᠂ ᠰᠦᠰᠦᠭ ᠪᠢᠰᠢᠷᠡᠯᠲᠡᠢ ᠶᠠᠪᠤᠪᠠᠰᠤ ᠰᠠᠢᠨ᠂ ᠨᠠᠰᠤᠳᠠ ᠭᠠᠵᠠᠷ ᠤᠰᠤᠨ ᠤ᠋ ᠬᠣᠣᠷᠯᠠᠯ ᠪᠣᠢ ᠲᠤᠯᠠ ᠰᠡᠳᠬᠢᠯ ᠰᠡᠷᠡᠭᠦᠨ ᠬᠦᠢᠲᠡᠨ ᠡᠪᠡᠳᠴᠢᠨ ᠪᠣᠯᠤᠮᠤᠢ᠂ ᠨᠠᠰᠤᠳᠠ ᠯᠤᠤᠰ ᠤ᠋ᠨ ᠣᠪᠣᠭᠠ ᠳᠠᠬᠢᠵᠤ ᠳ᠋ᠠᠷᠠ ᠡᠬᠡ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠤᠯᠤ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠤᠯᠠᠭᠠᠨ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠤᠯᠠᠭᠠᠨ ᠨᠣᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠰᠢᠷᠣᠢ᠂ ᠪᠡᠶᠡ |ᠰᠢᠷᠣᠢ᠂ ᠡᠷᠬᠡᠲᠡᠨ| ᠭᠠᠯ᠂ ᠬᠡᠢᠮᠣᠷᠢ|ᠲᠡᠮᠦᠷ᠂ ᠰᠦᠨᠡᠰᠦ | ᠮᠣᠳᠣᠨ᠂ ᠭᠡᠷ ᠦ᠋ᠨ ᠳᠡᠭᠡᠷᠡᠬᠢ ᠰᠢᠷᠣᠢ ᠪᠣᠢ᠃ ᠪᠤᠶᠠᠨ ᠥᠴᠦᠬᠡᠨ ᠨᠠᠰᠤᠨ ᠣᠬᠣᠷ᠂ ᠲᠠᠪᠤᠨ ᠰᠠᠷᠠ ᠳ᠋ᠤ᠌ ᠲᠦᠷᠦᠪᠡᠰᠦ ᠳᠤᠮᠳᠠ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠥᠬᠥᠷ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠡᠬᠡ᠂ ᠳᠣᠣᠷᠠᠲᠤ ᠵᠠᠶᠠᠭᠠ ᠪᠤᠶᠤ᠂ ᠢᠳᠡᠬᠦᠢ ᠡᠮᠦᠰᠬᠦᠢ ᠪᠣᠢ ᠪᠣᠯᠪᠠᠴᠤ ᠬᠦᠴᠦᠯᠡᠨ ᠊ ᠶᠠᠪᠤᠵᠤ ᠣᠯᠬᠤ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠥᠴᠦᠬᠡᠨ᠂ ᠦᠷᠡ ᠨᠠᠰᠤᠨ ᠬᠤᠲᠤᠭ ᠪᠣᠢ ᠪᠣᠯᠪᠠᠴᠤ ᠡᠴᠢᠭᠡ ᠡᠬᠡ ᠪᠠ ᠡᠷᠡ ᠡᠮᠡ ᠳ᠋ᠡᠭᠡᠨ ᠬᠠᠷᠰᠢ ᠪᠥᠭᠡᠳ ᠪᠠᠢᠨ ᠪᠠᠢᠨ ᠭᠠᠷᠤᠵᠠ ᠪᠠ ᠭᠡᠮᠰᠢᠯ ᠪᠣᠯᠤᠮᠤᠢ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠥᠴᠦᠬᠡᠨ᠂ ᠣᠮᠣᠭ ᠠᠭᠤᠷ ᠶᠡᠬᠡ ᠲᠤᠯᠠ ᠡᠳ᠋ ᠢ᠋ ᠪᠠᠷᠠᠬᠤ ᠪᠣᠯᠤᠮᠤᠢ᠂ ᠵᠠᠯᠠᠭᠤ ᠳ᠋ᠤᠷ ᠵᠣᠪᠠᠯ ᠠᠷᠪᠢᠨ᠂ ᠦᠳᠡᠯᠡᠬᠦ ᠦᠶᠡ ᠰᠠᠢᠨ᠂ ᠨᠠᠰᠤᠳᠠ ᠡᠮᠡ ᠰᠦᠨᠡᠰᠦ ᠬᠣᠣᠷᠯᠠᠵᠤ ᠦᠭᠡ ᠳᠠᠭᠤᠨ ᠢ ᠡᠭᠦᠰᠬᠡᠮᠦᠢ᠂ ᠠᠰᠢᠳᠠ ᠰᠦᠰᠦᠭ ᠪᠢᠰᠢᠷᠡᠯᠲᠦ ᠶᠠᠪᠤᠭᠲᠤᠨ᠂ ᠰᠠᠩ ᠤᠬᠢᠶᠠᠯ ᠢ᠋ ᠬᠡᠴᠢᠶᠡ᠂ ᠤᠨᠤᠬᠤ ᠮᠣᠷᠢ ᠬᠥᠬᠡ ᠪᠠ ᠬᠤᠯᠤ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠤᠯᠠᠭᠠᠨ ᠰᠠᠢᠨ ᠢᠪᠡᠭᠡᠯᠲᠦ ᠪᠣᠢ᠃
○ ᠰᠢᠷᠠ ᠨᠣᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠰᠢᠷᠣᠢ᠂ ᠪᠡᠶᠡ | ᠮᠣᠳᠣᠨ᠂ ᠡᠷᠬᠡᠲᠡᠨ |ᠰᠢᠭᠤᠢ᠂ ᠬᠡᠢᠮᠣᠷᠢ| ᠲᠡᠮᠦᠷ᠂ ᠰᠦᠨᠡᠰᠦ| ᠭᠠᠯ᠂ ᠲᠡᠭᠰᠢ ᠲᠠᠯᠠ ᠶ᠋ᠢᠨ ᠮᠣᠳᠣᠨ᠃ ᠨᠠᠰᠤᠨ ᠤᠷᠲᠤ ᠰᠡᠳᠬᠢᠯ ᠵᠥᠭᠡᠯᠡᠨ᠂ ᠡᠳ᠋ ᠮᠠᠯ ᠢ᠋ ᠣᠯᠪᠠᠴᠤ ᠭᠠᠷᠭᠠᠬᠤ ᠶᠡᠬᠡ᠂ ᠠᠮᠢᠨ ᠣᠮᠣᠭ ᠤ᠋ᠨ ᠬᠥᠪᠡᠭᠦᠨ᠂ ᠡᠷᠬᠡᠲᠡᠨ ᠠᠮᠢᠨ ᠠᠳᠠᠯᠢ᠂ ᠵᠠᠶᠠᠭᠠ ᠳᠡᠭᠡᠳᠦ ᠪᠤᠶᠤ᠂ ᠢᠳᠡᠬᠦ ᠡᠮᠦᠰᠬᠦ ᠬᠡᠰᠢᠭ ᠶᠡᠬᠡ᠂ ᠡᠳ᠋ ᠮᠠᠯ ᠡᠯᠪᠡᠭ ᠦᠷᠡ ᠨᠠᠰᠤᠨ ᠲᠡᠭᠰᠢ ᠥᠪᠡᠷᠡ ᠪᠤᠰᠤᠳ ᠲᠤᠷ ᠲᠤᠰᠠᠲᠤ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠪᠣᠢ᠂ ᠡᠷᠡ ᠡᠮᠡ ᠬᠠᠭᠠᠴᠠᠬᠤ ᠢᠷᠸᠠ ᠲᠡᠢ᠂ ᠡᠳ᠋ ᠮᠠᠯ ᠥᠰᠬᠦᠢ ᠬᠠᠷᠢᠬᠤᠢ᠂ ᠦᠳᠡᠯᠡᠬᠦ ᠴᠠᠭ ᠵᠢᠷᠭᠠᠯ ᠶᠡᠬᠡ᠂ ᠠᠬᠠ ᠳᠡᠭᠦᠦ ᠶ᠋ᠢᠨ ᠲᠤᠰᠠ ᠶ᠋ᠢ ᠦᠯᠦ ᠣᠯᠬᠤ᠂ ᠠᠰᠢᠳᠠ ᠬᠠᠷᠠ ᠠᠯᠢᠶᠠ ᠬᠠᠷᠠ ᠯᠤᠤᠰ ᠤ᠋ᠨ ᠬᠣᠣᠷᠯᠠᠯ ᠪᠣᠢ᠂ ᠨᠠᠰᠤᠲᠠᠨ ᠮᠠᠨᠽᠤᠰᠢᠷᠢ ᠸᠴᠢᠷᠪᠠᠨᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠣᠪᠣᠭᠠ ᠰᠡᠴᠢ ᠳᠠᠭᠢᠪᠠᠰᠤ ᠡᠳ᠋ ᠮᠠᠯ ᠲᠣᠭᠲᠠᠮᠤᠢ᠂ ᠤᠨᠤᠬᠤ ᠮᠣᠷᠢ ᠴᠠᠭᠠᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠰᠠᠢᠨ ᠢᠪᠡᠭᠡᠯᠲᠦ᠃
○ ᠴᠠᠭᠠᠨ ᠨᠣᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠰᠢᠷᠣᠢ᠂ ᠪᠡᠶᠡ| ᠲᠡᠮᠦᠷ᠂ ᠡᠷᠬᠡᠲᠡᠨ |ᠲᠡᠮᠦᠷ᠂ ᠬᠡᠢᠮᠣᠷᠢ| ᠲᠡᠮᠦᠷ᠂ ᠰᠦᠨᠡᠰᠦ| ᠰᠢᠷᠣᠢ᠂ ᠴᠢᠮᠡᠭᠯᠡᠨ ᠬᠢᠭᠰᠡᠨ ᠲᠡᠮᠦᠷ ᠪᠤᠶᠤ᠃ ᠢᠳᠡᠬᠦᠢ ᠡᠮᠦᠰᠬᠦᠢ ᠦᠯᠦ ᠳᠤᠲᠠᠬᠤ᠂ ᠪᠤᠶᠠᠨ ᠦᠷᠡ ᠪᠣᠢ᠂ ᠵᠣᠪᠠᠯᠠᠩ ᠶᠠᠷᠰᠢᠭ ᠣᠯᠠᠨ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠢᠭᠡᠨ ᠠᠳᠠᠯᠢ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠬᠥᠪᠡᠭᠦᠨ᠂ ᠵᠠᠶᠠᠭᠠ ᠳᠣᠭᠰᠢᠨ ᠪᠤᠶᠤ᠂ ᠢᠳᠡᠬᠦᠢ ᠡᠮᠦᠰᠬᠦᠢ ᠶ᠋ᠢᠨ ᠬᠡᠰᠢᠭ ᠥᠴᠦᠬᠡᠨ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠳᠤᠮᠳᠠ᠂ ᠦᠷᠡ ᠨᠠᠰᠤᠨ ᠬᠤᠲᠤᠭ ᠴᠤᠬᠠᠭᠠᠷ᠂ ᠥᠪᠡᠷ ᠪᠤᠰᠤᠳ ᠲᠤᠷ ᠬᠣᠣᠷ ᠶᠡᠬᠡᠲᠦ᠂ ᠡᠴᠢᠭᠡ ᠡᠬᠡ ᠨᠥᠬᠥᠷ ᠰᠡᠭᠦᠳᠡᠷ ᠲᠦ᠍ ᠬᠠᠷᠰᠢ ᠵᠠᠶᠠᠭᠠ ᠰᠠᠢᠨ ᠮᠠᠭᠤ ᠬᠣᠶᠠᠷ ᠤ᠋ᠨ ᠡᠴᠦᠰ ᠬᠦᠷᠬᠦᠶᠡ ᠪᠡᠷᠬᠡ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠦᠭᠡᠢ ᠬᠡᠮᠡᠮᠦᠢ᠂ ᠲᠠᠴᠢᠶᠠᠯ ᠤᠷᠠᠨ ᠶᠡᠬᠡ᠂ ᠨᠢᠭᠡᠨ ᠡᠲᠡᠭᠡᠳ ᠦ᠋ᠨ ᠵᠣᠪᠠᠯᠠᠩ ᠪᠣᠢ ᠠᠮᠤᠢ᠂ ᠠᠰᠢᠳᠠ ᠭᠠᠵᠠᠷ ᠤᠰᠤᠨ ᠤ᠋ ᠬᠣᠣᠷᠯᠠᠯ ᠪᠤᠶᠤ᠂ ᠬᠥᠮᠦᠨ ᠮᠠᠯ ᠬᠣᠣᠷ ᠬᠣᠮᠰᠠ ᠪᠣᠯᠤᠮᠤᠢ᠂ ᠨᠠᠰᠤᠳᠠ ᠭᠠᠵᠠᠷ ᠤᠰᠤᠨ ᠢ᠋ ᠳᠠᠬᠢᠵᠤ ᠨᠠᠢ᠍ᠮᠠᠨ ᠭᠡᠭᠡᠨ ᠣᠯᠠᠨ ᠤᠩᠰᠢᠭᠤᠯᠤᠨ ᠬᠥᠮᠦᠨ ᠮᠠᠯ ᠤ᠋ᠨ ᠳᠣᠩᠭᠢᠯᠠᠢ ᠬᠢᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠴᠠᠭᠠᠨ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠢᠪᠡᠭᠡᠯᠲᠦ᠃
○ ᠬᠠᠷᠠ ᠨᠣᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠰᠢᠷᠣᠢ᠂ ᠪᠡᠶᠡ| ᠤᠰᠤ᠂ ᠡᠷᠬᠡᠲᠡᠨ| ᠤᠰᠤ᠂ ᠬᠡᠢᠮᠣᠷᠢ | ᠲᠡᠮᠦᠷ᠂ ᠰᠦᠨᠡᠰᠦ | ᠲᠡᠮᠦᠷ᠂ ᠶᠡᠬᠡ ᠳᠠᠯᠠᠢ ᠶ᠋ᠢᠨ ᠤᠰᠤ᠃ ᠰᠠᠨᠠᠭᠠ ᠠᠭᠤᠳᠠᠮ ᠶᠡᠬᠡᠰ ᠲᠣᠷ ᠬᠠᠢᠷᠠᠲᠠᠢ᠂ ᠪᠤᠶᠠᠨ ᠰᠠᠢᠨ᠂ ᠨᠠᠰᠤᠨ ᠤᠷᠲᠤ᠂ ᠠᠮᠢᠨ ᠣᠮᠣᠭ ᠤ᠋ᠨ ᠡᠬᠡ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠨᠥᠬᠥᠷ᠂ ᠵᠠᠶᠠᠭᠠ ᠳᠡᠭᠡᠳᠦ ᠰᠠᠢᠨ ᠪᠤᠶᠤ᠂ ᠰᠠᠢᠨ ᠢᠵᠠᠭᠤᠷᠲᠤ ᠲᠥᠷᠥᠭᠰᠡᠨ ᠡᠬᠡ ᠡᠷᠳᠡᠨᠢ ᠬᠣᠮᠤᠭ ᠲᠤᠷ ᠪᠤᠷᠲᠠᠭ ᠬᠢᠭᠰᠡᠨ ᠮᠡᠲᠦ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠰᠠᠢᠨ ᠢ᠋ ᠪᠦᠷᠢᠨᠡ ᠰᠣᠩᠭᠣᠵᠤ᠂ ᠶᠡᠬᠡᠰ ᠨᠣᠶᠠᠳ ᠲᠤᠷ ᠬᠠᠢᠷᠠᠯᠠᠭᠳᠠᠬᠤᠢ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠳᠤᠮᠳᠠ ᠪᠤᠶᠤ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠪᠠᠭᠠ᠂ ᠭᠠᠭᠴᠠ ᠪᠡᠶᠡ ᠪᠡᠷ ᠬᠦᠴᠦᠯᠡᠨ ᠠᠮᠢᠳᠤᠷᠠᠮᠤᠢ᠂ ᠦᠷᠡ ᠪᠣᠢ ᠪᠥᠭᠡᠰᠦ ᠡᠳ᠋ ᠴᠤᠬᠠᠭ᠂ ᠨᠠᠰᠤᠨ ᠪᠣᠢ ᠪᠥᠭᠡᠲᠡᠯᠡ ᠨᠢᠭᠡᠨ ᠡᠲᠡᠭᠡᠳ ᠵᠣᠪᠠᠯᠠᠩᠲᠤ᠂ ᠬᠣᠶᠠᠷ ᠣᠷᠣ ᠪᠤᠯᠬᠤᠢ᠂ ᠡᠴᠢᠭᠡ ᠡᠬᠡ ᠯᠦ᠍ᠭᠡ ᠥᠨᠢᠳᠡ ᠦᠯᠦ ᠰᠠᠭᠤᠬᠤ ᠵᠠᠶᠠᠭᠠ᠂ ᠲᠠᠴᠢᠶᠠᠩᠭᠤᠢ ᠣᠮᠣᠭ ᠠᠭᠤᠷ ᠶᠡᠬᠡ ᠲᠤᠯᠠ ᠡᠮᠡ ᠰᠢᠮᠨᠤᠰ ᠬᠣᠣᠷᠯᠠᠵᠤ ᠰᠠᠢᠨ ᠠᠨᠤ ᠪᠠᠭᠤᠷᠠᠵᠤ ᠮᠣᠳᠣᠨ ᠢ᠋ ᠴᠤᠭᠴᠢᠯᠠᠨ ᠠᠳᠠᠯᠢ᠂ ᠨᠠᠰᠤᠲᠠᠨ ᠭᠤᠷᠪᠠᠨ ᠢᠵᠠᠭᠤᠷᠲᠤ ᠪᠤᠷᠬᠠᠨ ᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠨᠠᠢ᠍ᠮᠠᠨ ᠭᠡᠭᠡᠨ ᠳᠣᠩᠭᠢᠯᠠᠢ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠴᠠᠭᠠᠨ ᠬᠤᠯᠤ ᠰᠠᠢᠨ᠂ ᠡᠮᠦᠰᠬᠦ ᠬᠤᠪᠴᠠᠰᠤ ᠴᠠᠭᠠᠨ ᠰᠠᠢᠨ ᠢᠪᠡᠭᠡᠯᠲᠦ᠃
ᠭᠠᠬᠠᠢ ᠵᠢᠯ
○ ᠤᠯᠠᠭᠴᠢᠨ ᠭᠠᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠤᠰᠤ᠂ ᠪᠡᠶᠡ – ᠰᠢᠷᠣᠢ᠂ ᠡᠷᠬᠡᠲᠡᠨ – ᠭᠠᠯ᠂ ᠬᠡᠢᠮᠣᠷᠢ |ᠭᠠᠯ᠂ ᠰᠦᠨᠡᠰᠦ| ᠮᠣᠳᠣᠨ᠃ ᠠᠮᠢᠨ ᠣᠮᠣᠭ ᠤ᠋ᠨ ᠡᠬᠡ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠨᠥᠬᠥᠷ᠂ ᠵᠠᠶᠠᠭᠠ ᠳᠤᠮᠳᠠ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠪᠣᠢ ᠡᠳ᠋ ᠮᠠᠯ ᠤ᠋ᠨ ᠬᠦᠨᠡᠰᠦ ᠪᠠ ᠦᠷᠡ ᠨᠠᠰᠤᠨ ᠳᠤᠮᠳᠠ ᠪᠣᠢ᠂ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠥᠴᠦᠬᠡᠨ ᠪᠤᠶᠤ᠂ ᠭᠡᠮ ᠴᠢᠨᠦ ᠠᠷᠰᠯᠠᠨ ᠨᠣᠬᠠᠢ ᠪᠣᠯᠤᠭᠰᠠᠨ ᠮᠡᠲᠦ᠂ ᠳᠡᠭᠡᠳᠦ ᠰᠠᠢᠨ ᠠᠨᠤ ᠡᠴᠦᠰ ᠲᠦ᠍ᠷ ᠪᠠᠭᠤᠷᠠᠭᠠᠳ ᠪᠠᠶᠠᠨ ᠪᠥᠭᠡᠲᠡᠯᠡ ᠦᠭᠡᠢᠷᠡᠬᠦ᠂ ᠠᠷᠢᠭᠤᠨ ᠪᠥᠭᠡᠲᠡᠯᠡ ᠬᠦᠴᠢᠷ ᠦᠭᠡᠰ ᠪᠣᠯᠬᠤᠢ᠂ ᠠᠮᠢᠨ ᠡᠴᠢᠭᠡ ᠡᠬᠡ ᠥᠪᠡᠷ ᠲᠣᠷ ᠬᠠᠷᠰᠢ ᠡᠷᠬᠡᠲᠡᠨ ᠬᠠᠮᠲᠤ ᠬᠥᠪᠡᠭᠦᠨ᠂ ᠡᠳ᠋ ᠮᠠᠯ ᠲᠣᠭᠲᠠᠪᠤᠷᠢ ᠦᠭᠡᠢ᠂ ᠨᠠᠭᠠᠴᠤ ᠶ᠋ᠢᠨ ᠰᠢᠮᠨᠤᠰ ᠠᠲᠠᠯᠠᠵᠤ ᠬᠡᠯᠡ ᠠᠮᠠᠨ ᠪᠣᠯᠤᠮᠤᠢ᠂ ᠨᠠᠰᠤᠳᠠ ᠨᠠᠢ᠍ᠮᠠᠨ ᠭᠡᠭᠡᠨ ᠤ ᠳᠣᠩᠭᠢᠯᠠᠢ ᠭᠠᠷᠭᠠᠪᠠᠰᠤ ᠰᠠᠢᠨ᠂ ᠬᠡᠰᠢᠭ ᠳᠠᠯᠠᠯᠤᠨ ᠬᠡᠴᠢᠶᠡᠨ ᠶᠠᠪᠤᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠥᠬᠡ ᠪᠣᠷᠣ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠤᠯᠠᠭᠠᠨ ᠢᠪᠡᠭᠡᠯᠲᠦ᠃
○ ᠰᠢᠷᠠᠭᠴᠢᠨ ᠭᠠᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠤᠰᠤ᠂ ᠪᠡᠶᠡ| ᠮᠣᠳᠣᠨ᠂ ᠡᠷᠬᠡᠲᠡᠨ| ᠰᠢᠷᠣᠢ᠂ ᠬᠡᠢᠮᠣᠷᠢ| ᠭᠠᠯ᠂ ᠰᠦᠨᠡᠰᠦ| ᠭᠠᠯ᠃ ᠲᠡᠭᠰᠢ ᠲᠠᠯᠠ ᠶ᠋ᠢᠨ ᠮᠣᠳᠣᠨ ᠪᠤᠶᠤ᠃ ᠨᠠᠰᠤᠨ ᠤᠷᠲᠤ᠂ ᠰᠡᠳᠬᠢᠯ ᠵᠥᠭᠡᠯᠡᠨ᠂ ᠡᠳ᠋ ᠮᠠᠯ ᠢ ᠣᠯᠪᠠᠴᠤ ᠭᠠᠷᠭᠠᠬᠤ ᠶᠡᠬᠡ᠂ ᠠᠮᠢᠨ ᠣᠮᠣᠭ ᠤ᠋ᠨ ᠳᠠᠢᠰᠤᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠳᠠᠢᠰᠤᠨ᠂ ᠵᠠᠶᠠᠭᠠ ᠳᠤᠮᠳᠠ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠢ᠋ ᠬᠦᠴᠦᠯᠡᠨ ᠣᠯᠵᠤ ᠡᠳ᠋ᠯᠡᠬᠦ᠂ ᠡᠳ᠋ ᠮᠠᠯ ᠤ᠋ᠨ ᠬᠡᠰᠢᠭ ᠳᠤᠮᠳᠠ ᠪᠤᠶᠤ᠂ ᠦᠷᠡ ᠨᠠᠰᠤᠨ ᠬᠤᠲᠤᠭ ᠥᠨᠳᠥᠷ ᠪᠠ ᠳᠤᠮᠳᠠ ᠪᠣᠢ᠂ ᠴᠢᠳᠠᠪᠤᠷᠢ ᠠᠨᠤ ᠭᠠᠳᠠᠨᠠ ᠳᠣᠲᠣᠨᠠ ᠪᠠᠨ ᠴᠢᠳᠠᠬᠤᠢ ᠨᠠᠷᠢᠨ ᠭᠦᠨᠡ ᠤᠬᠠᠭᠠᠨᠲᠤ ᠪᠥᠭᠡᠳ ᠪᠤᠰᠤᠳ ᠤ᠋ᠨ ᠰᠡᠳᠬᠢᠯ ᠢ ᠮᠡᠳᠡᠬᠦᠢ᠂ ᠭᠡᠮ ᠢᠨᠤ ᠡᠭᠦᠰᠬᠡᠯ ᠲᠡᠭᠦᠰᠬᠡᠯ ᠥᠴᠦᠬᠡᠨ᠂ ᠥᠪᠡᠷ ᠦ᠋ᠨ ᠰᠠᠢᠨ ᠢ᠋ ᠥᠪᠡᠷ ᠢ᠋ᠶ᠋ᠡᠨ ᠡᠪᠳᠡᠬᠦᠢ᠂ ᠠᠬᠠ ᠲᠡᠭᠦᠦᠨᠠᠷ ᠦᠯᠦ ᠲᠤᠰᠠᠯᠠᠨᠠᠮ᠂ ᠠᠯᠠᠵᠤ ᠦᠯᠦ ᠪᠠᠷᠠᠬᠤ ᠳᠠᠢᠰᠤᠨ ᠲᠠᠢ᠂ ᠡᠳ᠋ ᠮᠠᠯ ᠥᠰᠬᠦᠢ ᠬᠠᠷᠢᠬᠤᠢ᠂ ᠯᠤᠤᠰ ᠪᠠ ᠭᠠᠷᠤᠵᠠ ᠡᠵᠡᠳ ᠬᠣᠣᠷᠯᠠᠵᠤ ᠽᠠᠨᠳᠠᠨ ᠮᠣᠳᠣᠨ ᠢ ᠮᠣᠭᠠᠢ ᠮᠡᠯᠡᠬᠡᠢ ᠣᠷᠢᠶᠠᠭᠰᠠᠨ ᠮᠡᠲᠦ ᠰᠡᠷᠡᠭᠦᠨ ᠵᠢᠬᠡᠭᠦᠨ ᠪᠣᠯᠭᠠᠮᠤ᠂ ᠦᠷᠭᠦᠯᠵᠢ ᠯᠤᠤᠰ ᠤ᠋ᠨ ᠬᠠᠭᠠᠳ ᠳᠠᠬᠢᠵᠤ ᠬᠠᠮᠴᠢᠨ ᠠᠨᠠᠪᠤ ᠤᠩᠰᠢᠵᠤ ᠮᠠᠨᠽᠤᠰᠢᠷᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠰᠠᠷᠠᠯ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠪᠤᠶᠤ ᠪᠣᠷᠣ ᠰᠠᠢᠨ ᠢᠪᠡᠭᠡᠯᠲᠦ᠃
○ ᠴᠠᠭᠠᠭᠴᠢᠨ ᠭᠠᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠤᠰᠤ᠂ ᠪᠡᠶᠡ| ᠲᠡᠮᠦᠷ᠂ ᠡᠷᠬᠡᠲᠡᠨ | ᠲᠡᠮᠦᠷ᠂ ᠬᠡᠢᠮᠣᠷᠢ| ᠭᠠᠯ᠂ ᠰᠦᠨᠡᠰᠦ| ᠰᠢᠷᠣᠢ᠂ ᠴᠢᠮᠡᠭᠯᠡᠨ ᠬᠢᠭᠰᠡᠨ ᠲᠡᠮᠦᠷ ᠪᠤᠶᠤ᠃ ᠢᠳᠡᠬᠦᠢ ᠡᠮᠦᠰᠬᠦᠢ ᠦᠯᠦ ᠳᠤᠲᠠᠬᠤᠢ᠂ ᠦᠷᠡ ᠪᠣᠢ ᠶᠠᠷᠰᠢᠭ ᠣᠯᠠᠨ᠂ ᠠᠮᠢᠨ ᠣᠮᠣᠭ ᠤ᠋ᠨ ᠨᠥᠬᠥᠷ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠡᠬᠡ᠂ ᠵᠠᠶᠠᠭᠠ ᠡᠬᠡᠨᠡᠷ ᠬᠥᠮᠦᠨ ᠨᠡᠢᠲᠡ ᠮᠠᠭᠤ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠥᠴᠦᠬᠡᠨ᠂ ᠡᠳ᠋ ᠮᠠᠯ ᠡᠪᠡᠰᠦᠨ ᠤ ᠰᠢᠭᠦᠳᠡᠷᠢ ᠠᠳᠠᠯᠢ᠂ ᠡᠭᠦᠰᠬᠡᠯ ᠪᠤᠶᠤ ᠲᠡᠭᠦᠰᠬᠡᠯ ᠦᠭᠡᠢ᠂ ᠦᠷᠡ ᠨᠠᠰᠤᠨ ᠬᠤᠲᠤᠭ ᠭᠠᠵᠠᠷᠤᠨ ᠵᠡᠷᠭᠡᠯᠭᠡᠨ ᠮᠡᠲᠦ᠂ ᠥᠩᠭᠡᠲᠦ ᠡᠳ᠋ ᠦ᠋ᠨ ᠬᠣᠢᠨᠠ ᠠ᠋ᠴᠠ ᠡᠯᠢᠶᠡ ᠳᠠᠭᠠᠵᠤ ᠪᠦᠬᠦᠢ ᠶ᠋ᠢᠨ ᠲᠤᠯᠠ ᠨᠡᠮᠡᠬᠦ ᠪᠠᠭᠤᠷᠠᠬᠤᠢ ᠣᠯᠠᠨ ᠢ᠋ ᠦᠵᠡᠬᠦᠢ᠂ ᠲᠠᠪᠤᠨ ᠬᠢᠩᠭᠠᠷ ᠮᠡᠲᠦ ᠤᠷᠢᠳᠤ ᠪᠠᠨ ᠵᠠᠭᠤᠵᠤ ᠬᠣᠢᠲᠤ ᠪᠠᠨ ᠢᠰᠬᠦᠯᠬᠦᠢ᠂ ᠡᠴᠢᠭᠡ ᠡᠬᠡ ᠡᠷᠡ ᠡᠮᠡ ᠳ᠋ᠡᠭᠡᠨ ᠬᠠᠷᠰᠢ ᠵᠠᠶᠠᠭᠠᠲᠤ ᠪᠤᠶᠤ᠂ ᠨᠠᠰᠤᠳᠠ ᠭᠡᠮᠰᠢᠭᠦᠯᠡᠩ ᠦᠯᠦ ᠲᠠᠰᠤᠷᠠᠬᠤ᠂ ᠥᠪᠡᠷ ᠪᠤᠰᠤᠳ ᠤ᠋ᠨ ᠲᠤᠰᠠ ᠦᠭᠡᠢ᠂ ᠬᠣᠣᠷ ᠶᠡᠬᠡᠲᠦ ᠪᠤᠶᠤ᠂ ᠠᠰᠢᠳᠠ ᠪᠤᠷᠲᠠᠭ ᠢ᠋ᠶ᠋ᠠᠷ ᠦᠬᠦᠭᠰᠡᠨ ᠰᠦᠨᠡᠰᠦ ᠬᠣᠣᠷᠯᠠᠵᠤ ᠡᠪᠡᠳᠴᠢᠨ ᠪᠠ ᠡᠮᠡ ᠶ᠋ᠢᠨ ᠲᠤᠯᠠ ᠭᠡᠮᠲᠡᠬᠦᠢ᠂ ᠠᠰᠢᠳᠠ ᠰᠡᠷᠡᠭᠦᠨ ᠰᠡᠳᠬᠢᠯ ᠲᠠᠴᠢᠶᠠᠩᠭᠤᠢ ᠶ᠋ᠢ ᠨᠣᠮᠣᠬᠠᠳᠬᠠᠵᠤ ᠤᠬᠢᠶᠠᠯ ᠪᠠ ᠢᠲᠡᠭᠡᠯ ᠭᠤᠷᠪᠠᠨ ᠡᠷᠳᠡᠨᠢ ᠶ᠋ᠢ ᠰᠢᠲᠦᠪᠡᠰᠦ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠬᠠᠯᠲᠠᠷ ᠬᠡᠭᠡᠷᠡ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠬᠠᠷᠠ ᠰᠠᠢᠨ ᠢᠪᠡᠭᠡᠯᠲᠦ᠃
○ ᠬᠠᠷᠠᠭᠴᠢᠨ ᠭᠠᠬᠠᠢ ᠵᠢᠯᠲᠦ ᠶ᠋ᠢᠨ ᠠᠮᠢᠨ| ᠤᠰᠤᠨ᠂ ᠪᠡᠶᠡ | ᠤᠰᠤᠨ᠂ ᠡᠷᠬᠡᠲᠡᠨ| ᠤᠰᠤᠨ᠂ ᠬᠡᠢᠮᠣᠷᠢ| ᠭᠠᠯ᠂ ᠰᠦᠨᠡᠰᠦ | ᠲᠡᠮᠦᠷ᠂ ᠳᠠᠯᠠᠢ ᠶ᠋ᠢᠨ ᠤᠰᠤᠨ ᠪᠤᠶᠤ᠃ ᠰᠠᠨᠠᠭᠠ ᠠᠭᠤᠳᠠᠮ ᠂ ᠶᠡᠬᠡᠰ ᠲᠣᠷ ᠬᠠᠢᠷᠠᠲᠠᠢ᠂ ᠪᠤᠶᠠᠨ ᠳᠤᠮᠳᠠ᠂ ᠨᠠᠰᠤᠨ ᠥᠨᠳᠥᠷ᠂ ᠠᠮᠢᠨ ᠣᠮᠣᠭ ᠤ᠋ᠨ ᠬᠥᠪᠡᠭᠦᠨ᠂ ᠡᠷᠬᠡᠲᠡᠨ ᠠᠮᠢᠨ ᠤ᠋ ᠨᠢᠭᠡᠨ ᠠᠳᠠᠯᠢ᠂ ᠵᠠᠶᠠᠭᠠ ᠳᠤᠮᠳᠠ ᠪᠤᠶᠤ᠂ ᠢᠳᠡᠭᠡᠨ ᠬᠤᠪᠴᠠᠰᠤᠨ ᠤ᠋ ᠬᠡᠰᠢᠭ ᠪᠣᠢ ᠠᠲᠠᠯᠠ ᠥᠷᠯᠥᠭᠡ ᠶ᠋ᠢᠨ ᠰᠢᠭᠦᠳᠡᠷᠢ ᠮᠡᠲᠦ᠂ ᠡᠳ᠋ ᠮᠠᠯ ᠦᠰᠬᠦᠢ ᠪᠠᠭᠤᠷᠠᠬᠤᠢ ᠠᠨᠤ ᠦᠶᠡᠷ ᠦ᠋ᠨ ᠤᠰᠤᠨ ᠮᠡᠲᠦ ᠲᠦᠷᠭᠡᠨ᠂ ᠡᠴᠢᠭᠡ ᠡᠬᠡ ᠡᠷᠡ ᠡᠮᠡ ᠬᠠᠭᠠᠴᠠᠬᠤᠢ ᠶ᠋ᠢᠨ ᠢᠷᠣᠠ ᠲᠠᠢ᠂ ᠠᠮᠢᠨ ᠤ᠋ ᠠᠭᠤᠯᠠ ᠶ᠋ᠢ ᠪᠣᠳᠣᠩ ᠪᠦᠷᠬᠦᠭᠰᠡᠨ ᠮᠡᠲᠦ᠂ ᠪᠤᠷᠬᠠᠨ ᠤ ᠣᠷᠣᠨ ᠢ ᠡᠯᠢᠶᠡ ᠪᠤᠯᠢᠶᠠᠭᠰᠠᠨ ᠤ᠋ ᠲᠤᠯᠠ ᠨᠠᠰᠤᠳᠠ ᠭᠡᠮᠰᠢᠭᠦᠯᠡᠩ ᠦᠯᠦ ᠲᠠᠰᠤᠷᠠᠬᠤ᠂ ᠡᠳ᠋ ᠪᠣᠢ ᠪᠥᠭᠡᠰᠦ ᠦᠷᠡ ᠴᠤᠬᠠᠭ᠂ ᠦᠷᠡ ᠨᠠᠰᠤᠨ ᠬᠤᠲᠤᠭ ᠢ ᠡᠯᠢᠶᠡ ᠪᠤᠯᠢᠶᠠᠵᠤ᠂ ᠡᠬᠡᠨᠡᠷ ᠬᠥᠮᠦᠨ ᠨᠡᠩ ᠮᠠᠭᠤ᠂ ᠨᠠᠰᠤᠳᠠ ᠡᠴᠢᠭᠡ ᠡᠬᠡ ᠳ᠋ᠦ᠍ᠷ ᠡᠯᠪᠡᠷᠢᠯᠳᠦ ᠪᠣᠯᠤᠭᠠᠳ ᠭᠣᠮᠴᠣᠢ ᠯᠾ ᠰᠦᠮᠡ ᠶ᠋ᠢ ᠰᠢᠲᠦᠵᠦ ᠬᠠᠩᠰᠢᠭ ᠡᠭᠦᠷᠢᠳᠡ ᠤᠩᠰᠢᠵᠤ ᠵᠠᠯᠪᠠᠷᠢᠪᠠᠰᠤ ᠰᠠᠢᠨ᠂ ᠤᠨᠤᠬᠤ ᠮᠣᠷᠢ ᠰᠢᠷᠭᠠᠯ ᠪᠠ ᠰᠢᠷᠠ ᠰᠠᠢᠨ᠂ ᠡᠮᠦᠰᠬᠦᠢ ᠬᠤᠪᠴᠠᠰᠤᠨ ᠤᠯᠠᠭᠠᠨ ᠪᠣᠷᠣ ᠰᠠᠢᠨ᠃