ᠬᠠᠷᠠᠴᠠ - ᠴᠣ ᠂ ᠣᠷᠱᠤᠨ Харц – Чо ᠂ Оршин
216ᠬᠠᠷᠠᠴᠠ
ᠢᠲᠡᠭᠡᠯ ᠦ᠋ᠨ ᠬᠦᠴᠦᠨ ᠴᠢᠮᠠ ᠳ᠋ᠤ᠌ ᠪᠠᠢᠭᠠ ᠲᠤᠯᠠ
ᠡᠮᠢᠶᠡᠬᠦ ᠪᠣᠳᠣᠯ ᠳ᠋ᠠᠭᠠᠨ ᠬᠠᠯᠢᠷᠠᠵᠤ ᠪᠤᠴᠠᠯ ᠦᠭᠡᠢ
ᠡᠮᠵᠡᠭᠬᠡᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠴᠦᠯᠲᠦ ᠬᠡᠯᠡᠬᠦ ᠳ᠋ᠦ᠍
ᠣᠴᠢ ᠪᠠᠳᠠᠷᠠᠭᠰᠠᠨ ᠨᠢᠳᠦᠨ ᠦ᠌ ᠴᠢᠨᠢ ᠴᠡᠭᠡᠯ ᠳ᠋ᠦ᠍
ᠤᠴᠢᠷᠲᠠᠢᠬᠠᠨ ᠬᠠᠷᠠᠴᠠ ᠲᠣᠨᠣᠯᠵᠢᠨ ᠮᠡᠯᠲᠡᠩᠨᠡᠯᠡ᠂
ᠤᠤᠭᠠᠨ ᠢᠨᠠᠭ ᠤ᠋ᠨ ᠭᠠᠯ ᠬᠠᠢᠷᠠ ᠳ᠋ᠤ᠌
ᠤᠶᠠᠷᠠᠬᠤ ᠬᠦᠳᠡᠷ ᠰᠢᠭ ᠮᠡᠯᠡᠷᠡᠨ ᠬᠠᠢᠯᠤᠯᠠ᠃
ᠳᠤᠭᠤᠢ ᠪᠠᠢᠲᠠᠯᠠ ᠡᠶᠡᠯᠳᠡᠭᠬᠡᠨ ᠪᠣᠳᠣᠭᠳᠠᠬᠤ
ᠳᠤᠷᠠᠯᠠᠯ ᠤ᠋ᠨ ᠴᠣᠭ ᠴᠢᠮᠠ ᠳ᠋ᠤ᠌ ᠪᠠᠢᠭᠠ ᠪᠣᠯᠬᠣᠷ
ᠳᠤᠭᠲᠤᠢᠯᠠᠵᠤ ᠦᠭᠡᠢ ᠠᠮᠢᠳᠤᠷᠠᠯ ᠦᠨᠡᠨ ᠢ᠋ᠶ᠋ᠡᠨ
ᠳᠣᠭᠣᠯᠭᠠᠬᠤ ᠪᠣᠳᠣᠯ ᠢ᠋ᠶ᠋ᠠᠷ ᠬᠠᠯᠲᠤ ᠬᠡᠯᠡᠬᠦ ᠳ᠋ᠦ᠍
ᠬᠣᠶᠠᠷ ᠪᠡᠶᠡ ᠪᠡᠨ ᠢᠲᠡᠭᠡᠭᠰᠡᠭᠡᠷ ᠵᠢᠷᠭᠠᠬᠤ
ᠬᠣᠷᠸᠠ ᠶ᠋ᠢᠨ ᠨᠢᠭᠡᠨ ᠭᠡᠷᠭᠡᠢ ᠪᠠᠢᠵᠠᠢ
ᠬᠣᠢᠴᠢ ᠶ᠋ᠢᠨ ᠪᠦᠪᠡᠢ ᠳ᠋ᠦ᠍ ᠡᠨᠡᠷᠢᠯ ᠰᠦᠯᠡᠬᠦ
ᠬᠣᠣᠰ ᠦᠭᠡᠢ ᠮᠢᠨᠦ ᠪᠦᠰᠡᠭᠦᠢ ᠪᠠᠢᠵᠠᠢ᠃
ᠢᠷᠡᠯᠲᠡ᠄· ᠴᠣ· ᠣᠷᠱᠤᠨ ᠤ᠋《 ᠮᠠᠯᠴᠢᠨ ᠬᠥᠮᠦᠨ ᠦ᠌ ᠳᠠᠭᠤᠤ》 ᠨᠣᠮ ᠠ᠋ᠴᠠ ᠡᠰᠢᠯᠡᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ
2024 04 21