ᠬᠠᠢᠷᠠ ᠶ᠋ᠢᠨ ᠪᠦᠪᠡᠢ- ᠲᠣᠭᠲᠠᠬᠤХайрын бүүвэй-Тогтох
390ᠬᠠᠢᠷᠠ ᠶ᠋ᠢᠨ ᠪᠦᠪᠡᠢ
ᠲᠣᠭᠲᠠᠬᠤ
ᠬᠠᠬᠢᠷ ᠭᠣᠣᠯ ᠤ᠋ᠨ ᠢ᠋ᠶ᠋ᠠᠨ ᠤᠰᠤ ᠰᠢᠭ᠋
ᠬᠠᠢᠷᠠ ᠶ᠋ᠢᠨ ᠤᠨᠳᠤᠷᠤᠭᠠ ᠲᠠᠢ ᠪᠦᠰᠡᠭᠦᠢ ᠶᠦᠮ
ᠬᠠᠷᠢ ᠮᠣᠩᠭᠣᠯ ᠤ᠋ᠨ ᠨᠥᠬᠥᠷᠯᠡᠯ ᠢ᠋
ᠬᠠᠮᠠᠭᠠᠯᠠᠨ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠴᠡᠴᠡᠭ ᠶᠦᠮ
ᠱᠠᠩᠬᠠᠢ ᠶ᠋ᠢᠨ ᠥᠨᠥᠴᠢᠨ ᠬᠡᠦᠬᠡᠳ ᠢ᠋
ᠰᠠᠢᠬᠠᠨ ᠨᠤᠲᠤᠭ ᠲᠠᠭᠠᠨ ᠲᠤᠰᠤᠭᠰᠠᠨ ᠶᠤᠮ
ᠰᠠᠷᠨᠢᠰᠢ ᠦᠭᠡᠢ ᠨᠠᠨᠳᠢᠨ ᠡᠨᠡᠷᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠳ᠋ᠦ᠍ ᠨᠢ ᠬᠦᠷᠭᠡᠭᠰᠡᠨ ᠶᠦᠮ
ᠬᠠᠷᠠ ᠳᠠᠷᠤᠭᠰᠠᠨ ᠵᠡᠭᠦᠳᠦᠨ ᠡᠴᠡ ᠨᠢ
ᠬᠠᠮᠠᠭᠠᠯᠠᠵᠤ ᠠᠪᠤᠷᠠᠭᠰᠠᠨ ᠬᠥᠮᠦᠨ ᠶᠦᠮ
ᠬᠠᠢᠷᠠ ᠪᠢᠯᠬᠠᠷᠠᠭᠰᠠᠨ ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ
ᠬᠠᠯᠠᠮᠵᠢᠯᠠᠵᠤ ᠪᠠᠢᠭᠰᠠᠨ ᠠᠴᠢᠲᠠᠨ ᠶᠤᠮ
ᠬᠠᠲᠠᠭᠤ ᠰᠢᠷᠭᠠᠭᠤ ᠠᠵᠢᠯᠯᠠᠭᠰᠠᠨ ᠴᠤ᠌
ᠬᠠᠷᠢᠭᠤ ᠰᠠᠨᠠᠭᠰᠠᠨ ᠤᠳᠠᠭᠠ ᠦᠭᠡᠢ ᠶᠦᠮ
ᠬᠥᠮᠦᠨ ᠦ᠌ ᠥᠪᠡᠷ ᠦ᠋ᠨ ᠭᠡᠵᠦ ᠢᠯᠭᠠᠳᠠᠭ ᠦᠭᠡᠢ
ᠬᠦᠰᠡᠯᠡᠩ ᠦ᠋ᠨ ᠲᠩᠷᠢ ᠪᠤᠷᠬᠠᠨ ᠶᠤᠮ
ᠥᠷᠥᠭᠡᠯ ᠦ᠋ᠨ ᠬᠡᠦᠬᠡᠳ ᠢ᠋ ᠥᠪᠡᠷ ᠦ᠋ᠨ ᠶᠤᠮ ᠰᠢᠭ᠋
ᠡᠳᠦᠷᠵᠢᠨ ᠰᠠᠨᠠᠳᠠᠭ ᠮᠣᠩᠭᠣᠯ ᠡᠵᠢ ᠶᠦᠮ
ᠦᠯᠡᠮᠵᠢ ᠠᠯᠳᠠᠷ ᠤ᠋ᠨ ᠥᠨᠳᠥᠷᠯᠢᠭ ᠳᠡᠭᠡᠷᠡ
ᠦᠰᠦ ᠪᠡᠨ ᠪᠤᠭᠤᠷᠤᠯᠲᠤᠭᠤᠯᠤᠭᠰᠠᠨ ᠨᠠᠰᠤᠲᠠᠨ ᠶᠤᠮ
ᠭᠠᠯᠪᠠ ᠳᠡᠯᠡᠬᠡᠢ ᠳ᠋ᠦ᠍ ᠳᠠᠭᠤᠷᠢᠰᠤᠭᠰᠠᠨ
ᠭᠠᠢᠬᠠᠮᠰᠢᠭᠲᠤ ᠦᠢᠯᠡᠰ ᠨᠢ ᠮᠥᠩᠬᠡ ᠶᠦᠮ
ᠭᠠᠮᠰᠢᠭᠲᠤ ᠵᠠᠭᠤᠨ ᠤ᠋ ᠤᠯᠪᠠᠭᠠ ᠳ᠋ᠤ᠌
ᠭᠠᠷᠭᠠᠭᠰᠠᠨ ᠵᠢᠳᠬᠦᠯ ᠨᠢ ᠲᠣᠳᠣᠬᠠᠨ ᠶᠤᠮ
ᠭᠠᠪᠢᠶᠠ ᠣᠰᠣᠯ ᠤ᠋ᠨ ᠳᠠᠩᠰᠠᠨ ᠳ᠋ᠤ᠌
ᠭᠠᠷᠮᠠᠭᠠᠢ ᠨᠡᠷᠡ ᠨᠢ ᠮᠥᠩᠬᠡ ᠶᠦᠮ
ᠭᠠᠩᠭᠠᠩ ᠪᠠᠢᠭᠠᠯᠢ ᠲᠠᠢ ᠮᠣᠩᠭᠣᠯ ᠣᠷᠣᠨ
ᠭᠠᠯ ᠬᠠᠯᠠᠭᠤᠨ ᠭᠡᠷ ᠪᠦᠯᠢ ᠶᠦᠮ ᠠ᠋
2024.4.20
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠳᠬᠠᠨᠰᠣᠠ