ᠮᠣᠩᠭᠣᠯ ᠮᠣᠷᠢ-ᠬᠠᠰᠠᠭᠤᠯᠠ Монгол морь-Хасуул
500ᠮᠣᠩᠭᠣᠯ ᠮᠣᠷᠢ
ᠬᠠᠰᠠᠭᠤᠯᠠ
ᠡᠷᠲᠡᠨ ᠦ᠌ ᠪᠤᠭᠤᠷᠤᠯ ᠲᠡᠦᠬᠡ ᠶ᠋ᠢᠨ ᠦᠨᠡᠨ ᠢ᠋
ᠡᠷᠡᠮᠡᠬᠡᠢ ᠰᠢᠨᠳᠠᠰᠤ ᠪᠠᠷ ᠢ᠋ᠶ᠋ᠠᠨ ᠠᠴᠢᠶᠠᠯᠠᠨ ᠳᠠᠪᠬᠢᠭᠰᠠᠨ
ᠡᠵᠡᠨ ᠦ᠌ ᠬᠥᠬᠡ ᠨᠤᠲᠤᠭ ᠤ᠋ᠨ ᠠᠭᠠᠷ ᠢ᠋
ᠡᠶᠡᠯᠳᠡᠭ ᠵᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠦᠦᠷᠰᠡᠨ ᠪᠠᠶᠠᠰᠬᠠᠭᠰᠠᠨ
ᠬᠦᠴᠦᠲᠦ ᠳᠣᠷᠪᠢᠯᠢᠭ ᠨᠢᠷᠤᠭᠤᠨ ᠳᠡᠭᠡᠷᠡ ᠪᠡᠨ
ᠬᠥᠮᠦᠨ ᠵᠤᠨ ᠤ᠋ ᠬᠡᠢᠮᠣᠷᠢ ᠶ᠋ᠢ ᠰᠡᠷᠭᠦᠭᠰᠡᠨ
ᠨᠠᠮᠢᠷᠠᠨ ᠪᠣᠰᠤᠭᠰᠠᠨ ᠲᠣᠷᠭᠠᠨ ᠳᠡᠯ ᠳ᠋ᠡᠭᠡᠨ
ᠨᠠᠷᠠᠯᠠᠭ ᠬᠣᠷᠸᠠ ᠶ᠋ᠢᠨ ᠰᠠᠯᠬᠢ ᠶ᠋ᠢ ᠡᠷᠴᠢᠯᠡᠭᠰᠡᠨ
ᠲᠦᠮᠡᠨ ᠭᠠᠵᠠᠷ ᠤ᠋ᠨ ᠠᠶᠠᠨ ᠤ᠋ ᠡᠪᠬᠡᠬᠦ ᠳ᠋ᠦ᠍
ᠴᠠᠬᠢᠯᠵᠤ ᠢᠰᠬᠡᠷᠦᠭᠰᠡᠨ ᠲᠩᠷᠢ ᠶ᠋ᠢᠨ ᠴᠠᠬᠢᠯᠭᠠᠨ
ᠳᠥᠷᠥᠭᠡ ᠵᠢᠭᠢᠬᠦ ᠳ᠋ᠦ᠍ ᠬᠤᠷᠳᠤ ᠪᠠᠨ ᠭᠠᠢᠬᠠᠭᠤᠯᠤᠭᠰᠠᠨ
ᠴᠡᠩᠬᠡᠷ ᠲᠠᠮᠠᠭᠠ ᠲᠠᠢ ᠭᠠᠵᠠᠷ ᠤ᠋ᠨ ᠰᠢᠭᠤᠷᠭᠠ
ᠠᠯᠤᠰ ᠲᠡᠷᠲᠡᠭᠡ ᠬᠣᠯᠠ ᠶ᠋ᠢᠨ ᠵᠠᠭᠤᠨ ᠠ᠋ᠴᠠ
ᠣᠷᠴᠢᠯᠠᠩ ᠢ᠋ ᠰᠡᠷᠭᠦᠭᠡᠨ ᠣᠮᠣᠭᠯᠠᠩ ᠴᠣᠪᠬᠣᠴᠢᠭᠰᠠᠨ
ᠣᠮᠣᠭ ᠲᠡᠭᠦᠯᠳᠡᠷ ᠳᠡᠭᠦᠯᠢᠬᠦ ᠳᠠᠪᠬᠢᠭᠠᠨ ᠳ᠋ᠠᠭᠠᠨ
ᠠᠷᠢᠭᠤᠨ ᠰᠣᠶᠣᠯ ᠢ᠋ᠶ᠋ᠠᠨ ᠲᠣᠪᠴᠢᠶᠠᠯᠠᠨ ᠠᠴᠢᠭᠰᠠᠨ
ᠲᠡᠢᠨ ᠪᠠᠢᠯᠳᠤᠭᠠᠨ ᠳ᠋ᠤ᠌ ᠬᠤᠯᠮᠠᠢᠨ ᠤᠬᠤᠷᠢᠬᠤ ᠦᠭᠡᠢ
ᠲᠩᠷᠢ ᠶ᠋ᠢᠨ ᠠᠶᠤᠩᠭᠠ ᠲᠣᠭᠰᠢᠨ ᠴᠤᠤᠷᠢᠶᠠ
ᠳᠠᠢᠰᠤᠨ ᠤ᠋ ᠭᠠᠷ ᠲᠤ᠌ ᠡᠵᠡᠨ ᠢ᠋ᠶ᠋ᠡᠨ ᠬᠠᠶᠠᠬᠤ ᠦᠭᠡᠢ
ᠳᠡᠷᠭᠡᠳᠡ ᠨᠢ ᠬᠠᠨᠢ ᠳᠡᠯ ᠲᠡᠢ ᠨᠥᠬᠥᠷ
ᠲᠥᠷᠥ ᠭᠦᠷᠦᠨ ᠳ᠋ᠡᠭᠡᠨ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ
ᠵᠢᠪᠬᠤᠭᠠᠲᠤ ᠴᠠᠭ ᠤ᠋ᠨ ᠡᠷᠴᠢ ᠰᠢᠨᠳᠠᠰᠤ
ᠲᠦᠮᠡᠨ ᠣᠯᠠᠨ ᠳ᠋ᠠᠭᠠᠨ ᠱᠠᠭᠰᠢᠯ ᠪᠣᠯᠤᠭᠰᠠᠨ
ᠵᠢᠷᠭᠠᠯᠠᠩᠲᠤ ᠠᠮᠢᠳᠤᠷᠠᠯ ᠤ᠋ᠨ ᠮᠥᠩᠬᠡ ᠶ᠋ᠢᠨ ᠠᠯᠳᠠᠷ
ᠳᠡᠭᠵᠢᠷᠡᠬᠦ ᠦᠢᠯᠡᠰ ᠲᠦ᠍ ᠬᠦᠴᠦ ᠪᠡᠨ ᠥᠭᠭᠦᠭᠰᠡᠨ
ᠲᠦᠪᠰᠢᠨ ᠡᠷᠢᠨ ᠦ᠌ ᠲᠣᠷᠭᠠᠨ ᠵᠢᠯᠣᠭᠣ
ᠡᠩᠬᠡ ᠲᠠᠢᠪᠤᠩ ᠤ᠋ᠨ ᠬᠡᠢᠮᠣᠷᠢ ᠳᠠᠯᠠᠯᠤᠭᠰᠠᠨ
ᠡᠭᠦᠯᠡᠨ ᠬᠡ ᠲᠡᠢ ᠲᠤᠤᠯᠠ ᠶ᠋ᠢᠨ ᠠᠳᠤᠭᠤᠳ
ᠬᠤᠭᠤᠷ ᠤ᠋ᠨ ᠲᠡᠷᠢᠭᠦᠨ ᠳ᠋ᠦ᠍ ᠬᠠᠳᠠᠭ ᠲᠠᠢ ᠵᠠᠯᠠᠷᠠᠭᠰᠠᠨ
ᠬᠤᠪᠢᠯᠭᠠᠨ ᠵᠢᠭᠦᠷᠲᠦ ᠰᠢᠪᠠᠭᠤᠨ ᠰᠠᠷᠠᠯ
ᠤᠯᠤᠰ ᠣᠷᠣᠨ ᠤ᠋ ᠪᠠᠨ ᠠᠯᠳᠠᠷ ᠢ᠋ ᠡᠷᠭᠦᠭᠰᠡᠨ
ᠤᠶᠠᠩᠭᠠ ᠶ᠋ᠢᠨ ᠲᠦᠷᠡᠯᠭᠡ ᠲᠡᠢ ᠮᠣᠯᠣᠷ ᠡᠷᠳᠡᠨᠢ
ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠣᠯ ᠮᠣᠷᠢᠨ ᠤ᠋
ᠰᠢᠨᠳᠠᠰᠤ ᠬᠠᠲᠠᠭᠤ ᠵᠢᠷᠤᠭ ᠰᠠᠨᠠᠭᠠ
ᠰᠢᠨᠡ ᠴᠠᠭ ᠤ᠋ᠨ ᠬᠦᠷᠳᠦ ᠶ᠋ᠢ ᠲᠦᠯᠬᠢᠭᠰᠡᠨ
ᠰᠢᠨᠲᠠᠷᠠᠰᠢ ᠦᠭᠡᠢ ᠲᠡᠮᠡᠴᠡᠯᠲᠡ ᠤᠷᠤᠭᠰᠢᠯᠠᠯᠲᠠ
ᠬᠠᠶᠢᠭ ᠵᠠᠷᠤᠳ ᠬᠣᠰᠢᠭᠤ ᠭᠡᠷᠴᠢᠯᠠᠭᠤ ᠰᠤᠮᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠠᠨᠰᠣᠠ
ᠬᠢᠨᠠᠭᠴᠢ᠄ ᠤᠳᠬᠠᠨᠰᠣᠠ᠂ ᠬᠠᠰᠠᠭᠤᠯᠠ