ᠨᠠᠢ᠍ᠮᠠᠨ ᠰᠠᠭᠤᠳᠠᠯ ᠤᠨ ᠰᠠᠢᠨ ᠮᠠᠭᠤ ᠶᠢᠨ ᠢᠯᠡᠷᠬᠡᠢ ᠲᠠᠢᠯᠪᠤᠷᠢᠯᠠᠯ Найман суудлын сайн муугийн илэрхий тайлбарлал
357 2. ᠰᠢᠷᠣᠢ ᠶ᠋ᠢᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠭᠡᠷ ᠡᠷᠦᠬᠡ ᠨᠡᠭᠦᠬᠦ ᠪᠤᠶᠤ ᠨᠤᠲᠤᠭ ᠲᠠᠪᠰᠢᠵᠤ ᠪᠣᠯᠬᠤ ᠦᠭᠡᠢ᠃ ᠬᠥᠭᠰᠢᠨ ᠮᠠᠯ ᠠᠪᠬᠤ ᠪᠠ ᠬᠠᠭᠤᠴᠢᠨ ᠭᠡᠷ ᠡᠪᠳᠡᠬᠦ ᠶ᠋ᠢ ᠴᠡᠭᠡᠷᠯᠡ᠂ ᠭᠠᠵᠠᠷ ᠤ᠋ᠨ ᠡᠭᠦᠳᠡ ᠪᠠᠭᠤᠬᠤ᠂ ᠮᠣᠳᠣ ᠵᠠᠢᠯᠠᠬᠤ᠂ ᠲᠠᠩᠭᠠᠷᠢᠭ ᠨᠢᠴᠤᠭᠠᠬᠤ ᠮᠠᠭᠤ ᠶ᠋ᠢ ᠳᠠᠷᠤᠬᠤ ᠳ᠋ᠤ᠌ ᠰᠠᠢᠨ᠃ ᠪᠡᠯᠪᠡᠰᠦᠨ ᠡᠴᠡ ᠪᠢᠲᠡᠭᠡᠢ ᠶᠠᠭᠤᠮᠠ ᠠᠪ᠂ ᠦᠬᠦᠭᠰᠡᠳ ᠢ ᠣᠷᠣᠰᠢᠭᠤᠯᠬᠤ ᠠ᠋ᠴᠠ ᠵᠠᠢᠯᠠ᠂ ᠢᠯᠠᠩᠭᠤᠶᠠ᠂ ᠪᠠᠨᠳᠢ᠂ ᠪᠣᠮᠪᠣ᠂ ᠬᠤᠤᠱᠠᠩ ᠲᠠᠢ ᠬᠡᠷᠡᠭᠦᠯ ᠪᠦᠦ ᠬᠢᠭᠡᠷᠡᠢ᠃
3. ᠲᠡᠮᠦᠷ ᠦ᠋ᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠮᠣᠳᠣᠨ ᠦᠢᠯᠡ ᠦᠢᠯᠡᠳᠬᠦ ᠳ᠋ᠦ᠍ ᠰᠠᠢᠨ᠂ ᠲᠠᠩᠭᠠᠷᠢᠭ ᠨᠢᠴᠤᠭᠠᠬᠤ᠂ ᠠᠩ ᠭᠥᠷᠥᠭᠡᠰᠦ ᠬᠢᠬᠦ ᠳ᠋ᠦ᠍ ᠰᠠᠢᠨ᠃ ᠮᠥᠰᠥ ᠬᠥᠯᠳᠡᠬᠦ ᠪᠠ ᠬᠠᠢᠯᠬᠤ ᠴᠠᠭ ᠲᠤ᠌ ᠭᠡᠮ ᠢᠷᠡᠬᠦ ᠶ᠋ᠢ ᠬᠢᠴᠢᠶᠡ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠳᠥᠷᠪᠡᠨ ᠦ᠌ ᠡᠳᠦᠷ ᠦ᠋ᠨ ᠨᠠᠷᠠ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍ ᠵᠡᠭᠦᠨ ᠪᠠ ᠵᠡᠭᠦᠨ ᠡᠮᠦᠨᠡ ᠵᠦᠭ ᠪᠦᠦ ᠣᠴᠢ᠃
4. ᠣᠭᠲᠠᠷᠭᠤᠢ ᠶ᠋ᠢᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠭᠠᠵᠠᠷ ᠬᠥᠬᠡᠷᠡᠬᠦ ᠦᠶᠡ ᠳ᠋ᠦ᠍ ᠮᠠᠭᠤ᠃ ᠣᠭᠲᠠᠷᠭᠤᠢ ᠶ᠋ᠢᠨ ᠡᠭᠦᠳᠡ ᠰᠠᠬᠢᠬᠤ᠂ ᠭᠦᠷᠢᠮ ᠵᠠᠰᠠᠯ ᠬᠢᠯᠭᠡᠬᠦ᠂ ᠶᠡᠬᠡᠰ ᠲᠦ᠍ ᠠᠭᠤᠯᠵᠠᠬᠤ ᠳ᠋ᠤ᠌ ᠰᠠᠢᠨ ᠂ ᠬᠠᠭᠤᠴᠢᠨ ᠭᠡᠷ ᠡᠪᠳᠡᠬᠦ᠂ ᠭᠡᠷ ᠦ᠋ᠨ ᠰᠠᠭᠤᠷᠢ ᠲᠠᠯᠪᠢᠬᠤ᠂ ᠭᠡᠷ ᠪᠠᠷᠢᠬᠤ᠂ ᠨᠡᠭᠦᠳᠡᠯᠯᠡᠬᠦ᠂ ᠴᠡᠷᠢᠭ ᠲᠦ᠍ ᠮᠣᠷᠳᠠᠬᠤ ᠳ᠋ᠤ᠌ ᠪᠦᠷ ᠮᠠᠭᠤ᠂ ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠰᠢᠨᠡ ᠶ᠋ᠢᠨ ᠨᠠᠢ᠍ᠮᠠᠨ ᠤ᠋ ᠡᠳᠦᠷ ᠨᠠᠷᠠ ᠵᠢᠷᠭᠠᠬᠤ ᠦᠶᠡ ᠳ᠋ᠦ᠍ ᠵᠡᠭᠦᠨ ᠠᠮᠤᠨᠠ ᠵᠦᠭ ᠪᠤᠤ ᠣᠴᠢ᠃
5. ᠤᠰᠤᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠤᠰᠤ ᠦᠶᠡᠷᠯᠡᠬᠦ ᠦᠶᠡ ᠳ᠋ᠦ᠍ ᠭᠡᠮ ᠢᠷᠡᠬᠦ᠃ ᠪᠤᠷᠬᠠᠨ᠂ ᠯᠤᠤᠰ ᠳᠠᠬᠢᠬᠤ ᠵᠠᠳ ᠪᠠᠷᠢᠬᠤ᠂ ᠬᠠᠷᠢᠭᠤᠯᠭᠠ ᠬᠢᠬᠦ᠂ ᠲᠡᠮᠦᠷ ᠤᠷᠠᠯᠠᠬᠤ ᠠᠵᠢᠯ ᠳ᠋ᠤ᠌ ᠰᠠᠢᠨ᠃ ᠬᠠᠷᠠ ᠥᠩᠭᠡᠲᠦ ᠶᠠᠭᠤᠮᠠ ᠣᠯᠬᠤ ᠶ᠋ᠢ ᠬᠢᠴᠢᠶᠡᠨ᠃ ᠪᠤᠵᠠᠷ ᠡᠪᠡᠳᠴᠢᠲᠡᠨ ᠦ᠌ ᠭᠡᠷ ᠲᠦ᠍ ᠪᠦᠦ ᠣᠷᠣ᠃ ᠶᠡᠬᠡ ᠭᠣᠣᠯ ᠭᠠᠲᠤᠯᠬᠤ᠂ ᠵᠢᠭᠠᠰᠤ ᠪᠠᠷᠢᠬᠤ᠂ ᠰᠤᠪᠠᠭ ᠭᠣᠣ ᠲᠠᠲᠠᠬᠤ ᠶ᠋ᠢ ᠴᠡᠭᠡᠷᠯᠡ᠃ ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠡᠳᠦᠷ ᠦ᠋ᠨ ᠦᠳᠡ ᠶ᠋ᠢᠨ ᠬᠣᠢᠨᠠ᠂ ᠡᠮᠦᠨᠡ ᠪᠠ ᠵᠡᠭᠦᠨ ᠵᠦᠭ ᠪᠦᠦ ᠣᠴᠢ᠃
6. ᠠᠭᠤᠯᠠᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠬᠠᠯᠠᠭᠤᠨ ᠬᠦᠢᠲᠡᠨ ᠬᠤᠪᠢᠰᠬᠤ ᠦᠶᠡ ᠳ᠋ᠦ᠍ ᠭᠡᠮ ᠢᠷᠡᠬᠦ᠃ ᠨᠣᠮ ᠤ᠋ᠨ ᠡᠭᠦᠳᠡᠨ ᠳ᠋ᠦ᠍ ᠣᠷᠣᠬᠤ᠂ ᠮᠣᠷᠢ ᠠᠳᠤᠭᠤᠰᠤ ᠨᠣᠮᠣᠬᠠᠳᠬᠠᠬᠤ᠂ ᠭᠡᠷ ᠦ᠋ᠨ ᠰᠠᠭᠤᠷᠢ ᠳᠠᠯᠪᠠᠬᠤ ᠪᠠ ᠭᠡᠷ ᠪᠦᠷᠢᠬᠦ ᠳ᠋ᠦ᠍ ᠪᠦᠷ ᠰᠠᠢᠨ᠂ ᠬᠠᠭᠤᠴᠢᠨ ᠰᠢᠲᠦᠭᠡᠨ ᠶᠠᠭᠤᠮᠠ ᠶ᠋ᠢ ᠪᠦᠦ ᠡᠪᠳᠡ᠃ ᠲᠠᠩᠭᠠᠷᠢᠭ ᠤ᠋ᠨ ᠡᠳ᠋ ᠢ ᠪᠦᠦ ᠡᠳᠡᠯᠡ᠂ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠳ᠋ᠤ᠌ ᠪᠦᠦ ᠣᠷᠣᠯᠴᠠ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠨᠢᠭᠡᠨ ᠦ᠌ ᠰᠥᠨᠢ ᠵᠡᠭᠦᠨ ᠡᠮᠦᠨᠡ ᠪᠠ ᠬᠣᠢᠲᠤ ᠵᠦᠭ ᠪᠦᠦ ᠣᠴᠢ᠃
7. ᠮᠣᠳᠣᠨ ᠤ᠋ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠮᠣᠳᠣᠨ ᠨᠠᠪᠴᠢ ᠳᠡᠯᠭᠡᠷᠡᠬᠦ ᠦᠶᠡ ᠳ᠋ᠦ᠍ ᠮᠠᠭᠤ᠂ ᠲᠡᠭᠷᠢ ᠪᠤᠷᠬᠠᠨ ᠲᠠᠬᠢᠬᠤ᠂ ᠮᠣᠳᠣ ᠵᠠᠢᠯᠠᠬᠤ᠂ ᠭᠡᠷ ᠪᠠᠢᠰᠢᠩ ᠤ᠋ᠨ ᠰᠠᠭᠤᠷᠢ ᠲᠠᠯᠪᠢᠬᠤ ᠳ᠋ᠤ᠌ ᠰᠠᠢᠨ᠃ ᠮᠣᠳᠣ ᠣᠭᠲᠣᠯᠬᠤ ᠦᠢᠯᠡ ᠪᠦᠷ ᠮᠠᠭᠤ᠃ ᠶᠠᠷᠠ ᠰᠢᠷᠬᠠ ᠲᠠᠢ ᠬᠥᠮᠦᠨ ᠡᠴᠡ ᠵᠠᠢᠯᠠ᠃ ᠬᠡᠭᠡᠷᠡ ᠶ᠋ᠢᠨ ᠠᠷᠢᠶᠠᠲᠠᠨ ᠤ᠋ ᠮᠢᠬᠠ ᠢᠳᠡᠬᠦ ᠶ᠋ᠢ ᠴᠡᠭᠡᠷᠯᠡ᠂ ᠢᠯᠠᠩᠭᠤᠶᠠ ᠲᠠᠤᠯᠠᠢ ᠶ᠋ᠢᠨ ᠮᠢᠬᠠ ᠴᠡᠭᠡᠷᠯᠡᠪᠡᠯ ᠰᠠᠢᠨ᠃ ᠶᠢᠰᠦᠨ ᠰᠠᠷᠠ ᠶ᠋ᠢᠨ ᠬᠣᠷᠢᠨ ᠬᠣᠶᠠᠷ ᠤ᠋ᠨ ᠡᠳᠦᠷ ᠪᠠᠷᠠᠭᠤᠨ ᠪᠠ ᠪᠠᠷᠠᠭᠤᠨ ᠬᠣᠢᠲᠤ ᠵᠦᠭ ᠪᠤᠤ ᠶᠠᠪᠤ᠃
8. ᠬᠡᠢ ᠶ᠋ᠢᠨ ᠰᠠᠭᠤᠳᠠᠯ : ᠡᠨᠡ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠪᠠᠯ ᠲᠠᠯᠠ ᠬᠥᠬᠡᠷᠡᠬᠦ ᠦᠶᠡ ᠳ᠋ᠦ᠍ ᠮᠠᠭᠤ᠃ ᠲᠠᠷᠨᠢ ᠲᠣᠭᠲᠠᠭᠠᠯ ᠲᠣᠭᠠᠯᠠᠬᠤ ᠬᠠᠷᠢᠭᠤᠯᠭᠠ ᠬᠢᠬᠦ ᠮᠡᠲᠦᠰ ᠦ᠋ᠨ ᠬᠠᠲᠠᠭᠤ ᠦᠯᠠ ᠳ᠋ᠤ᠌ ᠰᠠᠢᠨ᠃ ᠰᠠᠯᠬᠢᠨ ᠤ᠋ ᠵᠦᠭ ᠲᠠᠩᠭᠠᠷᠢᠭᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠬᠤᠷᠢᠮ ᠨᠠᠢᠷ ᠤ᠋ᠨ ᠭᠠᠵᠠᠷ ᠪᠦᠦ ᠣᠴᠢ᠃ ᠳᠣᠯᠣᠭᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠤ᠋ ᠡᠳᠦᠷ ᠵᠡᠭᠦᠨ ᠵᠦᠭ ᠪᠣᠯᠤᠨ ᠡᠮᠦᠨᠡ ᠵᠦᠭ ᠪᠦᠦ ᠣᠴᠢ᠃